7-8(sun) 再次喝彩

相信大家都記得幾個月前, 我o係呢度推介過一套我覺得好好睇o既舞台劇—“喝彩”…低成本, 小製作, 但卻超水準…就係因為上次睇完同d friend講話覺得好好睇, 佢o地就叫我如果重演帶埋佢o地去睇…終於等到佢重演喇, 7月6日又去睇多次…都依然覺得幾好睇! 咁當然, 實無第一次睇咁震撼, 但好少可睇過一次再睇都依然覺得唔錯…相信最主要係因為danny仔同哥哥d經典歌曲真係好好聽…百聽不厭! 同埋o個三位男主角都真係做得好好, 扮得似得o黎又有少少自己o既個人風格…當然不得不再次讚o下一人分飾十角o個個哥哥啦…真係做得好好! 笑死我! 連我d朋友仔睇完都話覺得幾好睇, 真係無介紹錯喎!

如果未睇過o既朋友, 我強烈推介大家去睇o下! 佢好似話推加開下個禮拜五/六/日一連五場 (應該開埋下午3點)...大家可以去睇o下仲有無飛賣!


(喝彩vs喝彩)

套劇用我o地熟悉o既八十年代歌影視紅星真實故事 (雖然佢o地唔認), 比普通舞台劇故事更吸引同埋更易投入, 同埋唔洗花咁多時間去介紹角色…係叻o既! 個舞台劇o既內容或者觀後感唔再重覆喇, 如果未睇過o既朋友可以去 呢度睇番…不過今次都新加o左d o野…等我o地呢d睇完再睇o既觀眾都有d驚喜!

最impressed依然係扮開演唱會o個part, 再加埋落台握手同觀眾互動…真係扮得好似, 做得好真, 好似真係好大個場館咁…低成本高效益, 好得…呢part值好多分! 最抵死係佢仲o係呢part加o左85年哥哥開演唱會danny仔到場, 仲講埋以下一番“余麗珍對白”…有睇過上次呢篇o野o既朋友應該知我講咩…就係上次post o左youtube裡面搵到o既"當張國榮遇上陳百強@哥哥85年演唱會"片段…今次重演居然加o左呢幕!!! 雖然唔係唱“喝采”, 而係唱o左”stand up”, 仲跳埋舞…但exactly係呢段余麗珍對白…我有理由相信佢係上次睇o左我o地呢度d朋友o既comments囉...呵呵呵!


(再睇多次...當張國榮遇上陳百強)

如果真係…下次第四次重演(如有), 希望可以考慮加呢一段呀...


(張國榮/陳百強--Monica/粉紅色的一生@於100,000小時慶祝盛典演唱)

仲有, 真係不得不講多次…d歌真係好好聽囉! 尤其陳百強d慢歌真係超正! 仲有哥哥d快歌!

演員之中, 正如上次講過, 最出o既反而係做陳百強o既陳健豪…因為gary哥哥本身有知名度, 大家已經大約知佢有幾得, 但係呢個陳小朋友大家無expectation…同埋個劇一開始一定係哥哥個角色出d, 因為哥哥多d小動作+唱腔特別d, 所以佢一出聲你就會覺得gary哥哥扮得好似! 反而一開始扮danny仔係會subtle d, 初頭唔會覺得佢唱得太似, 但係去到中段就慢慢滲出o黎, 所以大家會有驚喜! 而且陳百強絕對難扮過張國榮, 因為佢無咩強烈o既特徵, 所以當你去到中段發現原來佢都扮得幾似, 就會加晒分 (正如當年“難兄難弟”裡面羅嘉良扮呂奇vs吳鎮宇扮謝賢的效果一樣)…今次同上次o既感覺一樣… “一開場佢唱得無咁好, 但係到中間開始真係幾有水準, 幾有味道…” (唔知係咪特登o既呢? 一開始唱 “地下鐵碰著她…”o個度真係唔係特別好! 係咪要留力, 定係要搞驚喜)!

見到好多睇完呢套劇o既comments, 都係話最欣賞做陳百強o個位演員…上個月睇有線娛樂台話招募新人, 佢好似有份囉…遲d會唔會見到佢同janis+6號一齊做主播?!