1-21(mon) 翡翠戀曲
嘩…禮拜六o係電視睇o左d“十大中文金曲”…勁悶! 好彩攞唔到飛去睇…真係塞翁失馬! 如果唔係成晚悶爆!
依家夜晚12點追緊重播o既“翡翠戀曲”…因為04年首播時無睇到…估唔到出奇地幾好睇, 幾刺激, 幾緊湊喎! 我以為係講o下d玉石咁, 原來係“恐怖片”o黎…睇得人幾緊張o下! 仲要更出奇係我身邊鬥有無數個朋友都不約而同話我聽追緊呢套劇…都話無綫o係深夜時段開拓呢個上班一族market係無錯o架啦…真係商機無限!
睇到節目表, 原來亞視朝早五點幾又 [ 注意: 一定要用個“又”字, 因為我o係05年重播時都已經咁寫] 重播“Q表姐”…已經係呢十幾年o黎第n次…但我每次睇依然覺得幾好睇!
05年重播時本來寫o左大半篇o既review…終於有機會寫埋佢再post出o黎…哈! 仲有, 一定要推介當時o既戴夢夢...真係好可愛...依家就...ok啦!
早排有讀者提到"黃土恩情"…令我諗起90-91年o個排下午兩點幾時段, 無再播日本的花王劇場, 反而播好多無o係黃金時段播過o既新劇, 即係好似早排深夜o既"翡翠首映"咁!
又俾我o係youtube見到另一套o個段時期放o係下午兩點幾但居然大收旺場o既"日月神劍", 仲勁到有得拍續集添! 都幾好睇, 你知我好少鍾意睇古裝劇o架啦!
唔知有無人記得呢套劇? 反而無重點宣傳o既第一輯好睇好多, 續集已經無咁好睇, 但又有得放o係黃金時段播…o個時覺得楊羚幾靚, 同埋鍾意睇佢拍郭晉安多過張衛健!
(日月神劍)
第二輯時張衛健已經紅o左, 首"真真假假"仲有得做主題曲…
(日月神劍2)
網上流傳呢個《花園酒店員工RAP》歌曲…內容有幾多成真就無從稽考, 不過真係幾有新意, 都rap得有板有眼, mix得幾好添…最抵死係能夠用陰柔o既聲線唱出lmfo既神粹…幾得喎! 估唔到內地o既朋友依家咁前衛!
仲有, 呢段新聞都真係好“詭異”o下…
“黃 璦 瑤 BB 食 橙 止 痛
黃 璦 瑤 （ 左 ） 同 寶 珮 如 （ 右 ） 等 前 晚 o係 觀 塘 出 席 亞 視 劇 集 《 靈 舍 不 同 》 o既 慰 勞 宴 ， 黃 璦 瑤 話 完 成 該 戲 後 就 會 稍 作 休 息 ， 專 心 o係屋 企 湊 佢 9 個 月 大 o既 仔 ， 她 話 早 幾 日 屋 企 發 生 意 外 ， 佢 話 ： 「 o個 日 個 工 人 要 出 門 口 ， 放 o左 佢 落 梳 化 ， 自 己 就 搣 緊 橙 ， 點 知 唔 夠 1 秒 ， 個 仔 就 由 梳 化 跌 落 地 係 咁 喊 ， 嚇 到 我 同 個 工 人 手 騰 腳 震 ， 之 後 我 搣 埋 個 橙 畀 舊 橙 BB 食 ， 佢 就 已 經 唔 記 得 喇 。 」”
posted by 芒姐 at 11:12 下午
25 Comments:
芒姐,
嘩好多謝你post左真真假假出黎!Throughout我既幼稚園時代,最令我深刻既就係呢套劇!我一直都唔知呢套劇原來係叫日月神劍2,但識得唱真真假假呢4粒字。一日唱到黑果種...總之就好鐘意睇,雖然我覺得當時我係唔太明佢講咩亦唔知張衛健係乜水...但竟然係深刻到我仲好記得結局時我問我媽咪"點解電視要有結局架?"亦因為咁,自我有意識起我媽咪係咁同我講"你好細個就已經好鐘意張衛健架喇"...搞到我唔多唔少對張衛健都有d情意結,到左依家,有佢份做既劇,點都會睇一睇。
芒姐, 我係網上larp到套新劇(應該係新掛)好似叫"秀才愛上兵", 係馬浚偉同yumiko, 好得人驚呀, 似乎就係照dub"秀才遇著兵", 即係陳豪, 周麗淇果套, aiya...連d名都咁似...
無線一向都有"參考"其他國家既劇ga la, 不過今次照抄番自己?? 會唔會有的... =.=""
我好像有看過日月神劍的首播,但我記得好像是下午6點播的???
以我的記憶, 第一輯好看些, 不過畫質很差, 後來聽說這劇原本只是拍來給外地租看的錄影帶, 所以較差.
