4-30(sun) 四大天王
(呢篇日記將會好長好長…大家請自行搵廁所位break下…)
眾所周知, 我係一個電視精同埋音樂精 (呢個term唔係太趣緻, 遲d要諗個第二個), 但我係唔好電影o既, 我o既area of expertise亦都唔o係呢度…不過我今次都要禁不住推介一套電影! 而當你知道係邊套之後, 會更加覺得估我唔到…因為我同樣地估佢唔到!
前個禮拜去睇“至尊無賴”(唔洗驚, 我唔係同你推介呢套!), 點知唔覺意“立”到另一套劇o既宣傳片….居然有少少吸引到我 (但明明本來我係鄙視o架嘛!), 好似幾interesting咁! 跟住又有朋友話睇o左覺得幾好睇, 又居然有人肯陪我睇…就係咁, 睇o左一套令我好驚喜o既戲!
記得我o係3月28日o既日記曾經談及‘吳彥祖假到爆o既“好x錯”粗口片段’…
…“唔知大家有無睇過呢期網上流傳o既alive反目片段? 前幾日有個朋友send左俾我…嘩! 笑爆咀! 好笑在假到爆囉…個個表情+對白都極度浮誇, 我真係好懷疑係佢o地自己做出o黎宣傳o既! 仲要係演技勁唔掂o個隻! 最好笑係睇呢段片之前個friend已經o係我o地面前傳神地演繹o左一次呢個片段, 真係每個細節都無遺漏…我一邊睇, 一邊諗起佢個樣同埋語氣…真係笑死我!
以前吳彥祖係香港第一型男, 但近年已經勁跌watt, 再同o個三位本來都算係型男o既friend (supposedly好型o既陳子聰, 唔知點解變o左個波?!) 組成o左呢個超齡+勁out boy band… alive, 即刻感覺cheap晒! 你唱歌又唔係好聽, 做咩要做歌星? 仲要係一班三十過外o既阿叔o係海灘走boyz都嫌太young o既 “夏季sha la la”路線…真係想點呀?”
而去年八月無啦啦睇到alive成立, 我亦都講過…
“尋日睇“東張西望”見到陳子聰同埋吳彥祖, 尹子維, 連凱“四大型男”話唔知夾咩band…見到陳子聰依家肥嘟嘟咁, 都唔知講咩好? 以前佢好型, 拍得住吳彥祖o架嘛…點會搞成咁o架? 唔知係咪呀賭王下令要谷肥佢, 等佢無咁多狂峰浪蝶呢?”
睇完呢套戲…我真係要同佢o地講句:“sorry晒!”我要收番晒我之前所講o既o野! 原來我一路都誤會o左佢o地! 冤枉o左佢o地成半年!
之前仲笑佢o地拍埋d咁o既陽光與海灘mv, 原來佢o地係玩o野, 自己都好鄙視自己! 原來佢o地成立呢隊咁o既騎呢boy band, 係為o左諷刺傳媒同藝人互相利用作宣傳o既關係, 諷刺樂壇連一d完全唔識唱歌+只賣樣o既boy band都可以紅到…其實去睇之前已經o係報紙知道佢o地做咁多o野係為o左拍套戲, 仲話扼晒所有人, 利用傳媒, 搞喊個好信任佢o地o既記者…都覺得佢o地好賤格, 手法好卑劣, 但就平反o左一路覺得佢o地cheap o個part (我指騎呢地成立boy band)…但係睇埋套戲, 連呢覺得佢o地卑鄙o個part都無埋, 改觀晒…直頭係超讚呀!
ALIVE成立的真正原因:
“The BIG announcement we made today at the event is that we formed Alive so that we could make "The Heavenly Kings." We have been planning the movie from day 1 and Alive was born so that we could make this movie. We have held this secret for 2 years because we wanted to make a film that blurred the lines between reality and drama. Andrew came up with the idea to make a movie about a boyband trying to establish itself in the entertainment industry. After some discussion, Daniel came up with the idea to really become a boyband so we can shoot the movie in real settings and give the characters in the movie more credibility because they are actually becoming a band for real.”
基本上我覺得成套o野都係假o既, 只係以一個懶係真人show手法去present出o黎, 想顯得更真實! 我相信佢o地所講o既事可能真係有發生過, 但係我o地o係套戲度睇到o既, 全部都係重新拍番出o黎, 所以有d都顯得幾假…不過無所謂啦, 真真假假根本就唔重要, 最緊要好睇咪得囉!
