8-9(fri) 師父…我唔明!
原來今日係”師父, 明白了”大結局…我一集完整o既都未睇過! 本來一心諗住支持吓翠如bb, 但錄咗開住嚟睇, 我都無耐性睇晒成集…再次證明我真係好唔鍾意睇古裝劇!
下個禮拜上歐陽波比同關詠荷套“情逆三世緣”…雖然呢d隔世情緣橋用過好多似…不過我like喎, 同埋d演員亦吸引!
相反“衝上雲霄2”, 講堅真係愈睇愈悶…我直頭有少少為睇而夾硬睇落去! 法拉d戲原來真係幾唔掂…佢d廣東話我已經接受咗, 但佢d戲真係令你愈睇愈投入唔到…反而佢o係深夜重播o既"溏心風暴”無擔戲咁重, ok好多喎! 咁一比之下原來胡杏兒d戲真係算唔錯…不過佢條線亦都係唔多吸引! 而其實我覺得最好睇嗰段…居然係馬明同江美儀條線…哈哈哈!
反而深宵重播的"溏心風暴”好似仲好睇過“衝2”…雖然我無集集追! 好多情節我已經唔記得咗…而我最記得o既, 係"沒有常在心的日子”呢一part! 唔知點解…好洗腦! 特登走去睇吓我以前寫過d咩…哈哈, 原來我真係曾經十分投入寫blog的…
舊文重溫: 2007-6-3(sun) 芒姐@蘋果 (6月號之一) + 溏心周...我自己睇番都覺得幾有趣...唔知我呢個”pair唇”仲會唔會再現呢?!
另外, 前幾日睇咗“飛虎出征”…好笑喎! 其實我覺得好睇過“低俗喜劇’好多!
posted by 芒姐 at 11:30 下午
7 Comments:
情逆好睇架! 關詠荷同歐陽震華一定GOOD啦! 劇情都OK架 有唔少笑點!
我都好期待呢套呀!!! <3 esther & bobby!!!
芒姐
不知妳是否留意過張頴康,
劇集《回到三國》飾演傻頭傻腦的范根一角開始令人留意。但之後的《師父·明白了》中飾演冷酷殺手江太平,
妳覺得他如何?點睇,潛力股or
溏心風暴當然好睇啦.個個都演得好. 班小生花旦當時全部都好靚.
關詠荷+歐陽震華一定會好睇.係冇咩可能會唔好睇!如果佢兩個做主打個劇都出事,咁TVB就好大件事.
衝2,又唔可以話唔好睇,但係真係冇咩動力追. 睇個開頭係因為好MISS佢地,好似冇見十年老朋友想知佢地而家點. 而家見番,哦.即係如果而家唔再睇落去都冇所謂. 衝1有FEEL好多. 每個人物(主角配角)都幾ADORABLE有興趣想睇下佢地故事發展.
你有冇發現機管局MINGO (魯振順)都係其中一個CARRY FORWARD人物? 不過ZOE個住日本個三哥(古明華) 今集變咗個睇相佬. 原來唔只ZOE有個一樣樣,佢三哥都有個CLONE!
溫哥華匿名人
雖然可能係我太低b,但歐陽震華叫佢地夾band唱包青天果段我真係笑到癲左 XDD
"情逆"so far睇咗5集...好ok呀!
有呀...范根係咪就係東張西望麥雅緻個老公?
發佈留言
<< Home