12-31(mon) 高清翡翠台

聽日就係叱咜頒獎禮…前幾日睇到報紙話有人整o左個諷刺商台高層甘菁菁o既“Make Horse in the Party”mv…又係笑爆嘴! 其實呢d小圈子造馬活動…個個台都係o架啦…係睇o下邊個造得無咁出面, 造得無咁肉酸o既o者…



網 友 惡 搞 MV 諷 刺 造 馬

新 城 勁 爆 頒 獎 禮 明 日 舉 行 ， 商 台 主 辦 的 「 叱 咜 樂 壇 頒 獎 禮 」 則 安 排 在 08 年 1 月 1 日 舉 行 ， 之 前 有 傳 商 台 助 理 總 經 理 甘 菁 菁 因 與 環 球 高 層 Duncan 是 夫 婦 ， 故 特 別 關 照 環 球 旗 下 歌 手 ， 結 果 有 網 友 惡 搞 ， 特 地 化 名 kamchingching903 ， 約 在 一 周 前 將 陳 奕 迅 歌 曲 《 Crying In The Party 》 改 寫 成 《 Make Horse in the Party 》， 諷 刺 商 台 每 年 舉 行 的 頒 獎 禮 有 造 馬 之 嫌 。

歌 詞 啜 核

惡 搞 MV 以 新 聞 報 道 畫 面 指 甘 菁 菁 因 涉 嫌 造 馬 被 捕 ， 其 中 幾 句 歌 詞 更 相 當 啜 核 到 肉 ， 「 造 馬 叱 吒 / 早 已 悶 了 / 環 球 榜 / 菁 菁 攪 掂 了 / 幫 老 公 暗 造 馬 / 佢 未 怕 被 人 o趙 / Airplay 實 會 好 好 照 料 」 ， 最 後 更 模 擬 了 一 個 頒 獎 名 單 ， 全 是 環 球 歌 手 獨 攬 獎 項 ， 記 者 昨 日 曾 就 此 事 致 電 甘 菁 菁 回 應 ， 但 至 截 稿 前 仍 未 聯 絡 上 。



今日開始話電視台高清廣播…其實我都唔係太清楚係咩…仲要買個機頂盒, 買完都仲要有d區睇到有d區睇唔到…真係唔知為咩? 其實有幾多睇電視o既觀眾係會介意個畫面質素呀? 都係一邊食飯一邊上網一邊睇, 你個畫面靚唔靚關我咩事? 搞好個劇集本身質素仲好啦! 我諗呢個高清數碼廣播, 都係想搵錢居多!

同埋咁個咩“高清翡翠台”, 同翡翠台播o既節目係咪唔同呢? 搞到我好混亂添…反而我都係最期待亞視今晚鵬哥o個套“十六不搭喜趣來”囉!


(2007)

睇番舊年個tvb官方大月曆…今年o個個又真係好似靚d喎!


(2008)


(仲有新收到的tvbuddy筆袋仔…幾cutie呀!)

o係youtube睇到好多久違了o既tvb劇集主題曲, 尤其係八十年代o個d…雖然唔係好出名, 但當年又的確有睇過, 而且又遺忘o左!

我記得我o個時都好鍾意睇呢套“零點出擊”…亦因而鍾意o左發瘟同楊寶玲一陣子…



仲有呢套九十年代中o既“前世冤家”…又係o個d講前世今生輪迴o個隻戲啦…我最鍾意睇呢d劇! 呢套都ok好睇, 仲有古巨基添…差d唔記得o左! 個男主角湯鎮宗, 我o係呢套劇先第一次知道有佢o既存在…係一個醜版o既湯鎮業…但係永遠都唔知邊個係阿哥, 邊個係細佬 (好似湯鎮宗係大佬)! 仲有, 用“夢中人”做係主題曲, 其實有d怪…尤其係hit左首歌先播呢套劇…


“黃金十年”…當年其實係一套大劇, 點知好似唔多work! 張兆輝, 戚美珍, 扮學生…好鬼後生! 本來被力捧o既男主角張兆輝, 亦都好似因為交通意外撞死o左人而好大鑊…不過o個時真係太細, 詳情唔多清楚…請指教! 呢套劇好似無重播過?! 至於印象中我無再睇過…



oh…呢套“錯體姻緣”我幾乎唔記得o左…以前好鍾意睇, 今無意中俾我睇番個片頭, 又係回憶返埋o黎o既時候…



仲有呢套“工字打出頭”, 又係唔睇番都唔記得o左lu…

12-27(thurs) 都市的童話

終於o係假期睇o左幾集“都市的童話”….呢種童話式劇情確實唔係我杯茶, 尤其係o個堆電腦遊戲人物在街上追逐…真係超低能勁搞笑! 你話如果係睇緊“閃電傳真機”我又可以接受, 但睇劇集咁樣我又真係唔多buy…至於阿朱茵小姐, 靚就係靚, 但亦十分唔係我杯茶, 由佢做“吱吱鼠”時我已經好怕佢! Oh,呢套劇仲有芷珊姐姐添…真係成套“閃電傳真機”咁!

同埋成套劇其實真係完全無劇情, 難怪我當年唔想睇…今次睇都係為o左懷緬o下九十年代, 集體回憶嘛! 不過咁, 林文龍當年真係好討好, 成個look同埋講o野o個種陰聲細氣真係好係“龍的天空”的形象…簡直lum死女…佢當年都應該真係lum盡唔少女! 仲有, 林偉真係有邊忽似佢細佬呀?!



網 友 開 庭 揭 錯 漏

由 馬 國 明 、 陳 鍵 鋒 和 官 恩 娜 （ Ella ） 主 演 的 劇 集 《 律 政 新 人 王 Ⅱ 》 周 一 （ 24 日 ） 首 播 ， 由 於 這 是 馬 國 明 首 部 擔 正 的 劇 集 ， 引 起 網 友 熱 烈 討 論 ， 凌 零 發 也 對 此 劇 充 滿 期 待 ， 結 果 首 集 便 發 現 爆 笑 場 面 。

Ella 聽 《 別 怪 她 》 黑 面

劇 情 講 述 馬 國 明 充 當 柴 可 夫 載 Ella 上 庭 ， 駕 車 途 中 哼 出 吳 卓 羲 的 首 本 名 曲 《 別 怪 她 》 ， 現 實 為 吳 卓 羲 舊 愛 的 Ella 即 時 黑 面 ， 並 喝 止 他 說 ： 「 唔 好 唱 呢 首 歌 得 唔 得 呀 ， 好 難 聽 呀 ！ 」 語 氣 充 滿 敵 意 ， 猶 如 真 情 演 繹 。 這 是 無 綫 繼 《 學 警 出 更 》 中 ， 黎 萱 字 正 腔 圓 讀 出 「 My favourite 」 後 ， 再 次 借 劇 集 過 吳 卓 羲 一 棟。

另 外 ， 凌 零 發 在 《 律 政 新 人 王 Ⅱ 》 的 討 論 專 區 中 發 現 不 少 抵 死 留 言 ， 先 有 網 友 指 出 馬 國 明 早 在 《 律 政 新 人 王 》 已 亮 相 ， 不 過 是 扮 演 變 態 色 情 狂 ， 如 今 卻 變 成 律 師 ， 令 觀 眾 非 常 迷 惘 。 又 有 網 友 提 出 Ella 的 「 富 家 女 」 人 物 設 定 ， 跟 荷 李 活 電 影 《 律 政 可 人 兒 》 （ Legally Blonde ） 中 的 麗 絲 蕙 斯 潘 （ Reese Witherspoon ） 如 出 一 轍 。

網 頁 錯 抄 《 潮 爆 大 狀 》

另 外 ， 又 有 網 友 指 出 《 律 政 新 人 王 Ⅱ 》 的 網 頁 中 ， 其 中 一 欄 為 法 律 小 知 識 ， 介 紹 何 為 法 援 署 時 ， 引 了 一 句 「 劇 中 ， 莊 曉 慧 （ 蘇 玉 華 飾 ） 、 蔣 思 庭 （ 唐 寧 飾 ） 和 余 樂 施 （ 湯 盈 盈 飾 ） 就 是 在 法 援 署 工 作 。 」 問 題 是 《 律 政 新 人 王 Ⅱ 》 的 演 員 名 單 明 明 沒 有 此 三 人 ， 後 來 凌 零 發 再 瀏 覽 劇 集 《 潮 爆 大 狀 》 的 網 頁 ， 居 然 找 到 一 模 一 樣 的 法 援 署 簡 介 ， 方 知 可 能 是 無 綫 手 足 「 copy and paste 」 鬧 出 的 笑 話 。

又睇o左d“律政新人王2”…真係pit開我對“律1”的深厚情意結 (雖然都未必完全pit得開), 呢套劇objectively都真係唔多掂…官恩娜真係超唔討好…情況同toby一樣, 無觀眾緣就係無觀眾緣! 同埋佢d戲真係…哎!

至於馬國明, 我覺得一般啦, 依然欠缺少少主角格 (我知呢度有好多佢o既支持者, sorry晒呀吓!)…同埋都係o個句…佢上一輯個戀絲襪狂角色真係實在太深入民心, 依家o係同一套劇又做個流氓律師真係太混淆喇! 仲有好多都係上一輯有做過今輯又見番…楊娜上一輯係做告老公迷姦佢個角色, 仲有鍾志光係偷o左ling ling阿媽手字o黎做鹹書封面o個個雜誌老闆etc…哈哈哈哈…恕我當年睇得太detailed, 印象不能磨滅!

睇o左少少呢個所謂“續集”…真係接受唔到, 人面全非不突止, 仲要d案件真係無聊爆…唔係話全部要講殺人放火非禮強姦呢d大案, 但都唔好太無聊呀…咩分手要攞番隻介指! 唔洗一集就做完一個case, 我知你主線係講感情唔係講case (“律1”亦一樣), 但可以寫得好少少…上集d case我都睇得幾有得著o架喎, 真係學到d o野…呢集o個d…或者我唔應該咁快下定論o既! 不過佢d法律小常識…咩juror叫豬乸, 有案底叫黑底, 無就叫白底…真係好唔該晒! 唔好sell呢d得唔得? 同送一堆爛gag俾你無分別!

同埋陳鍵鋒個假髮…真係…好…肉…酸…! 佢本身好靚仔o架嘛, 上集幾型呀! 我明白佢話有病要戴假髮, 但假髮都可以戴個好d…呢個真係假得好肉酸…邊個咁坃佢呀?! 佢又係慘o既…連主題曲都成首俾晒馬明唱, 佢連半首都無! 佢真係咁多年都紅唔起, 又唔多點捧佢…哎...佢唔簽經理人合約, 又留o下度做咩呀? 明知唔係親生仔都唔會捧你o架啦…搞到依家咁慘咁!

仲有呢篇報導我諗係內地報章o既…

“法庭劇素來是能為無線創名利雙收的題材之一,不論《壹號皇庭》系列、《識法代言人》均收視大捷。昨晚首播的《律政新人王Ⅱ》(下稱為《律政Ⅱ》)與以往的法庭劇相比,有很多改變,能否保持佳績,尚不知。

演員: 配角也有出頭天

《律政Ⅱ》承繼《兩妻時代》的時間檔,同時承繼了配角首次做主角的風格。在《兩妻時代》中湯盈盈第一次做女主角,《律政Ⅱ》則是馬國明、官恩娜首次做主角。

去年的“飛躍進步男演員”馬國明,在第一輯《律政》中只是一個大配角,飾演對絲襪有特殊癖好的偷窺狂,後來被他的辯護律師林峰和胡杏兒揭發;這次他就來個“大報復”,踢走林峰擔正做一個出身草根階層、為人正義的大律師辛萬軍。官恩娜2004年拍過《酒店風雲》之後,就一直沒有機會拍劇,此次踢走胡杏兒和廖碧兒,角色就更似為她量身訂做的——貪靚、撒嬌還帶些十三點性格,不時在法庭上鬧笑話。

不過,《律政Ⅱ》首個星期撞了聖誕假期,第二個星期又到元旦,馬國明坦言不寄厚望,並開玩笑說,要是收視不理想還可以有藉口抵賴。

故事: 好律師也輸官司

《律政Ⅱ》一如翡翠劇素來的男女多角戀情處理:歡喜冤家變情侶,再變多角戀,屬於典型港劇攻勢,屢見不鮮,不過,相信翡翠劇擁躉仍受落。

而它的突破在於,打破了“好律師就是贏官司”的既定印象。《律政Ⅱ》主菜是法庭戲,較不同處是這次主角負責的個案,多屬雞毛蒜皮的民事案,如抄襲時裝設計、模特意外損毀佈景等,並非殺人放火等刑事大案,如當中講到的時裝設計抄襲案,孫俐俐(官恩娜飾)代表的當事人雖然敗訴,但輸了官司,卻令師徒和好,以此表達人生的得失,未必只看法庭上的勝敗。算是跟以往的劇類有一點點的改變。

宣傳: 專業形象也可搞笑

官恩娜與馬國明前日以律師打扮為新劇宣傳,雖然他們飾演律師,但馬國明一時玩得興起,與三位女藝員風騷搖擺跳舞,並不顧及角色形象,其後他知道不對立刻擔心地向觀眾致歉:“我搞下氣氛而已,希望大家不要介意。”

12-24(mon) “勁爆笑”…

前幾日睇到一段關於金牌決定封殺新城o既報道…其中一段真係中到爆…好抵死! 救命!

“新 城 頒 獎 禮 向 以 分 豬 肉 出 名 ， 獎 項 多 逾 100 個 ， 目 的 是 皆 大 歡 喜 ， 結 果 卻 適 得 其 反 左 右 不 討 好 ， 雖 然 新 城 頒 獎 禮 無 公 信 力 可 言 ， 但 因 獎 項 多 ， 直 接 影 響 四 台 聯 頒 傳 媒 大 獎 的 得 獎 機 會 ， 故 唱 片 公 司 更 要 盡 力 為 歌 手 爭 取 多 些 獎 項 ， 所 以 出 現 獎 項 越 多 越 不 夠 分 的 怪 情 況 。”

仲有呢段…又係中到爆…咩向來以“勁爆笑見稱”…嘩哈哈哈哈哈! 每年新城頒o左d咩獎, 永遠都無人會記得…仲有當年頒錯男歌手獎俾古巨基令佢超尷尬事件…真係咩頒獎禮o黎o架?! 點解搞o左十幾年仲可以咁雞?!

“新 城 電 台 每 年 舉 辦 的 勁 爆 頒 獎 禮 ， 向 來 以 「 勁 爆 笑 」 見 稱 ， 每 年 均 設 立 近 100 個 「 豬 肉 獎 」 ， 務 求 令 各 大 唱 片 公 司 皆 大 歡 喜 。 新 城 為 討 好 歌 手 更 巧 立 名 目 ， 增 設 騎 呢 獎 項 ， 並 非 歌 手 的 詹 瑞 文 去 年 便 與 黃 耀 明 同 得 勁 爆 創 意 表 現 成 就 大 獎 。”

Oh, 不停見到阿don李逸朗上d音樂節目宣傳, 原來佢依家先第一次出碟咩? 佢同mandy組合之前唔係自己出過碟o既咩? 如果唔係佢當年點競逐新人獎? 但我唔明點解佢張碟要用番真名李威樂? 又無人知係邊個, 同埋如果係咁你改個藝名o黎做咩?

仲有呢排大家熱烈討論+點擊o既“整容三嬌”freeze o既“金睛火眼”mv…成日o係“無間音樂”都會睇到! 哈哈…even tvb版本都幾激o下…咁係幾多o野睇o既…難怪咁多人點擊! 講真, 佢三位唱歌又無我想像中咁差 (但唔代表唔差)…同埋首歌本身都出奇地ok可聽!

原來由上個禮拜六開始逢7:30有個講述香港樂壇傳奇人物故事o既“不死傳奇” …第一集有羅文, 跟住五集仲有梅姐, 哥哥, danny仔, 家駒, 鄧麗君…好吸引啊! 原來話咁快十大中文金曲就30年…我仲記得金曲20年時特登走去現場睇, 都ok喎…咁快又一個十年…我諗我都應該再去睇o下!

尋晚終於有機會睇o下電視, 首先睇o左“電視風雲50年”…講童星, 見到王書麒…點解人會meh o左嘴? 之前睇報導都好似聽過佢有病, 但唔記得係咩病喇…佢唔係中過風嘛? 佢無事呀嘛?

跟住再轉台去睇“一擲千金”…好多個禮拜無睇過喇…今集有胡杏兒, 幾鍾意睇佢玩遊戲, 因為佢的確係比較精靈o個批! 仲有佢個智囊團成員黎彼得…講o野好有哲理, 尤其係ending時講感受, 話玩呢個遊戲開寶箱就好似人生咁, 未開到最後你都唔會知係點, 好玩就在呢度…因為如果一早知道自己個寶箱係幾多錢, 咁就唔會好玩…佢仲話人生最難搞其實就係因為有選擇…如果無選擇, 根本就唔洗咁煩惱…真係好有哲, 好有得著囉…勁!

仲有呀, lunch time時o係中環見到陳慧珊…嘩, 佢生完bb收身又收得幾快!

呢排o係facebook多o左好多我唔識o既朋友add我, 其實呢, 如果你係呢度o既讀者而又咁有緣搵到我, 我絕對歡迎你add我o既, 但記住要話俾我知你係呢度o既讀者…否則不明來歷o既我係唔會add o架!

最後, 要多謝有心的讀者cherry幫我cap o左呢個好意頭時刻:

12-21(fri) 十六不搭喜趣來

前幾日睇到報紙, 話亞視開拍一個影射無綫人的節目“十六不搭喜趣來”...睇到d人o既造型同埋角色名, 都幾抵死o下…好期待! 最鍾意睇呢d影射藝人o既劇集…通常都超抵死, 仲會有好多“秘聞”爆…又或者重演番某d經典場面, 又係會發出會心微笑!

