5-9(tues) "火舞黃沙中的一個黃"
推介: 今日"娛樂直播"有鄧萃雯訪問part2...今集幾好睇, 講佢咁多年拍戲o既經歷...佢講得幾搞笑, 搞到我一邊睇一邊笑! 發覺鄧萃雯真係幾得...又係我好欣賞o個type, 有自信得o黎講o野又幾抵死, 仲要爽朗而唔造作...呢d我欣賞!
佢話初入行時要佢扮d"怕羞"或者"嬌嗲"o既女子, 佢自己覺得好嘔心...尤其搞笑係佢話有d場口譬如個男人話: "oh, 你唔信我死俾你睇!", 跟住要佢去ngum住個男人個嘴嬌俏地話: "我唔准你咁講!" (記住睇埋個表情+動作)...佢話真係好難受! 哈哈...我同d friend又係成日會笑+扮呢d核突場口...好頂癮! 咁o既o野, 現實生活都無人講得出口啦...好好笑!
miss左o既朋友, 深夜重播記得錄o黎睇番! 我推介! 仲有, 我真係幾想睇番"開心女鬼"...
上個禮拜日係"超級靚聲演鬥廳"last一集...阿伍小生終於有番兩隻歌仔唱o下! 真係戥佢可憐...雖則佢係唱歌走音, even講o野都走埋音, 但作為"男廳長", 除o左頭幾集之後集集都唔俾佢唱, 又係慘d o既...其實無o左佢, 個節目都唔會咁有娛樂性啦! 小生...我撐你!
今集佢同關菊英合唱"小婦人"主題曲...話原來佢o地仲係原唱者添...真係聞所未聞! 佢o地一邊唱一邊播o左少少套劇o既片段, 好似幾得意咁...幾想睇番! 原來係1975年o既作品...唔知有無人睇過呢?! 又有無重播過呢?
今集仲有謝天華, 陳松伶, 官恩娜, 陳苑淇, 胡定欣...全部都唱得麻麻...係觀音娜比較好! 松松姐姐仲要唱佢當年參加人o地模彷大賽o既主角葉蒨文o既歌, 但真係跌晒watt...比起以前唱得差o左好多! 呢期睇番佢套"天涯歌女"d精彩片段...佢當時真係"聲色藝"俱全, 唔知點解近年反而變o左聲色藝"俱無?! 點會退步得咁交關o架?!
仲有上星期另一個節目, 即niki同鄭嘉穎主持o個個煮o野食節目...又有阿楊思琦小姐! 今次話咩煮o野俾阿媽食, 跟住班藝員就個個帶晒阿媽上o黎...楊小姐一開始估阿媽鍾意食咩生果已經亂晒籠...仲要好白癡咁話: "我媽媽真係好鍾意食生果o架!" 去解釋佢點解揀唔到究竟阿媽最鍾意食邊隻生果, 跟住仲要問隔離o個個: "你媽媽真係鍾意食芒果o架?!" (唔sure係咪芒果啦!)...嘩! 大佬! 真係聽到都覺得佢白癡! 仲要好低能咁笑到塊面la埋一"住"...睇得人好想大巴大巴kum落去!
無線點解會選o左個咁o既港姐出o黎...你無美貌無智慧都唔緊要, 但真係唔好太白癡呀?! 向海雖然似一彎新月, 但都無佢咁惡頂! 我唔知你真係咁白癡定係扮低能...但"星際鈍胎"呢個名真係非你莫屬!
仲有, 另外ｏ個幾個女藝員個媽咪個樣都同ｄ女差好遠（意思係個女好樣好多...咁係好正常ｏ既, 畢竟ｄ媽媽都老啦嘛）...唯獨楊思琦小姐拍埋佢阿媽度, 係會覺得佢阿媽居然好樣過佢好多...at least佢媽媽係正正常常咁...而佢個樣係似一個青瓜! 原來應該去選港姐ｏ既,係楊auntie而唔係佢!
"火舞黃沙"我就真係無睇, 但係反而我d平時唔多睇電視o既朋友, 就好多個都有追...原來大製作對於平時唔睇開電視o既朋友, 真係有一定吸引力! 睇o左一篇關於"火舞"o既評論, 其中幾段我覺得幾有趣...估唔到播o左個幾禮拜o既"火舞", 居然"紅"o左阿"越南"黃德斌...呢期幾本雜誌都有佢, 見到佢大大隻隻咁, 反而陳豪就顯得肥嘟嘟, 仲有肚腩...佢以前明明係型男o黎o架嘛?!
不過講真, 我又唔覺得阿"越南"會大紅, 亦都唔會起得好勁...要起佢o係"真情"做"越南"時都起o左啦! 紅完再dup...好難再紅得起! 當年同佢一齊起o既吳美珩, 依家已經坐穩女主角位置...呢樣我o係"妙手3"時已經談論過, 不再多講喇!
