H-E-J-N-O-M <=> 芒姐再現: 2013年12月31日

2013年12月31日星期二

12-31(tues) 梅艷芳‧10‧思念‧音樂會

尋晚去咗睇梅姐十周年紀年演唱會…真係話咁快就十年! 仲好記得…十年前去睇佢o既“告別”演唱會, 梅姐當時應該知道自己命不久矣, 但仍拼死撐住唱晒咁多場show…但成個演唱會感覺好似一個有死者本人出席的喪禮…感覺異常難受, 尤其當佢著住婚紗行上樓梯回眸講拜拜嗰幕…真係未試過睇演唱會睇得咁心噏!

跟住佢o既告別特輯又播番演唱會ending呢段唱“夕陽之歌”片段…我記得我當時喺屋企食緊蘋果, 真係差d想嘔番出o黎…成個心實晒!

至於我o既感覺, 基本上十年前後係無咩點變…所以我都唔再repeat…十年前我寫道:

2004年1月5日

2004年1月8日

我o既總結係…梅姐真係屬於舞台…同埋, 係真心義氣仔女, 人緣超好! 抵佢今次個紀念演唱會一呼百應! 連偉仔都肯再開金口, 紅姑曼玉又聚首一堂! 唯一美中不足係個演唱會喺大家無預佢會完o既時候忽然完咗…我見佢由8:20開始一路好似好趕咁, d嘉賓大部份連一句感受都無得講之下…我以為佢係驚會overrun到12點驚超時, 所以一路超趕咁, 點知佢喺大家以為唱到一半o既時候, 忽然10:10…完咗! 係有d unexpected…所以成個會展塞晒人…不過算啦…其實都已經好精彩!

呢段ending群星合唱”夕陽之歌”應該係全晚最感動位…

另一part演繹得好感動o既我覺得係sammi唱”女人心”…

而華星一眾新秀 (草蜢+許志安+杜德偉+何韻詩+楊千嬅+梁漢文+蘇永康) 唱“stand by me”亦係唔少得o既環節…

2013年12月17日星期二

12-17(tues) 萬千星輝頒獎典禮2013…公平到我有d不敢相信

其實基本上尋晚大家已經即時o係fb discuss晒無謂喺呢度又重覆番! 總的來說…係有d “公平”到我唔敢相信呢個係tbb頒獎禮! 可能真係因為“萬千熄機賀台慶事件後, tbb好努力要挽回市民心, 所以會出現完全無諗過出席o既黃子華攞視帝同埋田蕊妮起孖o既賽果…雖然兩樣我都好like! 我的確係有喺tvb fun投俾子華, 但只係for the sake of“我鍾意呀!”咁囉…但我堅係無諗過佢真係會攞! 而喺fb貼咗呢個賽果之後, 5分鐘內已經有過百個like…真係前所未有! 子華堅係勁!

尋晚個page多留言到10:30都未得閒食晚…本來都有諗過唔睇照出街…後尾都係決定推咗d約會改第二日…因為呢d頒獎禮唔即時睇已經無咗個意思! 好彩我有即時睇啫…今年咁好睇…hoho!

Chi lam諗住坐定粒六攞視帝, 點知只係得個最喜愛獎…佢好似真係好葡萄喎…但如果真係論實力, sam哥又好似勁過佢…論觀眾喜好, 子華又堅係無得輸…而論tbb一向的頒獎方針, 我以為今年一定輪到馬明…馬明都無唔服, 其實cool魔可以唔駛咁葡萄o既…講d咁o既“得獎台詞”反而唔夠型! 真係要講番句…”講呢啲…!”

大塊田我就亞視“縱橫四海”年代已經好like, 所以佢攞我都好開心呀…雖然我亦堅係估唔到tbb大方到會俾亞視人 (仲要嚴格嚟講佢未上到太一線) 做視后仲要起孖! 再加埋我更like的江美儀呢個亞視幫攞女配角…亞視“歲月留聲”台可以考慮吓立即乘勢好似食住張家輝條水咁, 整個咩”星星回憶: 大塊田”+”星星回憶: 黑絲儀”!

Wow, 仲有benz雄, 王浩信同阿“講呢d”劉江叔…今年o既賽果係稱心+合乎民意到你唔信…tbb應該真係癲咗!

2013年12月16日星期一

12-16(mon) 萬千星輝頒獎典禮2013…循例都估吓先!

Ok, 原來今晚就係喇…每年都會估吓, 今年都無理由打破呢個傳統o既…雖然…我又真係無咩頭緒, 同埋根本無咩follow…

循例睇一睇萬千星輝頒獎典禮2013入圍名單先...

奬項: 最佳男主角

候選者: 01 愛•回家劉丹、02 老表，你好嘢！王祖藍、03 好心作怪苗僑偉、04 好心作怪黃宗澤、05 熟男有惑郭晉安、06 衝上雲霄II 吳鎮宇、07 衝上雲霄II 張智霖、08 情逆三世緣歐陽震華、09 巨輪陳展鵬、10 巨輪蕭正楠、11 法外風雲黎耀祥、12 法外風雲陳豪、13 On Call 36小時II 吳啟華、14 On Call 36小時II 馬國明、15 My盛Lady 黃子華

芒: 我like子華…但我估係馬明…或者chi lam!

奬項: 最佳女主角

候選者: 01 老表，你好嘢！王菀之、02 心路GPS 李司棋、03 女警愛作戰周麗淇、04 金枝慾孽貳蔡少芬、05 金枝慾孽貳伍詠薇、06 情越海岸線陳茵媺、07 好心作怪萬綺雯、08 衝上雲霄II 胡杏兒、09 衝上雲霄II 陳法拉、10 情逆三世緣關詠荷、11 神鎗狙擊周海媚、12 巨輪鍾嘉欣、13 巨輪田蕊妮、14 On Call 36小時II 楊怡、15 My盛Lady 徐子珊

芒: 我估…巨輪鍾嘉欣啦! 但我like o既其實係亞視代表大塊田或者萬二蚊!

奬項: 最佳劇集

候選劇集: 01 愛•回家、02 幸福摩天輪、03 法網狙擊、04 老表，你好嘢！、05 初五啟市錄、06 戀愛季節、07 心路GPS、08 女警愛作戰、09 仁心解碼II、10 神探高倫布、11 金枝慾孽貳、12 情越海岸線、13 好心作怪、14 熟男有惑、15 師父•明白了、16 衝上雲霄II、17 情逆三世緣、18 神鎗狙擊、19 巨輪、20 法外風雲、21 On Call 36小時II、22 My盛Lady

芒: 我likeMy盛Lady….我估就係兩套續集…衝上II/On Call II!

奬項: 最受歡迎電視男角色

候選者: 01 老表，你好嘢！王祖藍、02 仁心解碼II 方中信、03 情越海岸線黃浩然、04 好心作怪苗僑偉、05 好心作怪黃宗澤、06 衝上雲霄II 吳鎮宇、07 衝上雲霄II 張智霖、08 衝上雲霄II 吳卓羲、09 巨輪陳展鵬、10 巨輪蕭正楠、11 法外風雲黎耀祥、12 法外風雲陳豪、13 On Call 36小時II 吳啟華、14 On Call 36小時II 馬國明、15 My盛Lady 黃子華

芒: 我都係like子華…而我估…都係chi lam同馬明一人分一個獎啦!

奬項: 最受歡迎電視女角色

候選者: 01 法網狙擊陳敏之、02 老表，你好嘢！萬綺雯、03 老表，你好嘢！王菀之、04 心路GPS 李司棋、05 心路GPS黃翠如、06 女警愛作戰周麗淇、07 情越海岸線陳茵媺、08 衝上雲霄II 胡杏兒、09 衝上雲霄II 陳法拉、10 衝上雲霄II 胡定欣、11 情逆三世緣關詠荷、12 巨輪鍾嘉欣、13 巨輪田蕊妮、14 On Call 36小時II 楊怡、15 My盛Lady 徐子珊

芒: 我估…如果鍾嘉欣攞視后, 咁呢個獎有機會係大塊田啦...!

奬項: 最佳男配角

候選者: 01 老表，你好嘢！張繼聰、02 老表，你好嘢！林盛斌、03 仁心解碼II 蕭正楠、04 仁心解碼II 蔣志光、05 金枝慾孽貳韋家雄、06 情越海岸線岳華、07 衝上雲霄II 吳卓羲、08 衝上雲霄II 馬國明、09 情逆三世緣敖嘉年、10 情逆三世緣黃智賢、11 巨輪劉江、12 巨輪阮兆祥、13 法外風雲陳智燊、14 On Call 36小時II 羅仲謙、15 My盛Lady 許紹雄

芒: 嘩…馬明又候選男主角又候選男配角都幾巴閉喎! o雪o雪o雪蕭正楠又係! 哈哈…其實我like“老表，你好嘢！”o既張繼聰…不過你要我估, 我覺得有機會係巨胸謙或者阮兆祥!