好似當年o既“娛樂/樂壇插班生”咁, 真係笑死我…尤其係梅小惠扮sammi, 你真係估唔到佢可以扮得咁似…佢扮o野係有d計o既, 本來睇佢兩個真係一d“啦間”都無o架嘛! 仲有前年亞視都有套 “美麗傳說2” 係扮藝人, 又係扮得好抵死!

不過, 其實個劇名“十六不搭喜趣來”係點解呢? 我諗我蠢得滯get唔到…“喜趣來”我知呀, 係咪取自上年無綫自己拍o左但因為影射高層唔俾播o既“喜趣台”?! 但係“十六不搭”係點解呢?


http://appledaily.atnext.com/template/apple/art_main.cfm?iss_id=20071219&sec_id=462&subsec_id=830&art_id=10550810

亞 視 辣 盡 無 綫 高 層
盧 海 鵬 影 射 3 男 傍 志 雲

亞 視 處 境 新 劇 《 十 六 不 搭 喜 趣 來 》 昨 日 開 工 大 吉 ， 由 扮 o野 泰 斗 兼 主 角 盧 海 鵬 親 率 一 眾 藝 員 主 持 拜 神 儀 式 ， 據 知 該 劇 將 借 娛 樂 圈 麻 雀 大 賽 玩 殘 無 綫 ， 既 有 老 翻 阿 姐 「 方 明 圓 」 、 六 嬸 「 江 小 姐 」 和 女 高 層 「 陸 易 寧 」 等 登 場 ， 鵬 哥 更 大 顯 扮o野 真 功 夫 ， 戴 假 髮 兼 硬 谷 酒 凹 扮 影 射 無綫 高 層 陳 志 雲 的 「 陳 智 能 」 ， 更 有 假 王 賢 誌 、 崔 建 邦 及 鄧 健 泓 為 他 爭 寵 ， 令 人 笑 爆 嘴 。

下 周 踏 入 66 歲 的 盧 海 鵬 是 電 視 台 扮 o野 鼻 祖 ， 近 日 他 被 亞 視 委 以 重 任 ， 在 昨 日 首 天 開 拍 、 玩 殘 無 綫 又 笑 盡 政 界 的 45 集 處 境 新 劇 《 十 六 不 搭 喜 趣 來 》 中 ， 盡 顯 扮 o野 真 功 夫 、 一 人 分 飾 六 角 ， 當 中 有 男 有 女 ， 造 型 搞 笑 。

前 日 鵬 哥 到 亞 視 總 台 試 造 型 ， 他 先 搽 厚 粉 、 戴 眼 鏡 及 假 髮 ， 硬 谷 酒 凹 ， 以 一 身 老 西 配 蘭 花 手 動 作 ， 扮 影 射 無 綫 風 頭 躉 高 層 陳 志 雲 的 「 陳 智 能 」 ； 除 此 之 外 ， 他 又 打 煲 呔 扮 「 曾 敏 全 」 、 白 眉 寒 背 的 「 董 伯 伯 」 及 過 去 也 演 繹 過 的 徐 小 鳳 造 型 等 ， 同 樣 維 肖 維 妙 。

《 十 》 劇 劇 情 講 述 娛 圈 吉 祥 三 寶 ， 即 「 福 祿 壽 」 譚 詠 麟 、 曾 志 偉 和 陳 百 祥 ， 立 志 為 演 藝 界 老 弱 藝 人 謀 求 福 利 ， 決 定 舉 行 麻 雀 大 賽 ， 大 批 圈 中 紅 人 參 賽 ， 各 大 公 司 高 層 乘 機 互 片 ， 故 出 場 「 紅 星 」 極 多 ， 有 鮑 起 靜 扮 阿 姐 汪 明 荃 ， 吳 浣 儀 扮 六 嬸 、 寶 珮 如 扮 樂 易 玲 、 樓 南 光 扮 杜 琪 峰 、 江 美 儀 扮 Mani 霍 汶 希 、 伍 偉 樂 和 戚 黛 黛 則 扮 「 鋒 芝 」 等 。

據 知 劇 中 部 份 情 節 擺 明 玩 無 綫 ， 例 如 有 老 翻 王 賢 誌 、 鄧 健 泓 和 崔 建 邦 爭 相 傍 實 陳 智 能 ， 相 當 抵 死 ， 監 製 楊 紹 鴻 昨 日 說 ： 「 各 地 電 視 台 都 做 過 呢 類 型 o既 喜 劇 ， 友 台 都 做 過 《 娛 樂 插 班 生 》 啦 ， 唔 係 得 罪 人 就 OK 。 」

至 於 放 盡 扮 o野 的 鵬 哥 則 笑 說 ： 「 扮 o既 角 色 可 以 睇 番 video 同 雜 誌 參 考 ， 扮 乜 o野 到 時 會 上 身 ， 係 留 意 模 仿 人 物 o既 小 動 作 ， 好 似 扮 陳 志 雲 要 扮 佢 廣 播 員 o既 聲 線 ， 佢 係 好 斯 文 、 好 書 生 o既 造 型 。 」 此 劇 將 於 本 月 31 日 晚 首 播 。

昨 日 《 十 》 劇 首 天 開 工 ， 下 午 鵬 哥 率 一 眾 以 扮 o野 造 型 亮 相 的 藝 員 出 席 拜 神 儀 式 ， 麥 家 琪 和 樊 奕 敏 分 別 扮 紅 線 女 及 白 雪 仙 ， 扮 張 栢 芝 的 戚 黛 黛 則 說 ： 「 最 難 係 聲 線 ， 惟 有 靠 小 動 作 ， 好 似 撥 頭 髮 ， 成 日 嗌 老 公 老 公 。 」



(嘩…好開心, 今年又收到最想收到的超精美聖誕禮物…o岩晒我! 今年個官方月曆影得幾型, 仲要細細o地唔洗咁“ngar訂”! 作為忠實的tvb fan屎, 以前細個睇報紙只有恨的份兒…第三年能夠擁有tvb官方月曆, 真係超感激…多謝晒聖誕老人!!!)



另外, 上個禮拜其實仲睇o左一個舞台劇但未有機會講…一星期內睇三個舞台劇, 對我o黎講係好誇…平時一年都未必有睇到咁多套! 不過咁o岩呢幾套都開正我o個瓣, 睇o下又無妨o既!

講緊o既係“小男人週記kiss me goodbye舞台劇”…如果唔係八十年代+電台粉絲金髮美女叫我去睇, 我都唔知有個咁o既舞台劇…真係“背”喇! 電台粉絲我從來都唔算係, “小男人”廣播劇其實我真係無聽過, 反而九十年代初逢禮拜二o係tvb播o既“小男人週記”我集集都有睇…o個期仲有d咩“開心浪漫俏佳人” (恬妞), 禮拜四o既“鎮金女人週記”…呢d單元式半小時節目全部都ok好睇! “開心浪漫俏佳人”早一兩年仲成日o係深夜五點重播…“小男人”就反而無咩點重播過!

阿旦係有d料到o既, 故事都算有d內容, 有d寓意…叫人珍惜擁有o既o野, 因為得來不易! 每日都應該當係最後一日咁生活, 咁你會識得appreciate你身邊o既所有o野!

Cast都唔錯…蘇玉華, 李思捷, 蔣志光, 全部都係好戲之人…其中一個所謂selling point想sell d後生仔去睇o既法拉, 戲份原來少得可憐, 淪為大茄…雖然我真係無法buy佢, 但佢確實都做得ok o既, 同埋d廣東話真係進步o左!

但係…成個舞台劇係衰o係個場地度! 真係去過o既人都彈爆…我唔明點解仲有主辦單位會去o個度開show! 個九展starr (一r定兩r?) hall除o左大之外, 真係一無是處! 或者可以用o黎搞書展o既…但個location又唔得, 離天百丈遠! 咁去番會展罷啦! 一個場地, 唔近地鐵站基本上已經係死罪…雖然話有shuttle, 但一jar人同一時間湧去, 排隊都排死! 咁就注定一定會遲開show, 因為大家可能預3個字去到, 點知turn out要半個鐘…原定八點, 到八點半都未開…演唱會你預o左, 但係舞台劇你expect一定準時開show, 如果唔係要完o左一個scene先入得去! 於是個個餓住趕入去, 點知呆坐半個鐘都未開場…d人不耐煩就自然勁叫囂叫佢快d開場…你話幾肉酸呀!

跟住d位又係如會展開show一樣, 一塊平地…永遠無論坐咩位都睇唔到 (或者第一行會睇到o既, 但我未坐過)! 坐前面就好似戲院坐頭幾行咁要全程枱起你的頭來, 坐後面就唔洗講, 一定睇唔到…但你估唔到, even睇住上面個所謂大電視, 都唔係好睇到! 仲有d凳, 真係坐得人好辛苦…第一次睇舞台劇睇到腰酸背痛! 估唔到睇到其他blog, 又係個個都咁講! 其實去演藝/文化中心, 甚至葵青劇院咪好囉…係咪book唔到場呢?

跟住又因為遲o左開始, 惡性循環地又遲o左好多先完, 仲要經過入o黎時候的經驗, 同一時間一jar人搭shuttle離開, 又係要搞至少半個鐘…所以d人未到散場已經走緊…好少可睇舞台劇會係謝緊幕d人已經走咁一半…真係好肉酸! 但又真係太夜, 等得shuttle出去都差唔多12點…安排勁差…估唔到, 梁寬今次就衰o係個場地!!!

12-20(thurs) 男孩像你 -- 陳鍵鋒

話咁快下個禮拜就做“律政新人王2”…對於無綫開拍“律2”但係唔用原班人馬掛羊頭賣狗肉事件o既不滿, 已經o係年頭套劇開拍時o係呢度同大家宣洩過…唔係針對今次班演員, 而係上之套劇太深入民心, 大家已經有個情意結, 同埋唔該你成套劇都已經唔係o個回事, 點解仲要用“律政新人王”呢個名去誤導觀眾…實在係大騙局一個! 如果你開套律師戲叫第二個名, 完全無問題呀…但係你搞到好似續集又人面全非…呢樣我唔係太接受! 是但啦…反正呢期都無咩時間睇電視…大家睇完話我聽好唔好睇啦!

既然要播呢套戲, 就貼番篇一路都想同大家分享關於“Vincent”o既舊訪問:

************************************************

男孩像你 -- 陳鍵鋒

娛樂圈裏，沒有多少個像陳鍵鋒的男孩子，接拍黑社會片，因為要吸煙而幾乎推戲。未聽過哪位男演員視抽煙為「十誡」，那邊廂，和他一起拍《學警雄心》的另一個男孩子，因藏毒被捕，對照可真強烈。

劇集宣傳要打籃球，陳鍵鋒見波便閃避，男孩子球技差勁，自然被取笑。但他專長不在此，一談到插花，他可以滔滔不絕。 [芒按: 我睇到呢度, 仲以為講緊踢波的插花~~嘩~哈~哈~!]

「媽媽在教會負責插花，如果要插兩盤，我會幫手插一盤。」

陳鍵鋒喜歡園藝，心思細密，開車也很慬慎，去年兩個月內撞車兩次，是無心之失，戴着頸箍開工，被吳卓羲改花名「玻璃豆腐人」，男孩子要剛強，受傷也被笑。 [芒按: 好可憐…但呢個名又係抵死!]

訪問時他叫了外賣，吃完沙嗲肉片飯，他自動自覺把飯盒收拾好，膠袋整齊打好結。

女經理人眉開眼笑說﹕「無線服裝間阿姐最鍾意他，他的戲服一定摺好才還。」
　　
斯文乾淨，在媽媽心目中是好孩子，一過了界就變成不夠型、無味道。最近，吳卓羲有份唱的《男人魅》被力谷，陳鍵鋒不抽煙、不打波、駕駛技術不及插花技術，很難說有「男人味」，暫時只能說散發男孩味。
　　
得不到無線照顧

陳鍵鋒原名陳恩耀，當年入新城做DJ，因為名字發音和總經理陳欣健相近，特意改名迴避， [芒按: 哈哈…咁都得? 我以為古時同皇帝撞名先要廻避o者?!] 另外的原因是否五行欠金，他可不承認，基督徒不信玄學。

改名能否改運，很難考究，陳鍵鋒的星運不太順利，他自己也不得不承認。先不說遠的，數星期前，無線官方刊物頒獎典禮，吳卓羲連奪兩項個人獎，陳鍵鋒只能跟大夥兒領個劇集獎，吳是無線合約藝員，陳不是，待遇就明顯有分別。

「這是應該的，如果沒有優待，點解要簽無線呢？不給多些工作，俾個好位，為什麼要簽呢？」陳鍵鋒喜歡以問題作答案，把疑問藏在話中，聽得出已將不滿盡量修飾。

除了沒獎，也沒有劇拍，今年四月之前，無線一直沒有開劇給他，盡量先照顧「自己人」。

「係㗎，我覺得係㗎，大家都有眼睇。如果無線是一個家庭，自己個仔唔俾，難道給外人咩？都說不通啦。」

不了解環球合約

上星期，吳卓羲的新歌登上了「勁歌金榜」冠軍，陳鍵鋒口中的「好位」，已由劇集發展到音樂方面了。主題曲大碟《男人魅》由環球發行，簽環球的陳鍵鋒竟然也沒份，他的擁躉已替他感到不值，《學警雄心》主題曲，由吳卓羲和做大配角的Sky、郭力行、高浩正合唱，男主角陳鍵鋒一句也沒有，令人莫名其妙。

「又唔問點解沒有薛凱琪？為什麼沒有苗僑偉、李家聲呢？套劇那麼多人拍，這樣問下去，只會沒完沒了。」 [芒按: 佢都好圓滑, 但又未免太刻意去掩飾佢o既不滿!]

他強調，已錄了未有推出日期的《肝膽崑崙》主題曲，但又說﹕「一日未出街也不知是不是真，不是悲觀，如果悲觀我就不會笑得出啦。以前遇上不開心事，我一個月都放不低，慢慢減到半個月、十日。某程度上，這是壞事，人變得愈來愈冷酷、無情，只會保護自己。」

譚詠麟曾公開讚賞他的歌藝，去年一手提攜他加入環球，到現在卻一首歌也未出過，眼看吳卓羲、陳豪先做歌星去了。環球十周年演唱會，他連海報也沒份影，現在唱片合約是怎樣情況，他也答不出所以然。

「我不懂怎答你，合約在公司那裏，公司的人又答不到我，沒理由跳過所有人，問洪迪（環球總經理）可不可以話我知究竟是怎樣，很多不清晰的地方，是公司和公司之間的交易，又牽涉譚校長在內，好複雜的一大個球，我踩不到入去。」

唱片胎死腹中浪費半年

他視譚詠麟為師父，又是他經理人母公司的老闆，但合約出了問題，校長也幫不上忙。

「他從來沒說要幫我簽哪間唱片公司，也沒說公司一定要幫我出碟，或者要隻碟好賣。他只是覺得我這個後生仔不錯，想幫我在演藝事業上做好些，教我一些事情。他有時和我傾偈，聽聽我的睇法，看看我心理平不平衡，就是這麼簡單。」

○一年，他由DJ轉做歌星，在台灣錄好整張國語碟，就在推出前夕，發生九一一事件，唱片公司資金周轉出問題，一夜之間換了老闆，合作方式突然有變，他每次到台灣做宣傳，都要他自己貼錢，結果，花了半年灌錄的唱片胎死腹中，合約也要找律師解決。

「會不會是我唱歌太難聽呢？難聽過夏金城？會不會我是張如成（亞洲神童）的勁敵呢？可能我不適合唱歌啦。」他以自嘲開解自己，笑了出來。 [芒姐: 聽得出佢個人幾灰…不過佢o既經歷又係黑仔o左d…以佢o既條件, 成就又真係不止於此o既!]

