8-29(mon) 十萬噸情緣

上個禮拜放假睇o左半集“香港直播”… 居然咁好彩係林姍姍做嘉賓!!! 佢把聲沉沉地真係好好聽好有型…連主持人anna都話好鍾意佢把聲!

同埋佢同其他家族成員一樣, 都係好有腦, 轉數好快, 講o野好叻 (仲有一樣係咬字好清晰…事關我最怕d懶音怪), 仲有英文講得好好聽…但就係叻得滯, 先會o係“好勝gigi”呢個名誕生之日 (即99年鄭伊健生日翌日o係佢屋企行落o黎俾班記者影個正著o個日), 諗o左條話一齊上伊健屋企開party再買埋生日蛋糕o既屎橋…實在係愈描愈黑, 唔解釋好過解釋! 但除o左o個次撻Q, 其他場合佢都表現得好得體…抵佢撈得掂o既!

同埋個訪問幾好笑o下…尤其佢講第一次發現佢個細女拍拖o個段幾有趣…! 佢仲話佢細女長得好標緻, 我好有興趣睇o下佢咩樣! 我發現原來“香港直播”都有得網上重溫, 有興趣o既朋友可以入呢條link: http://www.tvb.com/hklive/2005/08/24/index.html

睇電視見到徐子淇帶住個妹出去行catwalk…點解徐子淇個妹會同佢一d都唔似樣, 仲矮佢咁多, 醜佢咁多, 老佢咁多?! 呢個世界實在太唔公平喇!

個港姐冠軍葉翠翠真係好唔掂…係一個醜版o既潘芝莉…但係當年潘芝利都?唔到冠軍…今次呢位“醜版”真係唔該晒!

呢期又力追緊朝早11:45播o既“十萬噸情緣”…估唔到又係幾好睇o下! 當年首播時又係身在英國, 不過後來返到o黎都有位好好人o既朋友燒晒落vcd俾我睇…但後來又因為要考試所以無睇到…今次重播就姑且錄o黎睇o下…真係幾ok喎! 仲有美國靚景+豪華郵輪實景附送!

前幾集仲附送埋呢期 “當紅”o既宋芝齡做一個les o既二打六! 仲有男二線歐錦棠, 以前o係亞視佢都叫做有得膽正o下…過到o黎無線永遠都只可以做2或3線, 反而張家輝就次次都坐正! 不過張家輝d戲又真係好過佢o既, 雖然以樣貌o黎講, 我認為亞視年代o既歐錦棠絕對勝過張家輝! 尤其o係“Q表姐”?面個白馬王子角色, 當年都算幾討好…但近年來見佢不停甩頭髮…前排見佢上獎門人直頭變o左地中海, 仲要玩到一半突然戴番頂帽…咁咪仲明顯! 無頭髮咪無頭髮囉…遮住咪仲核突! 之前本來寫o左大半篇“Q表姐”review…但寫寫o下又唔記得o左, 依家寫到一半…有機會一定要寫埋佢post出o黎!

尋晚又larp o左少少“尋秦記”, 不禁要再讚多一次初挑大樑o既林峰真係做得好好!