奬項: 最佳女配角

候選者: 01 愛•回家楊卓娜、02 老表，你好嘢！湯盈盈、03老表，你好嘢！小寶、04 金枝慾孽貳簡慕華、05 金枝慾孽貳龔嘉欣、06 好心作怪姚子羚、07師父•明白了羅蘭、08 衝上雲霄II 胡定欣、09 衝上雲霄II 江美儀、10 神鎗狙擊岑麗香、11 巨輪李司棋、12 法外風雲伍詠薇、13 法外風雲馬賽、14 On Call 36小時II 黃智雯、15 On Call 36小時II 韓馬利

芒: 我估同like都係江美儀!!! 哈哈…又係亞視人! 原來我暗“kaan”係個亞視粉絲!

奬項: 飛躍進步男藝員

候選者: 01 王浩信法網狙擊、戀愛季節、女警愛作戰、好心作怪、法外風雲 / 02 袁偉豪好心作怪、師父•明白了、情逆三世緣、On Call 36小時II / 03 陳智燊幸福摩天輪、法外風雲、蒲•酒店、明珠生活 / 04 蕭正楠仁心解碼II、神探高倫布、巨輪 / 05 羅仲謙戀愛季節、衝上雲霄II、On Call 36小時II

芒: 嘩! 蕭正楠仲有份候選?! 佢都唔係呢個category啦! 我估王浩信…佢連男配角都無份候選…離晒譜! 我覺得佢今年做得幾好喎! 一於俾佢啦!

奬項: 飛躍進步女藝員

候選者: 岑麗香怒火街頭2、巴不得媽媽…、黑龍江 / 苟芸慧怒火街頭2、飛虎 / 黃智雯缺宅男女、On Call 36小時、飛虎、巴不得媽媽… / 樂　瞳回到三國、當旺爸爸、護花危情 / 龔嘉欣我的如意狼君、拳王、衝呀！瘦薪兵團、天梯、更上一層樓候選者: 01 玩嘢王法網狙擊、女警愛作戰、熟男有惑、On Call 36小時II、My盛Lady / 02 朱璇愛•回家、戀愛季節、女警愛作戰、仁心解碼II、情越海岸線、好心作怪、衝上雲霄II / 03 岑麗香老表，你好嘢！、衝上雲霄II、神鎗狙擊、On Call 36小時II / 04 黃翠如心路GPS、師父•明白了、走過浮華大地、蒲•酒店、走過浮華大地亞洲篇 / 05 樂瞳幸福摩天輪、初五啟市錄、情越海岸線、師父•明白了

芒: 我想揀翠如bb! 雖然我覺得tbb似力捧緊香香多d…不過翠如bb都未必無機會呀!

奬項: 最佳節目主持

候選者: 01 玩嘢王李思捷 / 02 食平D Maria Cordero、陸浩明 / 03 超級無敵獎門人終極篇曾志偉、錢嘉樂、林曉峰、阮兆祥、金剛、陳小春、江欣燕、王祖藍、王志安 / 04 星夢傳奇鄭裕玲、崔建邦 / 05 走過浮華大地亞洲篇黃翠如、洪永城

芒: 我估+揀翠如bb孖洪永城啦!

奬項: 最佳綜藝節目

候選節目: 01 玩嘢王 / 02 超級無敵獎門人終極篇 / 03 星夢傳奇 / 04 最佳女主角 / 05 三個小生去旅行

芒: 三個小生!!!

奬項: 最佳資訊節目

候選節目: 01 學是學非 / 02 食平D / 03 極地狂奔 / 04 走過浮華大地亞洲篇 / 05 代代接班人

芒: “走過浮華大地”啦…但我唔明點解係亞洲篇…歐洲篇好睇好多喎!

好啦…又係o個句…今晚都係去番fb discuss啦…方便d嘛!

仲有本來都想講埋上個禮拜個節目“爸b也upgrade”, 但反正喺fb都discuss晒…廢事重覆啦! 大家去嗰度討論啦!

2013年12月2日星期一

12-2(mon) 黎瑞恩all for love演唱會2013

剛剛睇咗小恩子慈善演唱會…本來諗住應該只係ok好睇, 但出奇地係十分十分好睇! 直頭可以話係近五年我睇過最好睇嘅一個演唱會 (你知我基本上絕大部份香港歌星o既演唱會都會睇)...所以我堅唔明點解會滯銷囉…仲有喺groupon賤賣! 其實應該大把人睇呀!

我本身唔算係黎瑞恩粉絲…頂多係買過佢一直精選碟, 但佢d歌又的確係我少女時代唱k唱得最多o既歌! 但我居然有唔少frd話唔知佢除咗“一人有一個夢想”仲有咩hit歌? 我心諗有無搞錯呀? 我個年代 (+/-10)的也沒有理由唔知道小恩子d歌喺“碟聖”年代幾咁hit?! 同埋次次參加歌唱比賽, 都有好多人揀佢o既歌o架喎!

而最得係佢無唱十幾年歌, 把聲無差到, 歌藝反而仲好過以前! 佢唱歌真係好得喎, 以前只覺得好聽, 依家係覺得再好聽咗! 睇完呢次之後我反而比以前like佢! •成個演唱會踏實不浮誇, 同埋佢把聲堅動聽…即係容祖兒呀, 衛蘭呀o個d唱歌都係好, 但我個人更prefer偏低少少o既聲音! 同埋估唔到佢唱live仲好過以前! 如果佢再開紅館, 我第一個買飛！

以前我唔多明點解咁多同學的哥哥咁中意佢…依家又真係明晒! 佢唔係話好靚, 但笑得幾甜幾sweet…係男生會好buy嗰種….同埋佢講嘢ok funny, 個人感覺又幾真吓! 難怪佢人緣咁好…我無睇過演唱會有咁多嘉賓…多到我第一次嫌⋯太多嘉賓! 因為佢仲有好多自己歌未唱…好唔夠喉! 仲有佢話今次應該係最後一次…實在太可惜!

Hit過但無唱過o既歌至少有”自動消失lonely days”, “愛你一定快樂”, “愛你這樣傻”! 仲有一首無hit過會我好中意嘅叫”舊愛新歡＂⋯到依家仲成日聽! 好彩佢今次揀o既別人的歌都好正! “勁舞Dancing queen”揀得好好…估佢唔到! 仲有張立基出嚟唱“electric is her world…electric girl”同埋鄭敬基唱”酒杯敲你個頭”都好得! 成個演唱會都好old school…充滿住八/九十年代色彩, 滿載了童年回憶…我好like囉! 仲有佢揀o既電視金曲亦都係中晒我的心水…”情義兩心堅”, “愛定你一個”…仲有我最估佢唔到o既“秋意中等我”…呢首又係由細到大我都好like但無人識同我唱o既歌…估唔到廿年後會有人唱番!

嘉賓多到我會建議佢cut咁d, 可以聽佢唱多兩首歌…衞蘭同陳展鵬可以留番另一d演唱會先啦…我睇嗰晚仲有周慧敏, 王馨平, 草蜢, 杜麗莎…不過我都好想睇之前一晚的張學友同埋寶記三小花! 真係好少可有演唱會可以齋唱足三個鐘又無悶唱…我連鐘都無望過囉!

Oh, ”三個小生去旅行”終於做完…呢個係近期最好睇o既節目…有d失落添! 好彩仲有子華o既”my盛lady”!

2013年11月25日星期一

11-25(mon) 三個小生去旅行 + 萬千熄機賀台慶

呢期最多人睇o既節目…相信一定非”三個小生去旅行”莫屬! 胡楓呢期直頭爆紅囉…又活潑又寸嘴…佢係咁窒阿四哥, 真係笑死我!

三個老人家都各有character…本來一開始睇joe junior真係勁九唔搭八, 同阿修哥+四哥又唔熟, 戥佢好尷尬…不過睇睇吓佢呢個下粑位都已經算做得唔錯! 係咁俾人hup, 傻傻哋咁…不過當然如果係搵番同樣係做粵語片又傻傻哋o既周聰叔應該會更稱職!

不過聽聞其實本身係搵咗阿修哥同joe junior加另一個tbb甘草演員做呢個節目, 但係o個位演員唔得, 修哥先私下拉阿謝老四嚟幫手…所以本身joe junior應該無咁odd one out o既! 不過好彩佢搵咗謝老四嚟咋…佢同修哥真係好有火花…雖然佢係造作, 但呢個係佢個style嘛, 同埋70幾歲人可以keep到咁o既型態…你都不得不讚吓佢…當然我更like修哥呢個精靈老人家!

