2013年4月15日星期一

4-15(mon) 千基變2013

哈哈! 好耐無見! 真係好忙碌…不過都要簡單update吓啦! 要講吓金像獎先…無他o既, 其實金像獎年年如是…今年在我看來比較精彩係因為有我少年時代好鍾意o既楊千嬅…同當時好鍾意佢o既鄭中基!



哈哈, 估唔到佢哋繼05年”星光熠熠耀保良”同“翡翠歌星賀台慶”之後, 居然o係今年香港電影金像獎“再續前緣”! 其實男配角獎搵得千嬅頒, 唔洗杜文澤做口型, 都十成九估到係中基攞啦! 話實…我真係曾經好鍾意佢兩個的…正如我o係fb講…鄭中基講嘢其實堅係funny, 仲要唱歌堅係好聽…雖然佢可能亦都真係一個無賴! 哈哈!



同埋睇當晚的表垷…雖然楊千嬅不停話鄭中基好尷尬…但其實係佢自己不停煞有介事地提起, 似係佢本人尷尬多啲…不過亦都睇得出…佢哋當年曾經好深愛過! 亦都好戥千嬅首次封后高興…雖然有好多人覺得佢未夠班, 不過我真心覺得今次個賽果其實有一半人都估到啦! “春嬌與志明”係無”志明與春嬌”咁好睇o既…但係春嬌的受歡迎係兩輯累積落o黎…正如楊千嬅成日講, 攞獎好似儲錢咁…而佢回應今次得獎+頒獎俾鄭中基時所講o既金句係…”出得o黎行, 預咗要還”! 哈哈哈!

um…我好衰...睇完佢哋喺金像獎o既表現...忍唔住再睇番呢段"千基戀"...其實呢段片真係剪得幾好...同埋佢哋當年真係好sweet! 而每單新聞我都歷歷在目…因為o個幾年正正係我最like千嬅的年代! Those were the days…



3 Comments:

Anonymous 匿名 said...

芒姐,過去呢幾日D新聞,我只係不停想到"人生無常".

溫哥華匿名人

1:31 下午  
Blogger 芒姐 said...

係啦, 無論係生離定死別...真係今日係咁, 一日後又可以唔同晒!

11:19 上午  
Anonymous 匿名 said...

好希望鄭中基會再唱返歌,佢把聲真係好好聽呀!

3:23 下午  

發佈留言

Links to this post:

建立連結

<< Home