8-27(tues) 美儀bb
太過份!!! 呢兩日fb不停出現d咩”重口味”posts…係關於尋晚江美儀同馬國明喺”衝2”o既床戲! 有無搞錯?! 美儀bb都不知幾正…我是真心的! 我真係覺得江美儀幾型幾索喎…仲幾有女人味添…d廿幾歲o靚妹邊有得比?! 同埋話實, 佢真實年齡明明同馬明bb只差兩三年…係咪玩嘢呀? 叫姊弟戀都好勉強啦 (:p), 依家憶蓮+jun, 蕭亞軒+柯震東呢d相差5年以上先叫姊弟戀啫! 我哋成日都話…遲d可能會有“兄妹戀”呢個term, 因為”姊弟戀”才是王道, 男大女小反而變得稀有…who knows?! 依家咩世代喎?!
講番正題…我真心覺得“衝上雲霄2”比較好睇係馬明bb同美儀bb呢段! 法拉+兩男嗰段…悶到呢! 搞到我連sam哥+cool魔都已經無興趣睇! 法拉d戲真係呢…以前唔覺得咁差! 可能今次佢真係擔戲太重!
Oh, 依家十點半又有翠如bb (實在太多bb…:p) 同洪永城o既“走過浮華大地亞洲篇”…睇咗一集, 雖然我覺得上次英國篇好睇好多好多 (我唔知係咪因為我對英國偏愛啦吓!), 不過有佢哋我都會繼續支持吓!
仲有我想講, 今年“miss hong kong pigeon”個準決賽想點? “決戰一分鐘”呀? 成件事好怪…一d都唔elegant, 又無趣味! 跟住只相隔一個禮拜就做決賽…未免太快 (雖然我知無人睇!)! 循例估吓啦…我o既心水係…15號蔡思貝, 12號梁家欣 (我覺得佢幾cute)…搭1號張敬仁或者6號劉佩玥! 另一個大熱門17號陳凱琳…我睇完佢著泳裝真心覺得有d驚…原來女人瘦真係比肥可怕好多!
posted by 芒姐 at 11:30 下午
7 Comments:
我本身好鍾意江美儀,但唔明點解無缐次次俾d床上戲佢囉,我睇嗰陣諗馬明做乜搞佢三媽啫,睇到火到嚟埋,好好地談情唔得既,係都要上床
至於holiday,俾我感覺佢濫交囉,sam哥應該係鬼諳眼先會睇上佢,fala點做都係死架啦,角色咁有問題,搞完cool魔搞sam哥,咁趕客,鬼睇咩
套戲唯一既優點係令我回想起衝1既美好囉,阿belle我好掛住你啊
但網典又話係71
D港姐,真係冇個靚,簡直個個都醜,係冇野做,先至睇下10:30佢地去旅行個節目當睇風景,個12號梁家欣我估入圍係因為19當中冇呢類女仔,但我好唔鍾意佢,尤其是睇到頭條日報篇文章講,她話自己讀法醫,但節目中她剝蝦殼在E娃鬼叫,話係外國見慣的蝦的都是沒有頭沒有殼,完全廢港孩一名
芒姐 off topic,
最近揾到呢段訪問, 唔知你睇過未
但大概佢會幫你解釋到當年 Maggie 既 「伊明頭」XPPP
--------
《電視劇》156期。
《我本善良》二十八歲時的劍走偏鋒 - 陳寶華
電視劇：當初寫《我本善良》，靈感何來？
■陳寶華：當時我在無線做了四年，從編劇做到了編審，那年我28，寫了《我本善良》。那個時候寫一些男性的成長戲收視率是很高的。我很喜歡看外國電影，一直想寫一個很崇拜仇人可是卻分得清黑白對錯的人。我還記得[我本善良]的大故事出來後我去賣本子，他們都不敢收這個本，覺得太偏了，他們說我們是大台，不可以這樣！後來進來一個人，因為我是新人，不知道他們是管理層的。他給我五分鐘時間講故事，最後很有信心地說了一句：我們是無線，我們是最大的頻道，我們不嘗試誰嘗試？現在這個人不做這行了，但是當初沒有他就沒有《我本善良》。
□電視劇：演員當初都是怎麼挑選的？
■陳寶華：(笑) 溫兆倫其實不是我選的，都是我把劇本給公司，公司交給監製，監製和我們一起選。我給你講講我們當初想的都是誰——浩男是梁朝偉，伊明是張曼玉，那個時候他們很紅嘛！演浩男妹妹的本想選葉童，而曾江演的黑社會，原先定的是他演警察，讓謝霆峰的爸爸謝賢演黑社會！我們想的時候就是這個陣容。這部戲，邵美琪給我的觸動最大。她那時的頭髮不是伊明那樣，我就跟賴建國導演說她不像是在英國長大的。後來帶她去剪了個短髮，就發現她留短髮時，個性才能顯出來。我第一次和她合作就是[我本善良]，最後一次合作是[妙手仁心2]。那個時候她感情出現了一些問題，她一見我就抱住我，我也抱住她，告訴她：“你放心，我一定把你弄得很好看。”我們是老朋友了，不用多說，我也從來不過問她的私事，比起人生的困難，那點感情問題有什麼複雜的？但優秀的女演員一般都是感情很豐富的，比如[澳門街]裡的佘詩曼就是非常好的例子。我也很喜歡她剪頭髮的。 (您是不是很喜歡短頭髮？)對，後來更好笑，女演員跟我說：“寶華姐給我個機會吧，我願意把頭髮剪掉的。”我就笑，其實不是那樣的(笑)。
[......]
我蠻喜歡的，但我最喜歡的女性角色是石伊明，因為她比較像我。男性角色我比較喜歡文初，我跟張智霖講戲的時候，他也說他非常喜歡這個角色。 ……
source: http://maggieshiu.net/bbs/forum.php?mod=viewthread&tid=4759&highlight=%B3%C2%B1%A6%BB%AA
我都鐘意12號呀，好自然 ，佢由細到大係外國大冇見過蝦頭真係唔出奇wo～
哈哈...正如我o係個fb page講...可能法醫只教解剖人無教解剖蝦...哈哈哈哈!
嘩! 謝謝你篇"我本善良"文章...有趣啊!
發佈留言
<< Home