12-8(fri) 記住睇歡樂滿東華之全台藝員卡拉之星大唱遊呀呀呀呀呀…!!!!!!
無咩o野, 只係想提醒大家記緊記緊記緊聽晚睇一年一度o既“歡樂滿東華”!!!
o個d籌款表演就無咩特別, 但當然大家都知我係要推介邊個環節o架啦…真係不得不睇囉! 雖然無最精彩時期 (03,04年) 咁強勁…但都包保可以帶俾大家娛樂無窮!
我講緊o既環節之唔係最最最爆笑o既“全台藝員卡拉之星大唱遊”囉…由早三五七年“曲高和寡”地得我同埋三五七個朋友有睇呢個環節, 到呢幾年經我強烈推介下身邊多o左數十個朋友一齊都有捕住呢個十級精彩項目…到近三四年亦都有o係芒姐diaryland度向大家推介過呢個節目, 不過如果係搬o左o黎呢度先開始睇o既讀者, 可能無聽過…所以今年點都要再力推多次, 務求做足作為“資深電視精”o既責任同埋義務…希望大家可以o係“睇電視”功能組別投我神聖o既一票!
雖然呢個環節係深宵兩點幾先做…但你無可能錯過o架嘛?! 全年o既highlight o黎o架喎…你唔睇…我o地無話題!
如果大家從未睇過呢個環節, 我會refer你o地去睇番過去幾年關於歡樂滿東華o既entries…等你o地可以知道王俊棠, 魯振順, 王維德, 黃樂兒等“騎呢之星s”每年一到呢個時候有幾咁hit!
想過一個開心o既晚上…你別無他選…哈! 我覺得東華應該考慮俾番些少commission我…最多我都全數捐番出o黎“歡樂滿東華”…咁我個名就可以出現o係細個時最鍾意同我表姐一齊輪住讀o既善長名單度…
芒姐@歡樂滿東華:
2005-12-11(sun) 歡樂滿東華2005
2005-12-12(mon) 歡樂滿東華2005之“全台藝員卡拉之星大唱遊”
2004-12-11(sat) 歡樂滿東華2004 (上)
2004-12-13(mon) 歡樂滿東華2004 (下)
2003-12-13(sat) 歡樂滿東華 2003
2002-12-14(sat) 歡樂滿東華2002
posted by 芒姐 at 11:53 下午
14 Comments:
我好似0係大前年(定係前年)無意中及發現呢個環節,真係勁好睇!後來都睇到芒姐強烈推介呢個環節,今年我都忍唔住要0係度講0下。
雖然無咩大明星助陣,但我認為最正0既係可以睇到d三四線藝員可以盡情表現,又唱歌又鬥造型又騎呢又搞笑,而每年至正就必定係王俊棠同魯振順(當然其他都正),佢兩個係最放最爆笑,舊年魯振順0既一曲"全為愛"真係睇到全家好開心,本身首歌幾熱情奔放幾好聽(自此之後先知道羅文仲有呢首咁好聽0既歌)加上佢滿場飛同d"魯腔",真係正得黎爆笑。
好後悔無錄起呢個節目,自從無咗阿吳剛食炭,偉仔用口拉車等表現之後,呢個卡拉之星大唱遊我認為係全晚東華最好睇,仲好睇過twins唱香夭同鄭希怡0係大廈外牆跳芭蕾,在此要幫芒姐呼籲大家:真係唔好"訓"住呀,記住睇歡樂滿東華之全台藝員卡拉之星大唱遊呀…!!!!!!
this year highlight must be yumiko!!! don't u just love 歡樂滿東華!!
我見到莫凱謙個名, 捐200蚊.
人家好歹也是為慈善表演，何必幸災樂禍？
Did anyone tape the 卡拉之星大唱遊? If so, could you please put it on youtube and share with us?
我都唔明...有d藝員..明明十萬年都無一次機會咁樣出黎..唔係因為睇..都根本唔知有個咁既演員>~<
好心佢地就揀d穩陣d既歌黎唱啦...唉...究竟明唔明咩叫做'獻醜不如藏拙'呢?咁難得先有個咁既機會比咁多人睇到你....咪唱首難度無咁高既歌..好好地咪算囉...如果你話你自己既歌藝真係好堅..你就話幾難度高都唔怕姐..但...你唔係嘛...
年年都係咁...頭個幾位就無野啦..佢地都算有人認得佢係一個藝員....但後幾位個幾位後生既藝員....你唱到震震下..我明..話晒都會有d驚....咁你仲攪乜揀埋d咁難唱既歌姐???一邊聽真係一邊戥佢驚....又震又唱到就走音就走音咁....喂...你話晒都叫做係一個表演者黎架喎...攪咩呀你???你咁努力去籌錢..唔多唔少都有d係為左想爭取到呢個表演既機會...但...你而家好似係爭取個機會黎獻醜喎...好好玩咩咁樣?真係激死人...年年都仲有人係咁既?
angel,
RE卡拉之星:
今年個卡啦之星環節實在太悶喇, 一d都唔精彩, 好失望呀...枉我仲o係呢度推介俾大家...真係sorry晒呀, 各位!
其實我覺得d卡拉之星唔需要係唱得好, 只需要係唱得entertaining, 因為呢個環節擺明係搞笑多過show quali, 但今年d表演連娛樂大家都做唔到, 真係令我太失望喇, 都係睇番d舊帶算數!
Moo,
你去youtube search 下囉...不過今年的不看也罷!
re yumiko,
哎...佢又真係慘o既...女仔人家咁搞法...
re莫凱謙捐200蚊...早知我都用芒姐個名搞300蚊啦...多過佢!
Kitty,
oh, 前兩年的卡拉之星真係好好睇啊...點解今年會搞成咁?
舊年的魯振順"全為愛"真係笑死你...點解今年咁正常...都唔好笑o既! oh...但我唔知首歌係羅文啊!
already tried searching youtube. Nothing came up.
And re Yumiko, she was wearing underpants at the time, so I don't think it was that big a deal at all.... the affair has been a bit exaggerated la. But it was strange that the girls were asked to wear long pants instead of shorts loh.... 真係大整蠱
Moo,
哈哈...可能tvb就係想達到香艷效果呢...俾條咁鬆褲佢o地著!
v就是05年看過魯振順經典演出才在今年看卡拉之星呀！不過今年的人不是唱到走音就是收歛了，不夠奔放不好玩。
薛家燕的歌不知在哪裡找回來的？
發佈留言
<< Home