現在，那些歌的錄音demo成了他家中珍藏。「我閒時會拿來聽，話晒自己唱，OK㗎，幾好聽。」

處男劇從未播映

在樂壇出師不利，他加入無線，第一套劇和佘詩曼拍《紅衣手記》，故事關於穿紅色制服的學護，劇集拍完後，醫院護士制度有變，劇情變得不合時宜，他這套處男作從沒在香港播映過，白費了努力。 [芒按: 終於o係2007年頭深夜三點幾首播o左喇…其實都幾好睇呀! 佢o既遭遇又真係…哎! 其實佢o係呢套劇做得唔錯啊! 同埋佢第一套劇明明係“美麗人生”呀嘛?! ]

「拍這齣劇時，學了不少東西。有一次，記者來探班，結果第二天報紙寫﹕『佘詩曼三分鐘流眼淚，陳鍵鋒要靠眼藥水』，之後我很不開心，我問阿佘﹕『可不可以話我知，怎樣可以容易哭得出？』她告訴我要練習多些，於是我每天在家中都花時間練哭。

「我們的工作幾討厭，要有情緒，要哭就哭，要笑就笑，很容易有精神病，情緒失控。」

《學警雄心》拍攝時波折重重，陳鍵鋒撞車頸部受傷，拍劇中父親苗僑偉死的一幕，頸梗如機械人，他自己也不敢重看。

「撞車後三天，監製打電話來，說要返工，因為其他演員的檔期有問題，如果不拍，套劇就會爛尾。我本着不想累人的心態，於是帶傷開工，我睇番playback真的過不到骨，很怕看到那段戲。」

他受傷戴頸箍開工，被吳卓羲笑是「玻璃豆腐人」。

「笑話一則囉。我都改吳卓羲花名『吳唱K』，just for fun，只要他不是有侮辱性地話我，咪OK囉，我覺得無傷大雅。」

心願做園藝設計

陳鍵鋒自小在教會宿舍長大，父親是九龍城浸信會幹事，母親做護士，姊姊是傳道人。家教正派，中六時入電台做兼職DJ已算離經叛道，中七放榜有大學收他讀物理，他一聽見已沒興趣，要母親和姊姊一起幫口，才勸服父親讓他不讀大學，正式入電台做全職。

「也不算什麼阻力，家人覺得不完成大學去工作，始終不好。」

幾年前《明周》替他影家居照，睡房書架上還有幾本中學課本，厚厚的《Biological Science》生物書。

「我平時會看，好無聊，有時衰到睡不着，忽然想起以前讀書上堂，某個生物名詞點串，某個理論記不起，心裏面好驚，會彈起床揭書來看，才能安心睡覺。

「我真的很喜歡Bio，以前不溫書，這科都會勁高分，解剖白老鼠手勢很好。我有想過讀植物學，有個心願做園藝設計。」

小時候，他的母親學草月流插花，在教會每星期負責獻花，陳鍵鋒在旁邊看着，非常感到興趣，自動幫她摘葉、浸花泥，假如要插兩盤花，他會請纓幫手插一盤。

和殺人犯一起生存

除了獻花，陳鍵鋒又會在教會獻詩，自小在信望愛的環境中成長，入了娛樂圈，他堅持抱着獨有的價值觀。

今年第一次拍電影，竟然是王晶的黑社會片《黑白戰場》，他在戲中演奸角，要抽煙要拿鎗，這些對於另一個演員余文樂來說，根本輕而易舉，但對於陳鍵鋒來說，卻要過自己的心理關口。

「有想過食煙不太好，覺得不如唔好做。（家人有反對嗎？）有些事情我不會告訴他們，我們不是一齊住。」

為了拍食煙戲，他事先在家中練習，在其他演員眼中，可能有點煞有介事。拍《學警雄心》，先有周永恆因藏有「五仔」被易角，再有吳浩康藏可卡因被判有罪，在這個人品複雜的工作環境，不知連吸煙也覺得有問題的陳鍵鋒如何自處。

「這個社會也有賊、有殺人犯，我們都一起生存，沒有什麼問題，娛樂圈裏面的人，如果全部都是同一個模式，就不會有人想看他們做戲，十七個陳鍵鋒去拍一套《學警雄心》，會不會好看呢？」 [芒按: 但又不得不承認, o係娛樂圈, 太乖真係會格格不入同埋通常紅唔起o既…因為呢個圈特別需要埋推添…所以反而越壞o個d越有機…]　　

鬥氣

一男一女鬥氣，這種老土劇情在電視經常出現。偏偏現實中也不乏捧場客，陳鍵鋒每次宣傳《學警雄心》，都被寫成「勁窒」或「暗寸」薛凱琪。

問他﹕「和劇中所有人都合作愉快嗎？」

他一聽便知道說的是薛凱琪。「是不是要我立刻打電話給她，問她我們是否不和呢？

「我說了很多次，我們是朋友，她對『best friend』的定義跟我不同，她認為我是她的best friend，我不認為，但她是我朋友，我們會無無聊聊講電話，又會互通短信。如果說我『暗寸』她，只怪我說話技巧不夠成熟。

「坦白講，我發誓，我是撐她的，人哋後生女第一次拍劇覺得辛苦，不可以發吓牢騷嗎？人哋唱歌一定不及拍劇辛苦啦。別人跟我說﹕『咁你又冇阿Ron（吳卓羲）咁衰，他直接『噬』她的。』其實大家都是講笑，點解要寫到我們兩個夾埋踩她一腳，要看她怎死，我不想這樣。」

陳鍵鋒自貶說話不夠成熟，其實是太謙，他轉數很快，記者說他「暗寸」人，有時可能是因為轉數太快，「人哋」前「人哋」後，言者無心，聽者有意，快人快語鬥出了氣而已。 [芒按: 咪係…上面o個段“人o地”…聽起上o黎仍然係似寸緊人o地!]

12-18(tues) 兩妻時代

好耐無睇黃金時段的電視劇, 套“兩妻時代”差唔多做完, “建築有情天”都做到第三個禮拜, 我兩套夾埋都唔知有無睇過5集! 唔係話佢唔好睇, 而係夜晚好少o係屋企, 又無錄影機…居然可以幫我戒o左少少呢舖追電視劇癮! 依家每晚必睇o既, 反而係深夜的“妙手3”! 雖然兩年前先力追過, 但“妙3”的確係幾好睇, d對白寫得幾好, 而且d主角全部我都幾buy (唯獨係吳啟華同黎姿o個段真係麻麻)…依家進入結局篇仲好睇, 而且個時段fit晒, 返到去沖完涼舒舒服服坐o係度睇呢d劇就最perfect喇!

“兩妻時代”同“建築有情天”都有試過唔覺意larp到兩集…其實都唔太差! “兩妻”入面bobby同湯盈盈+toby o個段可以唔洗睇, 完全無興趣…反而有日唔覺意睇到陳芷菁同黃浩然o個段, 又出奇的ok, 同埋初期講“如果愛”幫d人相睇/大變身有時都幾好笑!

今次話連收視福將歐陽波比都俾兩位女角拖累, 收視仆直…之前佢無論拍邊個, 都係戰無不勝o架嘛! 真係估唔到toby同湯盈盈有咁大影響力!

阿toby小姐最錯就又係被捧得太快, 夾硬俾佢做女主角, 仲要係有老豆撐腰, 咁你未做大家已經會戴有色眼鏡睇你…再做埋就更加唔洗講! 其實女生宿舍年代我幾buy佢, 唱/跳都ok…不過做戲就一般啦…新人o黎講又未至於d人講到咁一文不值o既! 但慘在無觀眾緣, 咁你做咩都係唔得o架喇…同埋捧得太快, 少不免會令人反感…情況同“愛將三人組”-amigo, honey, 貽興王一樣! 再加埋你係藝人下一代靠老豆上位…又係另一“死罪”…今次真係愛佢變成害佢喇! 佢可以點翻身? 我未諗到…或者你幫佢諗o下啦!

湯盈盈第一次執阿“狐妮”二攤做女主角, 點知收視就仆直, 睇o黎都唔會有下次喇! 湯盈盈其實我係ok buy佢, 睇佢做訪問個感覺好sincere, 好謙卑, 同埋佢兩年前做李笑好又真係好估佢唔到, 直頭係睇o左成集都認佢唔到…係後尾上字幕先嚇o左我一跳! 可惜紅o左一陣又跌番落o黎…真係時也命也…同埋真係不得不承認, 佢的確無咩“一線格”…佢係做配角時, esp. 狐狸精的角色反而搶好多…sorry, but that’s the truth! 今次佢做主角真係怪怪o地咁, 當然, 我個人會prefer睇佢多過郭羨妮o既!

至於“建築有情天”…真係只係larp過一集多d...睇過o既朋友話ok好睇, 可惜我未有太多機會睇! 但有楊怡我都幾ok, 方中信雖然老o左好多, 但依然仲有d型o既…雖然我都係最buy佢十多年前同關詠荷做o既“廉政英雌”!

原來今個禮拜開始深夜3點幾重播“都市的童話”…應該係一晚播兩集o個隻! 我都有d期待睇o架, 雖然其實呢d太童話故事式o既劇又唔太係我杯茶 (sorry, 朱茵小姐更加唔係我杯茶)…但畢竟我由始至終都無試過好認真咁睇一次 (雖然我都知佢重播過好多次), 首播時每晚要去練歌無得睇, 到下午重播時又唔係特別想睇, 但到o左依家咁多年後, 反而又想睇番! 或者要到禮拜五同埋下星期d公眾假期先得喇!

畢竟“都市的童話”都係好多90年代年青人心目中o既童話故事, 所以好多我o地呢個年紀 (或者再細少少) o既朋友好鍾意睇…所以我又去學人集體回憶o下囉! 同埋最正係老黎首主題曲“傻癡癡”…真係好夢幻咁! 但唔知點解呢首歌當年好似反而無入到季選, 可能因為要俾同期的“原振俠”主題曲“原你今夜別離去”, even好似無咩大hit過添…但其實我真係覺得好好聽喎!

仲有呀, 上個禮拜臨放工時間收到我舊秘書小姐的電話, 話o係佢公司樓下見到林峰, 可能拍緊o野定點…咁我放工無耐即刻走去煤氣燈o個條街八o下啦, 點知已經唔見o左 (雖然仲有d人o係個lobby度好九唔搭八地drinks reception..?!?!?!)…oh, 我o地又緣慳一面喇!

12-15(sat) 第三度喝彩

無錯…你無估錯…我又去o左睇 “喝彩” …今次係第三次, 不過應該係最後一次喇, 除非佢下次再可以有d咩突破! 今次唔同o左o既係個地點…轉o左去葵青劇院…新d, 靚d, 大d, 坐得舒服d, 不過對我o黎講遠d!

大家如果唔知我講緊邊套舞台劇, 可以重溫o下我上兩次睇完之後寫o既o野…


http://hejnom.blogspot.com/2007/03/3-14-wed.html
2007-3-14 (wed) 喝彩 (點解係呢個“彩”呢?!)


http://hejnom.blogspot.com/2007/07/7-8sun.html
2007- 7-8(sun) 再次喝彩

其實今次o既劇情, 道具, 對白etc.都同上幾次一樣, 睇完o既感覺都差唔多…亦都無好似上次咁加o左"當張國榮遇上陳百強@哥哥85年演唱會"講余麗珍o個段…我o既意思係今次無加新o野, 都係呢一段! 今次d觀眾反應超熱烈, 直頭好似去o左演唱會咁…尤其係佢o地扮開演唱會o個part, d“妹” (或者係fan屎啦…) 又螢光棒 (佢本身都派o左一人一支中秋o個隻軟lai lai的幼棒, 但d粉絲再自備o左好多更勁o既!), 又演唱會o個d吹氣棒棒, 又送花, 又叫囂, 又企晒起身…但坦白講, 我會prefer之前兩次的表現多d…今次真係over o左少少, 尤其作為舞台劇…因為你唔expect睇舞台劇會咁! d人企晒起身叫囂, 但係其實我睇舞台劇係真係想睇佢o地做戲+唱歌+跳舞…但今次就會俾遮住同埋distract左! 我諗去睇舞台劇或者演唱會, 你會有唔同o既要求同埋expectation囉…所以上兩次反而好睇d!

後尾發現原來我去睇o個場係尾場, 唔怪得知d粉絲瘋狂到呢個地步! 我個人意見啦o下…今次係變得太“偶像化”, 無之前咁留意到成個製作同埋演員o既表現! 不過要再再再一次講, 哥哥同danny仔d歌實在太好聽, 呢樣已經攞晒分, 所以個舞台劇本身依然係好好睇o既, 因為d歌真係百聽不厭! 成個劇低成本高效益…依然係抵讚o既! 一次都未睇過o既朋友, 都值得去睇o下! 我幫佢o地“宣傳”o左咁多次, 佢o地都唔識得求其送張飛俾我去睇…實在係太唔識do啦啦啦啦啦啦啦!!! 所以今次係最後一次, 我唔會再幫佢宣傳o架喇, 放心…嘩哈哈!

其實今次都仲有少少唔同o既…就係我第一次覺得下半場好睇過上半場…之前兩次我都係覺得上半部好睇d, 第一係無咁慘, 第二係d歌好聽d! 不過今次可能因為去之前俾人炳完, 心情惡劣…或者個人唔高興睇d唔開心o既scene反而o岩feel d o卦?!

仲有段片想同大家分享…係1987十大勁歌金曲頒獎典禮張國榮o既“無心睡眠”! 我想講, 點解當年d歌星唱唱o下歌成日可以有fan屎衝上台送o野, 但係近年又好似無o左呢支歌仔唱囉…咁其實依家咁好d…如果唔係成日表演緊俾人打亂晒, 但係fan屎又唔得罪得喎! 仲有, o個年好似係林文龍做遞咪o個位男士!


(張國榮“無心睡眠”@1987十大勁歌金曲頒獎典禮)

每次睇完呢個舞台劇, 都會戚起條筋要即刻聽番哥哥同danny仔d歌…我依家就係一邊聽, 一邊望住個海打緊呢篇o野…真係好…好…聽, 又好…好…feel!!!

12-14(fri) 萬千師奶賀台慶

前幾日o係最“私事繁忙”o既日子, 走o左去睇"萬千師奶賀台慶"…好彩都無令我失望…幾好睇! d人話如果我呢d咁挑挑剔剔o既人都話好睇, 即係應該extraordinarily好睇…um, 我唔知…不過我真係覺得唔錯! 值得推介!

可能因為上次睇o左個另一個講電視o既舞台劇“香港電視風雲”, 令我大失所望, 所以今次有比較之下更加覺得正好多!

其實我唔係特別好舞台劇, 棟篤笑形式我更加唔好, 因為通常你特登去講笑話引我笑係好難會引到我笑o既…d朋友話我個樣好不屑咁…嘩哈哈! (講緊o既係幾年前去睇黃子華o既楝篤笑…唔好誤會, 平時我係好鍾意睇子華o既, 但係主要係o係戲入面或者d show搞o下笑咁, 不過要成個show好刻意每分每秒都引你笑, 我又好怪囉…唔知點講, 總之呢隻形式不太適合我!)

不過有朋友推介我睇呢兩個舞台劇, 話我作為一個電視精不能不看, 咁就去睇o下啦…個“香港電視風雲”真係sorry晒…令我o地大失所望…我唔知係因為佢o地“東宮西宮”講慣政治對電視無咩認識呀, 定係佢o地好求其呀, 定係大家expect o既o野唔同…但係我同所有不同背景的朋友都好失望! 本來上次睇完都費事彈, 費事成日都咁discouraging…不過今次睇完呢個“萬千師奶”, 又真係覺得好大contrast…可能佢o地就係缺乏o左詹sir講o既…對電視的“pair唇” (passion)!

本身個節目短到我唔知佢deliver o左d咩, 等於人o地詹sir個show一半都無 (咁比較可能有d唔公平, 畢竟大家的資源/名氣都有好大差別), 但係佢d資料真係雞到求其o係wiki search o下仲多資料過佢…佢o個兩個主題《無線你鬧咗未？》+《亞視你睇過未？》…你真係完全可以估到晒佢會講d咩, 仲要求其一個初級電視精都會講得好過佢! 好令人失望!

資料搜集最詳盡o個part就係講d廣管局呀, ordinance o個d…真係好似中學的presentation…佢o地話有幾場係免費定唔知平d比d中學生去聽…如果係for呢個purpose, 就好適合o既…但係呢d說教意味太強+太長的篇幅, 再加埋其他部份娛樂性欠奉, 真係悶爆o左! 同埋最緊要o個樣都係…feel到佢o地對電視行業真係不太熟悉, 但資料搜集又做唔夠…咁即係想點?!



反而今次呢個prg真係幾包羅萬有, 又真係有d笑位! 林奕華+詹瑞文果然有d料到! 多謝介紹我去睇的朋友仔!

成個show都無咩冷場, d布景同道具都幾一絲不苟, 睇得出真係有dum本! 詹sir的舞台演繹就唔洗講啦…最似都係扮志雲大師, d嘴臉學得幾似! 仲有扮googoo姐做台慶熄燈儀式, 又係扮到googoo姐的神髓! 佢o地呢幾位無咩太大特徵, 所以都幾難扮, 但又出奇地扮得幾好!

仲有, 成個show基本上都係一個溏心show, 又用佢d角色, 又quote佢d金句, 連佢首主題曲“講不出聲”都唱o左兩次, 一次開場, 一次散場, 間場亦不停有播呢段音樂…所以佢應該慶幸今年有呢套劇大hit, 如果唔係都唔會有咁多話題!

唔知點解…睇完呢個show, 更加覺得“講不出聲”好好聽…嘩哈哈哈! 尤其係由細契的live演繹! 嘩! 齌聽個前奏已經好grand…可能配合埋個舞台效果! 我撐你攞今年“金曲金獎”囉…唔係咩呀?! 我期待明年初聽到利孝和夫人以招牌豆沙喉讀出“講…不…出…聲…”四個大字!

忍唔住要post多次…關菊英“講不出聲”@jsg live version! 而我本人連踩12日, 亦都真係攰到講不出聲!



唔講咁多內容, 自己去睇, 或者睇蘋果囉…o個日去睇呢個show之前唔覺意睇o左報紙, 知道o左d環節…失策o左! 如果唔知應該會驚喜d添…所以都係唔好講大家知喇!

呀, 仲有仲有, 差d唔記得講, 前日o係landmark又見到凌祖絲…佢真係好鍾意行landmark o架喎…真係同我坐埋一枱! 仲要逢聖誕就撞到佢…我o地真係有d緣份!

12-12(wed) 寶麗金3小花

早排睇報紙又見到有我們“年青時代”的“寶麗金3小花”的報導…見番佢o地三個一齊, 好有親切感! 畢竟佢o地都係走紅於我o地成長的年代! 阿湯記都係短頭髮比較襯佢…劉小慧個細女真係幾靚女, 好似佢個樣!



