2-2(sat) Q表姐
亞視晨早5:30又重播“Q表姐”…已經係第n次…其實呢套戲我當年都力追過, 仲要幾乎次次重播我都有睇…至少睇o左4次, 但每次睇都覺得幾好睇…可能因為佢根本就係無咩劇情o個隻, 所以你唔會覺得睇o左好多次重覆又重覆! 最鍾意呢d低低能能無咩劇情o既輕鬆小品, 睇多幾次都唔覺悶! 同埋佢都好有麗的青春劇o個種cutie feel, 有d似當年的“IQ成熟時” (少少啦), 次次個校長都係咁…好騎呢o既學校, 好麗的青春劇style!
其實套劇又唔講得上太陳年o既, 但係唔經唔覺都有成18年歷史…主角何美婷相信都已經變o左個中年婦人, 而另一個主角童星戴夢夢, 已經搖身一變做o左青春歌手 (仲要已經好多人青春過佢)! 18年…可以改變好多! 唯一不變o既係: 亞視仍然係弱台! 真係可憐!
套劇得15集, 好記得當年係暑假7點鐘倒播, 我仲要每晚力追! 基本上係無無聊聊講o下d家庭瑣事, 但又幾溫馨同埋幾多笑料…主要係講爸爸媽媽劉志榮同佢個真老婆梁淑莊出o左埠, 放低o左兩個女王艷娜同戴夢夢俾Q表姐何美婷湊, 仲有個惡表姐O表姐何美美 (又係親姊妹o係劇中扮番姊妹…亞視d劇真係好寫實! 我個friend聽到又Q表姐又O表姐話好騎呢…問仲有無P表姐?!)…搞到笑料百出o個隻! 不過佢o地段表姐妹情都刻畫得唔錯! o個時成日覺得有個咁o既表姐都幾好! 唔知佢o地o個句口頭襌:“表起你”當年有無hit過呢?!
何美婷就唔係十分靚, 仲有少少肥添…但唔知點解幾討好, 感覺幾sweet囉! 佢都係當年亞視特登挖角過去做女主角o架! 健美小姐o黎講佢都算有有d斤兩, 有一集歐錦棠要抱起佢都幾辛苦o下! Oh, 唔知依家何美婷變成咩樣呢? 依家叫番佢出o黎同戴夢夢做戲又唔知會點? 唔知夢夢d fans會唔會特登去睇番佢呢個劇呢?!
話時話, 夢夢細個真係好得意, 好可愛, 幾靚女…依家平凡o左好多…其實唔係話醜o既, 只可以話係好普通囉! 睇番佢以前真係人見人愛, 同埋以前把聲沙d得意d! 抵翁虹都認佢做契女! o個時好鍾意睇呢個劇其中一個原因都係鍾意睇佢, 就算依家再睇番以前o既佢依然係咁可愛!
睇番資料, 原來佢係1990 年亞洲電視"小偶像競選大賽" 冠軍…其實我記得當年我都有larp過呢個節目…亞視當年又真係好多呢d “另類選舉”, 又“小偶像”, 又“美少女”咁!
1990年只有5歲半的小妹妹，在臺上又唱又跳，她那天真無邪、甜美的笑容深深打動評判團，排衆而出，戴夢夢（Renee）就成爲了亞洲電視「小偶像競選大賽」的冠軍，她開心地在後臺跳呀跳，有如一粒小彈豆。日子瞬眼間就過，她在2001年參加新秀大賽，青春可人的Renee一下子又成爲傳媒焦點，然而，大熱倒灶卻發生在她身上，她哭了，靜靜地坐在後臺一角。直到今天，有CD派到各大電臺播放，美少女夢境成真，當然開心。
夢夢可以說是90年尾的小童星，拿了冠軍的她就簽下合約，她記得：「我拍過《Q表姐》、《第3間電臺》、《香港奇案之八大毒梟》……《飄零燕》等等，噢！還有在2001年間拍了的《完全學生手冊》，03年《親親孩子親親書》，還有《當四葉草碰上劍尖時》呀……」如數家珍，Renee何止有拍劇集的經驗，近日許多旅遊特輯都見到她的芳蹤。至於曾失意在歌唱比賽的那一刻，她就說：「那都是給我一個學習機會，當時是一下子要回答大堆問題，我真的不知所措。」
曾以童星身份演出的電視劇:
1996 飄零燕
1996 再見豔陽天
1995 精武門
1991 觸電情緣
1991 香港奇案之烹夫
1991 香港奇案之八大毒梟
1990 Q表姐
1990 第三間電台
仲有, 做佢家姐o既王艷娜睇睇o下同佢都有d似樣, 幾似兩姐妹…依家o既戴夢夢, 仲有d似當時o既王艷娜添…哈哈! 而王艷娜o個班同學仔王薇, 梁碧芝, 許蓓蓓, 好多個都係o翕得出名o個隻…可能因為之後好年仲有o係亞視做! 見番王薇做學生都幾搞笑, 不嬲見開佢做情婦o架嘛! 雖然幾乎個個都帶有鄉音, 但係全部都幾靚女…有個仲有d似蔡依琳!
