11-29(tues) 情陷夜中環
![Image hosted by Photobucket.com](http://i8.photobucket.com/albums/a45/monjeh/atv-central.jpg)
睇o左一集“情陷夜中環”…都幾好睇喎! o個d拍攝手法+style唔知點解有d似“殭屍”…可能一開始真係cast阿四哥去拍“殭屍”o架喎! 又係一貫亞視劇o既原班人馬, 好似“美麗傳說2之星願”o個堆人咁!
袁文杰做後生時o既謝賢都幾似, 梁敏儀都做得幾好, .好有wet妹feel! 而mousse ho演技依然係咁差! 張文慈個cheap cheap扯皮條角色都做得好稱職...真係好鬼賤格!我好懷疑成套劇係“dai”英皇o個堆人o架囉...又帶d女(其實係d保險經紀)去“湖景酒店”, 又叫佢o地戒甜戒飯...真係好似去做明星咁!
之前無咩睇過葉璇做時裝劇, 其實都幾ok呀...幾青春, 幾得意, 但一開場就俾人踢o左出個法律界要走去做保險...不過佢初頭做個可憐+無知o既角色…其實唔多似! 我諗講佢跟o左張文慈做保險之後應該會變成攻心計o個類女人!同埋珈穎做佢師傅就有d夾硬囉…夾硬扮老同扮pro...好騎呢!
有人話鮑起靜o係屋企都著高跟鞋咁奇怪…我叫佢望o下四哥o係屋企戴住副超咪仲奇怪! 睇報紙好似話佢拍床上戲都唔係除副超就仲騎呢!
仲有,今集“阿旺”好好笑...仲幾warm添!
![Image hosted by Photobucket.com](http://i8.photobucket.com/albums/a45/monjeh/dif2-beach.jpg)
呢幾集o既“刑事偵”實在係好無聊好老套呀…睇得人好激氣! 車匙無啦啦俾人打“懵仔針”, 仲俾個院長夾硬扼入院…咩戲o黎o架?! 睇得人很氣結!
陶大宇其實都做得幾好, 雖然o係“遮時”病塌前大哎時好有萬子feel…令我諗起:“so what!”
仲有, 要忍唔住講多一次我o地十年前o既observation: 張大勇個頭真係吹得好靚! 其實當年陶大宇能大紅, 我o地覺得最大功勞應該係個頭…佢個樣同好霉o既年代無咩大分別, 但係個頭就吹得好正…好過呢幾年個髮線向後移再gel起晒o既金毛look! (即係“心花放”或者依家亞視下午重播o既“縱橫天下”咁)…當年連我都覺得佢幾靚仔 (至少係討好呀…難怪佢可以做師奶殺手), 雖然話“人紅自然靚”係一個定律, 但總有跡可尋o既…咪就係個頭囉!
同埋佢“手查”鎗真係 “手查”得幾有型, 尤其佢o地成班夥記一齊出job一齊“手查”鎗…仲型!
亦都不得不再講多次, 陶大宇同郭可盈其實真係幾襯, 襯過郭可盈同林文龍…而林文龍就反而同黎姿襯d! 哈! 我記得96年有個港姐招幕show, 仲特登搵o左陶大宇同郭可盈去重演一次“刑偵2”陳秀珠單case某一段, 但就改為講一個媽媽去幫個女?港姐報名表o既故事…連港姐都要大勇同遮時以劇中角色打孖去宣傳, 可見佢兩個o既組合幾咁受歡迎!
![Image hosted by Photobucket.com](http://i8.photobucket.com/albums/a45/monjeh/dif-couple.jpg)
而郭可盈當年又真係幾young幾靚…仲有, 作為一個出道兩年o既新人, 佢o係 “刑偵”o既表現真係非常唔錯, 抵佢當年選港姐?到個“最具演藝潛質獎”…跟住tvb仲即刻開o左套“catwalk俏佳人”俾佢擔正 (注意: 呢套劇o既男主角亦都係佢o既最佳拍檔陶大宇…仲有佢o既“另一位情人”蔣志光…無線真係用開o個班人就會keep住係咁用! 好似“真情”同“刑偵”o既演員又係勁overlap!)
套“catwalk”又係有齊93年全屆港姐 (除o左三甲…都好似有得出幾個shot o既), 又陳妙瑛, 又有當年18歲卜卜脆自拍裸照o既麥家琪, 仲有個林佩君做佢個妹! 點知o係“刑偵2”又有齊呢堆人, 新加呢10集又有麥家琪同林佩君 (呢個姐仔曾經都有d比較吃重o既角色做, 但依家已經做到陳安瑩o個d師奶level喇…今次重睇“刑偵”, 仲發覺佢講廣東話有d口音添!)…佢o地幾個仲要係選港姐時被安排同一組去雅典拍外景…好似仲有冠軍14號莫可欣都係同佢o地同組 (當時13號郭可盈同14號莫可欣懶係走d孖公仔路線o架嘛…我仲係支持郭可盈o架添!), 忽然記起佢都有份做“刑偵2”一開頭單立文o個個單元!
唔講都唔記得, 當年睇“開心華之里”曾經好鍾意麥家琪同朱健鈞…真係唔該晒, 講出o黎都想笑!