寶 麗 金 3 花 煲 湊 仔 經

馮 仁 昭 四 圍 超 ： 黎 瑞 恩 平 復 小 產 痛

黎 瑞 恩 （ 小 恩 子 ） 、 劉 小 慧 同 湯 寶 如 呢 三 位 昔 日 寶 麗 金 小 花 噚 日 到 港 台 接 受 鄧 藹 霖 主 持 o既 《 訴 心 事 家 庭 》 訪 問 ， 佢 o地 有 成 十 幾 年 冇 一 齊 o係 電 台 做 節 目 。 以 前 係 偶 像 歌 手 o既 佢 o地， 依 家 全 部 都 做 媽 媽 ， 所 以 講 起 湊 仔 女 經 就 雞 啄 唔 斷 。 記 得 有 段 時 間 傳 3 小 花 面 和 心 不 和 ， 小 恩 子 話 冇 咁 o既 事 ， 只 係 有 o的 小 誤 會 ， 但 完 全 唔 關 工 作 事 。

已 有 一 子 一 女 o既 小 恩 子 ， o係 今 年 9 月 遇 到 件 好 唔 開 心 o既 事 ， 就 係 肚 入 面 個 BB 小 產 冇 o左 ， 佢 好 平 靜 咁 話 ： 「 當 時 係 有 o的 唔 開 心 ， 好 多 人 send message 畀 我 ， 有o的 都 有 小 產 遭 遇 o既 朋 友 打 電 話 畀 我 講 到 喊 ， 調 番 轉 頭 我 要 安 慰 番 佢 。 我 覺 得 所 有 經 歷 都 係 上 天 安 排 ， 順 其 自 然 啦 ！ 依 家 身 體 好 番 好 多 ， 老 爺 同 老 公 唔 係 好 難 過 ， 仲 安 慰 我 叫 我 唔 好 傷 心 。 」

小 慧 轟 教 育 署

o岩o岩 o係 3 個 月 前 生 o左 個 仔o既 湯 寶 如 ， 就 話 未 捨 得 結 婚 ， 要 得 閒 先 擺 酒 同 結 婚 ， 之 前 其 實 冇 計 劃 生 BB ， 突 然 有 o左 咪 接 受 現 實 。 小 慧 就 煩 囡 囡 o既 功 課 ， 佢 好 激 動 咁 話 ： 「 我 一 教 佢 做 功 課 ， EQ 就 好 低 ， 會 好 迷 失 ， 我 想 炮 轟 教 育 署 ， 小 朋 友 功 課 深 又 迫 佢 地 學 太 多 o野 ， 搞 到 張 張 刀 冇 張 利 ， 有 時 我 都 好 內 疚 ， 為 功 課 而 打 囡 囡 個 頭 。 」


昨日…今日…


早前執番d舊錄影帶睇到呢段“97博愛歡樂傳萬家”o既片段, 本來都唔會再upload片o架喇, 但又見無人up過呢段, 所以忍唔住都係要同大家分享o下…點解咁鍾意? 因為d人我鍾意, 同埋條片又好得意…hocc要走好高音路線, 好青春玉女啊! Eason都好young, 好energetic咁…仲有成段片段都好跳躍, 好開心咁, 我喜歡呢d!

除o左hocc同eason, 仲有鄭中基, 趙學而, 車婉婉, 陳建穎, 同埋個o個期同千嬅成日一齊上不同節目o既新人…叫蔣卓樂, 不過一年後就唔見o左喇!

你知我幾原始o架啦, 淨係識用相機影電視, video的quality大家唔需要有任何期望, 我只係想share o下呢段片o者…


(“97博愛歡樂傳萬家”)

仲有, 有晚睇“無間音樂＂舊歌o個part睇到一個mv…哈哈! 係海俊傑o既“永遠的偶像”… o個時都好鍾意聽呢首歌…好輕快, 又幾易上口, 成去k都成日唱! 當年佢又勁, 94年新秀擺明就係要俾佢贏, 無啦啦搞個同巫啟賢合唱“心酸的情歌”鬥升key環節, 明知佢係唱高音, 而另一個歌藝比佢更好o既對手就唔係sell高音, 特登整個咁o既環節等佢出位…咁又係, 佢靚仔過o個位參賽者咁多, 俾佢拿冠軍即刻捧佢都應該o既! 但o個時佢一選完破天荒一個禮拜即刻幫佢出歌…就係呢一首“永遠的偶像”! o個時佢都幾紅o架喎, 仲有好多粉絲…都冧到唔少少女…鬼鬼地, 又幾靚仔咁! 但估唔到佢同古巨基同屆拿完新人銀獎之後, 咁快就滑落番…要淪落到做番tvb o既3,4線藝員…最深刻當然仍然係o係“天降財神”入面食金湯丸哽死的劇情…因為實在太騎呢喇!



仲有呀, 有日去o左西九龍, 發現我好鍾意玩的超白痴玩意“西九龍廣場過山車”已經無得玩喇…點解o架?! 幾時開始停o左o架?! 我好鍾意玩, 雖然無人肯陪我玩…但點解你停之前都唔通知聲我…等我玩多次先嘛! 太過份喇!!!

12-8(sat) 歡樂滿東華2007

好多年無live睇過“歡樂滿東華”, 今年因為要準備搬竇, 忙到甩“碌”…星期六係最後衝刺時間,所以全晚留o左o係屋企執o野, 因此係近n年o黎第一次留o係屋企幾乎睇晒全個節目 (雖然中間落o左街買o野...miss o左呀欣宜的精彩表演)! 雖然今年d表演一d都唔吸引, 但我居然覺得成個節目都ok好睇...我終於發覺…原來我根本就唔係鍾意睇d環節本身 (除o左”卡拉之星”啦), 而係鍾意呢種馬拉松式live show, 同埋o個種眾志成城的現場感覺...好似當年我最鍾意o既節目91年"忘我大匯演"咁!

主持人選今年無o左肥姐, 又無埋志偉…都好弱雞o下…連貽興王都有份…不過又居然無o左amigo! 而honey又居然有得o係新聞前的黃金時段唱歌, 連孫耀威都要1點幾先有得唱…真係無o野好講!

今年的表演嘉賓cast唔止係好弱, 直頭係超弱! 最勁o既環節可能已經係yumiko+周汶錡個什麼“超級『希』『錡』勁飄移”…個環節名就真係超級稀奇喇! 其實我相信佢o地個表演可能係幾有難度, 但一d都唔好睇! 呢d咪就係吃力不討好囉…莫講話飄移, 其實就咁泊位我都覺得好難, 記得n年前學車每次不停練泊位時我都泊到想嘔 (係真係想嘔, 可能成日要倒後望?!)…所以我絕對覺得佢o地呢個表演係有難度…但係就唔好睇, 同埋最慘係睇起上o黎好似無咩難度, 所以根本唔應該構思呢個表演! 反而o個jar新人個“空中疊羅漢”好睇好多…! 同埋阿周汶錡成場“嘴喵喵” (雖然我知佢可能有d不屑阿yumiko, 但戲你總要做d o架啦…), 真係唔知想點?!

鍾麗淇段肚皮舞, 都ok 既, 不過坦白講, 其實我覺得如果唔係梁榮忠的車震事件, 應該唔會搵佢表演一個環節, 仲要係黃金時段…都係想搞o下gimmick o者!

Oh, 仲有…好高興可以再見到"律政新人王"三個舊人一齊出現o係一個環節, 反而唯一一個有得冧庄做“律2”o既陳鍵鋒就無o左影…what a pity!

仲有, 最鍾意o既一part就係個節目臨尾唱"東華心"時即刻剪番全晚o既片段...係咁多喇!

至於最萬眾期待o既“全台藝員卡拉之星大唱遊”環節, 正如上一篇所說, 無o左魯振順同王俊棠…真係失色不少…完全無晒吸引力, 可以熄機! 其實上年開始都已經整體水準下降, d人完全唔夠放…依家連佢兩個鐵膽都無埋…實在令人太失望! 佢o地之前係咪話過唔再參加? 究竟咩原因? 係咪無人捐錢俾佢o地? 就算係, 無綫都應該籌夠佢...無o左佢o地仲點吸引人睇呢個節目…善款數字都即刻會下降啦...!!!

阿黃玉鳳 (樂兒) 姐姐 雖然有o係度, 但居然無份唱…佢係咪籌唔夠錢呀? 其實一兩萬蚊自己捐o左佢都好呀…點可以無份表演o架? 佢當年扮sammi唱”典檔”同埋將”babe”讀成”Barbie”都係經典!

好彩仲有阿“手語人”王維德, 同埋家燕姐班fans, 真係好鬼落力又好鬼pro...家燕姐個look都幾有趣, 同埋佢揀輕快歌係o岩o既…氣氛好d嘛!

手語人依舊走晒音+唔o岩拍子...不過呢樣先係佢o既selling point…夠騎呢嘛! 同埋睇得出真係好落力...下年可以考慮叫埋伍小生一齊唱新歌“請…坐…低” (不過未出, 或者齋o翕先啦)! 佢似乎真係好鍾意劉華呀o下, 年年都唱佢o既歌! Oh…我仲見到佢家姐王敏明幫佢伴舞呀...佢雖然比以前肥o左少少, 但呢個年紀算跳得好好啊...好過佢細佬好多! 見到佢即刻令人諗起哥哥o既”MONICA”, 仲有"蓋世豪俠"一夜白髮再加成身紅衫搞到我好驚的情景!!!

仲有, 梁政珏 (“同事三分親”的may may) 化o左個濃妝反而好怪, 個樣好似陳穎妍, 佢o係"同事三分親"個清純look好似靚好多喎! 同埋依家做兒童節目個陳嘉露姐姐…佢真係唱得幾差o下, 同埋個樣好唔得…佢細細個時同個孖生姐妹成日做YES!的fitting model, o個時都幾可愛, 幾靚女…點知過o左唔夠10年, 依家咁廿零歲就搞到成個師奶咁…點解會咁o架?

同埋, 王友良唔係歌手o黎o既咩? 洗咩參加卡拉之星呀? 好心俾番d機會d四, 五線藝員…人o地一年先得o個一次深宵做主角的機會…你應該上番勁歌啦!

Oh…好懷念前幾年的“騎呢之星”大唱遊…仲有腦震盪o既“多d拍手掌, 包你時時有福享, 中大獎, 唔駛走去搶…”! oh…又係those were the days…!

12-7(fri) 歡樂滿東華2007前奏

話咁快聽日又係一年一度o既“歡樂滿東華”…近年“東華”就無咩好睇o架喇, 主力都係要睇深夜3點o既 “卡拉之星”環節! 自從幾年前o係呢度向大家推介, 迴響甚大…好節目當然係要公諸同好! 不過其實even呢個環節都已經無全盛時期咁好睇 (個人認為應該係03-05年倒搞得最有聲有色…d人又落力到爆!), 最主要係d人無咁搞笑…今年五強名單居然連最期待的魯振順同王俊棠都唔見o左…如果真係無佢o地…都唔洗點睇喇! 希望仲有手語人王維德同埋勁扭動身體o既黃樂兒姐姐啦…!

再o黎個“歡樂滿東華”回顧先:


2006-12-8(fri) 記住睇歡樂滿東華之全台藝員卡拉之星大唱遊呀呀呀呀呀…!!!!!!


2006-12-9(sat) 歡樂滿東華2006 (上)


2006-12-13(wed) 全台藝員騎呢之星大唱遊2006(下)+ happy250000…五白金!!!


2006-12-16(sat) 歡樂滿東華卡拉之星經典再回顧


2005-12-11(sun) 歡樂滿東華2005


2005-12-12(mon) 歡樂滿東華2005之“全台藝員卡拉之星大唱遊”


2004-12-11(sat) 歡樂滿東華2004 (上)


2004-12-13(mon) 歡樂滿東華2004 (下)


2003-12-13(sat) 歡樂滿東華 2003


2002-12-14(sat) 歡樂滿東華2002

無意中o係youtube睇到呢段“鏗鏘集探討無厘頭文化 (1990)”… 訪問軟硬同周星馳!

又係幾有趣喎, 尤其係十幾年後o既依家睇番! “鏗鏘集”真係得, 咁多年o黎咩題材都探討過…睇軟硬o地好認真咁講o野反而好搞笑…都唔知係應該戥佢o地開心定覺得可悲喇?!



仲有呢篇文章, 又係好抵死…尤其係頭一段!

少年輕狂是一張窩輪
27/10/2007
文： 黃擎天

“年輕的時候，你也許做過一些傻事：寫信給心儀的偶像，守候信箱靜候回音；呼喚老闆作「蜜糖」，展示得寵的甜蜜；發表文章批判公司制度，享受挑戰權威的痛快；為向女朋友表示忠貞，承諾三十歲前決不失身；向女朋友開出賺到一百萬便結婚的期票；為失戀而醉倒街頭，沉溺於自虐的快感；為暗戀一個人而虛耗三五七年，甘心等對方一輩子；深愛一個男人而不惜當上第三者，以為愛得愈痛愈偉大；深信婚姻是女人的歸宿，愛是無敵，哪怕貧賤夫妻……

長大後，你的臉皮薄了，上述事情再也做不出來，因為你心知：明星也是為兩餐，不可能對個別崇拜者留下印象；勞資階級有別，一朝天子一朝臣，不敢三分顏色上大紅；山水有相逢，無論公司制度多麼不公平，也不口出惡言而自斷後路；男人性愛分家，禁慾只是一個笑話；愛情也有賞味期限，婚姻不是拯救愛情的解藥；人生太匆匆，不值得為一個不愛自己的人而浪費青春；心知一腳踏兩船的男人根本是自私，決不為了一條強壯的臂彎而糟蹋自己；生活安定凌駕愛情，無論多麼恨嫁，也決不嫁給一個窮光蛋……

長大後，新我打倒舊我，讓你明白甚麼叫做難為情、失禮、無知、戇居、丟臉。你不敢任意妄為，寧取智慧、含蓄、包容、風度、胸襟和尊嚴。愛情只是人生的小點綴，有固欣然無亦可。你比較緊張投資理財，期望四十歲便有資格選擇工作。

少年輕狂是一張窩輪，期限一到就變成廢紙─輕狂歲月有時盡，花開堪折直須折。”

************************************************

Oh, 救命…我依家無時無刻都聽到容祖兒首新歌“陪我長大”…係真係literally“無時無刻”! 本來初初都覺得幾好聽, 點知office間房唔知係咪因為對住條大街定係大電視發出o既聲音, 總之就係每隔幾分鐘就重覆呢首歌一次…初時覺得一邊做o野一邊有歌聽都幾好…但原來咁聽法真係人都顛! 第一日尚可接受, 去到第三日, 我真係以後都唔想再聽到呢首歌, 幾好聽都無用! 仲要係好似鬼魅咁細細聲又唔係好清楚咁隔幾分鐘傳o黎我耳邊一次…好可怕…help!

依家呢首歌不停咁o係我腦海出現停唔到, 你明唔明o個種感覺? 即係想熄機會熄極都熄唔到o既感覺! 所以話, 又一次證明無論o個樣o野本來係幾咁ok, overdose係一定會令人反感! 正如honey愛將etc一樣! sorry呀, joey…今次你首歌無辜咁壯烈犧牲o左!

12-5(wed) 再會妙手仁心

“妙手仁心”重播到第三輯, 但一路都未有機會講o下佢添…其實“妙1”同“妙3”我都會偶然睇o下, “妙2”我就真係完全無興趣喇…!

“妙手仁心1”係最好睇, 不過真係重播o左好多次, 所以我都費事自己一再尋迷去追多次! “妙手仁心3”都ok, 因為d人幾乎全部唔同晒, 可以當係一套新劇咁睇…係“妙手仁心2”最差, 破壞晒成套“妙手”系列!

因為“妙手3”基本上可以當新故事睇, 所以我又睇番…sarah真係好型, 吳啟華o係“妙手3”真係似番以前拍三級片做變態殺手個look! search番自已兩年前睇“妙手3”時寫落的entries…原來已經講晒我心中所想, 仲要依家都應該無寫得咁準…所以我決定都係睇番o個時o個d entries吧啦…


2005-7-31 (sun) “妙手”又o黎喇!


2005-9-15(thurs) 妙手仁心3 (上)


2005-9-16(fri) 妙手仁心3 (中)


2005-9-17(sat) 妙手仁心3 (下)


2005-9-19(mon) 曹永廉

有日無意中o係d討論區睇到…係講“妙3”第13集的穿蹦位…駱應鈞講o左tracy做yoyo, 一定係好掛住yoyo喇…


(妙3第13集01:30)

仲有呢段成日有朋友send俾我o既“妙2”第35集…“Henry睇o既電視遊戲節目裡面竟然出現o左---------蔡 少 芬!!!!!!!! Jackie翻生上電視????”我好似仲見到張家輝啊?!



當然唔少得呢個之前已經講過o既駱應鈞@十兄弟之“咁遲至call我地" 啦...哈哈哈...



Oh, 唔知大家有無見過呢個: facebook個“friend” hatebook…d人都真係幾creative…好抵死!

11-30(fri) 李思捷

因為好多朋友話miss o左想睇番…o係呢度同大家share番…又係精彩o既!

今年台慶最精彩的一part: “萬千星輝賀台慶2007-熱爆巨星演唱會”…佢三個都真係又唱得又跳得, 仲要係好好o個隻! 唔好睇祥仔肥嘟嘟, 但係佢身手都幾唔錯o下…跳舞好過好多人! 難怪可以攞到40點收視!

祥仔扮阿rain係幾好笑, 因為夠騎呢, 樓華扮女人又係強…但我最欣賞反而係李思捷簡單而務實的表演…黃凱芹其實無咩特徵, 但佢都出奇地扮得好似…呢d先最難! 仲有扮城城都好似!


(萬千星輝賀台慶2007-熱爆巨星演唱會 - 李思捷、王祖藍、阮兆祥)

唔知大家記唔記得李思捷o係98年叱吒佢扮四大天王 (不過o個幾位被扮o既天王個樣好明顯唔係幾gur…可能真係扮得太似, 但點解我唔見有學友o個part?)…勁過晒d咩“殘酷一叮”幾屆台主啦! o個時仲以為佢會紅添, 點知過o左差不多十年, 佢都無紅到…其實佢o既成就真係應該不止如此…又係o徙o左! 佢扮o野真係最勁…但係又唔知無綫幾時簽o左佢呢? 更加唔明點解既然都簽o左佢, 又咁多年都唔重用佢呢?!