好似俾傳媒吹到好大o既“自己放首歌上網再扮俾人偷歌然後搏個記者妹同情再叫佢幫佢o地o係報紙寫衰呢件事”事件…我都好懷疑電影裡面o個段懶係真實咁打電話俾個記者一定係假者夾定囉…個記者好over地不停咁話:“oh, 你o地真係好…慘…呀…!”不過如果係扮o野, 佢聽到daniel打俾佢然後好lum o個把聲…真係做得好好!
其實藝人同傳媒夾新聞大家應該習以為常, 根本一d都唔出奇…所以睇娛樂雜誌都唔洗咁認真! 正如佢o地所講, 呢d係market strategy, 係互惠互利o既關係…睇o下你識唔識討好記者, 同佢o地關係好唔好, 去斷定你會得到一d點o既新聞! 所以有時你以為好真o既新聞, 其實都係夾出o黎…世事o既o野, 根本就難分真與假! 即係好似前排亞視個“十大電視廣告頒獎禮”搞出o個d是是非非, 其實都係宣傳招數, 大家互相利用, 誰是誰非根本無人知!
成套戲以documentary形式拍攝, 其實有d似鏗鏘集…不過我本身幾鍾意睇鏗鏘集, 所以我buy! 雖然好多位都係做戲咁做…但真係好好笑, 好抵死! 平時睇周星馳d笑片都引唔到我笑, 但係呢套真係笑到我抽筋! 浮誇得o黎好好笑!
最搞笑o個個係陳子聰…原來佢真係好抵死! 我o地呢期最欣賞就係佢! 佢o個d嘴喵喵o既不屑嘴臉…其實…好似我! 所以我好buy! 同埋佢o個d懶懶閒, 好鬼hea, 或者嬉皮笑臉, 飾演朋友間o既和事佬角色, 其實都令我好有共鳴…真係一路都唔知佢咁抵死! 原來呢個肥嘟嘟o既look, 可能真係仲適合+討好過佢當年個型男木村look!
(你…你…你…仲認得佢嗎?!)
經過多年o黎洗腦, 差d唔記得o左佢當年個型仔look! 特登search左好耐去search番佢以前個樣…嘩! 真係久違了…你又點能夠相信佢o地係同一個人?!
當年(97年)佢同“立生”盧慶輝一齊被揀中幫梅姐拍“抱緊眼前人”mv, 仲分別同梅姐傳過緋聞…但係依家佢兩個都跌晒watt!
(你又點能夠相信…佢就係…陳子聰?!)
其實alive四子每人o既character都好出, 各有特色 (因為佢o地刻意放大人物性格)…好似陳子聰就好carefree, 懶懶閒, 無咩所謂; 尹子維就比較反叛 (從“你係好x錯”片段已經知佢個“人物性格”係點); 而另外兩個就係飾演比較認真o既“角色”, 好似吳彥祖就係最organized, 成日要做大佬; 連凱就比較認真, 唔變通o個隻…佢同個經理人講叫佢幫佢私人book五個fans o個part都幾好笑 (跟住個鏡頭仲影住有幾個人舉住個“Andrew”牌…笑死!)…雖然又係假o左d! 仲有, 佢o地個經理人都做得好好…做得幾真!
其實仲有好多part都好搞笑, 例如佢o地去學跳舞o個part, 搵o左個好熟面口o既茄喱啡去幫佢o地排舞, 又係假得o黎好好笑!
當然, 最好笑o個part係o個個?型形象設計師, 仲要抱住條狗行入o黎, 佢同佢助手都好?囉! 又話係什麼前演員…但又真係唔識佢喎?! 佢幫alive設計D衫同埋形象浮誇不特止, 係佢個tone同埋個style最笑爆咀…什麼“我d衫係要表現‘individualism’”, 又不停o係度以?型腔 “oh…alive is all about love”, “alive is all about sex”etc…好瘋癲! 不過好得!
同埋佢o地為o左加添真實感, 不停咁夾硬講多幾句粗口以為會似鬧交多d, 其實咁樣仲假! 試問佢o地呢d英文人又點會成日講中文粗口?! 不過睇完佢o地成段o既“好x錯”片段, 又反而無咁核突喎…佢o地cut o左出o黎放上網o個段, 真係顯得佢o地好白痴!
