4-23(sun) happy100000...雙白金!!!

4-23(sun) happy100000...雙白金!!!

無咩o野, 純粹係想記低呢個特別o既日子...2006年4月23日(星期日), "芒姐日記"無聲無色地衝破o左雙白金...可惜每逢呢d最關鍵o既數字我都cap唔到, 上次第一隻"金唱片"(25000)又係咁...可能我同d"金"無緣! 所以今次圖片欠奉…不過無所謂啦, 無需太刻意!

本來都有諗住坐o係度cap下, 但又買o左飛去睇我最欣賞o既鄭中lay, 所以趕住出門口等唔切! 本來都想自己click多幾o下, 但係唔知點解今日click極都係o個個數, 唔會跳字, 好似以前用緊56k咁…既然係天意, 無法啦! 呢度第一個六位數cap不到…誰吃了我第100000個蘋果? (inspired by“誰搬走了我的芝士”…ok, 我知佢個official中文名唔係呢個, 但我鍾意咁叫!) 得個“知”字都好呀…請聯絡我, 重酬…!!!

其實個蘋果counter近期都唔係work得太好, 唔係次次click佢都會跳, 所以同上面個小黃格counter好唔compatible, 個小黃格睇o黎無耐會超越佢添…但係其實小黃格係紀錄“芒姐再現”之後o既hit rate, 無可能會多過紅蘋果…錯晒! 不過個蘋果counter用o左咁耐, 有感情…所以即使佢唔係太準確, 我都會繼續用佢…反正數字都只係一個遊戲…側z4fun?! 大家食得高興, 準唔準確又有咩所謂?!

既然cap唔到十萬個蘋果, 咁就留住這一刻啦:



最後當然都係o個句啦…多謝大家多年來o既支持! 請繼續同我一齊食蘋果!