雖然芒姐你的題目標題剩係寫翡翠戀曲,但係仲有提好多其他野喎...
不過好開心你提《日月神劍》同《捉妖奇兵》!!呢兩套劇都係"賣飛佛"!!的確第一輯係好睇d(仲出左vcd添),不過d色水係差d,又好明顯粗糙d,之但係都係玩神魔鬥,第二輯真係太胡鬧啦,雖然可以話因為張衛健紅左,佢又鍾意扮周星馳....之但係第二輯無論係楊羚或者係劉玉翠都靚!楊羚比第一輯靚添!而劉玉翠當年都幾得意架,係估唔到佢咁快跌左落黎...
一套下午首播的劇集可以紅到拍續集,都真係幾勁架!當年既張衛健無而家咁浮誇,就算覺得佢扮周星馳(蓋世豪俠時期)都仲係好好笑,而郭晉安真係好靚仔.....
"黃土恩情"勁好睇架! 當年有幸睇過三分一.
仲有一套夜晚播既"燃燒歲月", 陳國邦做主角(少年), 有劉青雲, 羅慧娟, 邵美琪,龔慈恩, 林尚武 ...
哈哈原來套劇叫日月神劍2! 我都唔記得! 但果時真係勁鍾意睇! 成套劇好似齋識張衛健(細個係咁架喇只會留意個主角架咋)..不過首主題曲真真假假真係唔好講笑! 記得首主題曲重多過個劇情! 果時朋輩間好HIT架! 成日日唱夜唱! 果時LAST果句歌詞「只要 相信它」勁俾我地呢班細佬加加改改架, 但係改完係冇意思架但唔知點解果時個個都O係度改 -_- 哈哈, BTW, 我細個(even而家)都好鍾意睇呢D纇型既古裝片! (即係打打下會出哂火呀, 有黃色光飛出黎果D電腦加上去呢野呢)
講開秀才愛上兵..
YUMIKO比我想像中做得好DD (但不代表好), 但成套劇真係好秀才遇著兵囉..點解無線都搞咁多呢D好似係續集但其實唔係既劇出黎呀..... 可唔可以唔好搵D咁similiar又或者o係原名加個"2"字既劇名呀..!!
christy,
其實我有少少覺得"真真假假"同套劇唔係好配合, 只係因為首歌大紅先用呢首歌做主題曲, 感覺反而有d怪!
"秀才愛上兵"我嘗試睇o左一集...勁無聊, 不過無無謂謂都可以笑o下o既...d配角做得好過d主角...yumiko真係無觀眾緣...無法! 無綫又想借當年大受歡迎o既劇再整套o野扮"續集"去捧人, 唔係次次都行得通o架嘛!
艾麗絲謝 Agnes Tse,
"燃燒歲月"當年都係大製作...不過呢種劇永遠都係有口碑無收視, 呢套都好似唔算收得差o架喇!
jj,
第一輯係出奇的好睇, 又可能放o係下午大家苶咩期望...但估唔到可以hit到拍續集!
係啦...劉玉翠當年入無綫時個勢好勁o架...估唔到之後會咁....
阿君,
um...應該係2點幾, o個時返上午班食完飯就勁睇電視, 一邊睇電視先一邊溫書...6點我好似會去瞓晏覺...哈哈哈, 所以應該唔係...6點!
第一輯真係有驚喜, 睇完之後仲好鍾意o個幾個主角添!
牛奶妹,
係呀, 依家tbb最鍾意抄番自己d舊劇跟住搵一堆人面全非的新主角去拍所謂的"續集", 以為可以吸引d人睇...但係唔係萬試萬靈o架嘛!
今次o既馬仔同yumiko觀眾緣同陳豪niki比差一大截...我見阿yumiko不停俾人o係討論區話佢似人妖 (雖然我都好同意...sorry!), jit起把聲, 個造型勁怪...不過d配角好似同上輯一樣, 呢樣比較吸引!
fernseher,
哈哈...張衛健做完"老友鬼鬼"之後真係好紅, 佢隻"真真假假"又係hit到爆, 大人細路都識唱...不過"日月神劍2"hit唔hit我又唔係太記得喇!
http://hk.geocities.com/jadenew_8/news.htm
呢個網頁好正呀~
翡翠戀曲真係從主題曲風格,演出人員,或者係唱主題曲時短短兩分鐘的劇透..等等方面睇,都睇唔出係一部恐怖片啊,真係估佢唔到~劇情真係幾懸疑,奇怪點解當年無印象佢播過o既?
jj,
嘩! 連舊雜誌都有...
匿名,
嘩! 呢幾晚"翡翠戀曲"真係睇到我好緊張...我見d討論區仲話劉松仁會變奸, niki仲會死...睇開頭真係點估都估唔到會咁...好勁呀!