跟住個“documentary”又不停會穿插訪問d嘉賓叫佢o地發表o下意見, 好似張學友呀, 楊千嬅呀, 莫文蔚呀咁…令到套戲更加鏗鏘集! 楊千嬅講話娛樂圈其實係一個game, 我好認同…但好突兀就係佢一連兩次講“一個games”…好ngun耳…唔係話犯o左好大o既錯誤, 但係“一個games”真係令人好難受! 如果你講“兩個game”反而好d喎! 千fa…都叫你向中lay學o下英文先啦! 英文唔好其實無咩問題…但唔好胡亂咁講囉! 佢平時講o野好有紋有路, 但一包含英文就變得超騎呢!
學友o個幾段真情對話就真係唔錯, 好有heart! 尤其由佢呢位最有實力o既歌手去講o下偶像派同實力派o既o野, 同埋樂壇o既現象…係最適合o既人選! 加上佢作為四大天王之一, o係呢套點題之作出o黎現身說法, 倍覺抵死! 雖然佢o地四個唔止一次講話唔想背住呢名, 但無可否認,“四大天王”真係九十年代一個重要icon! 每次有咩回顧都要講番佢o地去懷緬呢個“朝代”…所以alive今次套戲以“四大天王”命名, 其實都係別有用心o既!
仲有睇番佢o地d演唱會片段, 又ac hall, 又上海, 又台灣concert…好多片段“大飲茶”都有播過…真亦假時假亦真…好鬼馬! 我真係好欣賞佢o地呢個idea, 呢個由吳彥祖構思出o黎o既project…我覺得真係應該頒個最佳導演獎俾佢!
成套戲都拍得好好…唔睇由自可, 睇完我直頭覺得係近半年o黎最好睇o既戲! 我要向大家勁推介! 希望可以盡我些微o既影響力 (if any), 幫呢套好戲谷o下票房…因為我睇佢都唔會賣座, 而大家亦好可能會miss左呢套好戲! 咁當然, 人人o既喜好都唔同, 我都有朋友睇完話覺得唔好睇…所以如果大家睇完覺得唔得, 唔好向我尋仇! 但係如果覺得係無介紹錯o既, 可以返o黎同我o地分享o下!
(睇完套戲, 我個腦不停咁浮現佢o地首騎呢歌“阿當的抉擇”o既旋律…oh!!!)
alive官方網頁:
http://www.alivenotdead.com/
“男孩樂隊無處不在--然而我們到底有多了解男孩樂隊？作為這類樂隊的一份子和幕後發生的到底是怎樣的一回事？通過貼身追訪陳子聰、連凱、尹子維、吳彥祖，《四大天王》將會披露香港明星工廠不為人知的一切。採用零距離的拍攝方式，這齣紀錄片巨細無遺地呈現ALIVE的興衰：四個原本有頭有面的明星，踩過界進入歌壇組成一隊亞洲男孩樂隊，將不能變成可能。
Alive 始於四個想找樂子的音樂發燒友。 去年，四條友在百忙中開始計劃製作音樂和MV。本來我們希望能藉著EP把我們的歌曲介紹給大家，可惜我們發現我們的歌曲中，有一首居然在網際網絡上被搶先 發放了。經過了慎重的考慮，我們決定，對付盜?的最佳良方，就就：「免費發放」我們的音樂和錄像﹔alivenotdead.com就是我們送給大家的禮 物！你們在這個網站?，可以免費、合法、自由地下載或欣賞我們的音樂和我們的錄像……。我們希望跟你們一起享受我們的音樂和錄像，讓你們更充份地認識到我 們和我們的音樂。Alive對我們這四條音樂發燒友來說，目的是發揮、舒展和享受我們的嗜好。但這只是個起步！我們希望因Alive，令你們也能得到如 Alive一樣的情趣和歡樂。”
posted by 芒姐 at 2:39 上午
18 Comments:
哇!!!!芒姐,我地真係超夾啊,哈哈~?對alive呢件事上,等我post我睇完四大天王?日寫的日記同你分享下先~~
2006.04.26 22:06
說真的,如果吳彥祖組織alive,全是為了這套《四大天王》,那我不得不說,他真的是一個太有機心,不是負面的那種,是很有腦,很有計劃的一個人~~
