7-5(thurs) 變靚d
已經無睇 o個套“學警出更”好耐, 今日偶然再larp到, 做到陶大宇同郭羨妮再結婚…但係呢個劇情真係勁騎呢…話陶大宇為o左個啤酒妹割脈要去睇佢, 就連註冊結婚都遲晒到…真係咩劇情o黎o架? 你發現個朋友有事咪去call白車囉, 唔洗婚都唔結送佢去醫院呀? 你去到又幫唔到d咩呢? 為o左咁而註唔到冊真係勁無聊…睇到人好氣結…完全搵戲o黎做!
仲有, 容祖兒拍劇個樣同平時登台好唔同…又似番以前未整第n次前個樣…見佢出show個樣好似索o左好多咁, 證明懂得化個好妝o既奇妙之處…定係因為o係台上遠+檬鏡o既效果?!
嘩! 11點o個個“變靚d”整容節目, 真係咩節目o黎o架?! 點解會無人投訴? 鼓吹社會歪風…講到好似個樣醜少少就唔死都無用咁! 咁人o地四肢唔健全, 有絕症點算呀?! 即刻死o左佢呀?! 點解呢d咁思想不正確o既節目都可以播? 如果欣宜扮白雪可以有幾千人投訴, 我覺得呢d咁o既“意識不良”節目更加應該投訴囉!
好騎呢…成個節目好浮誇! 個個整完個樣都好似吳文忻咁, 個樣好怪!
又係舊片回顧時間…早幾日睇到呢段“關淑怡+李克勤+黃凱芹@齊心同步創90 (31/12/1989)”…睇番克勤o個時跳舞…好搞笑! 嘩! 呢段片都有17年歷史…錄+upload o既朋友真係好有心!
仲有另一段係“李克勤+關淑怡唱祇有情永在”都好搞鬼…無啦啦著古裝…發生咩事? 點解會無啦啦有個咁o既mv? 關淑怡個大shoulder pad都好頂癮! 真係要多謝youtube…令到我o地可以重溫咁多珍貴o既片段! 勁呀!
posted by 芒姐 at 12:14 上午
16 Comments:
好耐無留言喇，睇到你個topic，忍唔住都要講兩句。頭先「變靚D」果個節目我都有睇喎，係呢，點解會無人投訴架呢?講真果個主角，都四十幾啦，仲想整容後靠個樣去搵食喎，有冇咁道理呀?有咩工要靠樣搵食架?其實我覺得佢只係未化妝同未整頭，如果整咗，都見得吓人架。預告果個仲得人驚，話而家46驚老公唔要佢，唉，而家仲話要去整個胸，咁到左66果陣，點算呀?都係屋企人講得O岩，佢地唔係要整容，係要整吓個腦囉。
希望以上說話無射罪其他人。
我都忍唔住要留兩句
學警我都無睇, 剩係睇左預告, 見到阿大宇唔結婚, 剩係個預告都覺得好荒謬, 好氣頂~
不過都唔夠個「變靚d」離譜, 完全鼓吹歪風, 教壞晒d 人呀
嗚...死喇~
昨晚睇學警時(大宇唔結婚果part)，我細佬同你一樣，一路睇一路鬧，「call 人上去睇佢咪得 law ，已經係要第2次結婚架喎....」
而同一時間我竟然同我細佬講，換轉係我，我都可能會好似大宇咁，一收到電話即飛撲上去 (人命關天呀~)..
oh~~~ 死得喇...我...(^^)
p.s. 芒姐你知唔知 blogspot 有個 function 係可以 show 出最新的留言。
很簡單的 : 先去「網頁原素」那裡，按「加入網頁原素」, 在 feed url 那兒 paste 返 "http://hejnom.blogspot.com/feeds/comments/default" 呢句野就得，好方便。 ^^
芒姐, 你一定要幫我地0係你個專欄度彈下"最緊要進步"啊! 睇左咁多年電視, 我真係從未試過(尤其係tvb)睇過一個好似"最緊要進步"咁不知所謂0既節目, 主持已經夠不知所謂(果個貽興王, 講來講去都係果幾句, 一分又話唔錯唔錯, 兩分/三分又係唔錯唔錯, 連冇分都話唔錯唔錯, 想點呀佢??), d問題就更加白痴無聊("炒蛋水母係因為水母似乜野食物而命名"呢d咁低能0既問題都問得出, 究竟發生緊乜事啊??)!! 我唔覺得呢個咁白痴0既節目好得過"一生為奴"lor, 好心tvb喇喇臨cut左佢啦! 睇d咁反智0既節目, 不單唔會進步, 真係唔退步都已經偷笑!