至於"萬千熄機賀台慶”…tbb同蘋果真係兩敗俱傷…本人呢, 台慶夜我無特登開機, 亦無特登熄機…一如前幾年, 出咗街, 錄咗會睇番咁囉! 其實論節目質素, 今年算唔太差…魔術表演同藝員互選視帝視后兩part其實都幾ok…即係咁, 我覺得發牌單嘢你熄無綫機其實真的無幫助, 但我明白如果你唔like tbb在事件的囂張態度或阿叻的言論, 熄機表示dislike亦是一種方式, 即係鍾意開咪開熄咪熄囉…唔駛特別去鼓吹人, 好似唔熄又唔夠正義, 另一個陣型就話你熄機係你個人太偏激…而我只係覺得…上星期fb日日俾人就呢個issue洗板真的好係煩, 蘋果亦更係煩…你鍾意熄又好, 開又好, 其實無需要刻意宣揚…:p

好喇…終於做完套爛到唔恨的“法外風雲”…今晚有萬眾期待的子華…yeah!

仲有…有晚睇“新變色龍”…居然見到79年的夏蕙BB…雖然個樣已經有d膠…但你都不得不承認佢係索o既…同埋堅係有葫蘆身型囉…難怪當年迷倒眾生!

2013年11月16日星期六

11-16 (sat) 最佳女主角

"最佳女主角"終於做完…完全食唔到舊年"最佳男主角"條水, 迴響差好遠…原來再一次證明, 見好真係應該收! 基本上係訪問得太濫, 搵咗太多嘉賓, 感覺有d亂, 有d甚至係只得一集…有幾位就好明顯香港人唔會有興趣睇佢訪問! 大部份嘉賓講o既內容喺雜誌已經睇過二千次…尤其kelly真係幾悶 (又要再重申, 我係ok kelly人品的, 但佢個人堅係悶)…最好睇o個幾集真係袁詠儀, 葉玉卿, 羅蘭姐…同埋劉嘉玲…因為佢哋自己本身肯講嘢! 芷珊姐姐的訪問技巧…真心見底 (再次利申: 我由細到大都幾ok芷珊姐姐的…不過佢訪問堅係無技巧…同埋真係不能再碌大眼講: “真係o架?!＂)

下個禮拜10:30上的"三個小生去旅行"…反而幾吸引喎! 修哥八十幾歲仲好精靈, 仲要不停寸阿謝老四, 好搞笑…!

“on call 36小時2”…都好似無上一輯咁好睇! 我當然唔係講寫唔寫實…因為我從來都話劇集寫唔寫實唔係影響佢好唔好睇o既關鍵…而係內容有唔有趣嘛! 8:30同9:30兩線都乏味咗!

同埋, 我堅係想睇阿叻@“萬千熄機賀台慶”最後會點收科...hahaha!

2013年10月24日星期四

10-24(thurs) 維基電視

呢兩個禮拜香港電視業發生咗好多事, 風起雲湧…搞到人都唔得閒睇tbb d膠劇! 9:30嗰套法庭戲(係咪叫”法外風雲”?! 呢d律師/醫生劇濫拍得太交關, 搞我依家連佢d劇名我都唔多記得) 我睇咗第一集已經無咩意欲追落去…其實真係唔關佢寫唔寫實或多唔多犯駁處事, 因為我從來唔覺得呢d劇需要太~寫實~~! “壹號皇庭”都十分唔寫實, 但好睇喎…如果你照dup番現實的法庭落去, 包你悶死! 所以個問題係套劇的確悶, 同埋點解呢套都可以做到台慶劇?! 係因為有兩大視帝? 但其實呢兩大視帝依家都不太有叫座力…更加吸引唔到人睇!

老套的“巨輪”其實我依舊係ok o既…不過已經成個禮拜未睇…要慢慢追番! 事關呢期大家最關注的當然係維基電視台的風雲啦…呢d我哋已經喺H-E-J-N-O-M <=> 芒姐再現@fb即時討論晒...唔需要recap番啦…不過依家主場新聞嗰個”各界自拍職工証撐港視”album又的確係好得...值得推介! 仲有之前口水滿的”抽水抽著火水”事件, 同埋東張西望嗰條叫人“回巢食盤菜”熱線…真係全部都好頂癮! d人係咪痴晒線? 而艾威的言論…又係笑死我…好中point!

同埋tbb特登揀呢段時間重播“刑警”同“依家有喜”…你唔好話俾我聽係咁啱得咁橋…駛唔駛咁攞景呀?

至於上年引起極大迴響o既”最佳女主角”…我覺得真係因為天時地利人和! 第一就新鮮啦, 第二就係同期撞正查小欣o既“爆足一周”, 但小欣姐一向無咩觀眾緣, 一比之下芷珊姐姐討好好多! 雖然我係buy芷珊姐姐o既, 不過不得不承認佢o既主持功力真係好大般…永遠都係以好稀奇嘅眼光望住個嘉賓高呼: “吓? 真係o架?!＂不過芷珊姐姐勝在人面廣, 請到d勁嘉賓, 但係今次女主角overall感覺好似無班男主角咁勁! 又或者係太濫搵咗太多人訪問, 所以整體感覺下降咗! 當然, 新鮮感同觀眾expectation亦係”女主角”無”男主角”咁成功o既因素! 睇咗三個禮拜, 暫時我覺得最好睇反而係袁靚靚嗰幾集…佢講嘢ok funny, 同埋某d位幾中point…呢樣我估佢唔到! 當然佢當年的小三/被包事件你接唔接受到係另作別論!

2013年10月7日星期一

10-7(mon) 巨輪

喂! “巨輪”雖然係老老套套…但係我幾鍾意睇喎…雖然cast的確弱咗少許啦! 但呢d夾雜吓歷史回顧的, 我一向都like (至於捉穿崩位…算吧啦…又無需要太蝦薯…有d位又真係好難避o既的)! 其實我睇睇吓覺得呢套劇似林文龍+黎姿+吳鎮宇套“龍的天空”, 多過似“黃金十年”同“大時代”囉!

鍾嘉欣個look同埋佢不停o既“oh my god”…的確頗難頂吓! 90年代的竹昇並不是這樣的! 佢個look係似“表姐你好嘢”o個隻多d囉! 同埋我好多朋友話陳展鵬唔戴眼鏡個樣好奸…哈哈, 睇落又的確係喎…搞到佢依家未變奸我已經覺得佢好奸!

因為睇“神鎗狙擊” (其實呢套幾悶吓…:p) 見番張兆輝同海味…搞到我好想睇番佢哋廿年前合作嗰套“雌雄大老千”! 終於上網摷咗…哈哈…依然幾好睇!

“星夢傳奇”下星期終於玩完…都係時候喇! 但我唔明點解“候活”鄭世豪明明之前喺網上面鬧晒話自己入唔到圍, 依家又俾佢入o既? 搞gimmick? 雖然我係支持佢的…畢竟睇咗佢n年卡拉之星…

Oh, 原來兩年前“候活”鄭世豪已經同鄭俊弘+”天與地”一班演員jam過呢首“天與地”…

2013年9月23日星期一

9-23(mon) 情逆三世緣

首先補祝大家一個中秋節快樂! 第二年擁有呢個tbb月餅…好like呢!

嘩! 都話歐陽波比同關詠荷係有d運行啦, 收視福將笨非浪得虛名! 雖然套“情逆三世緣”一路d收視都唔太好, 但大結局居然遇正“屎上最強颱風”…個個除咗被嚇到去超市數晒d嘢走之外, 仲籬晒喺屋企唔敢出街…今次結局收視應該掂啦啩!

呢套劇進入結局篇變得幾好睇...其實一開頭都ok, 係去到中段有d悶…到後尾咩袁世三又三世緣嗰度已經幾有趣! 同埋呢d幾個年代角色人物互相呼應劇情我幾like囉! 最後原來鄭子誠居然係黃智雯個仔呢part我估佢唔到! 以結局嚟講算係近年比較好睇o既, 事關通常結局都係yim yim悶悶, bbq或者出動…呢套叫做有d創意! 仲有啲名都改得好好笑, 同埋…主題曲同插曲都好好聽囉!

至於“神鎗狙擊”…未有時間睇, 只係睇咗頭兩集! 海媚keep得好好, 同埋比起上次laughing哥嗰套後生番囉…居然有番廿年前的感覺! 同埋佢同張兆輝再拍檔, 令我諗起n年前我好鍾意睇o既一套冷門劇“雌雄大老千”, 雖然一d都唔hit, 但我好鍾意睇!

今日上嗰套“巨輪”, 係“黃金十年”同“大時代”嗰d friend, 又係由70年代講到依家…回顧吓香港大事咁…呢d係我杯茶喎!