但如果他真的切切實實地為了組織alive而組織,那《四大天王》就是一套很fun但又很血淋淋的documentary,太值得一睇了~shallow而又得罪地講句,你地?人去睇twins都俾四十蚊啦,咁同樣四十蚊,以人數來計,三個靚仔點都值過兩個靚妹啦,係咪先~
哈哈,說笑而己,但我真的覺得很值得看~娛樂圈就是這麼的一回事,有人有心真的想做好音樂,但也有人只是玩樂一場;就好像千fa在戲裡面說的,遊戲而己,看你自己心態如何調適~最絕核都係學友那句"你靚仔,咁你咪去做偶像派囉,咁你唔靚仔咯,咁未做實力..啊,唔係?,有?人唔靚仔但又唔識唱歌架?,咁你做咩呢,咁咪唔好唱歌囉~"哇,抵死到你丫,睇到我同小二二話不說拍起掌來囉(講真,呢句野係由學友講,先咁有說服力咋)~
成套戲好多位都唔知真定假,我諗簽唱片公司係真的,但不和應該係假的,stylist?幕就唔知真假啦,真的話應該無人會再搵0個個stylist囉,但0個幕都真係笑到標眼淚,尤其係連凱個樣,無辜到你丫~片尾0個0的後續發展我諗都應該係假的,但又可能係佢地個人夢想啦~不過最好睇就係呢0的唔知真定假,即係其實可能佢地真係遇過咁的事,然後拍返出來囉,娛樂圈就係咁架啦,邊有咁多真真假假?;~~
真係唔錯,我覺得係值得一睇囉~唔好成日覺得佢地賣靚仔囉(都係0個句,就算係,都值,有幾何見到咁多個靚仔一齊換衫丫~)~我覺得係真係有HEART囉,係,佢地利用個記者來造新聞係唔?;,騙人點都係唔?架啦,但其實好多新聞,咪都係0的記者自己老作,今次作埋俾你咯~我覺得0的記者都真係要吸取下教訓囉(我諗個女記者即場喊,唔係因為俾人欺騙?感情,而係覺得瘀多),成日都係咁架啦,好似個個都要買你怕咁,而家俾人"線"一鑊,我又唔特別覺得可憐喎~sorry,我真係無替個女記者覺得慘,尤其聽到佢0個0的"懶"替alive俾人dl?歌後的"哎呀,好慘啊"的聲音演出,且,吳彥祖你就七情上面咁拍晒心口咁話"我成幫你架",試下第二個丫啦~
anyway,我真係覺得呢套四大天王係好得,因為得罪0左0的記者而無宣傳搞到票房唔得,咁我就利用下日記仔綿薄之力,宣傳一下啦,真係值得睇架~~~
當初我話去睇四大天王,我?frd個個鄙視我~但其實呢套片真係好有meaning囉,佢??唔知真定假,就係成套戲個theme,娛樂圈根本就有好多?唔知真假架啦~~
睇完你篇日記,簡直有搵到知音的感覺,真係好開心,來,俾個五先啦~哈哈
芒姐，你好呀，我都好耐無留言，雖然我要趕稿，但睇完你篇日記，都不得不要立刻留下言先。
我上星期都睇左「四大天王」，係我意料之外中的好。最初有報導話佢地夾計組band 拍戲，得罪記者，引起各方不滿聲音，我反而覺得無野喎。我都是行內人(寫野既)，(芒姐，記住有必要保護證人，哈哈)雖然我唔係好熟成個娛樂圈，但可以話你知，娛樂圈真係會跟紅頂白，得罪娛記唔會好過。我知好多人都會話，記者鍾意作新聞，好多朋友第一次都會咁問我，無可否認，有呢d 事存在，作料既記者係有，但都要公平講一句，有d 野係藝人自己造成的，梁榮忠唔去偷食，點會俾人影到呀?好多野都係雙方既。
講番alive，idea 真係好新，好有創意，好幾段戲，我都想知真定假，有機會問下先。stylist果段特別爆笑，佢地d 表情簡直係一絕，特別係連凱，應該頒個獎過佢。
有人話係抄作，我唔覺係咩一回事，我反而覺得係有誠意同創意。
我知因為女記者單野，好多記者都杯葛佢地，有時會覺得好可惜，無辦法啦，不過，我已經好努力叫朋友去睇。
講多句，收費台就快做「我們的翁美玲」呀，唉，點解無記唔做架。抗議呀。
睇到你呢個entry,好有感受。
去英國讀書前,我都係一個小娛記。不過我要強調我不是做9仔隊o個o的。
