12-13(wed) 全台藝員騎呢之星大唱遊2006(下)+ happy250000…五白金!!!
(續前篇)
“全台藝員卡拉之星大唱遊”…呢個原本係全年最期待o既節目…今年出奇地超級悶…"wely" disappointed囉…枉我仲o係度向大家推介佢…真係sorry晒!
本來懷住好期待o既心情睇, 點知愈睇愈失望…又唔係話好唔好睇o既, 但係同前幾年真係無得比囉…可能因為已經搞o左成六/七年, 咩花神都玩晒, 都無咩新意可以再搞喇!
無o左其中一個都好騎呢o既黃樂兒姐姐已經失色不少o架喇…王俊棠同魯振順今次都好鬼死正經…真係令人失望! 最騎呢可能係梅小惠講錯o左王俊棠唱o既“萬水千山縱橫”做“萬水千山總是情”, 仲要懶醒咁同阿姐講:“阿姐…佢唱你隻萬水千山縱橫呀!”…即時見到阿姐面色一沉!
o個位話係liza姐特登o係“東方之珠”發掘o既五線男藝員…係就係唱得幾似黎明, 但係真係唱得好一般囉…liza姐發掘o既人果然同佢歌藝不相伯仲…真係好有taste啊…!!!!
其他o個d有幾個其實唱得幾好o既, 但係唔適合呢個場合囉…卡拉之星環節最緊要梗係夠騎呢夠搞笑夠entertaining嘛! 哎…佢o地都唔知呢個節目的真正purpose!!! 你要係呢個環節出到位…最緊要就係夠騎呢! 有名你叫啦…“騎呢之星大唱遊”嘛!
今年最entertaining o既依舊係王維德…不過佢o既表現已經唔夠前兩年騎呢! o個次佢一邊做手語一邊唱“強”…真係笑死我! 同埋, 佢真係一定係劉華同城城fans…年年都唱佢o地d歌! 佢今年為o左偷多d表演時間, 仲夾硬整首medley…令我諗起以前學校tq的class entry項目, 到後期又係走火入魔夾硬加o野愈整愈長…最終悶爆收場! 點解大家都唔識見好就收呢?!
不過阿王維德先生真係好有表演慾, 但就完全無歌唱細胞…唱同跳都唔多o岩拍子, 真係枉佢係王敏明個細佬! 不過佢最掂o個樣o野就係十分自我陶醉…咁都好o既, 一年一次開心o下, 連志偉都話下年應該搵佢做opening!
每年o既籌款冠軍家燕姐今年揀隻歌就麻麻地啦, 上年隻“霹靂紅唇”掂好多! 不過不得不讚佢d fans真係好得…個個幾十歲都可以跳得咁好咁齊, 仲可以捱咁耐眼[目訓]添…果然掂!
最唔掂係後面o個堆十線藝員, 有一半都係“一擲千金”裡面o既千金小姐, 亦即係今屆o既落選港姐…其中一個選港姐時都話佢係熱門o既李穎芝 (雖然我完全唔明點解…?)…整晚都la口la面 (佢even選港姐時都la口la面, 又o趙香口膠, 仲成日眼光光呆呆滯滯咁…好礙眼, 唔知係咪唔想撈呢?!
哎…今年呢個騎呢之星環節真係令我好失望…都係襯weekend拿番以前d舊帶出o黎, 重溫o下當年精彩o既卡拉之星大唱遊算喇! 可惜youtube搵唔到呢d舊片段啦!
不經不覺, 呢度又踏進另一個里程…o係2006年12月13日衝破o左“五白金”! 不過今次真係完全無為意…到去到“250168”先發現到…好彩都係一個好好意頭o既數目…哈哈!
一如以往, 無論你之前o係三, 四白金有無留過言都好…如果你唔介意o既話, 歡迎你留個言話我知你係幾時開始入o黎同埋從咩途徑入o黎…特別係無留過言o既新讀者!
亦都一如以往 要o黎一個芒姐五白金全紀錄:
2006-10-21(sat) happy200000…四白金+地球大合唱
2006-8-19(sat) happy 150000…三白金喇!!!
2006-4-23(sun) happy100000...雙白金!!!