至於10:30嗰個“度身訂造旅行團”…頭幾集度俾嘉欣bb的有d悶…近期呢幾集好睇咗喎!

噢! 依家高清台做緊我當年睇完“再生緣”好like嘅林峯同葉璇的“紫釵奇緣”…得閒我都會[手禁]去睇吓…搞到人好忙囉!

“星夢傳奇”終於去到尾聲…其實呢類歌唱比賽我係鍾意睇o既, 但係個賽制堅有問題! 點會可以無限加入挑戰者? 咁玩到幾時?! 對現役參賽者亦好唔公平囉!

同埋啲挑戰者真係愈見弱雞…思琦姐都已經叫做唱得唔太差o架喇! 何傲兒個家姐何傲芝想點?! 直頭係走晒音都佢夠膽參加歌唱比賽, 好嘢! 即係呢⋯連卡拉之星的level都有啲“mun”…咁佢個妹唱得好過佢好多囉! 同埋, 我好想知佢當年參加咩歌唱比賽可以得獎?!

而阿羅鈞滿對比起佢係唱得ok的, 但都係far from歌唱比賽level…但最大問題係佢覺得自己唱得好好, 但實際郤好一般, 仲要成日揀錯歌自暴其短! 佢嗰隻“自我感覺過份良好”表現, 反而令佢唔多吸引! 咁陳明恩同鄭俊弘自然同討好好多!

呢期仲睇咗幾套戲…“被偷走的那五年”的確唔錯! 前段講女主角失憶一醒番已經離咗婚嗰段極佳, 後段略嫌有d為煽情而煽情…但總括嚟講都唔錯, 如果縮短十五分鐘會更緊湊!

而“狂舞派”我都終於喺將近落畫前睇咗…作為本地小本製作亦十分唔錯! 當然d報導講到咁咁咁好亦令我expectation增高, 所以無我想像中咁好, 但都係值得支持同埋推介!

2013年9月9日星期一

9-9(mon) 重口味 + 你40歲有我咁靚先講啦~~~

呢個heading…我當然唔係話緊我呢期o既新偶像黑絲儀啦…我係想講我之前無啦啦睇咗o既一套港產片…“重口味”! hahaha!

本來諗住睇另一套戲點知無起飛…咁就陰差陽錯睇咗我聽都無聽過嘅“重口味＂⋯點知ok喎, 無我想像中咁爛, 仲疑似有啲意思添! 最驚喜係居然有我好like嘅“唔該你啦張立基”…真係要唱番首“熱力似天火熱熾, 電量就似不死電池~electric girl~~” haha! 套戲仲有好多久違了o既九十年代演員, 好似曹查理, 王書麒, 孫佳君etc…同埋大量tbb演員! 其實呢套戲係包含好多九十年代o既集体回憶…當然, 要當時真係有留意電視/樂壇o既人先會get到…所以我諗戲院內majority都係唔太get! Haha!

講開“重口味”…當然要講番我近期超欣賞o既江美儀啦! 首先, 我堅係唔明…如果d人覺得馬明bb同黑絲儀嗰段“姊弟戀”係重口味 (provided that以上論點成立)…點解sam哥同holiday嗰段“父女戀”反而唔重口味呢? Haha!

尋晚大結局咁多段, 依然係head姐同阿roy嗰段最好睇! 雖然…搽白個頭嗰part未免係灰諧, 但尚算sweet…同埋佢兩個o個條線的確係全劇寫得最好嗰段（尤其當你睇完江美儀以下嗰段主場新聞訪問）!

同埋我都要讚下個結局至少有d新意, 唔係“cctvbbq”或“全體出動跳起yeah”或”n年後”…而係 “cool魔@銀河唯一的秘密”…:p 起碼叫做有d新意, 雖然我唔介意佢更突破, 例如6億隻triangel一齊喺停機砰跳起再唱“天氣不似預期 x 雲外看新生趣”!

講番我新偶像先…以下呢段訪問, 如果你真係仲未睇…我要推介你立即睇! 型到呢! 美儀bb keep得好不在話下…說話有自信, 一矢中的…知性女性的確特別吸引! 同埋我想話 (雖然已經話咗n次)…黑絲儀真係幾似sammi!

佢句: “你40歲有我咁靚先講啦!”…實在太屈機! 型到喊…我要俾1000000個likes!

Post by H-E-J-N-O-M <=> 芒姐再現.

金句王江美儀：「你地40歲有我咁靚先講啦~」

江美儀同馬國明係《衝上雲霄II》裏面嘅激情戲播出之後，好多觀眾稱江美儀「重口味」。如今江美儀本人首次係主場新聞現身說法，親自解釋劇中Head姐同Roy嘅關係。

部份金句如下：

1.我唔明點解「江美儀 = 重口味」

2.未播出街，你地就話唔好，哇你叻過我噢！我都唔知好唔好！

3.Honestly，邊個行埋（Head姐呢個角色）都係死啊，因為係馬國明。

4.40歲無眼紋係咪要驚呀？

5.我唔怕話被人聽，因為我要接受呢個事實，我就係42歲啊嘛。

6.我成日都同d後生女講，不如等你地40歲後照下鏡睇有冇我咁靚先講啦！

2013年9月1日星期日

9-1(sun) miss hong kong pigeon 2013

嘩! 真係話咁快又到一年一度食之無味棄之可惜“miss hong kong pigeon”…今年仲要無啦啦tun到9月咁鬼遲添! 特登走去睇番呢度o既“miss hong kong pigeon”回顧…先發現原來我個H-E-J-N-O-M <=> 芒姐再現@fb page就係喺舊年港姐期間set up…唔經唔覺已經搞咗一年…又係幾方便同互動o既!

嘩! 真係一年不如一年…今年做到咁, 其實下年係咪真係會考慮摺咗佢?! 個最上鏡小姐評判團…未免太過星光熠熠…:p

其實我唔明點解上個星期先做完準決賽, 一個禮拜後就做決賽?! 好似以前咁隔多個禮拜好似適合d囉! 個賽果就…尚算合理o既, 雖然冠軍o既身型真係瘦到可以用可怕嚟形容! 原來過肥同過瘦之間…係過肥會好睇過過瘦囉! 上鏡都咁, 真人應該會勁驚! 17號陳凱琳攞最上鏡我絕對無異議, 但係冠軍我會buy 15號蔡思貝多d! (雖然, 我覺得佢決賽表現係寸得滯)!

仲有, 最年輕o個個沈桂澄真係幾醜樣, 但對答又真係唔錯喎! 我見佢話o係香港土生土長, 但英文又好似好ok, 於是去search吓佢係咩背景啦…點知原來佢係dgs出身…真係估佢唔到! 但我堅係唔明dgs出嚟點會去參加港姐?!?!?! 你話廿幾年前楊寶玲年代就話啫! 依家參加港姐真係會俾人笑o架喎!

好! 又貼番個賽果…否則肯定兩日就忘記…

冠軍: 陳凱琳

亞軍: 蔡思貝

季軍: 劉佩玥

最上鏡小姐: 陳凱琳

一年一度ms hk piegon回顧@芒姐再現:

miss hong kong pigeon 2013

一人一票選港姐@2012 miss hong kong piegon

H-E-J-N-O-M <=> 芒姐再現@fb

Miss HK Pigeon 2011

Miss HK Pigeon 2010

Miss HK Pigeon 2009

2008香港小姐

港姐回顧

2007年度香港小姐

2006香港小姐

2005港姐謝師宴

2004香港小姐

2003給香港小姐

1994年度香港小姐選舉

1993年香港小姐

1991香港小姐選舉

之前“衝上雲霄2＂miss得太多…終於用咗一個weekend去追番晒之前嗰n集…法拉嗰段我堅係頂唔蒲…無論係佢同sam哥定cool魔, 我都一定會fast forward晒佢! 另一個頂唔蒲的是咖啡妹…其實我覺得傅嘉莉的確樣靚身材正, 不過佢個角色堅係煩…我愈睇愈忍唔住想問佢幾時死?!

仲有…我真係唔知做胡定欣男友嗰個個黃子恒, 原來有份做上一輯“衝上雲霄＂, 同s4係同學仔…原來佢個角色同黃嘉樂個角色都係上一集o既延續篇…真係無留意添! 仲要原來佢就係“仁心解碼2”做龍心嗰個…做得好好喎! 我覺得佢掂呀…鄭俊弘之後可以考慮捧佢! 同埋我想講…馬明bb同黑絲儀o個段的確係全劇亮點…最好睇的確係呢段喎! Haha!