04年中播o架, 當時我仲特登唔睇, 原來走寶!
niki未死得住, 只係一直昏迷!
Hello! 又係我from 溫哥華.
講起日月神劍, 真係好好睇!阿張衛健當年好紅! 真真假假仲係得到當年(1992年) 樂壇頒獎禮”最佳歌詞獎”. 其實隻歌的歌詞真係寫得好好(有d深道),不過可能因為張衛健的形象(加埋佢隻舞),d人就覺得係搞笑嘢. 其實張衛健都希望做d正經嘢. 佢在”巨人”的角色其實係黑色喜劇.有一場係佢阿爸死咗,佢要好傷心,表情哭與不哭之間. 其實佢演得唔錯.仲有, 佢曾經唱過一隻歌,唔知咩小丑之類…有d意思…不過冇乜人識欣賞!
匿名,
係呀? 都係太sad喇!
哎...真係估唔到呢個係悲劇, 以為係d輕鬆小品咁之嘛...搞到我唔想睇到結局!
溫哥華匿名人,
張衛健做戲係ok o架, 奈何佢o既搞笑形象太深入民心, 亦係佢最成功o既一樣o野, 所以無法, 有得必有失!
同埋佢唱歌跳舞都唔差, 可惜成日紅o下又跌番, 又紅o下又跌番, 個cycle不停咁重覆!
哈哈,芒姐,你劇透咗添~~
覺得呢套劇的鄭嘉穎演得自然唔做作，角色係果種少年有才有未來ｏ既，好自然想睇佢將來會發展成點，有咩成就；niki今次就好清新少女,唔錯;松哥的戲好,角色又帶動整個故事的發展,好耐人尋味的過去;陳慧珊的角色背後又好懸疑;d配角又唔錯:譬如鵬哥的爽直豪氣;昌哥有幕有句:「佢信心唔夠啊」,嘩,唔知芒姐你有咩感覺呢,我覺得昌哥真係智慧老人,tiffany形容咗兩句言哥喳,佢老人家就分析到呢個重點啦,佢呢句話令我回味咗一陣啊~
匿名,
係呀...呢幾集睇得我好緊張, 又好肉緊, 但又覺得阿ceci同嘉明真係好慘...
基本上阿言哥又唔錯得晒, 佢都係俾馬老大逼o者, 唔係一心想害自己個friend...但唔知點解反而後來變得咁奸...不過劉松仁做得好好, 個奸樣真係好奸...如果論演技, 我好認同niki同嘉穎o係呢套劇其實做得好過"天幕下的戀人", 不過o個套就吸引d, sweet d...呢套太慘喇, 睇到我有d唔想睇!
niki第一套電視劇有呢個成績真係做得幾好...其實佢應該憑呢套劇拿飛躍, rather than下一年的"秀才遇著兵"! 佢兩個真係做得幾自然...
你講其他角色o既o野我都好認同...呢套真係一套好戲, 可惜未免太慘!
言哥真係慘啊,為了tiffany放棄一切,但係tiffany就連機會都唔再俾佢,正如家明所講,每個人都有缺點家啦,言哥的優點都唔少,但tiffany就唔肯再包容佢相信佢,人原來係可以俾另一個人逼癲家,仲要係自己最親的人,先會最hurt到自己,tiffany真係唔再愛佢啦,連佢重傷被救護車,車去醫院,tiffany都唔跟埋去,真係鄧言哥唔值啊,睇住佢係邊緣掙扎,精神時好時壞,唉...
其實和合二仙的宿命,係咪要擁有者失去自己的兒女家?咁tiffany嫁咗之後,ceci都算係佢個女吖,其實套劇係咪都想表達,言哥當時決定唔dump桐桐落水,唔dump落街,留番一條命,係咪即係ceci唯有死啊,一子去,一子還,只可以留底一個,因為二仙的命運注定咗擁有者的子女一定斃命......定抑或,係tiffany整爛作玉的時候,一切都已經破解了呢?
匿名,
但我又同情TIFFANY多D喎...身邊的人不擇手段, 仲要癲O左咁, 都好鬼驚! 仲要拿個女來要脅自己...不過我最估唔到係呢套劇悲成咁...
尋晚大結局太慘, 我無好留心咁睇, 一邊上網, 我都想知佢其實有無好清楚咁交代
和合二仙同各代擁有者的關係, 是否一個宿命? 成套劇都貫穿住佢, 但又好似無EXPLICITLY講係點...我都好亂...
其實我明言哥個樣真係會嚇親人家,但係婚姻咩唔係要「愛一生一世,無論疾病困厄,都會不離不棄」架咩?我覺得TIFFANY越到後期就越只係為咗自己。tiffany對婚姻真係太兒戲啦,做夫妻唔係咁做家嘛,唉...
發佈留言
<< Home