2006-3-10(fri) happy77777+fing下fing下
2006-1-29(sun) 合皮猜列時扭耳+合皮60000
2005-12-25(sun) Happy 50000之白金唱片 + 2005芒姐十大
2005-11-4(fri) happy40000+商天娥
2005-8-13(sat) happy 30000
2005-7-13(wed) 金唱片
2005-6-24(fri) 20000
2004-11-4(thurs) 成千上萬
2004-8-28(sat) HAPPY 8000
2004-5-13(thurs) Happy 5000
posted by 芒姐 at 11:34 下午
10 Comments:
Congrat on your 250,000 hits! Lately, I've been reading your blog religiously. Very intersting choice of words. I actually enjoy reading your blog more than apple daily. Thank you for all the recommendation re: chapter stories/movies/mtvs/songs/concerts.
我係由帶銀公主果邊link過黎架(因為佢有搞緊個老友記特輯)
不過都好耐之前啦, 大概半年(?)
我不嬲都係CD-ROM, 即是唯讀讀者=p
但係見到芒姐"特別係無留過言o既新讀者"既召喚
拿拿聲點都留返一兩隻字
我好buy你d觀點, 一針見血
最重要既係你同樣支持葉小姐!我由佢華姐時期已經鍾意佢架啦!
我而家幾乎每日都上黎check你個blog!
唔該一定要keep住寫落去呀!!
你好啊﹐芒姐~
我是從帶銀公主的日記看到你的網址﹐好奇CLICK入來的~大概大半年前﹖~
一看就停不了~就算考試期間也會每日入來看你有沒有UPDATE~
你的電視劇評語真的很讚~
因為我住在溫哥華﹐又沒什麼時間看電視﹐TVB每年推出這麼多電視劇﹐哪有這麼多時間看~所以我只會看你推介的電視劇~ ^^
不過比你和帶銀公主﹐我看電視的資歷算短~
我記得的第一套電視劇應該是溫碧霞那套“火玫瑰”(劇名不太記得﹐我只記得我和菲佣晚晚追﹐而我只記得每次播出時﹐她就會說“火玫瑰火玫瑰”﹐所以我assume這應該是劇名吧~)
有空我會多留言的~ ^0^
As you have written 特別係無留過言o既新讀者...then I must respond to this la =) wow I have been reading your entertaining entries for only more than a month, but I am already addicted to it!
Well I started reading your diary as your entry of HOCC concert. I am a fan of HOCC and that entry's link has been posted in one of HOCC's newsgroup. (By the way glad that you enjoy her concert)
Keep going Monjeh!!! Support you always!
p.s. checking your blog has already be one of me and my roommates' routine every day. =)
芒姐,我諗我黎左呢度個幾兩個月左右啦!!:)
係0係"單打"果度link過黎的
睇左唔係好耐,但庬都會追番舊post黎睇
客氣野唔講啦
總之好多謝有你呢個blog,好好睇,好似追電視咁追~哈哈
我睇咗你個blog一段時間,唔記得咗search咩search到,跟住就一直追住.你d blog幾好睇,唔係d 講"今日同阿邊個去咗邊度玩"ge blog.不過你有d觀點本人不敢苟同,同你一致ge都係buy葉小姐lo~仲有唔like某d偽人
見你咁渴望d人留言,我就留la^^
我都有寫blog ga,有緣blog見la~
我都係係由帶銀公主果邊link過黎的!
你好, 芒姐,我係新仔, 朋友有次講起話有個blog分析tvb 0的野, 好正,然後我便來看的, 應該係大約兩至三星期前開始看, 我每次來看都好開心, 因為你寫得好,事事都中, 係要中埋我地觀眾的心聲, 幫我地出番口氣, 有時雖然人地係做節目俾我地娛樂, 但係都要諗下我地"kun"唔"kun"得落嫁,這裡便給了一個空間去作評論,好正斗,請努力呀.會一直支持看下去..
多謝晒咁多位留過言同埋支持呢個blog o既朋友!
亦都要再次多次帶銀公主同埋恭賀佢同大朋友大婚之喜...前個禮拜o係某處見到銀姐姐張婚紗相, 簡直驚為天人啦...我等梗我封林峰利是o架...你o地一定要兌現呢個承諾!
oli,
o個套係火玫瑰呀...我都有追o架, 仲有發瘟同撈家做男主角添...依家好似仲出o左vcd!
發佈留言
<< Home