10-30(mon) 童星

上期提過曾經好紅o既童星“東東大師”張裕東…八卦走去search o下佢o既近況啦…點知真係俾我search到一篇成報o既訪問!


http://www.singpao.com/20060501/local/836679.html

愛心行動﹕雙待羔羊 尋找人生路 張裕東盼入娛圈

18歲是人生成長階段的轉捩點，代表已經長大成人、有獨立自主能力、要肩負個人生活態度及責任。然而，不少剛踏進18歲的青少年中五畢業後，卻先要面對升學與工作的抉擇，顯得迷茫失自信，如一隻小船失去掌舵，在大海中無定向漂浮。

擁有一張熟識面孔的張裕東（東東），正正面對如此重大的考驗，他加入雙待青年一族，對前路感到茫茫，毫無頭緒，是不少青少年的寫照。

打從六歲開始東東因緣際會加入電視台成為小演員，當年的他天真活潑可愛，使他有機會參與不同類型電視劇集的演出，最為印象深刻是他擔任兒童節目《閃電傳真機》的小主持，其表現在一眾小演員中最為突出並令人受落。

其後，他除了參與電視台節目，更有機會在舞台演出，甚至在香港電台擔任主持，被封為「東東大師」。「以前做小演員從來不覺得對返學有影響，通常我在周末及周日才到電視台錄影，工作不算太忙，我覺得好玩好有興趣，小學時我的成績不錯，還是一名優異生添！」他雀躍的道來。

重讀中五 無心向學

雖則口講沒影響，但是年紀小小的東東，超過八年時間，兼顧學業與工作，就在踏入中學開始，他坦言因為不適應中學生活，對學習感到困難，加上外來吸引多了，對學習提不起勁，成績漸漸滑落，中學會考的成績更不如理想，連升讀中六也不合資格，需要重讀中五。自言性格樂觀的他，容易忘記憂愁，故此從沒介意自己是中五重讀生。但對於剛踏入18歲，還未找到自己的前路，少不免心裏感到焦急。

「我形容這一年重讀的生活是頹廢，很多時在家玩遊戲機、與朋友出外玩，根本沒有一個大的推動力，使我着緊自己。不過我同自己講過，18歲後不可以如此繼續下去，我真是很想做藝員，曾試過去投考無線藝員訓練班，不過失敗了，連我最大希望也幻滅，都唔知可以做到甚麼。」說時東東語帶徬徨。


Sorry…恕我直言, 睇完之後對佢o既感覺真係勁廢囉…佢o既人生目標係:“投考無線藝員訓練班”…仲要失敗o左! 哎…想點呀? 明星夢發完未? 可唔可以有d有意義少少o既人生目標?!

睇到一個又一個失敗o既例子仲唔醒覺? 有幾多個真係可以由細紅到大呀? 你睇o下當年大紅o既李泳漢+李永豪兩兄弟依家點就知啦…仲要佢兩個已經係有阿爸阿媽撐腰o個隻都搞成咁! 唐寧已經算係最成功o既例子o架喇!

小朋友…唔好發明星夢喇…讀多兩年書充實o下自己好過啦…f.6都讀唔到, 出到o黎真係好難搵食o架! 佢個星媽當年推佢出o黎做童星…真係害o左佢! (好似唔止佢, 佢家姐都係, 不過紅o既程度差好遠, 所以d人唔知o者! 同埋sorry, 佢阿媽個樣真係好typical o既星媽look囉…感覺有d似濕身cream個李蘊媽!)



再睇o下d討論區…d人話佢原來唔止發明星夢, 仲變得好壞…又食煙又飲酒又蒲吧講粗口, 仲要索o野添…真係世風日下…佢以前真係好鬼死可愛o架嘛!


http://www.kungfuboard.com/forums/printthread.php?t=29678

節錄自東東個xanga:

“又無工翻
恭喜晒
今個星期蒲祝四晚喎
兩晚hot ,1晚search,1晚bling
麗拜四晚蒲完
去左亡命差局
再去亡命lunch k
而家麗拜5野晚翻到屋企
應間訓死佢
唔通個d身活又要開始??
我唔想架”

“唉呀!!!!我今日無翻到工呀
點算呀我想打死自己呀呀呀
我真系唔會再容許自己有下一次囉
好憎自己呀
thursday nite我3點前1定要離開中環
但系禮拜六就玩盡佢
尋晚索大左既時後
諗左d好得意既野
努力努力努力努力努力努力努力努力努力努力努力努力”

睇完佢寫o個d o野, 真係…哎! 雖則話莫欺少年窮, 但係搞到好似唔識字咁…真係令人惋惜! 亂咁寫, d錯別字多到呀…我明白打日記係casual, 我亦都承認我自己都成日會錯別字…但都唔洗錯成咁呀?! 小朋友…真係讀多兩年書學多幾隻字先啦!

D discussion forum post左佢同埋佢當年o係“閃電傳真機”個好拍檔zoe陳婷欣o既xanga出o黎..八卦如我o既朋友可以入去睇o下! 睇o下呢兩個我o地睇住佢大, 又睇住佢“壞”o既小朋友變成點! Zoe個樣係變到唔多認得…至於東東個site, 應該要login xanga先可以睇到…

東東: http://www.xanga.com/cYtung

zoe: http://www.xanga.com/lowbzoe

居然仲搵到一個東東o既網頁…其實呢個site我好似n年前入過去o架…不過o個時o既東東未變到咁恐怖, 仲係超得意o架! (雖然你某程度上, 都可以foresee到佢會變成咁…咁細個就俾個大染缸污染…真係十個有九個都變壞啦!

小東東網頁:

http://members.tripod.com/~cutielandhk/dongdong.htm

因為search呢個topic, 仲搵到一篇好有趣o既日記…有趣在佢係講關於做童星o既苦與樂, 同埋有另一d我有興趣/同我有少少關係o既topic…所以睇得好高興:


http://say8por131.mysinablog.com/index.php?op=ViewArticle&articleId=195464

延伸閱讀:

咁o岩睇到一個forum係討論大家懷念o既兒童節目主持…有提及我o地呢期成日提起o既羅頌華哥哥, 容錦昌哥哥, 同埋潔儀姐姐添…hoho, 真係好令人懷念啊:

http://forum.timway.com/f/viewthread.php?action=printable&tid=5989