5-8(mon) 鄭秀文的故事
有個“開心大發現”…有日唱k, 睇到張學友+湯寶如合唱o既“情濃半生”mv (其實我係第一次聽呢隻歌…咩有hit過o既咩?! 仲要係劇集主題曲?! 我真係無印象!)…居然俾我o地發現個mv o既男女主角係好嫩口o既張松枝(呢個一d都唔出奇)…同埋“天幕下的戀人”個大家姐何綺雲囉!!!!!!!!!!!!!!!!!!!!!!!!!!!!!!!!!!!!!!!!!! oh, 我覺得十個晴天pig pig, 因為明明以為何綺雲係出道無耐, 廿歲出頭…但係呢個mv都應該有十年…咁佢細極都有限…分分鐘大過我o地?! 雖然佢個樣係比較成熟, 但我一路都以為佢係好細個…究竟佢出o左道幾耐? 今年幾大呀?!
仲有, 因為要借本珍藏陳年舊書“鄭秀文的故事”俾超級sammi fans容妹妹 (須知道我係一個比較早期o既sammi fan屎, 所以我擁有o既資源, 可能反而好多hardcore fans都無…但係我永遠都只係會暗“kaan”咁去支持o下喜歡o既歌手, 好似買o下書咁, 唔會有d咩“激情”行為), 就拿番呢本自93年買完睇o左一次就無再睇過o既書o黎睇o左一陣…嘩! 真係幾特別…十幾年後睇番同一本書, 感覺好唔同…尤其當發生o左咁多事, 見到佢十幾年後o既變化之後, 就更有趣!
內容主要係sammi口述講番一d自己童年o既生活瑣事, 再由王志淙同埋另一位人士執筆…講o既都係d生活片段, 而且每粒字都勁大, 行又分得疏…所以其實內容不太多, 有d扼錢…不過只係賣35蚊, 其實又真係唔算貴o既! 唔知呢本咁o既書, 當年除o左我仲有幾多人有買呢?!
(hoho…相信係sammi在香港電視的第一篇訪問…應該係“思念”年代!)
今次睇番最深刻係sammi自己話當年升中好想入英華女校, 點知事與願遺, 考唔到入去, 覺得自已好無用! 所以佢當時一諗起要返中學就提唔起勁, 好hurt…但係要知道其實佢入o個間係鄧肇堅維多利亞工業中學 (佢仲話個名好似“維多利亞公園”咁, 好怪喎! 呢個point幾好笑!)…都唔算
太差呀…更加唔覺得同英華真係差咁遠?! 而且以藝人o黎講, 佢讀呢間學校已經算係好好添…sammi, 你未免對自己要求太高喇! 同埋你咁講, 真係踩盡晒你o既校友…做人點可以咁坦白呢?!
另一樣好深刻就係佢話少年時代o既偶像係蔡楓華, 更加係為o左佢追“青春三重奏”…仲話佢同佢d家姐當時意見分歧, 佢o地支持鍾保羅, sammi就鍾意蔡楓華! 其實當年蔡楓華紅咁多, 估唔到都有人係同我一樣喜歡鍾保羅多d喎!
同埋, 佢仲話以前好鍾意睇 “乘風破浪”…因為覺得好勵志, 同學之間友情好深厚, 好感人…哈哈哈! 估唔到佢都鍾意睇呢套劇…因為我都好鍾意…雖然已經係30年前o既戲喇, 但睇番都唔算太out囉! 同埋反而覺得程可為幾有型!
(hoho…多年前影印落o既更多年前舊雜誌)
posted by 芒姐 at 12:16 上午
11 Comments:
About Ho Yee Wan's age, I read in a magazine that she was 33! I was really surprised by this as well! I think that's right, if I remembered correctly. She said she has been in TVB for 5 years.
oh?!?!???!???! r you kidding??????? I just can't believe it! I thought she's just "pretending" to be old when she acts as "big sister" in "Under the Canopy of Love" (is this its English name?)...and I thought she's just 23, perhaps even younger than Niki...but then she's already 33? Wow, what a surprise!
She first entered TVB when she's 28?!?!?!??!??!! wow, that's as surprising as the case of Cho Wing Lim (being 41 yrs old)! How come actors/actresses of "Healing Hearts 3" give us so many "surprises"?
唔係o下fa?! sammi只係大我一年, 點解佢經歷過o既o野我好似無咩經歷過咁o既? 我真係無印象睇過“乘風破浪”呢套電視劇喎, 首歌就聽得多, 片頭都播唔少, 但係真係唔覺有睇過喎, 我都係撈電視汁大o架, 但係點解毫無印象呢?! 蔡楓華仲竟然係佢少年時代o既偶像o添, 真係不可思議! 細個時, 我d家姐/隔離屋d姐姐o既偶像係譚校長同哥哥、苗僑偉同梁朝偉, 我真係無聽過有同自己差唔多年紀o既人鍾意蔡楓華喎, “剎那光輝”事件之時我仲讀緊小六, 紅唇王子最紅之時我應該得七歲八歲, 咁sammi最多咪得八歲九歲, 點會鍾意蔡楓華呀? 點會呀?“青春三重奏”係乜o黎o架? 死喇! 點解我完全無印象o既?
哈哈...唔洗太疑惑! 如果我無記錯, sammi好似話佢細個要晨早爬起身睇"乘風破浪", 相信係重播, 因為呢套劇好似係大約75年首播(我都唔sure), 咁sammi72年出世, 得3歲應該唔識得睇!
至於蔡楓華紅o既時候, 佢都8,9歲, 都應該開始o左睇電視好耐! 咁如果話係少女時代又未算係o既, 但都可以迷偶像呀! 雖然我d同佢差唔多大o既表姐, 偶像都係譚詠麟/張國榮...但我都有跟佢o地去喜歡o下是但一個, 雖然我o個時都係得4,5歲...相信sammi都係因為跟佢d家姐睇o下電視, 所以比較"早熟"!
“青春三重奏”係1981年亞視一套青春劇, 同我最喜歡o既"iq成熟時"齊名! (但我個人認為"iq"好睇100倍) "青春"播先, "iq"應該係o係佢之後, 以"青春"的原班人馬蔡楓華+鍾保羅+莊靜而再加入我好喜愛o既鄧藹琳姐姐做主角, 用作打tvb的"荳芽夢"...哈哈哈哈! 雖然全部我都係睇重播o既!
Yeah, I totally think she is 33! I will go check her age again just to make sure. I can't believe it either because she doesn't really look like 33! Haha, but I guess she does look like Niki's older sister in "Under the Canopy of Love" (that is the correct English name!! I love it!!). I totally agree that Raymond Cho (I think that's his English name) doesn't really look like 41 either!
hihi, 芒姐
講起何綺雲，我前幾晚睇有線播《飛虎雄心》時見到佢呀！佢做李若彤個friend，係同陳國邦一pair的！可想而知佢出o左道幾耐~~~佢o個時都幾青春可人的，完全冇而家"大家姐" o個種巴渣feel.
科拿
OH, 科拿!
原來佢真係出o左道咁耐...但我以前真係對佢一d印象都無...可能佢唔係做電視啦!
原來佢唔係新人, 咁佢o既演技就無咁令人刮目相看喇!
我都有買這本書，讓我也把它重溫。
yammy,
真係估唔到仲有其他朋友有買呢本書, 即係我呢度都有其他早期o既sammi fans...其實我都未重溫晒呢本書, 等個朋友還番俾我再睇!
我當時都有買this book!!! 不過後尾移民比阿媽掉o左!!!
我都有買
發佈留言
<< Home