7-3(tues) 網上後花園
o係太陽報專欄睇到一篇文章…十分有共鳴, 一定要post出o黎同大家分享o下:
**************************************************************
網上後花園
30/06/2007
文： 黃擎天
一人有一個部落格，像小屋的後花園，歡迎四海之內的網友進來小休，聊聊天。
惟有三種人請勿內進，一是賣廣告者，通常是傳銷或祈福黨，遇之封殺勿論，從此對方留言不得。
第二種是網絡的登徒浪子。他很寂寞或很想成名，巴不得別人拜訪其部落格以增人氣，卻隨便踐踏人家的後花園，掛上廣告牌，大言不慚說：「借個位來賣廣告。」明知故犯，猶厚臉皮賣花讚花香，簡直惡心。
登徒浪子另一招式，是不厭其煩在人家的部落格留言，牛頭不搭馬嘴，想跟網主做朋友云云。你不理睬他，他便反轉豬肚，冷嘲熱諷一齊來，像隻非要吃到天鵝肉的蝦蟆。硬銷自己或以文字污染人家的後花園，都是惹人討厭的行為。合則來不合則去，不要動輒假借友誼之名勾三搭四。每個人都有交朋友的自由，你憑甚麼認為，我非交你這個朋友不可？小店地方淺窄，家徒四壁，謝絕登徒浪子浪女。
第三種人是道德重整會主席，像魔主，打正旗號儆惡懲奸，到處捉字蝨，掀起江湖風雨。天啊，自由社會人各有志，河水和井水何必侵犯對方。遇到這種無理謾罵者，必須把他們遞解出境，不准再踏入後花園半步。
禮多人不怪，網上世界也要講禮儀。想當個不討人厭的網友，語言宜溫婉。發表相反意見是可以的，但不要以為愚見是金科玉律，非要拗贏別人不可。
最喜歡的朋友是這一種：你天天駕臨寒舍，留下半片雲彩，我怎會視而不見。也許，你不知道，日久會生情，每天我靜靜坐在石上，等待你的腳步。
**************************************************************
講開blog…其實呢排都有研究o下唔同o既blogs, 睇o下如果想搬屋, 有邊度係好去處?! 其實blogspot都唔係太差o既, 同埋用慣o左唔洗再適應過…正所謂上屋搬下屋, 都會唔見一籮穀o架嘛!
不過呢度有o野唔好, 就係成日都有內地o既讀者投訴時不時會封o左個site, 同埋我個人認為感覺唔夠地道, 唔夠local…所以都有去explore o下唔同o既sites, 例如試o下開o左個呢期最多香港人用o既yahoo blog, 不過只係試用裝! yahoo係夠local喇, 仲要login先可以留言, 咁樣起碼可以知道自己同邊個講緊o野嘛…但係就無咩functions可以用, 個個blog都好似一式一樣咁…想擺o下唔係yahoo o既link又唔得 (唔排除係我唔識用), 連我擺o左4年o個個蘋果都好似唔擺得落去…咁好麻煩喎! 放youtube的video得唔得o既呢? 即係擺個embedded video, 而唔係淨係條link呢…oh, 我太蠢喇! 除o左yahoo blog, 大家仲有咩推介呢?
呢期“同事三分親”居然係播陳自瑤+蔡淇俊+梁政珏o個段三個戀, 仲要係講yoyo俾佢兩個好朋友呃住, 又係成為受害者…真係唔知攞景定贈興? 仲要同陸哲一齊拍, 都好尷尬喎! 套劇cast阿陸哲去扮純情少年, 仲要o係呢件事再次爆出o黎o既時候上佢o地呢段…真係十分無說服力! 影d咁o既相都算啦, 仲要錄落手機, 跟住仲要唔見埋…真係靠害! 正如細個成日聽到d先生鬧d小朋友:“咁鍾意玩, 玩自己個頭啦!”
睇節目表, 原來星期三晚深夜三點幾開始重播萬子哥o個套“笑傲在明天”…oh, 自從90年都無睇過呢套劇, 又可以睇o下喎! 好似都有好多外景片段添…!
posted by 芒姐 at 1:29 上午
14 Comments:
芒姐
嘩我竟然係第一個留言? 哈哈!
你篇文章我真係好有共鳴呀! 雖然寫得blog 都預左俾人睇, 但係有時亦都會擔心究竟邊個睇緊, 因為好多人都唔會話你知佢係你讀者.
原本我真係未驚過,反正我真係秘密的係唔會寫出來, 不過自從上次我搬blog 之後我真係有d驚驚地.總之我個blog 永遠都係半公開就算, friends 先會俾佢知我有寫blog, 所有前或現役同事不論幾friend 都絕對唔會提!
