2013年5月20日星期一

5-20(mon) doe…隻鹿…隻雌性鹿…

相信到咗今日, 都無咩人未睇過呢段片…如果你真係未睇過, 就睇吓啦…in case你無睇fb, 以下就係條link…


鏗鏘集 - 青春萬歲(1999)

經過兩日瘋傳, 蘋果又抽吓水咁…令到翠如bb進一步人氣急升…仲有佢片中o既好友黎玉清 (即係依家一個好出色o既舞台劇演員), 都多咗好多人認識!

14年後睇番, 又的確係好有趣! 17歲同31歲o既翠如bb, 個樣(仲有講嘢個tone同埋d小動作)居然係無分別…bb真係bb, 食咗防腐劑一樣, 唔到你唔服! 當年佢o既懶音真係超級勁, 原來依家已經改善咗好多, 不過需要繼續改善囉!

個節目其實幾好睇吓, 就算無翠如bb, 都不失為一個好節目...講中學生對理想的追尋, 當年的中學生講嘢幾有紋有路, 同依家郁吓就要生要死的小朋友好唔同!

其實鏗鏘集咪成日會搵番n年前的訪問對象去跟進番佢地n年後的近況o既…我覺得呢集值得做呀, 14年後應該拍番個延續篇, 講吓當年幾個年青人追夢的結果! 而最嚴重係睇完之後, 我腦海不停湧現“doe…隻鹿…隻雌性鹿"…救命!



同埋我想話”勁歌金曲”轉咗去呢個禮拜六深宵supposedly無人睇時段, 再轉埋format, 搵八十年代主持阿旦回歸做清談節目訪問嘉賓…反而殺出半條血路喎! 平時7點幾一定唔會睇的朋友反而12點幾有機會開吓電視機…今次真係人做我唔做, 殺出新血路!

4 Comments:

Anonymous 匿名 said...

BB不談六四了...

5:11 下午  
Anonymous 匿名 said...

食平D監製叫張志明,有趣,個節目亦幾得,近來都係綜藝節目跑出,玩嘢王都係好嘢
另外決戰一分鐘終於做完,唔知點解20集好似做咗成年咁

2:20 上午  
Anonymous 匿名 said...

佢而家唔(敢)多講了.
年少多好.

溫哥華匿名人

9:33 上午  
Anonymous 匿名 said...

芒姐,你去了那裡??

3:32 下午  

發佈留言

Links to this post:

建立連結

<< Home