2-14(thurs) 戀愛季節 + big 4新年悶親你演唱會
"老表, 你好嘢"終於做完…呢套係近期所有朋友都會話出完街要返屋企上網睇番的電視劇…真係幾唔錯! D細節位都做得好好…我都推介咗好多朋友睇! 最尾黃光亮cross over番多年前佢o係“監獄風雲”個角色傻驃又係抵死! 仲有萬二蚊同郭晉安結婚o個段對白都寫得好好!
接住o個套“戀愛季節”…我曾經好like的toby…依家真係有d頂佢唔順! 糖妹亦都…睇吓之後幾parts會唔會好d?!
反而下午第n套倉底貨“戀愛星求人”幾好睇…又係d無無聊聊輕鬆小品…原來徐遇安係監製…唔怪得知個班底咁“真情”! 又劉丹又苑瓊丹! 仲有啱啱做完的“法網狙擊”o既謝天華+楊怡!好睇過黃金時段o既“初五啟市錄”好多! 做完呢套仲有”鳳舞香羅”添…我想睇!
新年睇咗tvb群星o既 “我愛香港”賀歲片系列…睇咗4年, 始終都係第一年嘅"72家租客＂最好睇! 同埋點解卿卿個樣會變成咁？雖然我一向ok like佢, 但真係忽然變咗一個阿婆…點解會咁? 應該唔關生咗仔事…其他生過的女星都無一下子老成咁?! 可能真係唔應該出番o黎…等大家留下一個美好印象咪好囉!
歲月留聲台真係愈o黎愈好嘢…新年不停咁播番89蛇年的賀歲節目…初二播煙花, 初三播初三遊戲節目, 連初四都有…真的令我以為時光倒流…回到24年前的蛇年! 真心like! 仲有十分嫩口的卿卿同朱慧珊! 卿姐塊面嗰時有啲肉地靚好多啊!
仲有“今夜不設防”特別版…有當時剛當選的五位89年亞姐佳麗…潔儀姐姐好搞笑…好似個小朋友咁…好驚青! 翁虹又的而且確幾有大將之風…同埋睇得出伍姑娘同萬二蚊年紀輕輕已經好世界女!
新年仲睇咗big 4第二次演唱會…上次2010年係萬眾期待+撲唔到飛...今次, 雖然係無咩期待, 但諗住都唔會太差...畢竟佢哋三個 (梁/許/蘇) 都有好多好歌, 而健仔講嘢又好funny…點知…十個睇咗有十個都話…同上次個落差實在太大, 慘不忍睹! 揀o既歌大部份都唔多hit…其實佢哋仲有好多hit歌未唱! 而我明白佢哋唔想重覆番上次, 想有突破…但…每個人都做自己最唔擅長的, 實在吃力不討好! 而最重要係…真係幾悶! 我好少見成個演唱會枕住有咁多人行來行去去廁所, 我本人都睇咗好多次電話…上次我係望一眼電話的冷場時間都無…真心可惜! 又一次證明, 所有事情真的也應該…見好就收!
posted by 芒姐 at 11:30 下午
11 Comments:
"卿姐塊面嗰時有啲肉地靚好多啊"
一向都話女人要有D肉地先好睇, 你睇柏豬就知啦, 其實肥D唔只靚D, 仲襟老好多!
(利申: 我係女, 身型中等偏瘦, 我真心覺得女人要有少少肉先好睇)
I am looking forward to "老表, 你好嘢 2". Hopefully it's within this year :-) Mon Mon, don't you think that sometime when you have good luck, even only ONE tv drama can make you really popular and famous?
- Needle at the bottom of the sea
don't you think that sometime when you have good luck, even only ONE tv drama can make you really popular and famous?
絕對係! 柴九 and Laughing Gor 都是好例子!
絕對同意! 呢個世界從來都係一命二運三風水...尤其係娛樂圈! 就算你有料, 都一定要配合運氣先可以跑出!
哈哈...咁我諗無論男人定女人都同意有肉地先好睇 (maybe尤其男性添...:P)...如果偏肥同偏瘦, 當然揀偏肥啦...而如果好肥同好瘦...咁我諗我都會揀好肥! 好肥都有機會靚, 好瘦真係未見過同靚扯得上關係!
"好肥都有機會靚, 好瘦真係未見過同靚扯得上關係" LOL, I laughed die.... yeah, I have 肉地 too! I actually think 糖妹 is OK as newbie actress. The only problem is she's way too short -_-!!!
- Needle at the bottom of the sea
作為新人糖妹其實做戲同主持都ok...不過睇真d個樣又真係唔多靚...可能雜誌登得太多佢d無化妝相!
唔覺意又到華姐,今年又冇乜宣傳?有冇人會睇呢?候選佳麗少左既?
自從變左叫中華小姐+越來越多大陸參賽者後, lee個event已經越來越解格, d海外參賽者好多其實都係大陸新移民, 個個都散發住陣陣強國味, 極度唔吸引!
越來越 "降" 格
哈哈...呢幾年又真係無咩留意! 今年最後只係咁啱睇到頒獎!
發佈留言
<< Home