7-11(wed) 樂壇新人蒸發實錄
呢排玩開回顧…繼續回顧o下先! 前幾日咁o岩睇到一個“九十年代樂壇新人蒸發實錄”…資料幾詳盡, 仲要寫得幾抵死o下…勁呀!
仲有…唔知o係邊度睇到一句: “天下浪子不獨李克勤…”…唔知點解, 覺得好好笑!
[樂壇新人蒸發實錄]
睇完真係好感慨, 大半o既人都消失o左…最特別就係93年o既新人們, 居然大部份轉戰電視, 又會咁橋o既?!
最估唔到就係以下呢幾位o既“下場”:
黃翊 - 做唱歌老師。同atv前藝員陳存正結婚生仔，響大埔熟食大排檔有兩個鋪炒小菜。有人見過他和老婆在黃金海岸租車仔檔，賣自己造的閃石t-shirt。
(芒按: 估佢唔到在於黃翊居然同感覺九唔la八的陳存正結o左婚, 因為人人都以為佢係同黃寶欣o架嘛!)
浮世繪 - 解散，梁翹柏做監製，曾推出個人碟；劉志遠到台灣幕後發展，與李麗蕊結婚。
戴恩玲 - 嫁左人，住半山，生左兩個。
王翠玲 - 最近TVB套《雪影移城》有佢... 佢好耐之前同黃秋生拍過一套叫《伊波拉病毒》既戲... 之後去左吉隆坡工作... 名曲有《簡簡單單》。
林帆 - 主打歌《仍感激相愛了一年》，去o左邊？
(芒按: 係啦…佢去o左邊? 好鍾意唱佢首"今夜")
而最好笑o既, 我認為係以下幾位:
戴蘊慧 - 冇o野做，但會出現於娛樂版，如自殺、離婚等，或老竇戴思聰和鄭嘉穎有合約紛爭，她出來講o野。
許秋怡 - 與老公王書麒登台登到去新疆。
蔡興麟 - 名字變了電台笑話，人在大陸拍劇，今年亦會出碟 (未知廣東定大陸)。
葉玉卿 - 嫁去美國，年年上《明周》封面晒全家福。
陸家俊 - 曾被唱片公司封為香港林志穎，名字變了電台笑話。年前復出TVB，後解約，發胖後做回寫字樓工。
車沅沅 - 分別改過名車婉婉、沅沅，拍過胡鬧處境劇，做過星座神婆，現主持電台節目，仲有幫阿媽打理酒樓生意。As per Apple Daily, 剛加盟 BMA。
陳建穎 - 改名陳紀匡，06年出了一張碟《記得我名字》，有鬼人記得咩？
朱茵 - 拍大陸劇為主，幾年沒有自資出碟了。
ER - 二人組合，名曲為《別放棄》，可惜被人放棄。
(芒按: oh, 我記得呢group, o個時o係學校成日講佢o地...)
朱潔儀 - 只見她賣菲傭廣告，新作係拜楊貫一為師學煮鮑魚。
Dry - 解散，雷頌德繼續作歌抄歌，馮德倫拍戲、做導演。
古天樂 - 專心拍戲，慳番啖氣暖肚。
黃伊汶 - 轉戰內地做打女拍劇，揚言會再出碟 (睇下阿媽俾唔俾錢啦) 。
葉汶輝 - 好紅好多fans (只限於新城)。
BOY'Z - 2變3加1，現名SUN BOY'Z，仲扮緊新人。
鄧穎芝 - 活躍，只限於見報，仲要係孖住EO2先有得見。
仲有睇到一篇文章都係談論呢jar歌手...
講開九十年代的樂壇, 點可以唔提o下起“飛圖”…呢間唱片公司真係曾經係o個個年代o既icon…好經典, 去k成日唱佢o地d歌!
(舊朋友, 心緊扣…)
但係佢o地d pose真係唔知想點, 尤其係許秋怡條美腿, 同埋六個人企晒o係個石級度, 搞到好似拍廣告咁…仲有, chi lam同許秋怡好似真係好相愛咁, 無啦啦都要攬住/翹住! 同埋, d女聲勁高音囉!