仲有呢段…扮劉華同城城, 我覺得扮城城o個段真係救命…似到呀…真係神乎奇技!!! 同埋sorry都要講句…佢o既唱功好過晒兩位天王!



尋日睇“娛樂直播”, 播歌o個part居然係cream o既李蘊首新歌, 估唔到佢咁快就單飛自己出o黎唱情歌…但係見佢依家個年紀同個look都好尷尬, 細路女又唔係, 大人又唔係, 好似未發育o既少女咁…點解要o係d咁尷尬o既年紀走出o黎? 大定o左先啦! 依家o係樂壇點定位? 佢唔同isabella咁, 13歲個樣似人o地30歲…可唔可以等自己個樣似番個大人先出o黎唱情歌呀?! 唔係咁等唔切呀嘛?!

仲有, 無意中睇到呢段新聞…真係咁都得? 都好remote喎? 要搵臨床身心行為學專家去評論佢o既行為…真瘋癲! 欣宜雖然係造作, 但又真係慘o既, 俾人笑足咁多年!!! 咩都笑夠啦!


專 家 話 ： 自 信 不足 可 催 眠 治 療

自 《 兒 歌 》 頒 獎 禮 後 ， 吳 卓 羲 與 欣 宜 未 有 再 合 作 ， 兩 人 前 晚 再 度 碰 頭 ， 吳 卓 羲 卻 急 急 腳 走 ， 似 有 欠 風 度 ， 臨床 身 心 行 為 學 家 李 寶 能 表 示 ， 這 反 映 當 事 人 比 較 軟 弱 或 消 極 ， 他 說 ： 「 好 似 話 古 墓 有 咒 語 ，咁 出 番 o黎o既人 死 左係 咪 都 係 因 為 咒 語 呢 ？ 當 事 人 已 經 形 成 心 理 陰 影 ， 寧 可信 其 有 不 可 信 其 無 ； 又 或 者 係 受 到 身 邊 人 際 關 係 連 帶 影 響 ， 有 o的 人 比 較 消 極 o既， 就 會 選 擇 逃避 或 者 避 開 佢 ， 咁 對 自 己 講 都 係 一 個 保 護 作 用 。 其 實 好 多 人 都 係 咁 ， 總 之 如 果當 事 人 定 力 唔 夠 就 會 中 招 。 」 李 寶 能 表 示 有 此 情 況 者 ， 可 接 受 催 眠 治 療 強 化 自 信 心 ， 令 他 清洗 負 面 記 憶 ， 自 能 痊 癒 。

延伸閱讀:

2005-9-1(thurs) 觀眾不滿鄭欣宜吻吳卓羲投訴破今年紀錄


2005-8-27(sat) 2005兒歌金曲頒獎典禮

11-27(tues) 滾…打邊爐版!!!

可能好多人都睇過…但呢排太多台慶相關新聞要講, 所以一路都無時間post! 上年“拉登of the opera”大家應該仲記得…呢段更加笑爆嘴囉!

但你最好要識唱“滾”, 要一邊跟住歌詞唱埋先抵死…真係好抵死, 點解可以咁抵死?! 又係一邊睇一邊忍唔住笑…激讚! 仲要其實“滾”本身隻歌都已經幾搞笑, 一邊唱一邊o係度嗌交…o係k唱已經好笑…依家呢個打邊爐版更爆笑!

咩“你喝佢! 請不必屈我喝佢!”…要睇埋幅圖先超好笑…原來係話“喝”o個條菜心型物體…真係笑死我! 仲有“你要滾不要叫人o黎加水!”…嘩哈哈! 同埋同墊豆腐底塊生菜講:“從未見到你”…“墊底o既我生氣!”…真係救命! 笑都漂眼水!

本來朋友send pdf俾我, 我都忍唔住要特登用相機影低佢轉做jpg post o係呢度同大家分享, 因為實在太啜核…不過就可能睇得無咁清楚…





唔識唱“滾”o既朋友可以補習o下先…



全港首支打邊爐專用嗌交合唱作品 – “滾” (打邊爐版)

你控訴我, o也o野o也上癮,
密密外賣, 令你很痛恨,

你肚腩放上[dun], 膽敢,
去諷刺我:: “乜咁大個躉”!

肥牛魚皮, 鯪魚球竹笙.
豆腐豆卜, 桂花蚌兩份,
加一粒生根, 唔通你仲要忍?

我無叫扇貝, 咪當我老襯!
和他 BBQ, 是你蝦我笨!

我要再叫[食送], 你至安心?
跟他燒海鮮, 知我極敏感!

堂堂熊貓, 別太過份!
如何撈蝦, 我當顧問!

唔睇TVB, 沒阿占阿笨!
Gas 屎不夠了, 肥牛便會韌!

是肉類,
你作對,
你喝佢!
請不必屈我喝佢!
西芹都因你割碎!
全因這個錐!
是玩具!
你說對,
你撤退!

跟湯底不太配對, 我喜歡這豆腐類!

請你滾, 滾起佢!

你要滾不要叫人o黎加水!
韭菜花, 講一句:
我有帶遮不怕行雷!
罩喱中會是誰?

你放,
豆腐,
然後看生菜落眼淚!

從未見到你,
墊底o既我生氣!

我也要吃你!
你當我已死!
o的青口在妒忌!
假得你!

我買[食送]買過你!
是為著好奇!
豬潤知你與我誰人有尾!

誰叫你落o黎!
點Q 知你!

冬瓜躲避!
筷子篤你!

麻油豉油, 落埋亦無味!
終於口渴我要個七喜!

來撈我吧! 我吧! 我吧! 我吧! 我吧! 我吧!

還是菜吧!

雞肉, 豬肉, 蝦肉, 蜆肉, 螺肉, 煮熟!
食午餐肉!

應吃齍了, 生菜, 通菜, 韭菜, 菠菜

寧願吃瓜葉, 我沿途出家!

湯渣!
要乜呀?

A菜, 娃菜, 芥蘭有吧?
冬菇縮到極小家.

你給我湯渣! 湯渣! [手畢]湯渣!

*************************************

呢d咁搞笑o既forward email我先敢再forwad出去…你知啦, forward o左一d無聊爆o既email出去, 影響自己reputation o架嘛!

Oh…o岩o岩發覺有人整o左個合成版mv…仲勁…

11-25(sun) 初戀無限TOUCH

嘩! 禮拜三晚o個集勁歌嚇死人…三位整容“美女”唱歌+扭動蛇腰嚇到我! 仲有阿gill o既歌藝都真係…哎…反而阿sa好o左, 好大contrast! 都係講番上個禮拜o既勁歌…居然見番久違了的“組合”…就係比孖生兄妹更似孖生兄妹o既陳曉東同梁詠琪!

真驚喜! 驚喜在我曾經好鍾意睇呢對孖生兄妹o既組合…又係“少年回憶”的一部份! 真係回憶返埋o黎喇!

本來我以為東東 (佢後來叫人唔好咁叫佢, 話好似好低能咁, 要人叫佢阿東喎…但係我都係覺得東東呢個朵最深入民心! 我對佢最深刻o既印象仍然停留o係“一次真愛追尋一百次”, 又或者係同kelly加埋已經唔知改o左幾多次名o既陳建穎一齊合唱“打開天空”o既跳躍東東, 仲有96年維他奶主題曲“了解你的所有”的懶可愛東東) 會唱番幾首歌, 我最想聽反而係快歌“結他”或者“心理遊戲”…你估我唔到呢! 點知得o個半首, 仲要係同gigi合唱“幾分鐘的約會”!

gigi話好多謝東東o黎做佢嘉賓…“勁歌”得o個半個鐘, 佢自己都係唱得兩首歌 (但每首得一半) …仲請嘉賓? 其實又唔似係佢自己請東東, 似係tvb請佢兩個上o黎搞o下gimmick, 因為佢兩個呢十年來都唔似有friend過 (雖然佢o地claim大家好friend, 同埋佢o地真係打孖上o左勁歌不下數次)! 我記得96年尾有集“週點”請o左佢兩個上o黎 (好似同一晚“勁歌”都有佢o地, 但唔sure!)…佢o地排排企真係好鬼死似樣, 11年後o既今日, 都無咩變, 依然好似! o個時佢o地仲未拍“初戀無限touch”, 淨係似樣o者, 佢兩個好生疏 (仲有個觀眾phone-in話提議佢o地兩個可以一齊拍親熱戲喎…點知之後真係有人搵佢o地!)…雖然拍完都唔見得佢兩個friend o左好多, 當然都有懶係傳o下緋聞, 但似係fan屎們一廂情願想佢o地o係埋一齊多d…包括當時的我!

十年後o既今日, 依然好似樣…佢o地會唔會真係失散o左?! 好似睇過訪問話gigi有日搭飛機睇到本雜誌封面以為係自己, 點知發現原來係東東, 真係似到你唔信! 其實當年係鍾意gigi先, 佢96年做新人時, 我是十分喜愛她的…覺得佢好靚好清純, 雖然唱歌走晒音, 但佢當時隻主打歌 “愛自己”, 我到依家都仲係好欣賞! 詳情可以睇番呢度:


http://hejnom.blogspot.com/2006_01_14_archive.html

其實我都唔係由一開始就咁憎好勝gigi, 仲曾經好熱愛佢添 (講出o黎都驚俾人噓呀!)! 96年佢候選新人獎, 我反而係支持佢而唔係楊千嬅! 仲記得當年叱吒新人獎係邊幾個?嗎? 女金: 梁詠琪, 女銀銅應該係千嬅同何超儀是但一個銀一個銅啦; 男金: 鄭中基, 男銀: 陳eason, 而男銅居然係 “大飲茶”主持李中希…你真係估佢唔到 (拉得緊, 又得狠狠…)…

當時好多有梁詠琪o既節目, 我都會錄起添o架 (當然, 往後完全無興趣睇番)…所以話image係好緊要, 佢o個時雖然唱歌唱到走晒音, 但係形象清純可愛…佢當時plug o既“愛自己”同“某年仲夏”, 到依家我仍然覺得好好聽, 睇“初戀無限touch”, 都係為o左梁詠琪 (雖然o個期o既東東我都幾buy)…中六那年我破天荒剪o左個短髮, 都有一半係因為佢! 哈哈! 因為當年真係“重未如此”興過短髮, 咁又覺得真係幾型幾潮幾方便, 洗頭又超快, 但每日要gel頭返學確係有d麻煩! 不過我真係覺得o係o個段時間剪o左個短髮係超明智之舉…人生點都要短兩o下髮o既, 呢個係perfect timing!

當然, 到後來已經開始發覺佢o既“趣緻”之處, 詳見 “輪住o黎試on behalf事件” …再之後o既“奪面雙琪”事件就更加唔洗我多講啦!


(芒姐最愛的gigi歌: 愛自己)

之後 (其實都係o個排, 即96年尾) 有日去k見到陳東 (唔係陳東師傅, 佢有一期都好似係有呢個朵) 首“結他”mv, 真係有d“驚為天人”…喂! 原來佢跳舞都ok喎, 仲幾放添! 於是首“結他”仲成為埋我o個期唱k熱點歌曲, 繼而推介俾我身邊所有朋友)…仲對陳生有少少改觀, 再到97年頭有幾晚睇“翡翠音樂幹線”見佢做訪問, 居然又“脫胎換骨”o左, 好似豁o左出去變o左第二個人咁, 出奇地搞笑同埋有問有答, 唔係好似初出道“一次真愛追尋一百次”年代咁淨係識得cutie笑, 於是我知道佢原來一開始只係扮晒o野或者係唱片公司幫佢營造o個個image, 真人原來都ok funny, 所以又加o左d分! 再加上佢o個排plug o個幾首“猜猜猜”, 旅行社主題曲 “在乎你感受”都幾好聽! 之後又o黎多一首快歌仲懶野性o既“心理遊戲”, 我覺得佢真係跳得唔差同埋首歌都唔錯!

當然, 佢咁多首歌之中最好聽o個首, 我依然覺得係唔算大hit過o既“愛你躲你”…真係好好聽 (企圖o係youtube到search呢首歌, 但搵唔到粵語版, 淨係得國語版…最記得係tvb版mv係o係times square拍, 女主角係鄺文珣…唔知點解好記得!)! 仲有後來的“心有獨鍾”, “水瓶座”都唔錯呀! 佢98年隻精選avcd, 都係陪伴我度過a-level的其中一隻主要cd!


(長kai lai又懶有故事性的k版“心理遊戲”…當年呢個mv我o係k都睇/唱過無數次…仲要留意o係mv做“奸角”的陳展鵬!)

補充資料, 又可以睇番呢度…

http://hejnom3.blogspot.com/2003_01_17_archive.html

記得20周年o個時, 我都有同同學仔一齊去. 當時係我第一次現場睇中文金曲, 都幾精彩o下…因為除o左o個年d金曲外, 仲有d廿週年特別獎, 好多o野睇, 由8點做到12點…好抵睇! 仲要係我o地一行出紅館, 居然撞o岩成班歌星行出o黎去慶功宴…咁梗係 “賴死唔走” 咁霸個好位去睇明星啦…見到東東呀, 千嬅呀, 霆鋒等等 (其實唔係好記得exactly仲有d咩人囉…係呢幾個比較深刻! 因為o個期幾鍾意東東…d歌幾唔錯o下… “心理遊戲”, “結他”, “愛妳躲你”, “猜猜猜” 等; 佢o個期出o既精選 AVCD亦係我唯一買過佢o既碟, 聽到依家都仲聽緊o添! 仲有佢套好cutie o既 “初戀無限touch”…我覺得佢o個期真係幾掂! 至於千嬅, 亦係o個期最鍾意o既…覺得佢好得意, 個人好真…依家嘛…um…! 仲有97年佢有首大熱 “再見二丁目”, 亦係我o既心水選擇! 當年見佢拿“飛躍進步獎" 已經好戥佢開心, 反而依家拿慣大獎仲無咁“矜貴”! 霆鋒嘛…當時佢攞新人o既霆鋒俾人 “hur” 到7彩, 同今日o既 Juno有得揮…見佢咁…反而幾係同情!)…估唔到, 原來唔止十年人事幾翻新…五年人事都可以好 “翻新”!


(初戀無限 Touch 預告片…我o個時睇呢套戲都o係度等呢個場口, 點知睇到最後都無…原來係特登拍o既宣傳片o黎o既! o個時好似有本雜誌送呢套劇的特刊, 封面就係呢個scene…)

又因為兩個主角我都喜歡, 所以當開拍“初戀無限TOUCH”時, 我都真係好期待o架! 雖然去到戲院睇時, 又覺得劇情有d“攞命”, 尤其o個d咩去haagendazs交換yearbook呀, “你喇叭? 我喇叭!”呀, 講s language呀 (以前f.1, 2 真係成日聽到d姐姐o係學校講s language, o個時心諗…你o地真係無聊到爆! 既然個圈子o既人都識講, 咁你係想講秘密o既話, 人o地都識聽啦…如果唔係講秘密, 咁係為o左show off就仲無聊, 你識講人都識講啦! 如果佢只係覺得好得意…呢個理由都好少少o既, 但又唔見得係好得意, 由始至終只覺得係“簡單複雜化”o既表表者, 明明8個音講完o既o野, 夾硬要發16個音!!!) 呀…都覺得好老套!

但再之後睇番, 雖然係肉麻當有趣, 但都幾cutie呀…“你喇叭? 我喇叭!”都幾好笑呀…仲有去o個間cwb哈根大師叫番個“從沒這麼愛戀過”, 又係趣緻呀…當然唔及我最欣賞的“LILLY LO COMMON”(really no comment)! 青春劇…係咁o架啦!

不過佢兩個未免太似樣…睇佢o地談情, 真係有d亂倫o既感覺 (sorry, 用詞有點露骨)!

又可以順手睇埋呢度:

http://hejnom.blogspot.com/2006_10_07_archive.html

好勝gigi就唯有再次好好勝地搵個法仔出o黎影張相…真係…好.得.意! 而比佢孖生細路同佢更似孖生o既陳曉東, 真係除o左個樣, 連d舉動都同佢一模一樣 (雖然我曾經o係“結他”同埋“愛你躲你”年代勁buy東東)…

又係經典重溫的時候…坦白說…又好似真係因為呢套劇, 先識得呢首“地下鐵碰著她…”:


(幾分鐘的約會@初戀無限touch)

11-24(sat) 通天幹探

套“通天幹探”做o左兩個月, 終於都做完…其實初段係幾好睇, 又幾好笑…尤其係john lung同晶晶未一齊之前…黎姿都真係做得幾好! 不過佢好難真係做到好醜, 個角色其實醜得o黎都有d靚囉 (好矛盾)…或者頂多話係一般囉, 不過係幾可愛!

之前已經聽話黎姿會死, 陳豪會變衰 (或者唔可以叫好衰o既, 係用唔正當的手法去捉鄭嘉穎囉!), 不過估唔到黎姿o係結局前一個禮拜就死o左...更估唔到係佢死後仲可以拖拖拉拉5集 (實則唔止5集, 因為最後一個禮拜每集個半鐘)…講點去拉鄭嘉穎…洗唔洗拖咁長呀? 呢幾集都幾煩o下…好心見好就收啦!

同埋敖嘉年又真係幾女人o既…成日都要佢做呢d角色, 但又真係好適合喎!

尋日娛樂直播訪問 “通天幹探”四個主角, 又居然幾好笑o下! 第一好笑就係揀敖嘉年訪問佢o地…平時佢做訪問o個d我都盡量唔睇, 因為真係超悶, 但係今次又係超級抵死…因為佢都係“通天”其中一個“要角”嘛!