2013年8月27日星期二

8-27(tues) 美儀bb

太過份!!! 呢兩日fb不停出現d咩”重口味”posts…係關於尋晚江美儀同馬國明喺”衝2”o既床戲! 有無搞錯?! 美儀bb都不知幾正…我是真心的! 我真係覺得江美儀幾型幾索喎…仲幾有女人味添…d廿幾歲o靚妹邊有得比?! 同埋話實, 佢真實年齡明明同馬明bb只差兩三年…係咪玩嘢呀? 叫姊弟戀都好勉強啦 (:p), 依家憶蓮+jun, 蕭亞軒+柯震東呢d相差5年以上先叫姊弟戀啫! 我哋成日都話…遲d可能會有“兄妹戀”呢個term, 因為”姊弟戀”才是王道, 男大女小反而變得稀有…who knows?! 依家咩世代喎?!

講番正題…我真心覺得“衝上雲霄2”比較好睇係馬明bb同美儀bb呢段! 法拉+兩男嗰段…悶到呢! 搞到我連sam哥+cool魔都已經無興趣睇! 法拉d戲真係呢…以前唔覺得咁差! 可能今次佢真係擔戲太重!

Oh, 依家十點半又有翠如bb (實在太多bb…:p) 同洪永城o既“走過浮華大地亞洲篇”…睇咗一集, 雖然我覺得上次英國篇好睇好多好多 (我唔知係咪因為我對英國偏愛啦吓!), 不過有佢哋我都會繼續支持吓!

仲有我想講, 今年“miss hong kong pigeon”個準決賽想點? “決戰一分鐘”呀? 成件事好怪…一d都唔elegant, 又無趣味! 跟住只相隔一個禮拜就做決賽…未免太快 (雖然我知無人睇!)! 循例估吓啦…我o既心水係…15號蔡思貝, 12號梁家欣 (我覺得佢幾cute)…搭1號張敬仁或者6號劉佩玥! 另一個大熱門17號陳凱琳…我睇完佢著泳裝真心覺得有d驚…原來女人瘦真係比肥可怕好多!

2013年8月20日星期二

8-20(tues) 情逆三世緣

哈哈…“衝上雲霄2”我已經追唔切喇…正確d嚟講係我無咩心機追! 唔係話唔好睇o既, 但個人認為有少量悶, 同埋有得揀我會想睇咗第二套先囉, 可見呢套劇對我嚟講有幾吸引!

反而歐陽波比同關詠荷套“情逆三世緣”我幾like, 又係輕輕鬆鬆笑吓咪算囉…香港人係需要呢d嘢! “穿越”呢d橋段 (btw, 呢個term好似近十年先出現, 以前叫咩呢? 唔記得咗) 我係鍾意o既, 同埋歐陽波比同關詠荷 (雖然的確老咗好多) 睇咗廿年…係有感情o既! 由中學年代o既 “美味天王”, “醉打金枝”, “陀鎗”…到依家作為一個“老trainee”都仲睇緊佢哋…感覺好時光倒流囉…所以我係like o架! 呢套我已經追到第5集, 只係差一集啫! yay! 同埋蔣志光o既公孫先生都做得好好啊! 仲有苟姑娘配咗音之後亦無咁難聽…佢以後都係唔好用真聲吧啦!

嘩! 好彩有朋友提我, “歲月留聲”台原來剛剛做完”鱷魚淚”, 尋晚開始重播…新…變…色…龍! 又到每晚12:30同d frd一齊追陳年舊劇的日子…闊別了3個月…又嚟喇! 而居然…只係隔咗三個月, 上一輯某d劇情我已經忘記得一乾二淨! 人老咗真係會無晒d記性o架! 但見番阿立/財叔/嬌姐…仍然好有親切感!

同埋原來“歲月留聲”台重播完n屆亞姐之後, 仲重播咗“86電視先生”, 同埋…”未來偶像爭霸戰”…真係要唱番句: “唔該你啦張立基!!!” :p

嘩…收到呢份生日禮物…真係好啱所有電視迷呀! 正呀…勁袋推介!!!

2013年8月9日星期五

8-9(fri) 師父…我唔明!

原來今日係”師父, 明白了”大結局…我一集完整o既都未睇過! 本來一心諗住支持吓翠如bb, 但錄咗開住嚟睇, 我都無耐性睇晒成集…再次證明我真係好唔鍾意睇古裝劇!

下個禮拜上歐陽波比同關詠荷套“情逆三世緣”…雖然呢d隔世情緣橋用過好多似…不過我like喎, 同埋d演員亦吸引!

相反“衝上雲霄2”, 講堅真係愈睇愈悶…我直頭有少少為睇而夾硬睇落去! 法拉d戲原來真係幾唔掂…佢d廣東話我已經接受咗, 但佢d戲真係令你愈睇愈投入唔到…反而佢o係深夜重播o既"溏心風暴”無擔戲咁重, ok好多喎! 咁一比之下原來胡杏兒d戲真係算唔錯…不過佢條線亦都係唔多吸引! 而其實我覺得最好睇嗰段…居然係馬明同江美儀條線…哈哈哈!

反而深宵重播的"溏心風暴”好似仲好睇過“衝2”…雖然我無集集追! 好多情節我已經唔記得咗…而我最記得o既, 係"沒有常在心的日子”呢一part! 唔知點解…好洗腦! 特登走去睇吓我以前寫過d咩…哈哈, 原來我真係曾經十分投入寫blog的…

舊文重溫: 2007-6-3(sun) 芒姐@蘋果 (6月號之一) + 溏心周...我自己睇番都覺得幾有趣...唔知我呢個”pair唇”仲會唔會再現呢?!

另外, 前幾日睇咗“飛虎出征”…好笑喎! 其實我覺得好睇過“低俗喜劇’好多!

2013年7月22日星期一

7-22(mon) 芒姐又再現喇~~~

係…各位朋友, 我的確消失咗好耐, 好多朋友問我死咗去邊?! 其實…我諗住呢度依家都無咩人睇o架啦, 唔update應該都唔係好覺…哈哈! 點知…

咁我無死到o既, 仲再出現番添! 不經不覺, 原來無update已經兩個月…其實d電視劇, 我都無咩睇到…好似“好心作怪”, 我諗我只係睇咗頭幾集就未有時間再睇…“熟男誘惑”呢, 我有間歇性咁睇吓…其實又追看性不大! 好喇…終於到萬眾期待, 大家等咗足足10年o既“衝上雲霄2”! 嘩…10年! 真係聽起上嚟到驚! 我好記得, 十年前首播“衝上雲霄”時, 我啱啱開始我o既trainee生涯…一眨眼十年…我已經由一個新進trainee, 變成一個依然成日俾人誤以為係trainee o既…老“trainee”…hahaha!

正所謂十年人事幾翻新…十年前後, 當年o既新人變咗超舊人 (睇到佢哋, 感覺直頭係睇番自己一樣), d主角又離開晒tbb…主角換晒人, 續集已經變咗第二套劇一樣! 拍續集呢d嘢, 唔打鐵趁熱, 真係好“宅洗”! 好彩都仲有吳鎮宇, 唱k, 胡定欣同馬明…至於胡杏兒換咗做第二個角色, 其實影響不大…因為當年蘇怡個角色煩氣到我直頭想殺死佢!

而阿lam首主題曲, 又的確係funny (利申: 我是很buy阿lam的)…聽聞依家“雲外看, 新生趣”己經變成“潮phrase”…haha!

Um…咁當普通一套新劇睇…呢套當然係上佳之作, 但係如果對比起“衝1”, 咁頭幾集又真係差好遠, 因為“衝1”最正就係一開波吳鎮宇同陳慧珊歐洲邂逅o個段…拍得好靚好浪漫! 今次法拉&兩男又真係差好遠! 不過cheung chi lam又真係好靚仔 (而lam chi cheung後生也不俗…hoho!)!

其實“衝1”後段係滑落得幾緊要, 我個人認為有d婆媽有d煩, 後尾直頭頂唔順…好彩後生o個段有意外驚喜! “衝2”依家就言之尚早, 睇埋落去先再講!

特登去搵番10年前我寫過d咩…2003-12-3(wed) 衝上雲霄…哈哈, 其實大部份評語, 到呢一刻睇番, 我依然覺得係valid o既! 只係十年前ｏ既我, 講嘢比依家更唔客氣…原來年少…真係會氣盛d…hahahaha!

跟住又睇番呢段…2007- 10-20(sat) 再會衝上雲霄…唔係歡樂今宵…吳鎮字的“L-peen”…到今日我仍然記憶猶新! 仲有馬明同唱k…要佢哋係咁講英文, 真係玩死晒佢哋同埋d觀眾…亦因此再幫cheung chi lam推高咗一線!

