2006年4月28日星期五

4-28(fri) 1993年香港小姐

尋日“娛樂直播”居然無啦啦訪問93年香港小姐三甲莫可欣, 林麗薇, 余少寶…相信係想佢o地宣傳o下今年港姐選舉, 叫多d人參加…但點解係佢o地呢?! 點解覺得佢o地可以吸引到多d人參加港姐? 唔通因為佢o地咁o既質素都贏到, 覺得可以增加d人o既信心? 定係因為搵唔到其他舊港姐得閒上o黎呢個節目?

不過可以搵番同一屆o既港姐三甲接受訪問…又係幾特別o既…仲要係經過o左13年之後! 再次見佢o地聚埋一齊, 個感覺幾特別! 仲要一路訪問, 後面個screen一路播番93年最屆港姐一齊拍o既“catwalk俏佳人”片段…幾有趣!

93年港姐資料一覽…上次講“刑偵”同“catwalk俏佳人”都有post過! 93年港姐選舉可算係“最經典”o個屆, 選到o個三個反而係最唔好樣o個三個…可能真係因為一早plan o左要開套“catwalk”俾o個屆港姐拍…當選o個幾個, 反而出得最少鏡! 而落選o個幾個-郭可盈, 陳妙瑛, 麥家琪, 鄧麗文, even林佩君就擔最多戲…預o左要力捧佢o地, 等佢o地一選完就可以去拍戲, 唔洗去履行什麼港姐職務! 係一個陰謀!



哈哈, 咁多年後見番呢幾位港姐三甲, 感覺都幾特別…當年覺得余少寶同佢個提名人車淑梅好似, 依家仍然有d似…bilibala但唔知佢想講咩?! 當年我覺得佢當選簡直係…哎! 好記得當年一選完明珠台仲整o左個節目叫“eye on miss hong kong”…係“eye on hong kong”o既變奏版…係以英文訪問得獎o既港姐同埋播番d決賽精彩片段…真係幾好笑, 幾好睇…因為佢o地講英文真係好好笑, 尤其係余少寶, 真係笑爆咀! 等佢仲claim自己o係外國讀書…原來係法國, 唔怪得知佢d英文咁好! 可惜呢個咁好笑o既英文節目, 只係維持o左兩年, 而且94年已經無咁精彩, 簡短o左好多, 同埋由於o個屆d得獎港姐好似活麗明同李綺虹o既英文都好流利…所以無咁好笑!

阿余小姐仲話佢選完之後去o左英國讀法律…oh, 實在太得意喇! 同埋佢依家講o野都仲係ee ee eh eh唔知佢想講咩…佢當選實在係一個錯誤!

而冠軍莫可欣得獎就更加匪夷所思啦! 不過相信大家覺得最匪夷所思o既係…十分有型o既方中信居然揀o左佢! Oh!

林麗薇反而係最得o個個, 仲要好樣o左喎! 佢話依家做緊間最大o既保險公司…個樣真係幾pro!

(今日就訪問95年亞軍李嘉慧, 再加埋另一位主持-05年亞軍陸詩韻…日日係咁呼籲人選港姐, 可能真係太無人參加! 不過陸詩韻真係算主持“東張西望”表現最好o既港姐…冠軍葉翠翠就真係差好遠喇!)

4 Comments:

Anonymous 雪人 said...

"不過相信大家覺得最匪夷所思o既係…十分有型o既方中信居然揀o左佢! Oh!"
完全係我心聲, 相信亦係不少女孩子的心聲, 絕對可以列入經典奇案裡面

12:06 上午  
Blogger 芒姐 said...

哈哈哈...除o左佢o地呢一pair, 當年仲有程度上無咁驚嚇o既鄭浩南+李妮...不過方中信+莫可欣就實在...太令人...哎!

1:50 上午  
Anonymous 雪人 said...

鄭浩南+李妮 當年都有嚇我一跳, 不過我個人覺得其實溫兆倫同當時得令的郭羨妮拍拖更令我啞晒架~

11:25 上午  
Blogger 芒姐 said...

哈哈...咁我當時聽到都有d驚訝, 但我又唔會好似唔明"方中信點解揀莫可欣"地唔明"郭羨妮點解揀溫兆倫"...雖則佢個底花晒, 但我真係相信佢lum女有一手...你見佢平時講o野甜言蜜語又funny咁, 都知佢其實會lum到女...不過依家話佢同番個前妻一齊...我想知, 係邊個前妻囉?! 同埋佢究竟有幾多前妻呢?

5:50 下午  

發佈留言

<< Home