當然唔少得最經典o既"相逢何必曾相識"...當年真係hit到呀...我都唔識形容! 只係聽番個前奏o係度"ha-ah…"已經回憶返埋o黎…兩首歌都係蔣志光作曲填詞, 佢真係好有才華, 做電視真係o徙o左佢!
posted by 芒姐 at 2:30 上午
12 Comments:
其實李麗蕊未同劉志遠結婚架!
多謝芒姐又一次有好介紹。
"相逢何必曾相識"真係好經典﹐最喜歡係“家有喜事”周星馳用台語唱俾吳君如既版本。
哇﹐乜吳倩蓮嫁人咩﹗我都幾欣賞佢架。
王貽興行貓步生硬惹嘉賓發笑
(明報) 07月 11日 星期三 05:05AM
【明報專訊】王貽興昨日為意大利西裝品牌擔任模特兒，可能是首次行貓步，他表現生硬，表情和轉圈亦很牽強，令在場嘉賓發笑。對於本身表現，王貽興自覺剛合格，有55分。被指表現一般，王貽興解釋因身體抱恙，上周發燒只是打了退燒針便要繼續開工，再加上現場冷氣不足所致。至於轉圈生硬引來在場人士發笑，他自稱非專業模特兒，表情生硬很正常，希望大家給他進步空間。
有報道指徐淑敏為他放棄中年男友，王貽興否認與徐淑敏拍拖，自拍竣《最緊要正字》後已很少和她見面。另有網友批評其主持的《最緊要進步》表現不好，要求無 停播；不停受到批評，可想過專心寫作不再做幕前工作？他說有批評才有進步，這是件好事，他不會逃避或放棄。
記者：楊敏麗
**********************************************
究竟佢幾時先會醒覺, 明白自己毫無天份?
究竟無線幾時先肯停播垃圾節目"最緊要進步"?
看罷或對王貽興反感:
http://ah_voi.mysinablog.com/index.php?op=ViewArticle&articleId=473012
今日東方日報副刊陳刀既專欄就係講緊王胎興. 話說佢份人好功利好假, 係陳刀未成名前, 睬都唔睬下佢.淨係掛住結交對佢有利既人.
興扮野
12/07/2007
在《 歡 樂 粒 宵 》的後台，一見到陳志雲，立即上前握手：「我遲些會幫TVB主持節目，我係 … … 」
在報紙見到他話：「真係大開眼界，咁大個仔第一次睇Fashion Show，希望其他品牌都可以請我去睇佢Fashion Show … … 」
朗豪坊時裝店店員：「佢成日都落衫啦，得都晒咁滯 … … 」
其實我認識這個人是在5年前，在我還未跟明星合作過，還未成立個人時裝品牌之前，那天我介紹了少爺占、林一峰、茜利妹給他認識，他們得到一本他的簽名著作，我沒有，我得到的是一句：「交換電話？好呀，等陣先呀… … 」 同一時間他跟少爺占、林一峰、茜利妹正在交換電話。原因？一看便知道吧！
一個作家，滿口都是文化，卻在公仔箱用那鼻塞的聲音主持節目，還說希望可以拍劇，想成為作家還是想做明星？一睇電視你就知。是真正才子還是想做品牌代言人？打開雜誌便知道。幾有才華？對不起，我真係看不到。
如果真的是喜歡寫作，細個志願是成為作家，希望用文字感動人的話，請你做一個作家該做的事情吧！
陳刀‧時裝設計師
看罷或對王貽興反感:
上星期，王貽興傳來一個電郵，通知：貽興入圍壹電視大獎最有前途男藝人！各位，請到以下網址投貽興一票啦！看罷跟他尚算交過手的我，毛管直豎覺得他好嘢！自信爆棚、面皮夠厚！當了「最緊要正字」主持，一時大紅大紫春風得意，以為電郵中的我投上神聖一票，結果反勾起他曾經「無心」之失，失信幾間大公司，順理成章列入黑名單，合作可免則免。然而，那個電郵並非導火線要寫一篇，反而是他的新作，教好友大動肝火。
以下節錄自504期《TVB周刊》106頁的「貽女經」──女生的自我形象：