而做咗幾個禮拜o既 “星夢傳奇”…我幾like喎! 尤其尋晚嗰集, 個主題係唱光輝的80年代, 更like! 連d評判都好睇埋, 又有左麟右李, 仲有葉蒨文同趙增熹! 鄭俊弘呢個o靚仔真係幾掂…當年佢參加新秀輸比戴夢夢…真係得啖笑! 何傲兒亦比我想像中好好多…至於唯唯, 都係專心拍劇吧啦! 仲有羅鈞滿亦開始見底!

同埋我最記得n年前參加個咩“一級班歌唱大賽”攞咗冠軍o既李璧琦 (2R o既家姐rosanne, 同埋B2嗰兩位成員amy同sandy…好似都係參加呢個比賽入行)…雖然係好唱得, 但好明顯佢太想show quali…通常求勝太心切o既, 反而因為包袱太大好易輸! 呢個節目幾好睇, 值得追落去!

2013年5月20日星期一

5-20(mon) doe…隻鹿…隻雌性鹿…

相信到咗今日, 都無咩人未睇過呢段片…如果你真係未睇過, 就睇吓啦…in case你無睇fb, 以下就係條link…

鏗鏘集 - 青春萬歲(1999)

經過兩日瘋傳, 蘋果又抽吓水咁…令到翠如bb進一步人氣急升…仲有佢片中o既好友黎玉清 (即係依家一個好出色o既舞台劇演員), 都多咗好多人認識!

14年後睇番, 又的確係好有趣! 17歲同31歲o既翠如bb, 個樣(仲有講嘢個tone同埋d小動作)居然係無分別…bb真係bb, 食咗防腐劑一樣, 唔到你唔服! 當年佢o既懶音真係超級勁, 原來依家已經改善咗好多, 不過需要繼續改善囉!

個節目其實幾好睇吓, 就算無翠如bb, 都不失為一個好節目...講中學生對理想的追尋, 當年的中學生講嘢幾有紋有路, 同依家郁吓就要生要死的小朋友好唔同!

其實鏗鏘集咪成日會搵番n年前的訪問對象去跟進番佢地n年後的近況o既…我覺得呢集值得做呀, 14年後應該拍番個延續篇, 講吓當年幾個年青人追夢的結果! 而最嚴重係睇完之後, 我腦海不停湧現“doe…隻鹿…隻雌性鹿＂…救命!

同埋我想話”勁歌金曲”轉咗去呢個禮拜六深宵supposedly無人睇時段, 再轉埋format, 搵八十年代主持阿旦回歸做清談節目訪問嘉賓…反而殺出半條血路喎! 平時7點幾一定唔會睇的朋友反而12點幾有機會開吓電視機…今次真係人做我唔做, 殺出新血路!

2013年5月7日星期二

5-7(tues) 嘉欣bb+梁麗瑩

禮拜六嗰集”玩嘢王”…令阿”Hot Linda bb” (btw, 呢個廣告用上咁o既名真係好嘔心) 一夜之間成為fb紅人, 洗版程度超越咗o個隻我本來neutral但洗版洗到我十分反感的黃色鴨…:p

可惜我係洗版之後先睇番嗰集”玩嘢王”, 搞到效果減半…如果唔係真係應該更爆趣! 嘉欣bb當日o既演技真係達視后級…亦令我覺得佢平時o既平凡演技可能先係真演技! 哈哈! 佢嗰句咩”係我男朋友嚟o架＂…我真心笑咗!

不過咁, 其實睇完之後再回想番, 成件事 (尤其去到斷頭台o個part) 到後段係ok浮誇…你令個藝人以為自己幾乎整死另一個藝人…係咪真係會玩成咁?! 定係all parties夾埋晒做場好戲…呃的只有觀眾?! 當然, 我認為就算真係咁也無壞…做到一場good show, 令大家開心咪功德無量囉! 同埋其實王君馨嗰段咩”yummy yummy yummy yummei yum”無聊得嚟都幾好笑! 哈哈!

終於有時間睇番“仁心解碼2”…ok好睇喎! 雖然來來去去都係咩人格分裂呀, 邪教呀咁! 但阿天兄o個part我真係笑咗! 同埋做好迷戀佢o個位痴女, 我初時覺得做得幾好同埋個樣幾靚 (雖然有d膠), 係咪新人嚟呢? 但又好似o係另一套劇見過喎…諗諗吓原來係上次”法網狙擊”累到高ling俾白健恩強姦o個個“妹妹”…於是上網search吓佢o既資料…嚇然發現佢居然係梁麗瑩!!!!!!! 04年落選港姐, 同陶大宇合作過05年“開心賓館”的梁麗瑩!!!!!!!! 我印象中你完全唔係咁o既樣o架喎…兩個人一樣! 我怎能相信我的眼睛!!!!　搞咩鬼呀?!?!?!?!?!

2013年5月2日星期四

5-2(thurs) 神探高倫布+變色龍2013

嘩…尋日咁有幸larp咗幾分鐘套"神探高倫布"…真係爛到無朋友! tbb想點?! 同埋我相信俾馬賽做女主角的高層…一定係好憎佢! 呢套劇之後, 佢應該可以消失…造型肉酸, 戲屎, 劇本亦爛…成套劇唔知想點?! 點解可以咁慘不忍睹!

反而之前兩套“女警愛作戰”同“仁心解碼2”…我終於有時間睇番少少…唔係話好精彩, 但兩套都“睇-able”! 周麗淇真係永遠都執到支好籌…套套劇都收得! 同埋我想話, 高鈞賢喺“女警”做得幾好喎…有進步! 反而喺“仁心2”做教主就有d搞笑!

呢期tbb d劇唔掂…我呢d愛懷舊的人當然係變成13台的忠實支持者啦! 喂…“彩雲深處＂真係出奇的好睇…幾interesting喎! 同埋我有個發現真係唔知講唔講好…因為我同小部份朋友分享咗, 佢哋都真心覺得我癡線…hahahaha!

呢件事就係….我睇睇吓"彩雲深處"…居然覺得入面o既劉緯民…有d似…..林…峯…!!! 我自己都唔敢相信我呢個諗法…因為有睇過70-80年代麗的劇o既朋友…都應該知道邊個係劉緯民! 佢專做d乸型呀, 基呀咁o既角色! “變色龍”o既阿聰就係表表者…佢o個種喊苦喊忽+懦弱男人角色…簡直見一鑊想打一鑊!!

不過我睇咗幾集, 依然覺得好似…跟住再send咗俾幾個有睇開呢d劇o既朋友睇…居然都有人認同我…雖然, 我對自己呢個想法…都要俾二百個驚訝! wahaha!

播咗四個月, “變色龍”終於做完…我同我d friend都有d失落…因為我哋會晚晚一齊discuss劇情! 雖然套劇首播時我哋仲未出世, 但依家睇番一d都唔覺得out, 相反仲幾係in添! 同埋就算對比起三十五年後的劇, 劇情都堅係緊湊, 一d冷場都無! 係真心寫得好好! 而更勁o既係…少有地結局會有好睇o既感覺…依家大部份劇集都係爛尾o架嘛!

當然不得不recap番結局的金句…我個人認為堅過依家o個d好多…金中金當然係點題作品, 阿立o既: “我唔怕d契弟, 因為我最契弟!” 仲有賀昇o個句: “若要生活好, 轉行做差佬!”, 同埋嬌姐o個句 (雖然唔算係金句, 但出自佢口如常地funny): “有錢你驚無飯食咩?” oh, 幾時會播“新變色龍”呢? 雖然好睇程度差一截…但…都係有個情意結…想睇番!

等我自己都整理吓, 方便第時睇番…“變色龍”@芒姐再現...

2008-6-23(mon) 變色龍

2008-7-24(thurs) 變色龍回顧

2008-7-31(thurs) 變色龍大結局

2008-8-27(wed) 變色龍vs新變色龍

2008-9-8(mon) 新變色龍

2013年4月29日星期一

4-29(mon) 歷史也瘋狂+彩雲深處+亞姐百人

atv個歲月留聲台終於重播“歷史也瘋狂”…之前已經聽人話好得, 果然係唔錯! 唔怪得知廿年後仲咁多人讚! 同埋原來tbb的“瘋狂歷史補習社”…都真係抄得佢幾足! 哈哈!

希望快d重播埋鵬哥o既“聖法蘭雅根信馬可勃羅德聖會亞洲致善堂司馬昭昭博士夫人第一紀念中學…” haha!

另一個我有驚喜o既節目係余安安o個套“彩雲深處＂! 之前聽都未聽過…估唔到幾好睇喎! 講佢做空姐, 跟住無耐就俾富家子劉緯民睇中, 嫁入豪門…點知就深似海喇…哈哈! 仲有三十幾年前的法國外景…幾特別! 再對比番夜晚“走過浮華大地”o既巴黎外景…別有一番風味!

