2-22(wed) 李泳豪+李泳漢

首先要多謝guestbook o個位“tvb fan - intermediate level (a.k.a. anonymous)” o既捧場 (你話幾乎睇晒我所有entries嘛)同埋“讚賞”…但我好懷疑我o地係咪識o架囉! 更加估唔到呢個世界上除o左我同某一兩個friend之外, 仲有人會識凌祖絲或者discuss影子舞…好鬼驚! 不過得悉原來呢個世界真係有比我想像中更多電視精…真係好高興! 因為I’m not alone!

呢期仲“大掃除”緊 (將會延續到整個正月), 摷番好多珍藏舊雜誌, 除o左搵到好多關於凌祖絲o既o野外, 仲睇到好多關於李泳漢同李泳豪 (我決定堅持叫番佢李泳豪…改咩名呀?! 最憎人無啦啦改名!) 兩兄弟多年來o既報導, 例如訪問d童星, 又或者當年施明同李家鼎離婚, 佢o地話要開出十大條件要佢老豆遵守先考慮俾媽咪同佢復合 (當然, 最終無復到啦)…真係好似睇住佢o地大咁…雖然其實佢同我o地差唔多大!

我覺得佢o地簡直係孖仔o既典範…點解我咁講? 因為雖然佢o地係孖, 但一d都唔似樣 (ok, 我知呢d叫non identical twins)…最抵死係佢o地真係一個似李家鼎, 一個似施明…仲要係超似o個隻! 我記得有一本雜誌個caption話:“雖然李家鼎同施明分開o左, 但係睇見佢o地一對孖仔, 就彷彿見到佢o地仲係一齊咁樣”…真係好抵死!

由細到大都有好留意佢o地, 因為不嬲都好鍾意“研究”d twins…係真o個隻, 並唔係英皇捧出o黎o個隻, 因為覺得好得意…仲要又唔多似樣…更得意! 細個時覺得好神秘o下! 仲要兩個一齊做電視, 有時仲會演出埋同一個劇…好似“勢不低頭”同“絕代雙驕”咁!


(唔記得o係邊度偷番o黎…呢幅圖幾精彩, 有童星時代o既孖仔同埋江麗娜/唐寧)

雖然大孖 (李泳漢) 靚仔d, 但細孖 (李泳豪) d戲好d, 所以做到後期係細孖多戲拍好多, 紅好多…都係o個句, 唔知點解佢依家會搞成咁? 五線都不如, 以前佢直頭一線咁滯啦! 我好鍾意睇佢做戲o架喎, d戲好不特止, 仲幾得意, 幾佻皮…尤其佢o係“不再少年時”,“勢不低頭”,“義不容情”,“赤腳紳士”等o既表現, 真係好過好多大人…我好期待佢大個之後再睇佢d戲…點知…


(施明報導@忽周…唔睇番都唔記得原來施明係華娃個姨甥, 咁即係黃宇詩個表姐…但又唔覺佢兩家人有咩啦間o既?!)

睇d報導話本來施明帶孖仔去casting, 個個都係揀大孖, 因為佢靚仔d…跟住返到屋企細孖好唔開心o係度喊! 點知後來唔知點解“風水輪流轉”, 可能試過戲之後發覺都係細孖做得好d, 跟住個個都爭住搵細孖拍戲, 漸漸佢紅過大孖好多, 又輪到大孖唔開心…其實做孖仔都好慘, 一出世就無可避免不停俾人比較…比起普通兄弟姊妹更甚, 因為基本上佢o地樣樣o野都差唔多!

世事呢d o野真係好難講, 佢兩兄弟細個時就o黎一個“風水輪流轉”, 跟住到大個就大家都撈得咁唔掂, 一個就五線, 一個就變o左?型…去做“放學icu”! 哎! 不過未到最後一刻, 大家都唔知會點o既, 可能十年後又係一條好漢呢!

o岩o岩有人send o左隻“雞歌”…”我不想說我是雞”俾我聽…幾cutie喎! 尤其係o個把雞仔聲!


http://www.hkbirdflu.com/sadchick.htm