娛樂圈真係好恐怖,跟紅頂白,互相利用,假到爆o既關係,呢o的好平常。最恐怖係一o的外貌型到爆q到死甜到漏o既人,原來係蛇蠍心腸,背後插左你一刀,自己都唔知。
四大天王上映時,我都返左英國lu,未睇tim~~遲d出碟要撈返黎睇下~~
你好呀芒姐！我係你個blog的常客，同樣是個電視精，好鍾意睇你對電視/娛樂的評論，因為你真係講得好中point同好抵死，令人好好共鳴！
我都睇o左《四大天王》，仲要係睇電影節閉幕電影，買飛的時候仲未知係《四大天王》ga，o個時話係套神秘電影講娛樂圈的，後來知道套戲係講alive的時候再加上爆出alive的不和消息,粗口片段之時真係有被騙的感覺，對套戲跌到零興趣，幾想退飛呀！但估唔到俾地佢扼晒，成套戲好睇好笑之餘仲要幾有meaning同拍得好有heart，當堂要加返分俾吳彥祖，原來佢唔止係個花瓶，佢今次做導演真係令人刮目相看！
anyway，其實我留言的目的係剛收到一條好搞笑的link，係一個黑人唱你最鍾意的文文的歌，唔知你有冇睇過呢？同埋唔知點解呢，我一睇完竟然即刻諗起你來...haha~~~
http://www.youtube.com/watch?v=gVvsjty7FPw&search=singing%20asian%20chinese%20cantonese%20black
科拿
科拿...多謝你o既讚美, 更加多謝你條link...哈哈, 笑到我呀! 雖然我其實唔係文文fans (不過我有好幾個friend都好鍾意佢, 而我都幾鍾意佢d歌, 尤其係黑人哥哥唱o個首"纏綿遊戲"), 但係一路睇黑人哥哥好肉緊咁唱文文隻歌, 真係忍唔住笑o左出o黎...好得!
初時我聽到套"四大天王"被揀選做電影節唔知開幕定閉幕電視, 都覺得有無搞錯...但依家我明晒! 吳彥祖下年金像獎應該拿新進導演獎, 甚至最佳導演! 佢真係完全唔係花瓶, 仲要好有腦, 好有heart添!
Dor,
oh原來你曾經係一位娛記...估唔到我呢度有咁多娛記讀者...我覺得呢套戲除o左普通人會發出會心微笑, 行內人都應該覺得大快人心呀...出碟你真係一定要買o黎睇! 我覺得我去戲院睇都值呀, 因為每次o係屋企睇o野都會無咁concentrate, 又上o下網又搞o下第二d o野, 咁就miss左佢o地d抵死位!
敏兒,
oh...「我們的翁美玲」...我無得睇, 實在太可惜喇...有邊幾套戲呀?
女記者單o野其實係咪真o架?! 我覺得就算真有其事, o係電影睇到o個段都係扮出o黎o既...有咩可能咁假呀?!
我個人認為所有事件應該都係真事, 但我o地睇到o既version, 就係案件重演, 好似"警訊"咁囉!
其實娛記同藝人就係唇齒相依o既關係...大家唔可以無o左大家, 但又基於各自o既利益或綱位而成日對立...但係得罪記者又點會好過呢? 如果佢日日寫衰你, d人睇一篇唔信, 睇多十篇都會信啦! 不過其實呢d o野係每一個圈子都會發生...你唔識做人, 唔識討好人, 梗蝕底d啦!
不過呢套o野真係超抵死...忍唔住要激讚佢!
哈哈...連凱係幾抵死, 尤其佢個無辜樣, 同埋佢話要五個fans...笑死我! 不過我依家都係最buy陳子聰! (尤其睇埋"老馮日記"後)
鄧塔,
哈哈! 真係要俾個五你! 大家都咁欣賞呢套戲, 仲要大家都不約而同忍唔住要寫篇o野幫佢o地sell下...真係英雄所見略同!
um...唔止"三個靚仔"啦, 最得o個個, 反而係曾經好靚仔o既肥o都o都conroy! 同埋睇完呢套O野, 真係對吳彥祖有另眼相看的感覺...原來一個人咁靚仔, 仲可以咁有腦...上天實在太唔公平喇!