成個節目都好好笑, 佢o地一開始話揀坐位都已經反映o左大家的感情關係, 所以ginger坐最右, 跟住係john lung, 晶晶, 莊文希, 最後係主持toby!

鄭嘉穎都話見到係toby做主持都打o左個突, 又勾番起佢o既過去…黎姿到o個時識先笑, 先發現佢就係toby…未免係太後知後覺!

呢個安排幾好, 平時“娛樂直播”好鬼悶, 呢集係罕有地好笑, 好似舊年“天幕下的戀人” 三個主角上“娛樂直播”接受訪問咁, 又係玩番主持amigo轉頭, 不停講唐詩詠 (佢都係“天幕下”三姊妹之一)!

跟住敖嘉年問陳豪話佢同蒙嘉慧好似有段床上戲, 叫佢講o下有咩感覺, 點知陳豪不停問番敖嘉年同鄭嘉穎: “你o地o個段又點?”…好搞笑! 佢o地不停話只係得親密照…跟住敖嘉年仲要問番鄭嘉穎同佢拍“親熱戲”時有咩感覺…?

睇佢o地訪問, 發現yoyo個人其實真係幾爽朗, 雖然佢滿口懶音再加埋佢d真經典o既英文發音…佢句“al佛”真係令人好“佛-strated”…不過佢真人都幾搞笑, 同埋真係幾爽, 同一般女仔好唔同, 睇佢同阿mo訪問就比較好笑…阿mo依舊幾灰諧, 反而鄭嘉穎未免太拘謹同認真, 黎姿就可有可無咁咁, 同埋轉數真係比較慢(所以話呢個世界係公平o既, 佢有美貌, 所以…)…如果唔係整個訪問會更好笑!



仲有, 有日無啦啦睇到亞視2點幾3點個投資節目“理財博客之投資多面睇”預告…覺得個主持好熟面口…check o下資料, 原來真係98年向海嵐/吳文忻o個屆個國際親善小姐殷莉! 點解咁記得佢…因為當時又係話其中一個最醜港姐, 話佢似長頸鹿嘛! 咁依家個樣好o左d, 起碼pro d!

原來依家朝早亞視好多得意戲重播, 關詠荷同陳庭威o既“觸電情緣”之後, 有套叫什麼“大家happy”!

“觸電情緣”成日都重播, 呢套“大家happy”真係聽都未聽過…有劉家傑同鮑起靜, 好後生的鮑姐, 同埋幾乎未睇過佢做戲o既劉家傑, 仲有好多舊香港o既景…幾吸引!

有無人知呢套劇係邊年播o既呢? 似七十年代尾啦…! “麗的年代”o個d戲好多都好有趣, 好似前幾年o係同一時段重播o既“再見狂牛”呀, “愛情長跑”咁, 又係之前聽都未聽過…但又幾好睇!

11-22(thurs) TVB周刊

雖然我係tv fan, 但其實我甚少買tvb周刊, 以前香港電視年代我就真係期期買o既, 由小學買到中學幾乎買o左10年…但係後來愈o黎愈無o野睇, 淨係得d劇情比較獨家…但其實我覺得睇套戲前唔知劇情會仲好睇, 如果唔係你永遠都大約知道佢下個scene會做咩…無晒追看慾! 最頂唔順本tvb周刊係佢咩都讚一餐, 連“奀星賀台慶”都要每個環節讚一讚…咁當然大家都明白, 官方刊物有佢o地立場, 又真係無可能彈o既, 但都唔好讚得咁牽強呀!

所以依家通常係一年只買一次tvb周刊…就係台慶喇! 因為每年台慶o個期都會特別厚, 內容又唔係話十分特別, 但每年買一期紀念o下囉! 同埋通常都會有d無無聊聊紀念品, 俾我呢d無無聊聊o既人紀念o下!

2005年有三虎做封面同埋送tvb毛巾, 舊年唔記得喇, 今年就有條tvbuddy電話繩…用我諗我就唔會用, 不過都幾有趣呀!


(2007年台慶其中兩期tvb周刊+ 送o既tvbuddy電話繩, 仲有兩個朋友送的tvbuddies…我諗以後有咩喜慶日子…我的禮物好可能都係tvbuddy…d人話一見到佢就諗起要送俾我! 真係好…無啦啦多o左個公仔代表我???!!! 佢都…幾…得…意…呀…除o左係無眼耳口鼻, 夜晚見到可能有d驚之外…嘩哈哈!!!)

同埋今年40周年, 一連四期有回顧番呢40年來o既經典劇集 (不過第一期我miss o左)…本來個idea好吸引, 點知都寫得頗求其, 仲要係作為官方刊物d資料都可以錯晒…好令人失望! 可唔可以俾少少心機呀? 咁o既質素都可以照出街o既?! 有無check過內容, 有無校對o架?!

佢居然可以話係92年搬去清水灣電視城…其實係88年告別廣播道, 呢d資料好易check o架咋喎…佢d資料應該最齊全o架啦, 但居然咁o既o野都可以錯! 但佢到第二期又識寫係88年喎…咁即係點? 可唔可以小心d?

更嚇人o既係佢講仲九十年代經典劇集“我本善良”…居然話:“亦奸亦忠的角色對溫兆倫是一大考驗, 尤其推邵美琪落火車的經典場面…”o下? 我無睇錯呀嘛? 呢段咁經典劇情係來自 “義不容情”喎…唔好玩啦?! 就算唔係電視迷都應該知道啦…何況你係官方刊物…有無搞錯呀?!

跟住, 另一經典“今生無悔”…佢o地居然寫o左程朗與“高文俊”…oh, 真係想點呀?!

之後愈睇愈唔對路, 好多句都似曾相識…sorry, 或者係我敏感啦…

八十年代的電視傳奇－TVB五虎將http://global.yesasia.com/b5/Emagazine/ArticlePage.aspx/section-videos/code-c/articleId-26/

“五虎中的黃日華及湯鎮業，分別飾演虛竹和段譽，加上梁家仁的喬峰、黃杏秀的阿朱、陳玉蓮的王語嫣及石修的慕容復，演來俱入木三分，被喻為選角最出色的《天龍八部》。＂

tvb周刊: 五虎將中的黃日華及湯鎮業，分別飾演虛竹和段譽，梁家仁做喬峰、黃杏秀演阿朱、陳玉蓮是王語嫣及石修扮演慕容復，是演技大較量。


38年人氣所在創新天 TVB精選台慶劇回顧
http://global.yesasia.com/b5/Emagazine/ArticlePage.aspx/section-videos/code-c/articleId-49/

“而萬梓良亦繼兩年前的《他來自江湖》，再次與他的真命女友恬妞飾演情侶，還找來甚少參與電視劇演出的「電眼美人」李美鳳開展一段糾纏不清的三角戀，使萬梓良周旋與兩女之間不知如何抉擇。”

tvb周刊: 繼《他來自江湖》，萬梓良依舊與他的真命女友恬妞在該年台慶劇《大家族》飾演情侶，雖然此情不再，但看這位激情演戲大師的演出，與電眼美人李美鳳的三角糾纏，難怪當年創下收視高峰。

…雖然呢d劇人人都會係咁寫o架喇, 但係d用詞有八成似咁即係想點呀?! 都唔知多謝佢好定咩好喇? 其他o個d“神鵰”, “射鵰”, “楊家將”抄少少都算喇, 但係呢兩段真係…哎! tvb周刊寫o可唔可以用心d，唔好浄係copy & paste?!

講開台慶, 有日睇蘋果話適逢無綫40年, 佢o地選o左個“The 100 Greatest TV Characters 百 大 經 典 電 視 角 色”喎...第一位係丁蟹…都合理o既! 哈哈, 連 丁 有 康 （ 溫 兆 倫 飾 ） 《 義 不 容 情 》都有, 仲有37. 張 大 勇 （ 陶 大 宇 飾 ）《 刑 事 偵 緝 檔 案 》, 62. 詹 時 雨 （ 張 國 榮 飾 ） 《 儂 本 多 情 》….最勁係亞視o既50. 況 天 佑 （ 尹 天 照 飾 《 我 和 殭 屍 有 個 約 會 》 （ 亞 視 ）都有!!! Oh…my idol!

點評選o既呢?! 不過都選揀得唔錯!


(2008月曆highlight…)

oh, 頭先睇蘋果睇到一段“驚人”新聞…其實又唔係好驚人o既, 不過有d搞笑…



無 綫 台 慶 頒 獎 禮 圓 滿 結 束 ， 今 年 一 如 以 往 ， 賽 前 賽 後 都 充 斥 著 是 非 ， 劇 集 《 溏 心 風 暴 》 以 大 熱 姿 態 捧 走 最 佳 劇 集 獎 ， 相 信 是 少 數 沒 有 被 網 友 轟 造 馬 的 獎 項 。 不 過 凌 零 發 昨 日 瀏 覽 香 港 討 論 區 ， 有 網 友 上 載 無 綫 頒 發 最 佳 劇 集 獎 的 短 片 ， 竟 發 現 相 當 驚 人 的 一 幕 ！



短 片 中 ， 《 溏 心 》 監 製 劉 家 豪 上 台 致 辭 ， 在 一 輪 嘴 頌 讚 TVB 後 ， 又 不 忘 答 謝 台 前 幕 後 的 功 臣 。 此 時 鏡 頭 捕 捉 一 眾 《 溏 心 》 演 員 的 表 情 ， 當 鏡 頭 由 右 至 左 橫 掃 演 員 的 雀 躍 神 采 及 五 光 十 色 的 服 飾 時 ， 竟 拍 攝 到 林 峰 緊 緊 拖 實 楊 怡 的 手 ， 似 有 說 不 出 的 千 言 萬 語 ， 不 過 當 二 人 察 覺 鏡 頭 拉 近 他 們 時 ， 又 忽 然 煞 有 介 事 的 鬆 手 ， 臉 上 隨 即 流 露 尷 尬 神 色 ， 由 於 該 鏡 頭 一 閃 而 過 ， 相 信 欣 賞 直 播 的 觀 眾 或 許 未 能 看 見 。

其 實 林 峰 和 楊 怡 識 於 微 時 ， 他 們 是 第 13 期 無 綫 電 視 藝 員 訓 練 班 的 同 學 ， 先 後 合 作 過 多 部 劇 集 包 括 《 流 金 歲 月 》 、 《 大 唐 雙 龍 傳 》 及 《 布 衣 神 相 》 等 ， 二 人 於 01 年 拍 攝 《 再 生 緣 》 時 還 傳 出 緋 聞 ， 其 後 到 內 地 拍 攝 外 景 ， 又 比 大 隊 遲 走 兩 日 ， 被 工 作 人 員 取 笑 拍 拖 旅 行 。 網 友 似 乎 對 二 人 拖 手 相 當 支 持 ， meiibee 說 ： 「 好 搞 笑 呀 ， 超 鍾 意 佢 兩 個 ， 好 襯 ！ 」

嘩, 好勁, 咁都睇到啊! 相信一定係超級粉絲! 佢o地個樣又的確係幾尷尬...但明知呢個occasion一定有人影住...點會特登咁呢? 好公開啊! 不過正如d網友話齋: “喺個台度眾目睽睽都拖手應該冇咩嘅, 純粹係得獎支持吓對方”…呢個comment先最搞笑…bingo囉! “佢地拖手唔係問題…但bosco o係中間有ｄ尷尬!…嘩哈哈! Exactly!
“

(連圖都cap埋…好勁!)


原來尋日林峰o係times square有新歌發布會...事後有人話俾我聽, 其實當時我都o係銅鑼灣, 但我見唔到...證明我o地真係無緣喇...咁都睇唔到佢表演!

同埋…原來王祖藍係同李亞男係一對o既咩? 真係估佢o地唔到!

仲有我想講係…胡杏兒個新髮型幾好喎, 超短髮其實幾適合佢, 唔係個個carry到…令人諗番起“律政新人王”好型o既ling ling!

11-19(mon) 萬千星輝頒獎典禮2007後記+2007萬千星輝賀台慶

嘩…呢篇長到唔長…但又廢事分兩篇喇, 同埋為慶祝我偶像六叔100歲壽辰, 寫長d都無所謂…佢創立o左電視王國, 係值得我尊敬…你知道電視對我o地呢d電視精一生的影響有幾大嗎?! 100歲喎, 你估講笑呀…真係要quote番tvb25年的宣傳口號再改頭換面一下: “happy birthday yeah yeah…齊齊賀100歲lu, 源源心思, 更多趣味, 分分鐘送俾你…全為了你!”

Happy 100th to my idol, Uncle 6!!!!!



講番禮拜六台慶頒獎禮先, o個晚去o左hum, 部錄影機又壞o左, 搞到遲遲未有機會睇番呢個頒獎禮, 同大家搭唔到嘴! 好多謝今日有朋友借o左俾我睇, 終於都可以不太out!

本來我以為應該都無咩人 (指非電視精) 知有呢個台慶頒獎禮…但原來好多人都有留意喎…我去飲個朋友仲話多謝我唔睇台慶俾面去撐場, 有朋友又話去飲時佢o地轉晒台睇台慶無人睇現場盛況…都唔好話電視台已再無影響力, 原來仲有好多人有留意台慶呢樣o野!

雖然o個晚無得睇, 但都有即場去直擊個賽果…um…我個人認為, 係有某d位出人意表, 但出人意表之中又帶點你估到佢會咁 (你明我講咩嗎?)…因為搞o下d gimmick係無綫每年台慶o既一種特色…如果唔係佢驚第二日報紙得好少篇幅報導呀嘛!

其實大家睇o左咁多年電視, 都知道頒獎俾邊個得獎好多因素…如果齋論演技好, 秦沛夏雨劉松仁o個d一早攞o左男主角…但你亦都會明白, 永遠都唔會頒俾佢o地, 所以依家睇呢d頒獎禮, 只會要求過程好睇刺激, d嘉賓講o野精警, d得獎者攞獎時有d搞笑d o既speech帶o黎少少驚喜, 好似舊年馬國明咁…賽果只要唔好太離經叛道已經“al-lai” o架喇!

其實近年已經唔會為個賽果特別激氣, 畢竟大家都明白o左真係"一場遊戲一場show", 唔係到依家仲以為d頒獎禮係觀眾投票結果呀? 睇o左咁多年樂壇同電視頒獎禮, 都知道頒俾邊個係要配合好多o野, 好似樂壇就要同唱片公司傾掂數, 電視更加小圈子, 自己玩晒, 睇o下邊個聽話, 邊個lum得掂高層囉! 你話唔公平, 係o架喇...但呢個係所有圈子o既遊戲規則, 你覺得唔o岩玩, 咪唔好玩囉...就算出o黎做o野, 間間公司都係咁...除o左實力, 當然都係要得老闆歡心, 呢d我相信一般人出o黎做o野一年 (甚至唔洗真係出o黎做o野) 都會知...所以睇頒獎禮只係希望佢唔好分得太肉酸o者!



貼番個得獎名單…否則下年一定唔會記得:

萬 千 星 輝 頒 獎 典 禮 2007 得 獎 名 單

最 佳 劇 集 ： 《 溏 心 風 暴 》
最 佳 男 主 角 ： 陳 豪 《 溏 心 風 暴 》
最 佳 女 主 角 ： 李 司 棋 《 溏 心 風 暴 》
我 最 喜 愛 的 電 視 男 角 色 ： 陳 豪 《 溏 心 風 暴 》
我 最 喜 愛 的 電 視 女 角 色 ： 關 菊 英 《 溏 心 風 暴 》
飛 躍 進 步 男 藝 員 ： 崔 建 邦 《 東 張 西 望 》 、
《 娛 樂 直 播 》 、 《 勁 歌 金 曲 》 、 《 再 會 歡 樂 今 宵 》
飛 躍 進 步 女 藝 員 ： 徐 子 珊 《 學 警 出 更 》 、 《 舞 動 全 城 》
最 佳 男 配 角 ： 阮 兆 祥 《 溏 心 風 暴 》
最 佳 女 配 角 ： 陳 法 拉 《 舞 動 全 城 》
最 佳 節 目 主 持 ： 庾 澄 慶 、 鄧 健 泓 《 味 分 高 下 》
最 佳 綜 藝 資 訊 節 目 ： 《 向 世 界 出 發 》
最 具 創 意 節 目 ： 《 味 分 高 下 》
最 佳 宣 傳 片 ： 《 歲 月 風 雲 》 序 幕 篇
內 地 觀 眾 最 喜 愛 TVB 男 藝 人 ： 林 峰
內 地 觀 眾 最 喜 愛 TVB 女 藝 人 ： 黎 姿
最 具 欣 賞 價 值 大 獎 ： 《 拾 年 》
萬 千 光 輝 演 藝 大 獎 ： 沈 殿 霞



今年o既賽果, 其實又唔係話特別驚訝, 同一條橋上年都玩過, 只係上年女, 今年男...都係為o左製造話題...所以其實俾人玩o既…係陳豪! 你俾兩個獎佢做咩鬼? 佢自己都話攞一個都夠…唔係話幫住佢, 我最buy o既始終係林峰…但佢同樣係無辜o既, 係無綫為o左拉高收視或者搞o下噱頭o既犧牲品! 因為一同大家事前expect o既賽果唔同, 就會引起好大迴響, 亦正係tvb想製造o既noise, 但係個藝人就慘d, 佢都未必想攞咁多個然後俾人話佢唔得! 如果其中一個獎頒俾夏雨或者林峰咁就好好多…所以我覺得今次呢個賽果其實係害o左佢, 因為任何觀眾, 尤其係其他候選人o既支持者, 一定會超不滿!