看《生日快樂》的大部分是一雙一對的情侶。離場時大部分女生雙眼都紅紅腫腫，但女生的眼淚卻是因為打呵欠……劉若英的確是女生才會喜歡的女生，男生對她興趣不大，就如戲中古天樂飾演的小南那樣，有了劉若英，還是會繼續和其他女生約會或者拍拖。如果大家有留意，那些圍著古天樂轉的女生，正正就是男生喜歡的女生類型，卻同時是女生討厭的類型：包括熱情主動的嬌小嗲妹、看似斯文實質豪爽吵嚷的高瘦烈女，和大部分男人一定中招的郭羨妮公主型冷傲美女。
大部分香港適齡女生都屬於上述三類，或典型，或糅合。每個男人也一定跟其中一種女生拍過拖，有些更悲慘，永遠只能吸引某類女生，於是所有女友都是同一類型，大家拍拖做的事一樣，連分手原因都大同小異，悶死人，但又怪不得人。對很多人，尤其香港人來說，拍拖不過是他們人生裏唯一可以把握自主的事情，是僅有能讓他們感到安全感的東西，因此永遠都只選安全而公式的拍法，跟不同的人做相同的事，天荒地老流連在摩天輪，重複兜圈，便是一生。
喜歡劉若英的女生不會是上述三類女生，但她們在這城市註定找不到快樂，甚至找不到愛情。喜歡劉若英的女生或者像劉若英的女生，看不起那些喜歡上述三類女生的男生，卻又苦無選擇。她們或者想降格變成她們，卻礙於身分或那點點驕貴氣，始終做不到。是故她們永遠無得到渴望的平穩與幸福。她們的衣著品味也跟其他女孩子不同……她們才不屑把胸部露出來吸引男人，她們討厭這樣做，歸根究柢也許是因為沒有這樣的條件，獻醜不如藏拙，高姿態地劃清界線，博得曲高和寡叫好不叫座的自戀自憐形象，總好過立竿見影慘敗收場吧。
------------------------------------------------------------------------------------------------------------
平心而論，我是看完《生日快樂》才拜讀王的大作，好友指他「文筆了得，大腦閉塞」，我贈多一句「縱然生得好皮囊，腹內如草莽」。看來他不明劇情，加上抵不住愛劉若英之深，卻得不到而恨之切的情感刺激，以偏概全將男男女女，包括自己定型，落得膚淺不特止，自言也喜歡「熱情主動的嬌小嗲妹、看似斯文實質豪爽吵嚷的高瘦烈女、或大部分男人一定中招的郭羨妮公主型冷傲美女」，而愛劉若英的男人便不是男人，可謂不顧形象時找人陪葬，貶低男人。至此思想紊亂未癲完，自認喜歡劉若英而不是以上三類女生者，無端端被他咀咒：「註定找不到快樂，甚至找不到愛情」、「永遠無得到渴望的平穩與幸福」，防不勝防最後捱一招人身攻擊：「不屑把胸部露出來吸引男人……歸根究柢也許是因為沒有這樣的條件，獻醜不如藏拙……」，極之離譜！當然，不用多說的，是吸引他的都是奇峯突出的大波女郎，很恐怖呀！
http://ah_voi.mysinablog.com/index.php?op=ViewArticle&articleId=473012
看來但凡跟他接觸過的人都對他的品格有保留，怪不得沒有朋友了。
C-lynne,
其實o個篇"生日快樂"觀後感內容我又覺得無咩o野, 畢竟每人對"女生的自我形象"都可以有唔同意見...但係我好認同你講, 如果"但凡跟他接觸過的人都對他的品格有保留"...佢呢個人性格上一定好有問題!
Grace,
哈哈...睇o黎真係每個接觸過貽興王o既人都對佢有彈無讚...佢應該撿討o下待人處世o既態度...否則o係娛圈好難撈得長...就好似好勝gigi咁, 因為人緣差, 有起事上o黎傳媒自然對佢一沉百踩!
匿名,
哈哈...睇o黎佢係唔會醒覺o架喇...其實佢都有d慘, 成日要o係人前獻醜, 但係佢仲以為自己真係做得好好, 好靚仔, 口才好好...
cheryl,
唔洗客氣..."相逢何必曾相識"的確係超經典﹐"家有喜事”版本又的確係幾爆笑...證明當時呢隻歌真係好hit!
吳倩蓮如果當初無做歌手, 可能會好d!
路人A,
係咪呀? 其實我連佢係同劉志遠我都唔知添...
一睇阿貽與王都知佢係d咁既人啦。不過呢個世界係咁架啦, 互相利用。睇下邊個高招d唔比人發覺架姐~~耐何佢做得太露骨。
發佈留言
<< Home