(主題曲都好好聽…好夏日, 係甄楚倩o既"一個懶洋洋的下午"…仲有每日做之前o既片頭, 都有夢夢以佢把沙沙o地好cutie o既聲講o下o個日o既重點內容…都幾有趣!)
呢套劇亦擺明想推當時o既青春小生歐錦棠上位…佢個年青有為老師角色都幾討好o下! o個時佢都幾斯文靚仔, 個樣就唔算變化好大, 係d頭髮變得最勁囉…不過男人一到中年變地中海到好平常…又係賀歲月催人, 變o左個呀叔! 以前成日覺得佢同萬斯敏唔係好襯, 依家反而襯o左好多!
但無啦啦又要俾機會佢扮李小龍打人, 又搞咩“張國榮模仿大賽”…但其實唔知佢有邊忽似?! 之後無啦又o係酒廊唱“由零開始” 俾Q表姐聽…都幾騎呢o下! Oh, 仲有當時叫苑麗瓊o既苑瓊丹, 都好搞笑!
不過最騎呢都係臨尾o個幾集勁無聊得o黎仲有d搵戲o黎做…無啦啦加插一段當時o既“時事”陳慧嫻退出歌壇…由關詠荷個角色去扮佢! 但真係同成套戲格格不入…無啦啦玩影射, 好唔啦間! 仲要唱埋“千千闕歌”跟住班fans好唔捨得佢o個幕…真係唔知抄呢幕o黎做咩…畫蛇添足! 不過我想講係關詠荷當年真係好靚 (咁依家都唔差, 係早幾年有一排顯著地跌watt!)…同埋o係亞視o黎講, 佢又真係高其他花旦好多班!
******************************************
另外, 當然要講一講近期的全城最熱話題…暫時牽涉edison+gill+bobo+柏芝o既疑似藝人裸照風波啦!
本來上個禮拜初初爆出時, 真係完全無興趣去睇, 只係循例睇o左被報紙剪裁過o個d…點知後來搞到咁激! 初初我以為又係o個d合成照, 直至不停有人問我點睇, 我先真係去睇o下! 嘩, 睇晒之後, 都不得不相信應該有九成真…連環圖咁, 好難合成喎! 不過呢d相真係over晒…點解會有人鍾意/願意影埋d咁o既相? 仲要係藝人喎, 你話係普通人無人識都已經傻o架啦…仲要係藝人, 點會咁o架?! 你影得都應該會諗過有一日真係會咁唔好彩流出市面…上次A小姐手機短片單o野都應該係一個好大o既警剔 (不過呢d相/短片應該攝於A小姐單o野前)…哎…咁樣真係…以後點見人呀?!
一路辛苦建立o既清純形象無晒…平時d人傳咩係一回事, 但親眼睇到又係另一回事嘛…今次mani都真係頭痕! 另外o個位一心諗住“洗底”嫁入豪門, 點知臨門一腳撻Q…又係慘o既! 呢班女仔又係好鬼可憐…以後真係唔知點算?! 咁當然, 佢o地都要對自己做過o既事負責任! 發佈呢d相o既人當然係唔o岩, 呢樣根本唔雖然討論…不過影呢d相o既藝人都要負上部份責任…你可以話做私人collection, 但亦都真係要預o左會俾人偷/唔見o左, 尤其你係知名人士…做任何事都要諗清楚後果…呢件事正好警剔o下d年青人!