不過佢又係唔識講o野, 攞完最喜愛問佢視帝睇好邊個, 佢居然唔話鮑鮑而揀bobby, 你心諗都唔好咁講…真係唔識do! 仲有佢攞最佳男主角o個段speech更加唔得, 唔得大體亦無咩激動位, 人人都expect你整段“廁所宣言”o架嘛…我係無綫下次都唔會再頒俾你! 反而監製阿劉家豪幾識講o野…不過佢真係老o左好多, 可能我對佢o既印象, 仲停留o係九十年代佢同萬子合作台慶劇o既年代!

又正如上一篇post好多讀者所講, 林峰唔知點解近期成日刻意咁低調, 逢show都縮到最後, 忽然走o左馬明的低調路線! 不過佢又係慘, 當年“飛躍”輸俾陳豪, 依家到大家去到男主角位, 又o黎多次陳豪!


( 嘩, 好勁! 林峰d fans有制服添…果然係好pro!)

至於女主角o個邊, 同賽前預測一樣, 雖然傻o既都知細契呢個角色無可能最喜愛, 但係女主角呢邊一人一個獎咪皆大歡喜囉…o個邊搞噱頭咪玩死陳豪囉!

另一個俾人玩o既好明顯係廖碧兒, 佢已經升o左上一線, 但年年都要佢同d新人角逐“飛躍進步女藝員”, 都唔同grade, 仲要年年都要佢輸喎…好心唔好再提名佢呢個獎啦...好尷尬! 要被人形容為"連 續 多 年 食 白 果 的 廖 碧 兒 最 終 仍 是 大 熱 倒 灶 。 "…好慘! 仲要話今年同劇 (“舞動”)兩位演員都得獎唯獨佢無…真係慘, 唔好提呢d名咪好囉, 年年咁俾人影住個尷尬樣…玩死佢!

徐子珊攞“飛女”…正如之前“舞動全城”時所講: “最大o既謎係點解另一位女角徐子珊小姐做電影時俾杜琪峰, 梁家輝, 任達華個個力讚佢, 捧到上天, 又話係最有潛質新人, 演技自然到不得了etc., 但睇佢做電視又真係唔覺喎? 唔通電影同電視的要求真係差咁遠? 點解d comments會有咁大分別? 今次特登留意佢, 係比起上次“學警出更”好o左少少, 至少無咁浮誇 (雖然上次話係角色需要…但真係over o左!), 同埋佢個樣真係靚o左d…但上次係底線之作, 今次無上次咁令人反感唔代表係做得好好…究竟係咪我唔識欣賞呢?!”…到依家我都係覺得, 佢的確係做得好過“學警”, 但又未至於可以攞獎…不過可能佢係進步得比較多o個個o卦?! 雖然佢觀眾緣又真係麻麻…! 同埋佢當晚個化妝想點?! 好似俾人打腫o左隻眼咁…!

至於女配角…對於法拉, 我都同一眾女觀眾一樣不太buy o架喇…話無bias呃你啦, 人人都bias o架啦! 相信真係無咩女觀眾buy佢, 但睇o下討論區, 的確好多男觀眾係話因為有佢先睇“舞動全城”...然後話廖碧兒係大隻妙...所以都話係男女大不同! 不過平心而論, 佢d戲只係一般, 無可能俾呢個獎佢, 但係無綫要捧佢都無法…我同大家的意見一樣, 唔覺得佢做得特別好! 反而對於早排流行o既爛gag: “陳法拉的姐姐是誰? 答案係“陳法推”...呢個我欣賞喎...好爛但好笑!

同埋好多網友都話唐寧演技一定好過佢o地, 呢樣我絕對同意, 畢竟佢都做o左近廿年戲, 係資深演員…但依家無人撐佢, 人氣同埋被捧程度好似俾前兩年仲差…所以, 都話攞獎絕對唔係齋講演技o架啦!

同埋, 陳總對於內地我最喜愛男女藝員獎vs豬肉獎的解釋又的確係愈描愈黑…有d畫蛇添足!


(呢個搞笑…緋 聞 男 友 陳 豪 登 上 視 帝 寶 座 ， 廖 碧 兒 即 時 獲 眾 花 旦 恭 賀 。)

崔建邦拿“飛男”同埋鄧健泓拿“最佳節目主持”…都無咩o野好講…honey嘛! “味分高下”兩主持攞獎預o左, 但係amigo就真係…連懶係避嫌都費事添…! 唔係話佢做得唔好, 但係要飛躍佢都唔係今年飛躍啦, 早幾年佢咪仲飛躍多d (同埋佢得獎段致謝詞講得麻麻)…無理由今年唔係樓華呀?! 佢行紅地毯個樣都灰諧過人…我buy佢!

最搞笑係報紙有段報道話：

＂崔 建 邦　對 於 在 台 慶 頒 獎 禮 上 成 為 飛 躍 進 步 男 藝 員 ， 他 自 稱 估 不 到 會 獲 獎 ， 並 表 示 第 一 個 多 謝 是 陳 志 雲 。 被 指 因 是 再 得 無 綫　總 經 理 到 陳 志 雲 的 寵 愛 ， 他 說 ： 「 唔 關 得 唔 得 寵 事 ， 係 觀 眾 投 票 選 出 （ 編 按 ： 觀 眾 投 票 只 佔 一 部 份 ） ， 每 個 人 都 會 有 高 低 起 跌 ， 我 都 會 約 埋 鄧 健 泓 同 陳 生 一 齊 慶 祝 。 」 問 到 是 否 兩 個 honey 一 齊 同 陳 志 雲 慶 祝 ， 他 即 避 忌 說 ： 「 等 陣 先 ， 我 唔 係　ｏ架， 總 之 係 開 心 ｏ野， 攞獎 係 對 藝 人 ｏ既　鼓 勵 。 」＂

…最抵死係o個句: （ 編 按 ： 觀 眾 投 票 只 佔 一 部 份 ）…其實係人都知觀眾投票係佔…零部份o架啦…呢d係後台強弱鬥爭o者!



講番個show本身, 一開始行紅地毯都幾grand…do姐仲要一邊行落樓梯一邊講稿, 好危險! 仲要連背兩日稿…好忙碌! 跟住小生花旦出場要逐group配番d台詞介紹, 有d多餘…不過佢pair up d人又係抵死…情侶檔o既陳豪同廖碧兒, 仲有不和o既馬浚偉同郭羨妮! 唔好一味彈, 其實呢part由陳奕迅lead 住o既opening做得唔錯, 感覺都ok grand呀!

今年係台慶頒獎禮十周年, 佢o地剪番十年來d片, 呢part都唔錯!

商天娥套“黃金甲”又係驚, 今日台慶正日我o係銅鑼灣撞到佢, 真係發福發得好交關, 睇o黎佢今晚都係唔會去台慶! 仲有, 成個節目見到阿姐不停咁玩相機…佢真係好鍾意玩!

sorry, 阿呂良偉真係唔知想點, lililurlur但又唔知想講咩, 最弊係佢對d女藝員一d認識都無…淨係識30年前o個d…連鄧萃雯同黎姿都算新一代女演員, 再加多個“千萬星輝頒獎典禮2007”…真係攞命…我見阿雯女笑到停唔到…可能佢就係呢個台慶頒獎禮o既climax! 仲特登搵佢前老婆周海媚同場, 海媚一出場奏“今生無悔主題曲, keep得幾好, 幾可愛!

不過今年搞溫情搞得唔錯, 先有司棋姐個女神秘到場, 都幾感動…其實佢個女係幾靚, 不過又真係唔夠佢後生時靚!

當然最感動o個段係久違了o既肥姐出場啦…佢真係瘦o左同老o左好多, 好虛弱咁! 睇到人好心o翕! 連do姐呢d咁強悍o既都忍唔住喊, 我諗佢做司儀咁耐都未試過…我都睇到…! Oh! 欣宜又係慘o既, 咁細個要面對咁多o野, 仲要俾人不停攻擊!

呢part都係值得讚…肥姐又肯俾面無綫出席…互惠互利啦…難怪可以最高收32點!



至於個“萬千星輝賀台慶”真係以前好睇好多, 同一日做晒所有o野, 連續三個幾鐘一氣呵成, 依家分開o左兩日真係唔知做咩? 仲要今年頒獎禮同賀台慶兩晚隔咁近, d artists咁短時間要練兩個show, 度兩日期, 咁短時間搞兩個大show…真係搵o黎搞! 仲要d觀眾比較關注o個part頒獎禮又已經做o左, 咁仲有邊個會留意“萬千星輝賀台慶”?! 仲要連d鬥o下邊個表演項目最高分o個d都無…我真係唔知今晚搞o黎為咩?

依家又唔係全台大晒冷, 都唔齊人, 無晒最最最top o個d…宣萱呀, 蔡少芬呀, 羅嘉良呀 (定係呢d已經約滿晒? 不過佢o地仲有得拍08 calendar喎!)…仲要今晚有好多藝員都無得出, 林峰, 胡杏兒, 廖碧兒都只係出o左兩下, 以前節目時間長d, 多元化d, 每人有機會出多d, 一晚搞掂共冶一爐好睇好多! o個時真係盛大好多, 感覺grand好多…感覺真係一個大日子!

又或者真係一個人去到某個年紀就覺得以前樣樣都係好d…年輕d o既朋友可以話我聽你o地覺唔覺得以前d台慶好睇d?!

跟住整個show又係一片混亂…一開場用o左鄭融隻“大女仔”, 點知同時又有d銀樂隊吹緊另一隻歌, 兩隻一齊播, 但又唔夾, 亂晒龍…點解可以咁蝦碌?!



最令人O嘴當然係今年o既司儀組合啦…洗唔洗十個人咁多? 仲要有3/4係以一個objective standard完全唔應該出現o係台慶司儀之列o既!

三個愛將崔建邦 (呢個預o左, 都做o左好似第3年喇!), honey鄧健泓 (呢期力力力力捧…都估到會有佢份!), 但係估唔到even貽興王都有…得做主持囉…佢又真係三位honey之中口才最差…寫o野咪好囉, 好過靠把口搵食, 口才唔得仲要先天不足 (指把聲)…點解唔做番作家? 佢d文章都ok呀! 可能成件事都係想幫amigo平凡, 說明其實捧佢都唔係捧得好誇, 因為之後o個d仲誇, 同埋佢係算做得比較好o既! 本來佢o地都唔係好克人憎, 但係真係太過份力捧, 一步登天, 真係會令人反感!

跟住更出人意表係連葉翠翠同陳敏之都有得做司儀…葉翠翠係有進步o既 (雖然佢選時同選完都唔buy佢, 但佢今年真係有顯著進步)…不過我依然唔明點解要揀佢o黎捧? 又唔捧陸詩韻? 可能佢聽話d啦!

但最唔明點解會cast陳敏之做司儀? 佢作為懶音界o既表表者…咪即係等如搵黃[金己]瑩或陳彥行做台慶司儀?!!! 仲有佢上鏡個樣真係唔太靚, 相反我見過佢真人真係唔錯…係其中一個我覺得真人同上鏡差好遠o既藝人…咁就唔抵啦! 所以我亦都係唔明點解會捧佢, 尤其係捧佢做司儀…錯晒!

四個新司儀o個part穿崩魔術表演勁悶, 佢o地4個除o左高大真係無咩好處, 或者應該搵佢o地行catwalk! 佢o地四個o既存在基本上係redundant, 根本是無需要咁多人, 為捧而捧…!



阿叻依舊係巴之閉, 但又記錯晒o野亂咁o黎, 明明係到李思捷/王祖藍/阮兆祥表演又話去廣告 (其實呢part已經係算比較有娛樂性…佢o地呢d先係實力派嘛…好過亂咁力捧d無實力又無觀眾緣o既人)…最唔得係射籃球o個part, 亂改規則, 又真係好克人憎, 難怪修哥不滿…佢無必要做到咁唔公平o架, 咪由得佢o地逐個掟囉?! 葉翠翠又係慘o既, 完全無人理佢, 佢有佢介紹人名, 阿叻有阿叻講o野…完全當佢無到…洗唔洗咁呀?!

“舞動奇跡”一班參賽者跳舞o個part都ok, 無得講, 謝天華係跳得好…完全同其他人差十個level…不過搵佢去同d完全無舞蹈底子o既藝員比賽跳舞, 又真係唔公平o既…佢以前都同阿王同級啦, 即係老師同學生鬥咁…有咩好鬥? 都唔同level…唔知無綫想玩咩? 咁阿一級豬楊思琦小姐其實都跳得ok喎, 好過佢做戲或者做主持好多…不如改行去跳舞啦!



跟住o個part吊高打鼓…真係唔知想點? 唔覺得好精彩, 柴娃娃但其實又要練得好辛苦喎…吊威吔咁耐都咪話辛苦, 但又唔覺得特別好睇! 佢o地幾個主角連樣都睇唔到, 淨係不停見到中間的“toby”敖嘉年…以為佢先係呢個環節o既主角添!

D環節真係一年比一年悶, 舊年都o翕得出一兩個比較好笑…今年o個d真係…

鄭嘉穎抽中獎, 居然唔見o左人, 差d連獎都無埋…令我諗起當年仲好霉o既honey鄧健泓都試過抽中獎但係唔見o左人, d人即刻話要抽過, 最終佢連獎金都無埋…人黑開真係有條路, 依家佢又真係有運行o既! 仲有, 阿mo怕醜個樣都幾好笑…佢負責抽獎緊張到連個“8”字都倒轉o左! 同埋我想問…其實點解次次都要skip o左“7”字尾o既台慶…4就話skip o者, 7又唔好意頭咩?!



套鬧劇真係一年比一年鬧…舊年不知所謂但都有d笑位, 今年真係無咩位好笑! 以前每年呢一part趣劇係最令人期待最好笑…好似95年劉德華o既“杏加橙”, 同埋96年李克勤o既“非法在異性體內插旗”…之後o個d已經好唔得…得閒要講番以前d台慶先得!

搵庾澄慶o黎做表演嘉賓, 順手前日o黎埋攞獎, 真係超慳水慳力! 仲劉家昌師傅, 又係 “一雞兩味”…前日做完頒獎禮, 今日又要再o黎表演過! 佢同衛蘭小姐表演o個首“心在香港”…真係out到爆, 勁悶…首歌未免太慢, 仲要唱晒成首, 後面d小生花旦做咁耐怖景版, 真係好可憐!

Oh, 今年又有番利孝和夫人以佢把獨有沙聲揭曉台慶密碼解碼方法…真係令人高興! 佢係每年台慶o既一個icon o黎o架嘛! 依然係舊年o個句: 希望下年可以結合番表演項目同頒獎禮…我個人認為依家分拆o左真係無以前咁好睇!

其實每年台慶之後o既節目巡禮都係好好睇, 但係要o過左幾年睇番, 對比番最終個製成品會更加好睇…!

11-17(sat) 萬千星輝頒獎典禮2007

話咁快, 今晚就係一年一度o既“萬千星輝頒獎典禮2007”…雖然同舊年一樣, 我依然係唔明白點解台慶頒獎禮同表演環節要分開兩日做? 想爭多d收視? 又唔洗呀, 反正亞視都無得鬥…定係想懶盛大? 又或者係d獎真係多到頒一整晚都頒唔晒?! 我想講o既係根據上年o既經驗, 分開兩晚搞到兩個show都好悶, 頒o下獎又表演o下咪好囉!