收費電視果邊會播「射鵰英雄傳之鐵血丹心 」、「十三妹」同「夾心人」，好可惜呀!!!
女記者單野，係真架，如果唔係娛記駛咩咁緊張喎，佢地有時都唔抵爭架喇，特別係你同佢地一齊做過野之後(我不是娛記)，d 咀臉有時難睇到呢!!!
陳子聰確係一絕，果日睇完「四大天王」之後，去左唱k，同行有人唱阿梅首歌，跟住朋友就話:「呢個咪陳子聰囉。」我自問對娛樂圈新聞同人都好熟，但果刻真係死都唔信囉，你要知，佢地簡直係兩個唔同既人，點會變成咁架??玩face off 咩。不過佢既演出確係唔錯，好有潛質，簡直勁呀。特別果d 懶懶閒，唔理唔理果d 動作，一絕。
連凱d 表情又係好似演技派咁，正經到爆。
"射鵰"點可以淨係播一part咁怪o架?!
女記者單野我相信係真, 但我覺得拍出o黎o個段就幾假囉...尤其個記者不停咁話: "oh...你真係好慘呀...!" 嚇死人!
陳子聰變臉事件真係匪夷所思...你話就算欣宜減o左100磅, 都會認得出佢個樣, 但陳子聰就好似d輪廓都變埋...勁! 仲要個style都轉晒, 如果以前o既佢原來暗啞底係咁funny o既話, 根本一d都唔襯!
「同埋睇完呢套O野, 真係對吳彥祖有另眼相看的感覺...原來一個人咁靚仔, 仲可以咁有腦...上天實在太唔公平喇!」---> 聽講daniel讀書好o力, gpa取足4分... 雖然話讀書o力o既人未必就係醒, 不過睇o黎吳彥祖真係一個有樣有腦有內涵o既abc, 我衷心覺得maggie q 唔識寶!
我未睇套戲呀, 睇完你o地寫o既o野, 搞到我都好想睇, 唔知下個禮拜仲有無得睇呢(我呢幾日無時間)?
「哈哈...連凱係幾抵死, 尤其佢個無辜樣, 同埋佢話要五個fans...笑死我!」---> 其實我一直都覺得andrew幾okay(指個樣), 佢可能無daniel咁型, 不過都幾順眼呀...我好期待睇佢個無辜樣, 同埋話要五個fans o個一幕! 希望下個禮拜仲未落畫啦!
See?! I told you the film was good! Glad that you like it.
By the way, good job in finding "Papa"'s old photo....man I always wonder what he used to look like. Personally I like the "round" figure than the "man boobs"!!
Apparently the dance teacher and the stylist are all real people - only acted out the ridiculous characters ie the dog and stuff.
Do you know Daniel Wu and gang are taking this movie at Cannes Film Festival??
gooloo,
本來我以為呢套o野上o左無耐, 應該有排都未落畫...但係今日經過d本身有上呢套戲o既戲院, 好似真係落o左啦喎, 似乎真係唔多賣座, 希望你會搵到一間仲有得做啦!
fung fung,
If you are the "chan fung xxxx" I know, then in fact I was referring to you when I wrote "跟住又有朋友話睇o左覺得幾好睇"...haha!
Yes, it is a very nice movie indeed! And definitely they should take it to the Cannes Film Festival and I'm sure it would get some kind of award eventually!
The dance teacher and the stylist are all real people? But they look/sound so fake! Or perhaps they are exaggerating so as to create the effect!
Haha, I also like papa in his ball shape now! In fact I searched really hard on the web to find his old photos...I myself have also nearly forgotten how he looked b4 after all these yrs!
芒姐, thanks for digging out 陳子聰's old pic. I cannot believe my eyes! The transformation is just...
Will you write a piece on 老馮日記? I only saw the last episode... getting 譚玉瑛姐姐 to play Michael Wong's object of fantasy is very funny.
I wonder if the parents of 老馮 on the show are really his parents.
Moo,
Haha, in fact my next article is about "老馮日記", it will be posted soon!
It's indeed a very good prg, highly impressive...definitely agree that "getting 譚玉瑛姐姐 to play Michael Wong's object of fantasy is very funny."
And I think the parents of 老馮 on the show should not be his real parents.
發佈留言
<< Home