警方為求殺一儆百, 求其拉個貼o左一張相o既人, 仲要唔俾佢保釋還押八個禮拜, 同強姦犯o既待遇差唔多…咪盞俾人話雙重標準! 哎, 睇o黎呢單轟動整個娛樂圈, 甚至整個香港o既事件都有排搞…新年d雜誌封面再唔係霆鋒一家人拜年照片, 而係愛迪生同abcdefg小姐o既十級相!
posted by 芒姐 at 10:14 下午
23 Comments:
柏芝一向豪邁, 從來都冇以純情玉女自居, 同埋佢同檸檬復合之前都好公然咁過左一段相當長嘅酒池肉林/荒唐無度嘅日子, 所以D相又唔會話令我特別驚訝, 況且佢D相只有佢自己, D器官大特寫係就真係好核突下, 但點都好過阿嬌同BOBO, 俾人睇到個過程。成件事我覺得佢最不受影響。
BOBO都係慘, 可能佢當初真係太迷戀阿幼A啦, 就算佢依家個男友唔怪佢, 咁佢男友嘅屋企人又會唔會嫌棄佢呢? 成件事我覺得佢最慘。
阿嬌就唔抵可憐! 佢入得鷹黃, 都預左佢唔係天真無邪小可愛, 但經過佢+鷹黃多年來刻意經營嘅保守形象, 曾幾何時我都俾佢呃左, 以為佢都係尚算自愛嘅人(AS COMPARED TO 其他鷹黃人啦), 嘩!!! 點知佢...竟然...原來...係咁開放!!! 今次佢真係唔知點樣同佢D小朋友FANS交代喇! 睇下佢以後仲點樣扮純情!
仲有龐秋雁!!! 我當年都好留意佢﹐覺得佢好cute!~
到左呢個 moment, 應該唔會有人仲覺得那批相係假掛?! 做藝人係應該有自己既私生活, 同埋都估到形象呢 d 野都係 all about packaging, 但係學芒姐你咁講"平時d人傳咩係一回事, 但親眼睇到又係另一回事"囉!!!
上次阿嬌的偷影事件, 話自己係小朋友既偶像 (當然上次佢明顯係不需負任何責任的受害者), 遣責傳媒不道德強而有力. 今次, 佢都真係要諗下點出黎再面對觀眾. 同埋, 佢唔可以再 sell 純情架啦下話. 小朋友的父母都應該唔會比仔女再崇拜佢啦... twins 會唔會從此拆夥呢?
我都有睇q表姐, 實在幾溫馨寫實...
d演員用翻本身個名....
可能以前多靚仔偶像, 都唔覺得胡渭康好突出, 但衣家睇翻佢都幾高大威猛, 幾有吸引力喎!
亞視不如晚上7點半播呢類明星未紅時既劇好過播咩十六不撘, 睇怕都唔會得一點收視掛!!
睇到大陽報li段
蔡淇俊：「睇到新聞好驚，好慘，做我哋呢行，私人嘢要小心啲，好多人對我哋好好奇。」
哈哈, 他絕對有資格講!
我溫哥華匿名人又加把咀.
Twins 的賀年歌已經係每年的指定動作. 睇嚟從此會係絕唱! 仲累埋呀sa! 我相信呢單嘢一定冇呀sa份. 點解? 因為佢之前仲有資格打個隻 “女仔疫苗”!
RE 蔡淇俊..
YOYO單野唔係佢做架...係人都知啦...唔好再屈佢啦...
係邊個做...其實睇下星期6蘋果C1咪知囉...你諗下點解冇lala將佢既說話放到咁大？其實網上通晒天係邊個做架啦...你當tvb傻架咩...如果係蔡淇俊做...仲比佢同yoyo係合家歡時間做一對...
芒姐,
我追過戴夢夢做既飄零燕。個時我仲係小學,係亞視朝早時播既。個套劇真係好慘情,無記錯既話戴夢夢好似做妹仔,比人賣來賣去,我所以對呢套劇既印象好深刻,不過好可惜一直都唔知個結局,唉!
柏芝同bobo都似係去wet既人,有d咁樣既相我都唔太surprised.反而阿嬌,雖然佢係英皇人,但見佢平時蠢蠢地,無英皇藝人一貫既圓滑,我不嬲覺得佢壞極有個限度,完全估唔到佢係一個咁開放既人,真係人不可貌相。我仲好記得佢上一次聲討大會喊住口走出黎話"我地好辛苦建立形象...",好諷刺囉!