講番“走過浮華大地”…其實湯洛雯作為一個新人真係做得唔差! 講對白俾反應都好ok…只係因為珠玉在前, 同前一個禮拜的翠如bb比…又係玩死佢! 同埋佢同洪永城的火花點都唔及翠如bb呢個舊拍檔…令到成個節目忽然悶咗…變番一般的tbb旅遊節目!

Oh, 仲有一個節目我想講, 就係“亞姐百人”…雖然可以訪問o既亞姐唔係好多, 因為大部份仲活躍o既亞姐已經去晒無線! 但係訪問朱慧珊, 袁潔儀, 施綺蓮o個幾集都幾好睇! 不過後面嗰兩個什麼“問題青年團”真係好突兀同埋有d乞人憎…我明白要俾機會新人, 但呢個安排未免odd咗d同埋令人反感!

潔儀姐姐比起13台近期成日重播的89年節目o既表現…簡直判若兩人, 以前好怕羞, 講多兩句好似會死咁…依家再見反而係bilibala…咁畢竟浸咗廿年, 我知我唔可以咁比o既!

施綺蓮個樣唔知點解膠咗好多, 但睇完佢訪問, 性格的確好討好…大癲大肺咁! 十分approachable, 難怪佢咁多friend!

2013年4月20日星期六

4-20(sat) 翠如bb+富黛戀玩完+小聰子無限復活+大迷信2013

“走過浮華大地”係我近期唯一追睇o既節目, 就算miss咗十點半o個場, 我都會等到1:45去高清台追番…真係少有我會like o既旅遊節目! 除咗因為係講我最鍾意o既英國, 仲因為成個感覺幾新鮮, 同一般tbb o既旅遊節目好唔同…阿叻嗰d咩”蠔油”杜拜, 其實佢去台灣同杜拜都無分別, 都係求其搵間金碧輝煌o既酒樓/酒店食餐勁, 再搵d“靚”女著吓三點式撥吓水花咁! 我覺得阿叻哥佢其實都真係做番佢比較擅長的事情…專注去下志偉佢哋嗰啲賀壽party算吧啦!

d朋友話今次翠如bb呢個旅遊節目好有線…其實我無咩睇過有線的旅遊節目, 頂多睇過娛樂新聞台, 仲要係n年前的事…所以覺得幾唔同, 同埋佢哋o既感覺真係似朋友去旅行, 仲有每晚個ending都好正! 余詠珊終於做番d有建樹o既事情!

睇完呢個節目, 我開始明白點解翠如bb三十幾歲人仲可以被高登仔奉為bb...我真心覺得佢幾討好囉! 我睇完個節目都幾like佢, 覺得佢比起甚麼千語bb, 嘉欣bb更有資格成為”bb”…佢個感覺幾自然幾真 (如果佢係扮出o黎, 咁扮到都抵佢!), 同埋佢個妝唔係依家typical的“o靚模假面假眼假眼睫毛”妝…反撲歸真反而感覺幾特別…佢又真係超級童顏, keep得好好, 個樣後生過d廿幾歲o靚妹, 個笑容仲幾天真無邪…抵佢成為bb!

同埋唔知點解我睇睇吓呢個節目覺得佢好似一d人, 首先個樣係有d似楊寶玲同朱潔儀…而講嘢個tone仲居然有d似…松松姐姐!!! 哈哈!

其實翠如bb都係應該keep住做呢d旅遊節目…呢樣佢做得最好, 拍劇就…真係一般啦! 至於佢起家的娛樂新聞台主播角色, 其實都唔係特別好…正如大家所講, 佢講嘢唔算字正腔圓, 仲有d懶音 (但我唔認同係好勁的懶音)…但做呢類旅遊節目個效果就出奇地自然同討好! 睇完呢個節目我都封咗佢做bb!

至於洪永城…感覺都幾funny, 睇好多報導話佢係媾女王, 同埋n年前喺有線已經對翠如bb嗒晒糖…難怪佢哋成個特輯的感覺都咁sweet! 好睇!

下個禮拜換咗湯洛雯…落差太大, 相信迴響也會不少!

Oh yeah…仲有, 我覺得第一集最好睇! 去名店試衫嗰part幾搞笑…洪永城試嗰套西裝真係超讚! 呢個世界真係一分錢一分貨…估唔到可以咁大分別!

嘩! 剛剛過去o既一個星期, 真係好多關於生離死別o既娛樂新聞!

首先係陳僖儀死於非命! 26歲…真的太年輕了吧! 只能夠再次講句: 人生實在太無常, 要珍惜眼前人, 做自己想做的事…那怕是很傻的事, 只要唔係傷天害理就得喇!

不過真係不得不提呢個“大迷信大迷信大迷信1993”…好耐之前講過, 當年我睇過篇報導, 話逢3字尾的年份都死得人多…尤其娛樂圈! 又真係邪o架喎! 93年一開始就有蘭桂坊元旦踩死人事件, 跟住03 o既sars真係唔駛多提…巨星方面73有李小龍, 83有傅聲, 93有家駒, danny仔, 余綺霞, 仲有前入境處長個女/當年華納打算力捧o既新人梁思瀚 (劉錫明"moshi moshi"mv女主角)...本雜誌仲話93年幾位都係華納人同埋paco-related! 03就又係唔駛講啦...巨星中o既巨星哥哥同梅姐! 我唔係想導人迷信, 只係想講一句: 好cher~~~!!

跟住就到郭富城同熊黛林的七年情玩完新聞喇! 查實呢…我覺得佢哋甩拖大家一d都唔surprise…娛樂新聞傳得出o黎, 仲要傳足幾日的, 九成都係真! 而又其實有無苟姑娘佢哋都注定會散...因為城城根本係一隻無腳o既雀仔! 你要佢同你結婚, 咪即係逼佢同你分! 其實城城deliver o既msg一路都好明確, 七年都無承認過你的地位, 你係咁單方面宣示主權咪仲搞到自己肉酸咗! 成日都話, 人最緊要輸人唔輸陣, 女人就更加唔可以輸尊嚴! 而城城做得最錯o既係近幾個月俾咗false hope人…我諗熊小姐初時都無諗住可以入宮, 係搞咁咁耐開始以為有d希望…跟住年頭佢又去人哋老豆喪禮仲成個女婿咁款, 俾false hope人呢樣嘢最衰!

咁熊小姐都係早走早著, 輸少當贏, 執番身彩為妙! 而且我哋成日講…小美人才是正印嘛! 男人最緊要係咩呀? 一定係事業…幫到佢事業的…你贏晒! 最終城城要娶o既可能會係…小~美~人人人人人人~~~!!!

更估唔到o既係何家淑女超雲同陳山聰o既分完又合! 真係估唔到小聰子有頑強o既生命力…無限復活…踩極都唔死…真心佩服佢! 超雲醒咗都會再次被迷魂番…事情咁峰迴路轉, 好嘢!

2013年4月15日星期一

4-15(mon) 千基變2013

哈哈! 好耐無見! 真係好忙碌…不過都要簡單update吓啦! 要講吓金像獎先…無他o既, 其實金像獎年年如是…今年在我看來比較精彩係因為有我少年時代好鍾意o既楊千嬅…同當時好鍾意佢o既鄭中基!

哈哈, 估唔到佢哋繼05年”星光熠熠耀保良”同“翡翠歌星賀台慶”之後, 居然o係今年香港電影金像獎“再續前緣”! 其實男配角獎搵得千嬅頒, 唔洗杜文澤做口型, 都十成九估到係中基攞啦! 話實…我真係曾經好鍾意佢兩個的…正如我o係fb講…鄭中基講嘢其實堅係funny, 仲要唱歌堅係好聽…雖然佢可能亦都真係一個無賴! 哈哈!

同埋睇當晚的表垷…雖然楊千嬅不停話鄭中基好尷尬…但其實係佢自己不停煞有介事地提起, 似係佢本人尷尬多啲…不過亦都睇得出…佢哋當年曾經好深愛過! 亦都好戥千嬅首次封后高興…雖然有好多人覺得佢未夠班, 不過我真心覺得今次個賽果其實有一半人都估到啦! “春嬌與志明”係無”志明與春嬌”咁好睇o既…但係春嬌的受歡迎係兩輯累積落o黎…正如楊千嬅成日講, 攞獎好似儲錢咁…而佢回應今次得獎+頒獎俾鄭中基時所講o既金句係…”出得o黎行, 預咗要還”! 哈哈哈!

um…我好衰...睇完佢哋喺金像獎o既表現...忍唔住再睇番呢段"千基戀"...其實呢段片真係剪得幾好...同埋佢哋當年真係好sweet! 而每單新聞我都歷歷在目…因為o個幾年正正係我最like千嬅的年代! Those were the days…

2013年3月8日星期五

3-8(fri) 心路GPS

呢兩個禮拜坊間對"心路GPS"的comments改觀晒…有好多朋友都話睇落幾好睇…劇情無咩特別, 淡淡然咁, 但好寫實...真係好似每日發生o係你屋企同隔離鄰舍o既事情…好有共鳴!

