12-4(mon) 一擲千金
睇o左幾集許冠文o個個悶爆節目“一擲千金”…真係不得不佩服佢點可以主持一個節目主持得咁悶?! 個節目本身已經夠悶o架喇, 一味係咁o係度開箱, 仲要懶係緊張咁叫個banker (居然係羅君左…!!!) 開個數, 然後個參賽者又懶緊張咁睇o下賣定唔賣…真係唔該晒!
之前幾集台慶特別版搵d藝員上o黎玩都叫做好睇d, 起碼觀眾識佢o地呀嘛…之前係d三唔識七o既參賽者, 真係好yim悶囉…不過佢d參賽者又真係個個都幾好戲, 同埋幾識製造氣氛, 至少佢o地都會扮到懶緊張咁…可能佢o地話之前要interview, 就係考o下你d戲好唔好! 不過個節目本身悶成咁都係無得救, 再加上許伯伯更加係悶上加悶…唯一係有一jar少女出o黎做千金小姐…可能可以達到養眼的效果…同埋最緊要係可以等tvb有機會一次過介紹n個新人嘛!
個節目咁悶…玩o下呢個“一擲千金網上版”好過啦!
http://playnow.workisboring.com:8888/games/index.php?act=play&id=265&cid=7
反而禮拜六晚有個“新”節目幾好睇…咪就係食住“美女廚房”個勢推出o既學廚出更囉! 搵o左因為“美女廚房”而人氣急升o既主持 (唔係鄭中基) 周中師傅…佢真係繼黎明之後另一金句王…真係笑死你無命賠! 廚師之中佢都算最出位!
今次除o左個搞笑周中師傅, 仲有另一個不嬲我都覺得佢勁抵死o既毛舜筠…其實八十年代睇佢做戲覺得佢嬌滴滴咁, 唔似係講o野咁抵死轉數咁快o個隻囉…但又係低估o左佢! 上年佢幫亞視主持 “三個a cup的女人” 時已經笑死我…係繼曾華倩之後另一個o係抵死啜核方面令我大為欣賞o既八十年代嬌俏花旦! 以前睇佢o地講對白都陰聲細氣咁, 又點會諗到原來佢o地往後可以變得咁抵死?! o個個年代d花旦真係唔可以睇少!
連帶o個個做“有喜”o既新人唐素琪都做得唔錯…成個節目都幾好笑o下! 臨尾d學廚煮完仲要d評判俾分…而d分居然係分五級, 分別係:“豬食, 狗食, o靚食, 人食, 神食”…真係白癡得o黎但又好抵死! 可惜有幾集miss o左…因為個錄影機個預錄function壞o左嘛, 出o左街又錄唔到…好彩tvb網頁好似有得睇番!
五集之中最好睇o個集係阿sa煮o野俾華仔食…佢搵o既學廚同埋嘉賓都幾有份量…成件事都幾好笑囉!
又睇o左一兩集肥姐o個個“友緣相聚”節目…其實對我o黎講唔係太好睇, 因為大部份人我都唔多識佢o地! 有一集係訪問王羽…嘩! 估唔到佢咁有錢喎…間屋大到好似皇宮咁! 唔怪得知佢當年嫌鄭嘉穎襯唔起佢個女王馨平啦…不過嘉穎仔無做佢女婿都可能執番身彩, 因為王羽個感覺真係好惡好兇囉!
咁o岩見到一張相…係一張十幾年前幾個樂壇新人鄭嘉穎, 曹永廉, 馬浚偉o既合照…依家居然佢o地三個都轉戰電視圈…
posted by 芒姐 at 12:55 下午
6 Comments:
http://cqchess.hkflash.com/quiz.asp?qid=big5_chi
Mon jeh,
since the topic today is about game, here is a simple flash game, but very HK:
http://maggiemarket.kizash.com/games/dai_pai_dong/
之前係咪有人問正字王0係台慶邊part跳舞呀?
網上搵到架:
「王貽興原來有份表演tvb 台慶show，就係阿叻o固part，一班男仔玩拋帽o固到，佢話練佐好耐架
王貽興已經簽約成為無線藝員~~~竟然!!!」
* * * * * * * * * * * * * * * * * *
「星期天，又是收看「最緊要正字」的時間。
緊接著的台慶，本來毫無興趣，但是因為貽興有份表演跳舞的關係（跟「叻哥」陳百祥和其他藝員們），我坐在電視機前緊盯著螢光幕搜尋貽興的蹤影。貽興，沒想到你跳舞還真不錯耶！還有你對鏡頭的敏感度實在是厲害！你的表情也太「鬼衇」了（笑）！」
* * * * * * * * * * * * * * * * * *
「有人留言說「他近來太過塑造自己是偶像的形象」，這一點請恕我不敢苟同。正如雲海所說：
一個有才華的作家，在香港無用武之地。買書人少，稿費少，港外市場都是盜版。要做香港作家，興趣要好大，亦本身不用養家。見他做節目主持，在無線做台慶跳舞，也算一種出路。讀過《路中拾遺》的話，便會明白貽興一直走過的路都很艱辛的。從默默無聞到現在開始為人所認識，有讀者會買他的書來看，這條路，作為外人的我們根本不能體會。長得帥，老套的說：「是阿媽生成。」有讀第三期《字花》中王貽興的訪問的話，便會知道他其實並不覺得自己的臉比別人好看多少，也不止一次說過自己很少照鏡。所以我相信他根本無意塑造自己為「偶像派」。他現在做的（簽TVB，在台慶跳舞，做節目主持等等），都是為生計為養家，也令更多人認識「王貽興」這個人，是一種出路。
當初開始留意貽興，不諱言是因為他長得帥。但是到現在欣賞喜歡貽興，是因為他感性的文字和他的努力。
長得帥，並不代表一定就是走「偶像派」路線的。」
匿名,
坦白講, 雖然人o地阿貽興係 “有型靚仔”…但我的確係睇佢唔到…反而留意到無咁靚仔o既黃祖藍! 阿才子走去搞埋d咁o既o野, 真係sorry晒!
連朱樂言d視評都話, 如果阿才子唔係咁懶靚/型仔而係sell才情 (which我真係唔知佢o既才情去到邊…唔係讚/彈佢, 而係我真係唔知), 即係好似同節目其他學者咁, 會討好好多囉!
shawmag,
個game咁似我以前好鍾意玩o個個出前一丁煮面game o既? 不過都幾好玩喎!
匿名,
嘩! 呢個錯別字game難又唔係話好難, 不過要計住時好大壓力, 一錯o左就更大壓力, tend to愈錯愈多囉…哈!
發佈留言
<< Home