我覺得twins好難再做落去,正如樓上既人講,真係拆夥都似。無可能累埋阿sa架嘛(雖然阿sa既私生活唔會好得去邊,但都係傳姐),而且twins都係靠形象搵食。其實阿嬌一早出黎認左件事可能會仲好,起碼肯承認,可能仲會有人欣賞你既勇氣同坦白先...
RE: 匿名
「我相信呢單嘢一定冇呀sa份. 點解? 因為佢之前仲有資格打個隻 “女仔疫苗”!」
女仔疫苗...即使唔係處女都可以打。只不過係最好係未有性行為之前打既話,預防效用會高d。
好開心見到你寫"q表姐"review,因為我都好鍾意睇,套戲d對白幾抵死,好好笑。最鍾意睇佢地表姊妹三個都好得意,同埋鍾意睇d學校戲囉。
當年暑假首播,我都有睇下,不過因為太耐同埋當年小學生o既我,對劇情未記得清楚,都係05年睇到重播又迷上呢套劇。反而記得,當年首播前o既預告介紹片,係蕭亮用佢o既"蕭亮腔"講"q表姐"三個字,畫面就係何美婷著住芭蕾舞衫跌落地果度,哈哈,希望我冇記錯啦!睇到d舊聞,當年"q表姐"收視對亞視黎講算係唔錯,有十幾點收視,其實果幾年o既亞視個勢唔錯,d劇都幾好,可惜延續唔到。
何美婷過檔果年拍咗"q表姐"同"我係tunafi"(當然之後仲有其他劇),呢兩套我都好記得,因為兩套個名當年我認為都幾突出,劇情就記不清楚啦!
何美婷同王艷娜都冇出現好耐,其他都仲可以見到,而原本冇出現電視十幾年o既胡渭康,最近竟然又出現返(電視風雲50年),個樣冇點老喎!
阿SA雖然同單野冇直接關係, 但係我覺得佢都幾無辜下, 自己一向冇擺咩玉女款, 睇佢拍既戲都唔會話顧住自己咩歌手形象就知啦!今次更加冇做過D乜野, 但係就俾個拍檔連累哂, 阿嬌就一向以玉女形象示人, 仲話30歲前唔會拍咀戲TIM.....
好心英皇拿拿聲拆左TWINS佢啦, 一個救唔返都唔好搞到另一個都冇得撈先得架!!!真係鄧阿SA唔抵......
RE: 真係鄧阿SA唔抵
係啦, 阿SA響幕前嘅表現一向比阿嬌好, 無論做戲定唱歌定跳舞定一般對答甚至觀眾緣, 阿SA都好過阿嬌多多聲, 英皇根本一早就應該拆左TWINS, 等阿SA獨立發展, 我好相信, 以鍾小姐嘅資質, 如果冇左阿SA拍住佢, 即使冇發生今次件事, 佢都唔慌會做得長, 既然依家佢個朵已經臭晒, 我強烈要求TWINS拆夥, 免得阿SA無情情俾個大話精連累!
淫娃扮純情，同豬扒扮靚女有乜分別？
接受嬌嬌扮純情的人，也應該接受欣宜扮公主，否則就係雙重標準。
個人覺得嬌嬌仲衰過自稱基督徒但未婚大肚加虛報年齡果個謝安琪!
看了芒姐的blog許久，但這次才是第一次留言，多多指教。
有關城中熱門話題－－裸照風波，我細讀了各位的回應，也甚同意芒姐所言「俾人傳同俾人見到，係兩回事」；然而，觀乎各位在這blog的留言，就似乎對女性受害者，尤其是阿嬌，有點不公允了。
先旨聲明，第一，本人沒有看過，也沒有興趣看那些照片。第二，本人並非阿嬌的擁躉，但也不討厭Twins或其他涉案女星。
當大家接受了香港娛樂圈是一門「講面門，靠包裝」的事業，那又為何會因為阿嬌「包裝和內涵」不符而認為是次事件是她活該呢？
成年人當然要為自己做過的事負責，但這宗案件，似乎是刑事罪行多於個人失德。該受責難，受法律制裁的，應該是誰？
１）照片中的男女主角？
２）拍片人？
３）存相人？
４）首先發放照片的人？
當一個人（男或女皆然）的私生活（無論你如何定義「開放」）被動的給暴露於社會大眾眼前時，其實已是對其一個極其嚴重的傷害。而往往這些色情事件，女性受到的打擊尤其嚴重。因為社會於這個時候，往往會忽然保守起來，對女性受害者進行苛刻的道德批判！
我只衷心希望大眾可以給予機會和空間，讓所有人可以重新振作。
小花先生/小姐:
首先, 睇一件事, 從來都可以/應該從多於一個層面出發, 單從法律層面睇, 受責難的也許不是照片中的男女主角, 但從社會責任層面出發, 照片中的男女主角就絕對應該受到批評! 身為一個偶像, fans base涵蓋小朋友至青少年等不同階層, 佢嘅一舉一動一言一行, 對青少年人有幾大影響, 大家都應該好清楚, 成熟嘅人都應該知道, 一個人在社會上有多於一個角色, 每個人除左要對自己負責之外, 亦要對自己嘅其他角色負責。
唔係講風涼說話笑班女星抵死, 但懇請班女星撫心自問, 事情發展到如此地步, 佢地係咪都要負上部分責任?
