5-7(tues) 嘉欣bb+梁麗瑩
禮拜六嗰集”玩嘢王”…令阿”Hot Linda bb” (btw, 呢個廣告用上咁o既名真係好嘔心) 一夜之間成為fb紅人, 洗版程度超越咗o個隻我本來neutral但洗版洗到我十分反感的黃色鴨…:p
可惜我係洗版之後先睇番嗰集”玩嘢王”, 搞到效果減半…如果唔係真係應該更爆趣! 嘉欣bb當日o既演技真係達視后級…亦令我覺得佢平時o既平凡演技可能先係真演技! 哈哈! 佢嗰句咩”係我男朋友嚟o架＂…我真心笑咗!
不過咁, 其實睇完之後再回想番, 成件事 (尤其去到斷頭台o個part) 到後段係ok浮誇…你令個藝人以為自己幾乎整死另一個藝人…係咪真係會玩成咁?! 定係all parties夾埋晒做場好戲…呃的只有觀眾?! 當然, 我認為就算真係咁也無壞…做到一場good show, 令大家開心咪功德無量囉! 同埋其實王君馨嗰段咩”yummy yummy yummy yummei yum”無聊得嚟都幾好笑! 哈哈!
終於有時間睇番“仁心解碼2”…ok好睇喎! 雖然來來去去都係咩人格分裂呀, 邪教呀咁! 但阿天兄o個part我真係笑咗! 同埋做好迷戀佢o個位痴女, 我初時覺得做得幾好同埋個樣幾靚 (雖然有d膠), 係咪新人嚟呢? 但又好似o係另一套劇見過喎…諗諗吓原來係上次”法網狙擊”累到高ling俾白健恩強姦o個個“妹妹”…於是上網search吓佢o既資料…嚇然發現佢居然係梁麗瑩!!!!!!! 04年落選港姐, 同陶大宇合作過05年“開心賓館”的梁麗瑩!!!!!!!! 我印象中你完全唔係咁o既樣o架喎…兩個人一樣! 我怎能相信我的眼睛!!!! 搞咩鬼呀?!?!?!?!?!
posted by 芒姐 at 11:30 下午
23 Comments:
嘉欣BB果集"玩嘢王", 我係當晚即時睇的, 其實再細心留意下李思捷講既野, 都發現少少端倪 - 我記得李思捷開頭簡介時, 係有一句說話somehow揭露個魔術師係被玩對象, 不過轉頭佢又講到嘉欣BB將會被玩, 我初時以為係李思捷表達能力差, 講野confusing, 並無深究, 但之後BB句"佢係我男朋友黎架"都好明顯知道BB先係玩人果位啦!
其實BB今次又有幾好戲呀, 咪又係佢平時一貫的喊+嗌+歇斯底里?
認同~我上網睇返被人捧到上神台既嘉欣BB段片, 真係咪又係平時咁喊...
咁佢平時d喊戲都係ok good!
哈哈, 自從千語bb地位得到確認之後, 鍾嘉欣多番好多女人緣, 依家連芒姐都對佢寬宏咗好多!
哈哈，從來不曾因為林峯而鄙鍾嘉欣，就算鄙佢都係第二啲嘢！而林峯本身自從千語bb事件之後⋯更加係得啖笑⋯
林峰同千語bb呢件事真係好7,一個有錢仔竟然為呢種貨色做觀音兵,鬼上身
原來真係好多人同我一樣因BB事件而對鍾嘉欣好感突然激增.哈哈.完全同意林峯而家已經變成一個笑話. 上討論區睇吓,護峯兵團倒戈圍插.奇觀.半年前視帝風波仲記憶猶新.才半年,佢搞成咁,而黎耀祥就破收視新低.邊個會諗到!
溫哥華匿名人
鍾嘉欣同千語bb有咩關係？ 唔好被林峯chok樣呃左,骨子裡佢同一般毒男無異，鐘意打機玩玩具，感情認真起上黎，甘心情願做兵。
agree that the whole incident is..."cant be more 7" (sorry for being so 粗皮)...hahaha!
認同嘉欣BB同千語BB完全無關係...千語BB事件無令到鍾嘉欣變得討好/唔討好咗...
...只係林峰的表現...我笑咗!
好大陣葡萄味~~
芒姐你咁鬼好記性連"開心賓館"都記得!
溫哥華匿名人
好坦白好坦白(粉絲不要打我), 依家就算真心粉都應該唔會葡萄偶像d女啦...我本人其實覺得佢媾國產佳麗十分可以理解的, 樣靚身材正又嗲, 我係男人都會嗒糖, 而任何偶像去媾女亦係人之常情, 你話你無我反而覺得你假...不過千語bb就真係yim悶咗d...但taste的嘢好難講, 不過最爆笑o係o個7個咩好愛, 令我諗起陳振聰...堅好笑!
開心賓館我又睇過o架, 不過其實係因為我睇番wiki的資料先記得!
芒姐, 唔好誤會, 唔係話你葡萄, 係話其他人jeh~~
雖然話依家d fans唔會好似以前咁, 但你睇番各大forum, 的而且確真係有fans葡萄緊吳千語的~~
咪玩啦，呢種富二代食家落一轉老蘭揀都揀到手軟，葡萄?
從各人對吳千語各式各樣的形容或者批鬥，就知道大家有沒有葡萄，或者葡萄到何等程度，基本上越刻薄（有D甚至達到惡毒等級）就越葡萄... 有葡萄的，自己心照，無葡萄的，亦不必對號入座乾勞氣... Come on, relax!
其實感情嘅嘢，旁人真係不得依牙鬆鋼嫁噃，你覺得吳千語幾襯唔起你偶像都好，慘得過你偶像又落搭呀，你真係吹佢唔脹喎，講真，如果吳千語真係大家形容得咁差咁配唔起你偶像，你覺得佢地又可以維持得幾耐，洗乜激動到鬧個女仔之餘連自己個偶像都鬧埋？畀些少風度，唔好成日畀機會人話林峰fans小學雞啦。
有人覺得以林生條件可以搵件好D, 而加仲好似愛到傻左咁。其實對吳千語既了解，都係黎自傳媒，佢地真實點相處外人又點知，難得個偶像肯唔理粉絲，620 壓力，需要好大勇氣，我唔覺佢7,我見親子王國好多C9都好欣賞佢tim 。佢做明星唔係為名為利，根本唔care你地班人點講佢，佢呢一刻只係做自己想做既野，雖然一刻激情可能好快過，哈哈。
oh,呢度請親峯峯既話題都好熱鬧!
講親,打錯字
峯峯紅嘛, 人紅梗係多人談論
其實我覺得出面d人好多時係唔妥峯粉多於林峯本人，如果唔係粉絲們經常過份激動護主，d人可能無咁反感，或者會再多d人鐘意林峯！
發佈留言
<< Home