6-20(wed) 學警出更
哎…過去o既weekend終於一連睇o左十集“學警出更”…悶爆…我決定可以放棄睇呢套劇喇!
劇情好鬼悶, 又人面全非…點解要咁? 係咪真係所有續集o既宿命? 夾硬要分開晒d人, 都話好怕d續集, 一係就整死d主角, 一係就要分開, 永無好下場…所以可能都應該慶幸"律政2"換晒人, 唔洗睇到d主角無好下場!
雖然薛海琪係做得麻麻, 但係都唔洗整死佢, 未免死得太無辜, 唔鍾意睇呢d劇情…頭幾集就整d咁o既o野, 太heavy…無興趣再睇落去, 唔睇喇! 成套o野都係咁, 上輯苗僑偉最尾又要無啦啦死o左…洗唔洗咁呀?
又無啦啦話米雪要陪吳唱k個妹去外國讀書…又係兩個都無o左…有咁o既需要咩? 羅冠蘭又無啦啦有個女, 好夾硬…真係搵戲o黎做! 不過btw, 羅冠蘭同徐子珊居然有d似樣!!! 徐小姐個look同埋d戲真係好可怕…佢都係去番跳舞吧啦…做戲, 係唔o岩佢! 至少容小姐…佢都係唱歌好d喇! 哎…d演員咁唔吸引, 劇情又yim悶…點睇落去?
仲有, 有咩可能搵惠英紅做郭羨妮阿媽? 定係後母o黎o架? 選角真係離晒大譜! 郭小姐本身已經唔太後生, 仲要個樣比起真實年齡再老多十年, 惠英紅做佢家姐都有d “mun”囉! 郭小姐個樣係靚o既, 但又怪怪o地咁, 同埋真係唔係我欣賞o個隻靚囉…我不停賞試遊說自己佢幾咁吸引…但係失敗o左!
上一輯最想睇o既吳唱k+楊怡…吳唱k呢兩年o黎形象跌晒watt, 已經唔想睇佢! 本來仲幾buy楊怡, 但係佢真係唔同晒樣, 依家直頭成個“溏心”jackie咁, 又係厚妝, 黑蚊蚊, 仲要整個bob頭…好怪, 老o左好多, 同上一輯個何花好唔同, 只係兩年就唔同晒樣! 尤其係播番d 上輯flash back時, 一對比番以前個樣, 直頭以為係兩個人! 噢! 我都好懷念以前清純o既楊怡...好靚! 即使係上一輯有d娘o既造型, 都好過依家個濃妝bob頭好多...哎! 還我楊怡…!
posted by 芒姐 at 5:58 下午
14 Comments:
楊怡自從拍完"賭場風雲"就開始走火入魔, 成日話覺得要打扮性感先靚, 又話拍完"賭場風雲"之後就愛上裝假狗, 傻傻地架佢。
真係唔知點選角，惠英紅個樣都唔係好老，身材都keep得同郭小姐差唔多。上次帝女花仲嬲竟然叫邵美琪做郭小姐阿媽，無論樣同皮膚都好過郭小姐多多聲，做兩姊妹都幾乎郭小姐要做家姐。郭小姐真係老得好快，咀角個兩條法令紋真係...唉!陶大宇都唔好得幾多，俾番三哥我。
同意匿名ge說話,我唔知佢點諗,係咪覺得樂小姐唔捧自己定係濃裝性感先有星味,先被人力捧la,但係我對於佢變成宜家咁,真係有d失望
另外,學警出更我晚晚追,至於好唔好睇,我都唔識分,因為我完全因為陳鍵鋒先睇^^其他人點,d劇情點都要睇(不過其實有d劇情係悶+無聊+唔make sense)
我覺得鍾意學警1的會唔多鍾意學警2,或者相反....可能我覺得1比較一般啦,雖然三哥係好型....不過今次我又覺得師奶殺手幾新鮮,比起佢之前心花放的掩面好好多,而且佢寸果兩條靚仔的戲都幾好睇,唔係因為狐妮事件,我諗大家都唔會咁反感掛?(雖然係因為三哥太靚仔:p)
柏翹的走勢....其實有d徐步高feel:P
re你今日寫蘋果0個篇.
我都好鍾意陳鍵鋒做旁白啊.我覺得佢做得恰如其份,又唔會嬌扭做作,問心0個句,我覺得佢做得好過志雲哥添啊!
佢真係有料做金牌司儀接班人(btw,你覺唔覺得佢同鍾生個樣都有兩分似!!) 我buy佢多過崔健邦,起碼正氣d啊!!