同埋好多人話睇完o個位一日到晚“阿B阿B"的少女的精湛演技同“lou打”樣後…反而同情咗嗰個笠佢田雞的燥底導演…真係估唔到…哈哈! 但我其實也認同的! 不過阿B少女也同樣寫實…每日行出街總會遇到三兩個…哈哈! 仲有嗰d婆媳糾紛, 仔女貪阿媽錢情節…全部都好有共鳴! 同埋麥包個女點解咁熟面口? 佢細個應該做過好多劇集…但一轉眼大個咗好多, 雖然o翕唔出佢個名!

Oh哈哈…仲有翠如bb, 三十有一其實keep得幾好, 同埋個樣幾natural…順眼過d o靚模同埋tbb變臉花旦好多…你都不能怪tbb依家改捧亞視同cable啲舊人都唔捧自己人…因為o係呢個咩都造假的社會…自然美 (就算唔係十分美) 都贏晒!

呢期"變色龍"都進入戲肉…原來我身邊都有好多人睇…節奏出奇地明快…35年後都唔覺得out! D法庭戲有旁白都好好笑…但拍得幾好…好多法律界人士都稱讚…oh, 估唔到連清洪都話佢當年係向潘志文偷師! 但點解阿秋華姐姐由當年o既清純變成依家咁o既樣? 好驚!

另一個估佢唔到o既係“活色生香＂原來好好睇 (雖然有人話番俾我聽原來當年口碑都勁好)! 之前以為會同"今夜不設防"差好多班…點知…原來真係ok有趣o架喎! 又帶你去睇一樓一, 訪問嗰d只會出背脊的夜總會公關, 講吓點收費, 如果唔滿意個小姐可以點換…仲有醫生教你點用condom, 同埋個夫人信箱…d問題係: "同時用兩個套會唔會安全d?", "應該叫你個伴侶幫你戴定自己戴?"...勁informative and innovative! 簡直係電視版o既”姊妹”同“yes!”…仲有我同d friend最like的“城市驚喜”環節…每晚搵個“靚女”嚟拍mv, 跟一手80年代經典金曲…呢個環節我好like! so old school!

2013年2月28日星期四

2-28(thurs) 戀愛季節

"戀愛季節”第二, 三個單元好睇咗喎…徐子珊同唱k加一班港男o個part, 仲有唯唯, 胡定欣,jj兩個故事都幾好…係一開始第一個單元toby同大隻謙o個個過份童話式愛情故事有d頂唔順! 雖然我認同d人話toby今次做得幾好…但佢個look真係有d令人唔開胃 (我知佢咁樣係為咗演活o個個角色…但…:p)

"心路gps”我真心唔知佢想點? 個名會唔會太過巧立名目? 其實係咪心靈雞湯o個隻?! 你呢d太過唔self explanatory的名, 未免太唔“viewers-friendly”…莫講話師奶, 我都唔太知你想點?! 一睇到呢個劇名, 我淨係諗起個燥底導演同埋個好可憐的o靚妹! 仲有呢套劇好有線娛樂新聞台feel…d十年前的娛聞主播無啦啦走晒o黎tvb做主角…又黃翠如, 又梁嘉祺, 應該搵埋6號一齊做! 又或者搵番梁嘉祺個前度阿張繼聰, 佢呢期紅嘛…同埋佢做戲真心好!

不出所料, 歲月留聲台真係重播亞視80年代最經典青春劇"IQ成熟時"…雖然睇過二千次…但我依然係好like! 最大問題係佢居然一套劇loop咁多次, 但無一次係夜晚播…你深宵重播多次都好呀! 6點半你俾邊個睇? 錯晒!

仲有”我和春天有個約會”添…呢個又係正! o個時已經覺得原來商天娥唱歌咁掂! 仲有得睇萬二蚊添…真係周圍都有萬二蚊!

“今夜不設防”做完之後真係播“活色生香”…呢個我無咩興趣睇! 不過我發覺歲月留聲台依家真係有廣告囉…證明真係多人睇! 無本生利…諗到呢條橋的功臣真係應該加佢10倍人工!

2013年2月14日星期四

2-14(thurs) 戀愛季節 + big 4新年悶親你演唱會

"老表, 你好嘢"終於做完…呢套係近期所有朋友都會話出完街要返屋企上網睇番的電視劇…真係幾唔錯! D細節位都做得好好…我都推介咗好多朋友睇! 最尾黃光亮cross over番多年前佢o係“監獄風雲”個角色傻驃又係抵死! 仲有萬二蚊同郭晉安結婚o個段對白都寫得好好!

接住o個套“戀愛季節”…我曾經好like的toby…依家真係有d頂佢唔順! 糖妹亦都…睇吓之後幾parts會唔會好d?!

反而下午第n套倉底貨“戀愛星求人”幾好睇…又係d無無聊聊輕鬆小品…原來徐遇安係監製…唔怪得知個班底咁“真情”! 又劉丹又苑瓊丹! 仲有啱啱做完的“法網狙擊”o既謝天華+楊怡!好睇過黃金時段o既“初五啟市錄”好多! 做完呢套仲有”鳳舞香羅”添…我想睇!

新年睇咗tvb群星o既 “我愛香港”賀歲片系列…睇咗4年, 始終都係第一年嘅"72家租客＂最好睇! 同埋點解卿卿個樣會變成咁？雖然我一向ok like佢, 但真係忽然變咗一個阿婆…點解會咁? 應該唔關生咗仔事…其他生過的女星都無一下子老成咁?! 可能真係唔應該出番o黎…等大家留下一個美好印象咪好囉!

歲月留聲台真係愈o黎愈好嘢…新年不停咁播番89蛇年的賀歲節目…初二播煙花, 初三播初三遊戲節目, 連初四都有…真的令我以為時光倒流…回到24年前的蛇年! 真心like! 仲有十分嫩口的卿卿同朱慧珊! 卿姐塊面嗰時有啲肉地靚好多啊!

仲有“今夜不設防”特別版…有當時剛當選的五位89年亞姐佳麗…潔儀姐姐好搞笑…好似個小朋友咁…好驚青! 翁虹又的而且確幾有大將之風…同埋睇得出伍姑娘同萬二蚊年紀輕輕已經好世界女!

新年仲睇咗big 4第二次演唱會…上次2010年係萬眾期待+撲唔到飛...今次, 雖然係無咩期待, 但諗住都唔會太差...畢竟佢哋三個 (梁/許/蘇) 都有好多好歌, 而健仔講嘢又好funny…點知…十個睇咗有十個都話…同上次個落差實在太大, 慘不忍睹! 揀o既歌大部份都唔多hit…其實佢哋仲有好多hit歌未唱! 而我明白佢哋唔想重覆番上次, 想有突破…但…每個人都做自己最唔擅長的, 實在吃力不討好! 而最重要係…真係幾悶! 我好少見成個演唱會枕住有咁多人行來行去去廁所, 我本人都睇咗好多次電話…上次我係望一眼電話的冷場時間都無…真心可惜! 又一次證明, 所有事情真的也應該…見好就收!

2013年2月8日星期五

2-8(fri) 蛇年行大運

各位朋友…首先o係呢度向大家拜個早年! 祝大家蛇年進步, 心想事成! 我唔會再祝大家不勞而獲o架喇…因為人愈大, 愈會發覺呢個世界唔會有免費o既午餐…要有收穫, 一定要付出…就算你今日不勞而獲咗…總有一日要運番! 哈哈! 所以, 都係祝大家日日happy啦!

哈哈…今年呢款tvbuddy利是封, 雖然無之前幾年咁靚…但都係kawaii呢!

仲有呢個失去多年的tvb官方月曆…今年終於再次“失而復得”! yay!

"老表你好嘢"話咁快就大結局…呢個真係近期上佳之作…其實你用心睇, 唔止搞笑咁簡單 (而d無聊笑位亦都幾ok…仲有d角色名, 好多細節其實都睇得出係有諗過)…有heart之作! 所以你班編劇話王祖藍撈過界…但人哋又真係做得好過你哋…要檢討吓!

上個禮拜“今日vip”有陳志美醫生訪問蔡芯同易姑娘…仲有佢嗰句經典對白“我今日真係學咗好多嘢”! 我特登去睇番…真係幾好笑!

萬二蚊o係個訪問靚過o係套劇裡面囉…套劇裡面佢太瘦喇! 可能真係正如佢所講拍得太辛苦! 當然…最like係殭屍裡面o既馬小玲! 好正!