硬撐一眾淫照女主角前, 睇下以下呢篇野先啦!
小 風 波 by 陶 傑
小 風 波 藝 人 的 裸 淫 照 被 人 上 了 網 ， 有 什 麼 大 新 聞 價 值 ？ 十
多 年 前 ， 史 泰 龍 當 四 級 片 演 員 的 圖 片 就 上 了 網 ， 畢 比 特 的
裸 照 也 上 了 網 ， 未 見 美 國 的 FBI 舉 國 出 動 ， 要 抓 幕 後 黑 手 ，
因 為 根 本 不 需 要 。
為 什 麼 ？ 因 為 照 片 如 果 是 假 的 ， 用 一 個 人 頭 貼 在 一 具 身 體
上 面 ， 當 事 人 可 以 發 一 通 聲 明 ， 一 笑 置 之 。
美 國 總 統 布 殊 和 國 務 卿 萊 絲 亦 曾 遭 「 移 花 接 木 」 ， 出 兵 伊
拉 克 的 時 候 ， 惡 作 劇 者 把 兩 個 男 女 的 裸 身 接 上 兩 人 的 肖
像 ， 像 做 愛 的 樣 子 ， 兩 位 領 袖 一 點 反 應 也 沒 有 。
如 果 照 片 是 真 的 ， 那 麼 在 邏 輯 上 ， 就 要 問 一 個 問 題 ： 裸 照
淫 圖 ， 是 不 是 有 歹 徒 用 手 鎗 指 迫 拍 下 ， 為 了 勒 索 不 遂 ， 然
後 在 網 上 傳 播 ？ 如 果 是 這 樣 ， 藝 人 才 是 百 分 之 百 的 受 害
人 ， 不 分 知 名 度 ， 都 是 嚴 重 的 刑 事 案 。
如 果 沒 有 人 威 迫 ， 照 片 是 自 己 私 下 尋 找 樂 趣 ， 用 手 機 拍
下 ， 這 種 自 戀 行 為 ， 當 事 人 一 早 就 該 警 惕 ： 萬 一 手 機 丟
失 ， 電 腦 出 問 題 ， 照 片 就 有 可 能 公 開 流 傳 。 一 對 油 尖 旺 小
情 侶 可 以 在 床 上 玩 自 拍 ， 在 社 會 上 有 點 知 名 的 人 ， 玩 同 樣
的 遊 戲 ， 自 己 承 擔 後 果 。
因 此 ， 如 果 照 片 是 真 的 ， 第 一 個 要 追 究 責 任 的 ， 是 玩 自 拍
製 造 這 些 照 片 的 人 。 即 使 要 找 人 拍 裸 照 玩 自 戀 ， 攝 影 師 畢
竟 是 外 人 ， 今 天 稱 兄 道 弟 ， 明 天 鬧 翻 了 ， 底 片 一 樣 可 能 外
洩 。 一 個 藝 人 ， 如 果 成 熟 一 點 ， 自 拍 或 由 死 黨 拍 下 這 些 照
片 的 時 候 ， 必 定 會 計 算 其 中 風 險 。
你 自 己 率 先 把 「 私 隱 」 拍 下 來 ， 在 這 個 高 科 技 世 界 ， 就 要
想 到 有 沒 有 可 能 有 一 天 「 私 隱 」 會 上 了 網 。 最 保 險 的 辦 法
： 越 是 「 名 人 」 ， 越 不 要 玩 這 等 無 聊 遊 戲 。 如 果 戴 安 娜 跟
她 的 埃 及 男 友 一 起 拍 了 幾 張 床 上 照 ， 照 片 在 雅 虎 公 開 了 ，
只 要 圖 片 是 真 的 ， 你 看 見 了 ， 也 不 會 大 罵 做 手 腳 的 人 「 無
良 」 的 ， 你 只 會 ： A ， 跟 全 世 界 的 人 一 起 評 頭 品 足 圖 中 男 女
