8-14(sun) 男人魅演唱會+勁歌優秀選第二回

o岩o岩睇完“勁歌優秀選第二回”, 居然玩“制服誘感”…係就係幾“愛蔡一智”o既 (因為有創意嘛), 但又有d怪雞! 尤其要o個班年紀都唔細o既歌星全部著晒校服 (但係唔知點解有幾個又只係著運動裝)…只係得twins比較感覺正常 (彷似去返“明愛暗戀補習社”年代), 但年過40 o既劉華同埋年近40 o既克勤著起校服…感覺都幾特別!

呢個以“勁歌中學”為主題o既頒獎禮係就係有d九唔搭八, 不過我對於呢個節目實施o既“嚴打咪咀”政策十分欣賞! 其實成個節目都無咩特別值得睇…唯一我會推介o既一part就係臨尾3甲歌手 (居然分別係eason, 鄭中基同埋插班生甲動作很…劉華)jam歌, 最鍾意睇劉華唱live…個樣好搞笑, 好緊張!! 可以睇到最從容o個個係eason, 鄭中基都ok…劉華以o個d拉咪+震喉嚨+唱“忘情水”格唱“those were the days”…真係笑死我! (更加笑死我o既係o岩o岩o係CEN睇到“小鳳姐演唱會”花絮, 記者問小鳳姐點解要劉華唱“一起走過的日子”, 佢居然朗讀一次o個隻歌其中一句歌詞話好有意思, 但就變o左: “有你有我有情…有山有水有樹 (原著應該係有生有死有義)”???…oh! 小鳳姐, 你自已作o架?! 幾有趣喎!)

跟住要講o下尋日無線播o個個“男人魅演唱會”…咁樣宣傳隻碟+電視劇都幾好橋, 同埋全男班都幾得意! 十個男人一字排開行出o黎都幾有型, 但又好搞笑!

我個人認為最好聽o個3首歌反而係“非歌手”o既歌…即我前幾日提過o既“別怪她”, “領會”同埋“三角兩面” (好明顯係特登揀最好聽o個幾隻俾佢三個唱)!

鄭伊健真係好可以收皮…咁多個除o左陳豪之外, 佢真係唱得最差 (佢當年之所以紅得起, 除o左因為形象健康+情深外, 係因為佢遇到一jar超好歌)…o係最尾10人大合唱“真情流露”就已經立見高下!

鄭嘉穎作為“前歌星”, 歌藝真係唔太掂, 太重鼻音! 佢同林峰拍埋eason度合唱o個part, 真係有d失禮…佢嚴格o黎講係eason o係樂壇o既前輩, 但係一d台型同前輩歌藝都無 (當然唔洗理o個個音都未點唱到o既“樂壇前前輩”鄭伊健啦)! 林文龍就更加唔洗講, 都唔明點解佢當年可以出碟! 仲有林保怡…哎…歌星!

嘩! 陳豪唱歌就更加…兩年幾前佢憑“絕世好爸”大紅之後, 咩show都有佢份, 仲有個叫“紅星會”o既節目特登有一輯係整俾佢o既! 佢仲表演唱歌同跳舞…當時大家兩樣都大讚好…真係人紅就做咩都好! 但依家我真係覺得幾難聽囉…不過我依然ok buy佢! 同埋我真係feel到佢唱live唱得落力但好大壓力囉!

呀“別怪她”都真係好成功, 出o左成4個月仍咁hit (但最後居然入唔到優秀選…豬肉係唔夠咁多人分o架喇…但無理由俾o個個如果作為偶像派都算唱得ok…但橫睇掂睇佢都係屬於實力派o既藍奕邦呀!)…搞到我成日滿腦子都充斥住“別怪?…別怪?...”! 前幾日我o係公司不停咁唱“別怪她”, 仲不停學佢講: “原諒我付了代價” (呢句真係好騎呢…要特別朗讀俾最怕歌中有讀白o既容將軍)….個clerk叫我唔好再癲…問我洗唔洗送我青山?!

吳唱k歌藝都唔算差, 不過佢唱新播o既韓劇“春日”o既主題曲唱得仲好…我就咁聽直頭以為係eason添!

亦估唔到林峰除o左唱自已o既歌外, 唱學友o既“屆到病”都唱得幾好, 唯一係唔該唔好太“學”張學友囉…唱歌最緊要有自己style, 扮人應該參加模仿大賽! 記得幾年前o既“兒歌金曲頒獎典禮” (無錯, 我連呢d節目都撈埋), 有一隻歌係林峰+鄧健泓+方力申+李彩樺合唱…當時除o左林峰之外, 另外3個都係歌手, 但反而唱得最好o個個係佢!

同埋佢跳舞都幾ok o架喎,上年奧運六星一齊跳舞, 跳得最好o既係林峰而唔係吳唱k, 雖然吳唱k係舞蹈藝員出身, 但佢好peh o下peh o下, 跳得好求其…可能‘hiuz”呀 (比我呢d咁o既人更hiuz!) 林峰反而跳得最落力, 跳得最好睇!

我係唔明點解今次呢個show唔安排佢跳舞囉? 信我… 佢真係跳得o架! 同埋擺吳唱k同陳豪孖住跳, 高度差太遠, 如果吳唱k同林峰跳會好睇好多! (不?呢一part仍然要推介…因為幾好笑)

其實睇得出陳豪已經好落力o架喇, 而以佢手長腳長, 都唔算跳得差 (你有幾可見高o既人係跳到舞o架呀?! 好似話係因為四肢太長難平衡…! 你睇黎明, 梁詠琪, 陳慧琳 <雖然佢自命勁舞dancing queen, 但你永遠只見佢會站在原地將雙手擺動, 甚少會真係跳起…唔似得真係跳舞o既容祖兒或早年o既鄭秀文>呢d咁高o既歌手, 有邊個係跳舞得o架呀?!)…你不能將佢同吳唱k比, 佢作為dancer出身, 大家對佢期望當然高d! 本來我以為佢真係邊唱邊跳都唱得ok, 仲想讚佢一讚 (我仍然覺得佢唱歌有d似陳小春)…點知睇真d原來佢咪咀…仲要咪咪o下唔咪咁寸, 直頭齋跳+甩晒咀! 好唔敬業呀! 佢跳“失諒解備忘錄”只可以話跳得ok (我終於明白點解古天樂當年無啦啦推薦佢做演員, 因為佢都覺得吳唱k作為舞蹈藝員真係唔多掂…依家睇佢拍埋其他dancers度, 好明顯係跳得無咁勁, 好似好peh, 好無力咁!)…忽然覺得“呀王”係有d料到, 一把年紀邊唱邊跳都有水準過d o靚仔好多!

(p.s.正想post呢篇entry…點知深夜睇到個o係馬來西亞舉行o既“tvb8熱愛生命音樂會”…居然又見到tvb三小生…分別係“原諒我付了代價”+ “莫再將同情加於今世哭泣中洗禮”+“三角終一邊痛悲”…嘩! 真係咩節目都見到佢o地! 好明顯…o係外地+國內仍然係林峰紅過吳唱k好多, 佢一出場d人叫晒咁…連拍花絮時, 呀吳唱k都扮d fans o係度大聲哎“呀峰”! 可能林峰d戲o係馬來西亞播得多d, 同埋佢d國語真係好掂…另外兩位就…幾有娛樂性o下…不過相信以我本人咁靈光o既普通話, 將會有同樣o既娛樂性…我真係要睇多d林峰講國語偷o下師!)