講開blog 的provider, 我真係唔中意yahoo blog, 無論layout定service 感覺都好amateur, blogspot 我曾經都考慮過架, 不過都係唔中意個format 無用到. 我始終覺得台灣的blog provider 質素比較好, function 又比較多同齊, 你可以考慮下我個"天空" 又或者"無名", 都幾多人用呀. 不過我唔知大陸有無限制acccess 就真ge.
我係桃桃
yahoo超廢, 無名超多bugs, 唔好用呀!
除左blogspot, sina都長期俾大陸封blog, 其實我相信無論你用邊隻service provider, 都會有被封blog的可能及危機, 呢樣野大陸始終未有改善... 其實我覺得blogspot已經算好用架喇, 算啦, 就算俾大陸同胞睇到, 非粵語人都未必睇得明你寫嘅野, 世事又豈可盡如人意呢...
90 台慶劇笑傲在明天...... 前排在收費台重播, 都唔多好睇既. 不過深夜播返 d 咁舊既戲都好~
下星期收費台重播'天倫', 有 d 期待. 當年教中文 miss 話呢個劇名改得好. 仲記得有18歲蔡少芬勾引朱江橋段, 同關詠荷勾引李青山 (暴雨燃燒) 有得揮
Mon Jeh,
I like "笑傲在明天", especially "Mr. Swim to the East".
18歲蔡少芬勾引朱江? 唔係勾引林嘉華咩(佢好似係為左報仇先勾引林嘉華)? 我仲記得佢同林嘉華搞完野之後唔知即刻走去沖涼定作嘔(其實我都好"鄧"佢作嘔), 蔡少芬劇中名字好似係雪兒/michelle...
芒姐,
我覺得"無名"幾好用, 可以分類之餘, 仲可以set幾好function. 您可以睇下呀~
http://www.wretch.cc/
淚
to m -
fyi:
林海(張翼)是鯉魚門海鮮酒家的東主，育有兩子兩女，長子林家達(林嘉華)是典型世界仔，次子林家偉(關禮華)外表粗豪，實則為人細心，侍父至孝，但由於性格剛直，常與父發生齟齬。三女林紫珊(郭藹明)天生麗質，甚為聰穎，四女林紫瓊(鍾淑慧)性格內向，缺乏自信。
林家還有一個重要成員，便是林海之妹妹(顧美華)，年近四十，但樂觀豁達，是林家之精神支柱。任職大車行營業主任，但仍是單身貴族一名，她與男友齊亮天(朱江)的一段感情糾纏多年，仍未有結果，皆因對方是有婦之夫，而天為了道義和責任問題，一直對離婚一事遲疑不決。及至天的女兒齊雪兒(蔡少芬)，發現了父與清的戀情，更暗思報復。先是苦纏達，使他與妻子張玉卿(林其欣)鬧翻，又施計迫使偉的妻子唐可琪(黎姿)離開林家，繼而欲毒害清然後嫁禍王細九(許紹雄)。不料害人終害己……
九是琪的養父，對清有特殊感情，但基於清之心已另有所屬，唯有把感情埋藏心底。
至於三女珊，自小雖受眾人寵愛，人生旅途暢順無阻。自嫁入豪門後，波折重重，與丈夫宋文俊(邵仲衡)相愛，但彼此的人生目標各有不同，因而數度離合，最後看破紅塵，遞入空門，其後在一次意外中俊為求珊而變成植物人，令珊再起塵世情愛之念……
無名site成日down架!
自從睇左A小姐條片,就覺得二個當事人好無謂。一個願打一個願捱,仲要唔係第一次。呢兩個人既印象分已經破產兼負數。加埋睇到蔡先生扮純情,好想嘔。又係一個賤MAN。
Esaltato,
其實如果梁榮忠係賤男, 可能佢更加qualified有呢個title囉...累人累物, 仲要係勁無聊...多得佢唔少!
re blog:
其實我都聽過台灣d sites幾好用, 不過我個人又不太喜歡...但最local的yahoo又咁唔得...我再研究o下先, 多謝各位的意見!
re"笑傲在明天":
其實我當年都覺得勁唔好睇, 因為d人又唔係特別吸引...但因為好耐無睇過, 同埋幾掛住o個個年代, 所以都想睇番!
Crystal,
無錯, 你係第一位呀!
係呀, 其實寫blog係好矛盾, 以前寫得都想有人睇o既, 但係當多d人睇o既時候, 又驚唔知咩人睇, 又會變o左好似有d社會責任咁, 唔可以暢所欲言, 又會驚得罪人, 又總會有d人鍾意搗亂, 咩都要挑剔o下你! 不過世事豈能盡如人意, 都唔鬼理得o個d人咁多!
Crystal, the article was posted by monjeh, not written by her. Why you say "你篇文章我真係好有共鳴呀"
發佈留言
<< Home