變靚D其實係抄外國節目, 有線都做過, 叫"整容救兵", 佢連坐車去個廠, D布景同埋歡迎個主角嘅形式都真係抄得一絲不苟
而家無線真係愈黎愈唔知想點。一d公民教育意識都冇。而家個個名星又整容,唔知你地覺唔覺,阿jade整完之後好似趙學而。其實觀眾應該知整容都未必靚,事關學驚既祖兒整完n次個樣都係咁。呀...唔知芒姐知唔知邊個叫"王歌慧"呢?好似係新人黎喎,個樣勁似祖兒。
雖然有少少離題,不過都要講。而家d廣告都好搞笑。好似citifinance話:你黎借錢還你而家d債啦,我地低息口,你個個月仲有好多錢剩請你老豆老母豪幾次,又可以同朋友開party。唔知有幾多人會因為想每個月多個錢開party而又去借錢呢。
真係好久不見喇! 我嘛... ok啦, 冇穿冇爛o既, 不過真係looking forward to a change o羅! 你呢? ok嘛?
喂, 做乜對我o個句"十年前好少會好唔開心, 十年後唔開心o既事好似愈來愈多"咁有感觸先? 又係俾工作搞到唔開心? 算啦, 打份工o者, 勞氣o野都係唔好太上心, 唔值得呀!
我都覺得個「變靚D」好離譜, 講真o個d整容o既主角又有幾醜呀? 如果咁都要去整, 咁真係大把人都要整o羅! 你o個句"講到好似個樣醜少少就唔死都無用咁! 咁人o地四肢唔健全, 有絕症點算呀?! 即刻死o左佢呀?!"講得非常好呀!!
Sandy,
哈哈...我都尚可o既, 咁當然耐不耐都會有d激氣事...算吧啦!
"十年前好少會好唔開心, 十年後唔開心o既事好似愈來愈多"咁有感觸係因為校園生活真係一定比出o黎社會做o野美好十倍...以前就算有d唔開心o野, 其實都係好雞手蒜皮...但係出o黎呢個社會, 就會見到好多意想不到的怪事...不過阿q o的睇, 其實都幾好笑o既!
咪係...個師奶係唔好樣, 但又未醜到要去整容, 同埋整完都差唔多...其實個個屋村師奶都係咁樣o架啦...都唔知咩心態?
Esaltato,
雖然我明白呢個"變靚d"節目好明顯係廣告節目, 但係呢d都應該censor下囉...根本就係意識不良!
哈哈...jade似趙學而咩? 其實我覺得趙學而靚過佢喇...! 哎...可能d人覺得容祖兒咁o既樣依家整完n次都好似見得o下人 (其實我覺得係化妝效果多d)...所以咪有樣學樣...真係鼓吹歪風!
我又真係唔知邊個"王歌慧"喎? 佢唔係特登走去整容祖兒個樣咁有taste呀嘛?
Vince,
我都聽過有線有播呢d整容節目, 仲好detailed咁連手術過程都有得睇! 但係無線係免費電視台, 一家大細都會睇, 播埋d咁o既節目, 就算d人覺得唔恐怖都係意識不良啦...不過呢個節目應該唔係無線製作, 而係廣告節目o黎o卦...
匿名,
哈...已經彈o左啦...不過唔排除再彈, 因為真係太差! 節目本身+d題目勁無聊, 真係小學校際常識問答都益智過佢好多...仲有個玩法亦都勁乏味...主持我諗唔需要我再多講啦...
過路貓小姐,
哈哈...我真係唔知有個咁o既function, 但我click條link, 佢要我下載呢樣o野...我又費事囉...反正有新留言佢都會通知我o既...
至於"結婚vs救人"...救人當然緊要啦, 但我唔明佢點解要自己衝去囉, 佢去到又唔會救人救得快d o既, 報警咪仲實際...仲要一去去咁耐, 連婚都結唔到...真係超級搵戲o黎做...
雪人,
真係唔怪得知"學警"收視跌, 唔單止因為大宇+狐妮, 而係劇情真係太牽強, 同埋陳鍵鋒拍郭羨妮係超無說服力...
「變靚d」呢間公司不嬲形象都唔好, 依家仲拍埋d咁o既特輯...真係...哎..
敏兒,
係喎...真係好耐無見你!
個"變靚d"阿姑的故事其實都真係幾唔該晒...仲要好意思話掉低d仔女去整容, 整完番o黎搞個樣搵食, 好似醜樣少少就必定搵唔到工咁...係, 我絕對相信樣靚搵工有著數, 但又唔見得d醜人個個要拿綜援呀!
講到懶係冠冕堂皇咁...係想幫人洗腦! 人老o左當然係會比以前醜, 咁咪要整容整到死o個刻為止...咁都好唔得閒喎...唔怪得要咁多mpf! 原來係為老o左去整容! 其實我都覺得係化妝同set頭o既分喇...同埋佢係瘦o左, 就係咁多囉...!
芒妹：
我仲係到，我懶到出汁嗻。
真係有人投訴啦。
http://appledaily.atnext.com/template/apple/art_main.cfm?iss_id=20070710&sec_id=4104&subsec_id=11867&art_id=7307321
rona姐姐,
我今日都有睇到呢段報道...咁都算合理d, 但係o個位蕭生都真係極品...佢d歪理都真係唔該晒...
發佈留言
<< Home