的 身 材 ； B ， 嘲 笑 戴 安 娜 ， 跟 那 個 埃 及 佬 做 愛 就 做 愛 ， 拍 下
來 做 什 麼 ？ 真 是 豬 。
幾 張 藝 人 圖 片 上 網 ， 全 城 起 哄 ， 是 一 個 不 成 熟 的 社 會 集 體
躁 狂 的 行 為 。 華 文 傳 媒 頭 版 炒 作 ， 警 方 大 為 緊 張 ， 還 要 求
國 際 刑 警 協 助 ， 這 種 「 警 方 」 也 心 智 不 成 熟 。 議 員 街 頭 被
毆 ， 沒 有 真 正 破 案 ， 政 治 白 色 恐 怖 ， 無 能 為 力 ， 「 警 方 」
跟 偶 像 fan 屎 的 咆 哮 團 團 轉 ， 太 孩 子 氣 了 。 日 本 傳 媒 跟 進 炒
作 ， 助 長 了 當 事 人 自 我 放 大 的 錯 覺 ， 把 香 港 警 方 嚇 死 ， 更
像 天 快 塌 了 的 樣 子 ， 日 本 仔 呀 ， 你你 真 鬼 ！
個d淫照我睇過一幅ja,我都覺得做藝人就要小心d啦,不過edison有鋪自拍隱...我問返d fd想睇相點知一個二個都唔肯俾我,所以我都delete晒佢地d msn...話知佢地識左成10年同學...不過d人使唔使delete得咁快?隔離大把人post av又唔見delete...都痴痴地
個人比較贊同小花既睇法。
RE: Q表姐
金髮美女,
我龐秋雁咩? 唔知點解我覺得佢有D似"紅太陽"劉彩玉姐姐...
sandy,
胡渭康唔差, 當年的歐錦棠更出奇的唔錯啊!
7點半已經俾亞視之寶黃麗梅擺佔O左喇...十六不撘都無得睇LU...但調去禮拜日都好, 反而可以睇到少少...
fernseher,
飄零燕我無睇過, 但我記得戴夢夢O個個LOOK...不過佢O個時大個O左少少, 無細個時咁得意LU...依家就更加...
Kitty,
我記得你好有心機咁做O左個王艷娜網頁...是嗎?
呢套劇幾好睇..."我係tunafi"就無無聊聊咁, 都OK O既, 不過呢套好好多!
係呀, O個幾年亞視個勢係OK..."勝者為王"呀, "大提琴與點三八", 仲有好多好多迴響都唔錯!
RE A小姐事件:
我都有睇過早排的忽周/蘋果暗命報導話係游泳好叻O個位男歌星呀嘛...但年齡唔配合, 案情話係22歲男+24歲女 (當年)...所以俾大家否定O左...係咪陸哲就唔敢肯定, 但飛魚王子又否定O左, 咁都唔知係邊個喇...
RE: 疑似藝人淫照事件 (好鍾意"疑似"呢兩個字, 加O左更加抵死)
其實要講O既基本上都講O左, 第一樣就係, 偷人相的人就一定唔O岩O架喇, 呢樣唔需要點討論; 至於呢D男歡女愛, 你情我願O既O野, 當然亦都係當事人自己的事, 無話O岩定唔O岩, 你鍾意過一個荒淫你生活, 或十分檢點的生活, 係個人取向...不過公眾對某D藝人的觀感, 當然會隨住某D事件而改變...唔係想評論佢O地咁樣做O岩唔O岩或者道德唔道德, 因為每人有自己的標準, 而大家對佢O地O既睇法就心裡有數...我只係想講, D女星慘得來又好鬼傻, 你話你唔介意自己形象就話o者, 但藝人最辛苦係建立自己個形象, 依家咁就毁於一旦...所以, 只係想叫大家做任何o野要諗定後果, 對自己同對家人負責, 同埋帶眼識人o者!
發佈留言
<< Home