"至 於 新 加 入 的 演 員 大 多 是 樂 壇 青 春 偶 像 ， 由 天 后 容 祖 兒 帶 領 關 智 斌 、 吳 浩 康 及 吳 日 言 等 歌 手 演 出 ， 新 鮮 感 的 確 有 "
吳浩康第一輯已有份, 說由容祖兒帶領佢演出, 似乎說不過去.
"無 10:30 檔 播 畢 虛 幻 浮 誇 的 《 謎 》 後 ， 推 出 一 連 十 集 以 十 個 不 同 主 題 去 道 出 香 港 十 年 情 的 節 目 《 拾 年 》 ， 至 少 感 覺 踏 實 一 點 。 倪 匡 與 蔡 瀾 兩 位 才 子 的 十 年 際 遇 、 老 字 號 蛋 撻 店 老 闆 與 末 代 港 督 彭 定 康 的 十 年 情 、 97 年 港 姐 季 軍 佘 詩 曼 加 入 娛 樂 圈 十 年 的 起 與 跌 … … 包 羅 萬 有 ， 但 均 充 滿 香 港 情 懷 ， 很 好 看 ！"
但倪匡與蔡瀾整晚的話題都沒有主線, 東一句西一句的, 十分鬆散.
雖然我很明白點解蛋撻店老闆咁懷念同彭定康的情誼(其實大部份經歷過殖民地era的香港人, 特別是回歸前已超過20歲的那一脫人, 都好懷念英治時期, 見到彭定康都會尤其興奮), 不過老闆的表達能力奇差, 講來講去都係三幅被, 好煩.
我覺得佘詩曼不夠代表性, 唔明點解要搵佢, 雖然佢係97年港姐, 勉強都可以扯到少少關係, 但我覺得佢嘅十年故事冇乜特別, 本身嘅名氣、地位、成就亦未夠班代表某一個介別(但我必須聲明, 我本身係ok阿佘的, 我並不討厭佢, 只係覺得由佢黎做個特輯嘅嘉賓不夠代表性而已).
禽晚個嘉賓, 即農場餐廳老闆個故事就比較有可觀性, 佢嘅故事真真正正反映出香港響回歸前後點樣由盛變衰, 睇得人好感觸... 佢講野仲出奇流暢(唔知係咪事先度定稿), 表現出奇積極(雖然令人有點too good to be true 的感覺).
今晚嘉賓係蘇民峰, 雖然我唔信風水, 但我覺得搵佢都好適合, 因為呢十年間, 似乎冇一個行業比風水玄學更好撈, 蘇民峰響呢十年間真係撈得好掂.
佘詩曼加入娛樂圈的十年裡其實沒有所謂的起與跌, 她剛開始的時候表現不是太好, 之後越來越好, 十年來她是漸漸的起, 暫時仍未見她跌過, 不明大家為何會說"起與跌", 謝檸檬、許志安那些才談得上有起有跌吧。
Ups & Downs?,
咁或者叫跌與起囉...哈哈! 不過唔揀佢都無咩人可以揀, 謝檸檬都可以係入行十年O既代表O既, 不過相信TVB應該想訪問佢O地自己一手發掘O既港姐多D, 又可以做O下宣傳嘛!
匿名,
個人認為倪匡同蔡瀾O個集唔係太好睇.
蛋撻店老闆同彭定康O個集其實OK, 佢講O野係有D詞不達意同埋REPETITIVE, 不過算啦, 畢竟人O地O既專長係整蛋撻, 好難要佢講O野又好O既!
佘佘O個集幾好睇...我就覺得如果要搵十年港姐, 都無咩得揀啦, 佢係唔算十分有代表性, 但呢套O野講回歸十年, 搵佢好合理!
另兩集未睇...遲D先COMMENT
金髮姐姐,
其實我好認同你... 佢仲做得好過志雲總經理...
邊個鍾生呀?
佢同崔建邦係兩隻STYLE, 崔生O靚仔D, 市井D, 陳鍵鋒就有學問D, 有大將之風D!
jj,
咁點都好過"心花放"個掩面表情O既...不過我已經無咩興趣睇LU! 可能D人真係吸引唔到我...
小月,
哎, 就算無以前咁受力捧, 都唔洗搞成咁...以前真係討好好多...成個樣變晒!
Oh!,
上次搵阿DEEP做楊怡阿哥都已經鬧爆O架喇, 今次選角仲衰D!
三哥真係好有型...好期待“歲月風雲”!
匿名,
EXACTLY, 就係"賭場風雲"個隆胸角色害O左佢, 之後就變O左濃妝艷抹, 無晒以前O個種感覺!
發佈留言
<< Home