------------------------------
火舞黃沙中的一個黃
《火舞黃沙》，重點是黃。
不止鏡頭一片泛黃，原來群星拱照，也是黃—誰會想到，首周的主角不是林、陳、黎、佘、蔡、邵，而是黃—德—斌？
算二線或三線？一年三兩套劇集中擔上閒角，間中吃重，送上若有若無感情?，都在戚其義監製的劇集中，應是戚監製的愛將吧。
出身無線15期藝訓班，在圈中浮沉16年，年過40，這一趟，應是仕途最大機會。他不負厚愛，練就42吋胸肌，劇中可脫則脫，黝黑的腹肌沒一點贅肉，連對手的陳豪也怕他，大熱黃沙，也盡量穿多兩件，怕貨比貨嘛。
posted by 芒姐 at 8:14 下午
9 Comments:
Mon Jeh,
thx to your info about Sheren Tang interview with 娛樂直播.
You can open these link in Windows Media Player to watch that interview (2 parts) :
mms://media.tvb.com/asu/jade/ent/buzz/2006/0508/07_300k.asf
mms://media.tvb.com/asu/jade/ent/buzz/2006/0509/06_300k.asf
They showed 1 of her old modern-drama with Theresa Momo and Frances Ng. I remember that I liked the drama much. Sigh..., it's been too long.
would love to watch 開心女鬼 too. never watched it b4.
黃德斌, he really shows of his hot body in 火舞黃沙. ha...ha..., much better than 陳豪. Unfortunately his character in that drama has ED problem.
mon jeh~
好多人 search 黃德斌 去左我果樹. 仲有都好多人 search 芒姐 去我度!
m,
哈哈...黃德斌咁受歡迎?! 你有介紹過佢嗎?!
我都見過d"芒姐"o既search result, 你個site排第一位添呀...哈哈哈! 其實市面上咁多"芒姐", d人都未必係想搵我...
shaw_mag,
我o係你個youtube度見到有"開心女鬼"片頭, 我以為你有買vcd添!
套戲係咪叫"不是冤家不聚頭"? 定係"又是冤家又聚頭"?! 哈哈...呢套又不太係我的cup of tea, 當年只係睇過少少!
http://s57.yousendit.com/d.aspx?id=1BGRZYHYGR2NW1MR6C5MV5E7FW
又是... 的片頭
黃德斌唔知響邊隻楊千嬅MV出演嘛~
我發覺千fa真係由一出道開始(其實尤其係一出道時), 每次mv都係有d"知名"男角同佢拍檔o架喎...古天樂xn次, 王喜, 郭耀明, 黃德斌etc>
我 o岩 o岩睇返個訪問, 好多野都記得! 細細個睇'薛仁貴征東' 好鍾意, 仲有雯女拎把較剪話要自殺! 哈. 又是 又好好睇~ 爭完吳鎮宇爭李子雄~ 生死訟當年(94年)的宣傳 slogan 係 '六月六日斷腸時' (六月六日首播) 撞正世界盃收視慘淡. 仲有又係 94 年又係關詠荷+方中信 (生死訟又有呢個組合)既廉政英雌(VINCI話佢有份做!?) 雯女同李子雄做兩公婆?? (我淨係記得方中信LUM關詠荷好好睇 :P~)
喂bingo晒啦...又係要俾個五你!
我又係好鍾意睇"廉政英雌"...方中信lum關詠荷o個part...真係拍得幾好, 同埋方中信真係好型...難怪佢當時被喻為"港版李察基爾"! 仲有關詠荷同佢老豆劉江o個d場口都幾正!
呢套應該係95年播, 因為我記得當年係f.4考試前, 一邊溫書一邊睇...有晚hup著o左醒番已經4點幾, 都睇埋錄起o左o個集先再溫書...哈哈哈!
另外兩pair係雯女+李子雄, 娥姐+pluto (曾偉權...佢又係有外遇呀...次次都做呢d角色...仲要係佢個仔個老師)...o個三位"英雌"都幾型!
雖然我都睇過呢套戲好多次, 但唔多見vincci喎!
"生死訟"我o岩o岩寫完...但其實我無咩睇過! 我都記得係12年前世界盃o個期播(因為又係考緊final)...但收視低應該唔太關世界盃, 只係題材太敏感+sad+heavy...我當時都唔想睇, 更加唔想去考究佢係講咩...據聞呢套劇創o左無線收視新低!
"薛仁貴"我有睇過, 但印象不深...佢同萬子一段忘年戀都幾經典! 同埋佢講番話萬子鄙視佢演技o個part都幾好笑!
反而"薛丁山"我仲深刻印象d (雖然兩套戲無咩啦間)
佢o係邊套"拎把較剪話要自殺"呢?
無錯, 雯女o既廿年演藝生涯, 亦標誌住我o地成長o既黃金廿年...所以特別有共鳴!
haha, 係喎應該95. 自殺係薛仁貴~
發佈留言
<< Home