2013年4月20日星期六

4-20(sat) 翠如bb+富黛戀玩完+小聰子無限復活+大迷信2013

“走過浮華大地”係我近期唯一追睇o既節目, 就算miss咗十點半o個場, 我都會等到1:45去高清台追番…真係少有我會like o既旅遊節目! 除咗因為係講我最鍾意o既英國, 仲因為成個感覺幾新鮮, 同一般tbb o既旅遊節目好唔同…阿叻嗰d咩”蠔油”杜拜, 其實佢去台灣同杜拜都無分別, 都係求其搵間金碧輝煌o既酒樓/酒店食餐勁, 再搵d“靚”女著吓三點式撥吓水花咁! 我覺得阿叻哥佢其實都真係做番佢比較擅長的事情…專注去下志偉佢哋嗰啲賀壽party算吧啦!

d朋友話今次翠如bb呢個旅遊節目好有線…其實我無咩睇過有線的旅遊節目, 頂多睇過娛樂新聞台, 仲要係n年前的事…所以覺得幾唔同, 同埋佢哋o既感覺真係似朋友去旅行, 仲有每晚個ending都好正! 余詠珊終於做番d有建樹o既事情!

睇完呢個節目, 我開始明白點解翠如bb三十幾歲人仲可以被高登仔奉為bb...我真心覺得佢幾討好囉! 我睇完個節目都幾like佢, 覺得佢比起甚麼千語bb, 嘉欣bb更有資格成為”bb”…佢個感覺幾自然幾真 (如果佢係扮出o黎, 咁扮到都抵佢!), 同埋佢個妝唔係依家typical的“o靚模假面假眼假眼睫毛”妝…反撲歸真反而感覺幾特別…佢又真係超級童顏, keep得好好, 個樣後生過d廿幾歲o靚妹, 個笑容仲幾天真無邪…抵佢成為bb!

同埋唔知點解我睇睇吓呢個節目覺得佢好似一d人, 首先個樣係有d似楊寶玲同朱潔儀…而講嘢個tone仲居然有d似…松松姐姐!!! 哈哈!

其實翠如bb都係應該keep住做呢d旅遊節目…呢樣佢做得最好, 拍劇就…真係一般啦! 至於佢起家的娛樂新聞台主播角色, 其實都唔係特別好…正如大家所講, 佢講嘢唔算字正腔圓, 仲有d懶音 (但我唔認同係好勁的懶音)…但做呢類旅遊節目個效果就出奇地自然同討好! 睇完呢個節目我都封咗佢做bb!



至於洪永城…感覺都幾funny, 睇好多報導話佢係媾女王, 同埋n年前喺有線已經對翠如bb嗒晒糖…難怪佢哋成個特輯的感覺都咁sweet! 好睇!

下個禮拜換咗湯洛雯…落差太大, 相信迴響也會不少!

Oh yeah…仲有, 我覺得第一集最好睇! 去名店試衫嗰part幾搞笑…洪永城試嗰套西裝真係超讚! 呢個世界真係一分錢一分貨…估唔到可以咁大分別!



嘩! 剛剛過去o既一個星期, 真係好多關於生離死別o既娛樂新聞!

首先係陳僖儀死於非命! 26歲…真的太年輕了吧! 只能夠再次講句: 人生實在太無常, 要珍惜眼前人, 做自己想做的事…那怕是很傻的事, 只要唔係傷天害理就得喇!

不過真係不得不提呢個“大迷信大迷信大迷信1993”…好耐之前講過, 當年我睇過篇報導, 話逢3字尾的年份都死得人多…尤其娛樂圈! 又真係邪o架喎! 93年一開始就有蘭桂坊元旦踩死人事件, 跟住03 o既sars真係唔駛多提…巨星方面73有李小龍, 83有傅聲, 93有家駒, danny仔, 余綺霞, 仲有前入境處長個女/當年華納打算力捧o既新人梁思瀚 (劉錫明"moshi moshi"mv女主角)...本雜誌仲話93年幾位都係華納人同埋paco-related! 03就又係唔駛講啦...巨星中o既巨星哥哥同梅姐! 我唔係想導人迷信, 只係想講一句: 好cher~~~!!

跟住就到郭富城同熊黛林的七年情玩完新聞喇! 查實呢…我覺得佢哋甩拖大家一d都唔surprise…娛樂新聞傳得出o黎, 仲要傳足幾日的, 九成都係真! 而又其實有無苟姑娘佢哋都注定會散...因為城城根本係一隻無腳o既雀仔! 你要佢同你結婚, 咪即係逼佢同你分! 其實城城deliver o既msg一路都好明確, 七年都無承認過你的地位, 你係咁單方面宣示主權咪仲搞到自己肉酸咗! 成日都話, 人最緊要輸人唔輸陣, 女人就更加唔可以輸尊嚴! 而城城做得最錯o既係近幾個月俾咗false hope人…我諗熊小姐初時都無諗住可以入宮, 係搞咁咁耐開始以為有d希望…跟住年頭佢又去人哋老豆喪禮仲成個女婿咁款, 俾false hope人呢樣嘢最衰!

咁熊小姐都係早走早著, 輸少當贏, 執番身彩為妙! 而且我哋成日講…小美人才是正印嘛! 男人最緊要係咩呀? 一定係事業…幫到佢事業的…你贏晒! 最終城城要娶o既可能會係…小~美~人人人人人人~~~!!!

更估唔到o既係何家淑女超雲同陳山聰o既分完又合! 真係估唔到小聰子有頑強o既生命力…無限復活…踩極都唔死…真心佩服佢! 超雲醒咗都會再次被迷魂番…事情咁峰迴路轉, 好嘢!

6 Comments:

Anonymous 匿名 said...

邪還邪, 不過講真果句, 傅聲、余綺霞點算巨星, 梁思瀚就更加連邊都拈不上...

2:59 下午  
Anonymous 匿名 said...

我都覺得郭富城同小美係有D野的... 咁你地估鄭伊健同林珊珊又有冇曾經試過有路?

12:22 下午  
Anonymous 匿名 said...

what Ah Lynn has gotten from the past 7 years is way more then what she lost... without Aaron Kwok, no one would pay much attention at her la. She somehow just manipulated "her bf" to make her famouse, and I don't think she wanna lose that fame/attention. I do not believe they had any third wheel (or call it Little 3)
- Needle at the bottom of the sea

5:14 上午  
Blogger 芒姐 said...

我覺得有小三都唔出奇...但有無小三都會有今日的結果...因為似乎女的都幾chur...不停咁單方面宣示主權...搞到自己[火羅]咗! 但男的在最後幾個月俾了false hope人(尤其在熊父喪禮一役)又係有d衰!

11:30 上午  
Blogger 芒姐 said...

林珊珊同鄭伊健又唔似喎...小美人對郭富城嗒糖就做到出面啦!

11:34 上午  
Blogger 芒姐 said...

我諗傅聲當時都ok紅o既, although i can't be sure! 而另外那幾位有少少"死於非命"嗰種囉!

11:38 上午  

發佈留言

<< Home