台慶前不停有朋友問我心水, 好啦…我點都會俾面tvb趕及o係今年頒獎禮前循例做番個心水預測o既…不過其實今日蘋果我都已經差不多講o左我想講o既o野喇…當然仲有d要補充番…


http://appledaily.atnext.com/template/apple/catkeycol.cfm?&iss_id=20071020&sec_id=462&showcat=7371330

電 視 撈 飯 ： 萬 千 星 輝 爭 崩 頭

今 晚 一 年 一 度 的 台 慶 頒 獎 禮 於 電 視 廣 播 城 舉 行 ， 無 綫 自 去 年 開 始 將 《 萬 千 星 輝 頒 獎 典 禮 》 與 《 萬 千 星 輝 賀 台 慶 》 分 兩 晚 進 行 ， 是 想 搶 多 一 日 收 視 ， 還 是 獎 項 真 的 多 到 要 一 整 晚 才 能 頒 完 ， 真 的 無 從 稽 考 ！ 台 慶 頒 獎 禮 自 97 年 起 已 舉 辦 了 十 屆 ， 以 羅 嘉 良 及 汪 明 荃 分 別 稱 帝 三 次 及 封 后 兩 次 領 先 。 去 年 取 消 了 「 十 大 我 最 喜 愛 電 視 角 色 」 ， 但 卻 將 男 女 主 角 獎 分 拆 為 「 最 佳 」 及 「 我 最 喜 愛 」 兩 項 ， 分 別 何 在 觀 眾 不 太 清 楚 ， 只 知 道 可 令 更 多 藝 員 獲 獎 達 至 皆 大 歡 喜 局 面 。 不 過 去 年 的 女 主 角 獎 到 最 後 卻 來 個 反 高 潮 ， 兩 獎 均 由 佘 詩 曼 奪 得 ， 成 功 製 造 話 題 ， 推 高 收 視 。 無 綫 也 樂 此 不 疲 地 在 各 電 視 及 樂 壇 頒 獎 禮 製 造 驚 喜 ， 畢 竟 這 只 是 一 場 騷 ， 最 重 要 是 搞 得 有 聲 有 色 ， 有 氣 氛 、 有 話 題 ， 反 正 賽 果 合 理 不 合 理 ， 從 來 都 是 見 仁 見 智 ， 況 且 即 使 賽 果 再 具 爭 議 性 ， 兩 年 後 也 沒 有 太 多 人 會 記 起 。

唐 家 四 主 角 玩 晒

今 年 《 溏 心 風 暴 》 大 熱 ， 視 后 寶 座 應 無 人 能 與 劇 中 的 「 大 細 契 」 爭 ， 當 中 又 以 帶 來 無 數 全 城 熱 爆 金 句 的 「 大 契 」 司 棋 姐 被 看 高 一 線 ， 除 非 無 綫 又 想 重 演 04 年 如 妃 鄧 萃 雯 的 大 熱 倒 灶 事 件 來 跟 大 家 開 多 一 個 玩 笑 。 其 實 大 細 契 一 家 人 絕 對 有 機 會 包 辦 今 年 四 個 男 女 主 角 獎 ， 讓 「 唐 家 」 來 一 個 真 正 的 皆 大 歡 喜 。 視 帝 如 無 意 外 亦 應 該 是 《 溏 心 》 兩 位 男 主 角 的 囊 中 物 。 論 演 技 ， 在 電 視 圈 打 滾 多 年 的 「 鮑 鮑 」 夏 雨 當 然 勝 過 「 得 得 地 」 陳 豪 ， 但 陳 豪 在 此 劇 的 表 現 也 著 實 不 賴 ， 初 段 刻 意 扮 成 低 低 哋 去 對 比 後 期 的 淡 淡 定 ， 予 人 脫 胎 換 骨 之 感 。 加 上 無 綫 特 別 挑 選 他 主 演 的 《 通 天 幹 探 》 作 今 年 的 台 慶 劇 為 他 造 勢 ， 看 來 他 今 年 稱 帝 的 機 會 也 頗 大 。

情 侶 捧 獎 造 新 聞

另 一 個 大 家 十 分 關 注 的 獎 項 是 「 飛 躍 進 步 女 藝 員 」 ， 據 說 今 年 是 兩 大 力 捧 花 旦 陳 法 拉 與 徐 子 珊 之 爭 ， 看 最 後 誰 能 獲 得 更 多 高 層 力 撐 ！ 雖 然 視 帝 熱 門 人 選 陳 豪 的 緋 聞 女 友 廖 碧 兒 也 是 此 獎 的 大 熱 ， 但 嚴 格 來 說 她 已 攀 上 了 一 線 女 主 角 位 置 ， 競 逐 這 個 獎 項 反 而 有 點 尷 尬 ， 不 過 她 是 同 期 花 旦 如 胡 杏 兒 、 楊 怡 及 楊 思 琦 當 中 ， 唯 一 她 未 曾 獲 此 獎 ， 無 綫 或 會 為 圓 其 心 願 及 製 造 她 與 陳 豪 一 起 奪 獎 的 溫 馨 場 面 而 有 所 安 排 。 就 好 像 01 年 讓 許 志 安 與 鄭 秀 文 同 獲 「 最 受 歡 迎 男 女 歌 星 獎 」 ， 更 因 此 而 衍 生 經 典 的 「 廚 房 宣 言 」 ， 成 為 一 時 佳 話 。 既 可 成 人 之 美 ， 亦 可 穩 佔 往 後 數 天 的 娛 樂 版 頭 條 ， 何 樂 而 不 為 ？

撰 文 ： 芒 姐



今年好似又加多o左幾個獎, 搞到我都一片混亂…即使睇埋佢個2007台慶網上投票名單, 都未必清楚邊個獎打邊個獎!

其實今年已經無咁熱衷去預測, 尤其d獎多到都唔知邊個打邊個…同埋都應該係“溏心”演員攞晒…我都無咩異議, 咁呢套劇又係今年最hit o既! 所以都廢事再分“我想”同“我估”兩part喇…如果唔係寫九年都未寫完!

“最佳”同“我最喜愛”基本上都唔知點分 (因為無可能係根據字面咁睇)…不過根據去年的經驗, 應該係“最佳”大d o卦? 如果唔係鄭嘉穎同佘詩曼都唔會叫“視帝視后”, 而馬浚偉就已經無咩人記得佢舊年拿過獎…!

最佳男主角&我最喜愛的電視男角色:

如無意外都係陳豪o架喇…原因同上! 雖然鮑鮑係做得好d, 不過今年陳豪個勢勁, 無綫擺明捧佢, 如果唔係都唔會特登揀套“通天幹探”o係呢段時間播! 攞唔攞到獎有好多因素, 各位電視迷都睇o左咁多年電視, 應該有d insights, 唔洗我解釋得咁清楚啦!

至於我好buy o既林峰…太早/太年輕攞呢個獎對佢o黎講都未必係一件好事…畢竟娛樂圈點都要講資歷, 年紀etc., 慢慢o黎累績多d經驗對佢有百利而無一害! 反正今年新加o個個“內地觀眾最喜愛tvb男藝人”, 我諗佢一定得…因為我知佢o係內地比香港人氣更更更強多百倍!

所以睇今年形勢, 我覺得都係陳豪機會最大…同埋佢觀眾都唔錯, 我都覺得佢幾好…不過我會喜歡佢做型男 (又或者係“妙手3”o個種好cool o既professional) 多過傻仔!

咁如果陳豪攞最佳, 應該都係夏雨攞我最喜愛啦嘛?!

最佳女主角&我最喜愛的電視女角色:

呢個真係唔洗講…實係大細契喇啩? 我相信無綫唔會再玩04年如妃大熱倒灶事件?! 如果唔係今次肯定更加俾人鬧爆! 無論“我想”或者“我估”都係佢o地啦…“溏心”效應又確係勁…雖然我又真係唔覺得套劇寫得特別好, 依然係婆婆媽媽咁…不過今年又的確係無一套戲氣勢可以媲美佢…套60集大劇“歲月風雲”以為勁o野點知滑鐵盧…應該都唔會有咩獎o架喇…!

大契攞最佳, 咁細契就攞我最喜愛…分得好“暈”呀! 不過其實細契個角色, 又點會係觀眾“最喜愛”呢? 但係又無理由俾最佳佢而大契攞最喜愛呀? 咁算啦…都係o個句: “皆大歡喜”算啦!

最佳男配角:

呢個獎又係同“飛躍進步男藝員”有d混淆o既…搞咁多個呢d獎, 真係一片混亂! 其實我最欣賞都係王祖藍! 不過佢又可能會攞“飛躍進步”機會大d…咁我估有可能係舅父波阮兆祥! 都係5-5波啦…因為“飛躍”o個邊好似都有好多無綫呢期力捧緊o既…好似amigo同貽興王…不過又咁, 無綫可能都係=懶係避嫌唔俾佢o地o既!

飛躍進步男藝員:

我想同我估都係王祖藍啦…理由上面已經講o左!

最佳女配角:

嘩…睇完個名單…真係好難揀得落手! 其實我係幾buy姚嘉妮o架, 不過佢唔會有機會攞, 同埋佢o係“舞動全城”表現又唔係特別突出! 應該都係法拉啦o卦?! 其他o個d都唔係佢對手…唔好話我聽係toby呀? 咁真係造得太明顯喇!

飛躍進步女藝員:

by elimination, 如果法拉攞“最佳女配角”, 咁斷估無綫唔會好似上年女主角獎咁玩“反高潮”俾佢起雙飛o卦? 聽聞徐子珊都係大熱, 不過如果陳豪攞視帝, 無綫俾廖碧兒攞呢個獎都唔出奇 (我當然唔係話廖碧兒未夠班, 而係佢已經超o左班, 嚴格o黎講同另外d候選者都唔同級數, 有d尷尬! 不過佢又係o個期d花旦之中唯一一個未攞過呢個獎 [唔計已經走o左o既葉璇啦, 本來佢02年都好有機會, 但係胡杏兒當年“流金”個角色又係出d o既!]…咁了o左佢個心願都好o既!)…君不見當年俾安仔同sammi一齊攞男女歌星獎引起o既迴響, 連我都o係電視機旁尖叫o左一陣子, 再成晚上網睇報導同埋討論區! 你未必會記得邊年有邊個歌手拿最受歡迎男女歌星, 但一定會記得02年頭的"廚房宣言"! 所以話, 又可以製造話題, 又可以成人之美, d fans又開心…何樂而不為呢?

好啦…我撐廖碧兒廖碧兒廖碧兒!!!

最佳節目主持:

我諗都係“味分高下” 庾澄慶同honey鄧健泓喇o卦?! 但聽聞肥姐又會出席, 話呢個獎都會俾埋佢…不過我都係估honey機會大d!

最佳劇集:

唔係唔係“溏心風暴”呀嘛?! 雖然我個人覺得“通天幹探”拍得幾好…有驚喜!

最佳綜藝資訊節目:

我鍾意“拾年”囉, “光影流情”其實都唔錯! 不過可能會係陳總主理o個個“向世界出發”…但係今年口碑差過第一輯好多…應該唔會俾o左“味分高下”o卦?! 佢應該攞“最具創意節目”機會大d! 我買“拾年”啦!

最具創意節目:

都係honey o既“味分高下”喇o卦?! 雖然“開心聊齋”同“森之愛情”都超級有創意…oh, 應該係有勇氣先o岩!

最佳宣傳片:

毫無頭緒, 全部都無咩印象…咁是但“歲月風雲 - 序幕篇”啦…應該幾grand o卦?

內地觀眾最喜愛TVB男藝人:

應該都係林峰喇o卦?!

內地觀眾最喜愛TVB女藝人:

我以為係佘佘, 但聽聞黎姿領先緊喎!

好…最後當然係歷年台慶回顧o既時間:

2006:

http://hejnom.blogspot.com/2006_11_09_archive.html


http://hejnom.blogspot.com/2006_11_13_archive.html


http://hejnom.blogspot.com/2006_11_19_archive.html


2005:

http://hejnom.blogspot.com/2005_11_19_archive.html


http://hejnom.blogspot.com/2005_11_20_archive.html


http://hejnom.blogspot.com/2005_11_21_archive.html


2004:

http://hejnom3.blogspot.com/2004_11_19_archive.html


http://hejnom3.blogspot.com/2004_11_23_archive.html


2003:

http://hejnom3.blogspot.com/2003_11_17_archive.html


http://hejnom3.blogspot.com/2003_11_19_archive.html


2002:

http://hejnom3.blogspot.com/2002_11_19_archive.html


http://hejnom3.blogspot.com/2002_11_20_archive.html

11-15(thurs) 電視風雲五十年

最後一個禮拜o既“再會歡樂今宵”終於從善如流, 真係cut晒d新人經典再重演環節, 淨係播舊片段, 抵讚!

近期忽然多o左好多回顧節目, 無綫40周年玩集體回憶, 點知亞視又同佢一齊玩埋一份, 搞o左個回顧50年電視史o既節目…“電視風雲50年”!!!

喂! 唔錯喎! 睇o左兩集, 雖然都唔係由節目一開始就睇, 因為根本唔知有個咁o既節目, 又無咩點宣傳, 只係撞彩o係禮拜日晚10點幾返到屋企, 睇到一半!

大家都知我一向鍾意睇回顧節目, 今次呢個節目仲要唔止係講atv, 仲講埋tvb, 係成個電視圈o既50年回顧…所以幾吸引! 上個禮拜第一集仲有一part係介紹d"老友記", 令人當年諗起K100的"唐樓"環節! 不過第二集又好似唔見有…定係我miss o左?!

第二個禮拜講男藝人o個集真係幾好睇喎…我居然好全神貫注睇晒成個節目…無睇睇o下走o左去上網或者搞呢樣搞o個樣! 呢d訪問節目其實好睇請d嘉賓請得好唔好, 即係適唔適合同埋佢o地肯唔肯講o野! 今集o個四位 = 盧海鵬, 梁思浩, 尹天照同埋詹秉熙, 除o左詹生, 其他三個講o野都幾大膽又幾抵死! 所以要讚一讚今集嘉賓真係請得好!

不過揀詹秉熙同阿照一齊訪問又係揀得o岩o既, 因為佢o地差唔多同期一個o係tvb, 一個就o係atv參加訓練班, 再第一套就擔正做男主角, 但之後際遇好唔同…所以諗到搵佢兩個一齊訪問又係絕!

知道今集訪問男藝員, 我已經o係度諗會唔會有我前偶像況天佑…點知真係有! 你見芒姐的profile都有quote佢, 就知道我真係曾經幾欣賞佢! 大家都聽過我當年幾咁迷“殭屍1”: 當時有一日居然 (其實唔係太“居然”o既…佢o係條街行有幾出奇呀? 都無人會理佢o架啦!) 俾我o係銅鑼灣見到尹天照…直頭想搵佢簽名, 不過最後都係無咁做到…之後仲不停咁俾人笑我偶像係尹天照添! 99年亞視個台慶頒獎禮見到殭屍全劇演員大獲全勝…真係開心o左好耐o架!

雖然近年佢形象麻麻, 但無可否認佢講o野真係幾好笑, 幾抵死…“殭屍”年代成日錄佢d訪問, 佢其實幾識講o野幾識搞氣氛, 萬綺雯都唔錯…所以希望下集可以請佢上o黎! 今集都係阿照講得最有趣, 無論係內容定說話個節奏 (哈哈…我都唔知幾時開始睇人做節目仲要要求埋呢d?)…無咩冷場同埋可以捉到人o地o既注意力…呢樣好重要! 可惜無論youtube定土豆都無人upload呢個節目, 無得同大家分享番, 只係搵到某d片段! 睇到佢同詹秉熙的大不同, 令人諗起a-level oral時的小組討論…有d組員有好多o野講, 有d就只係負責講o下: “I agree with you…”, 你想“giu”佢把口都“giu”唔開!

阿照o個隻就係比較簡而精, 即係可以剪出o黎做promo o個d…當年台慶佢o個句: “可以嘗試欣賞亞視o既誠意”就好精警, 亞視第二日即刻剪o左呢段o黎大肆宣傳…同埋係佢講呢句先特別有說服力, 因為佢o係亞視出身, 仲做o左好多年先拿到o個個男主角獎!

至於同佢o黎一個大contrast, 成個訪問夾埋都唔知知有無講過10句說話, 直頭好似無出現過咁o既詹秉熙, 又係一個經典…兩年前睇“刑偵”重播我曾經咁寫過佢:

最頂癮係有詹秉熙…佢呢廿年o黎都係唔知幾時出返o黎, 又唔知幾時消失o左…呢個cycle o係廿年o黎keep住發生! 最騎呢o既係佢居然係當年夥拍張曼玉做“劃出彩虹”o既男主角…但更騎呢o既係點解佢拍完呢套劇就無o左呢? 無線cast得佢做男主角, 一定覺得佢係得o架…點解呢套劇之後又忽然唔力捧佢呢? 睇到佢同拍檔張曼玉o係星途上o既重大差別…我都唔知佢當年拍o左套咁出名o既戲…係佢o既幸運定係不幸呢?!

其實我覺得當時捧佢做男主角又唔係特別出奇o既…無綫成日都係忽然間捧一個人o架啦, 一出就俾佢做男主角佢唔係第一個, 亦唔係唯一一個, 係唔明點解一做完會dup成咁 (定係都紅過一陣? 我都好似唔見佢八十年代仲有咩戲…到九十年代再見番佢做電視就已經變o左茄喱啡喇!), 阿照o係亞視有同樣經歷就話唔出奇o者, 因為亞視從來都係無完善制度, 一片混亂o架啦! 依家睇番當然覺得佢一出道就拍國際級巨星張曼玉係匪夷所思, 但其實張曼玉當時咪又係第一次拍劇o既新人, 大家咁高咁大, 只係之後際遇太唔同o者! 其實我又唔覺得佢o係o個套戲做得特別差, 亦唔見得張曼玉當時做得特別好...點解際遇會咁大差別呢? 其實佢當時都算ok靚仔…點解一d都紅唔起?! 但係套劇好紅o架喎!

不過可能睇佢同阿照呢part訪問都可以explain到少少…就係睇得出佢完全無爭勝心, 樣樣o野都是但啦, 既來之則安之…可能呢樣係o係娛樂圈最蝕底o既! 所以我一向我都鍾意睇訪問, 因為從好短o既訪問已經可以睇到一個人o既性格!

可能o係娛樂圈大起大跌係一個定律, 無得控制, 入得呢個圈就要有心理準備…所以d嘉賓大部份都話, 有得重頭揀過一定唔會入呢行, 正好等d發明星夢o既小朋友反思o下!

鵬哥話亞視d演員個個去到無綫都會大紅, 話好似佢o係“點解阿sir係隻鬼”裡面全部d學生轉投無綫後都紅o左…其實又好似唔係, 只係得陳錦鴻叫做紅到 (但係陳錦鴻本身就算o係亞視時都已經有人識, 同埋係主角中的主角, 即係男版關詠荷咁), 其他好似莫家堯, 駱達華肯定無紅到啦…o係亞視都叫做做主角, 去到無綫咁多年都係做大配角, 只係可能係多o左人識囉!

至於佢o地講無綫同亞視最大分別係“人情味”, 亞視溫情d, 無記就有系統d, 有制度d…其實呢個“無記亞記特色大比拼”已經講過好多次, 費事悶親大家, 未睇過的朋友可以睇番呢d有關兩台台慶節目的回顧就會知道我o既觀點…

atv: “歷年亞視台慶回顧”
tvb: “歷年無綫台慶回顧”


(電視風雲五十年…鵬哥+思浩)

最勁都係梁思浩的爆料…佢話當年試過俾一個成日同佢扮演兩兄弟的藝人一本“香港電視”飛埋塊面度, 再配以不堪入耳的語言一大堆…事緣當時香港電視本來搵佢個兄弟拍o左個封面, 點知過兩日就叫佢去拍, 咁佢唔知咩事又照拍啦, 點知最終登o左佢個封面出o黎…所以o個位兄弟就o係化妝間發lan jar!

好明顯係講緊溫兆倫啦…我之前又真係未聽過呢單新聞喎…真“背”! 上網搵o下, 居然搵到段咁o既新聞…哎呀! 齊浩男…你咁做又未免太無品, 令人太失望喇…枉我咁欣賞你o既“我本善良”! 不過當年的“陳梅馨事件”, 其實大家都知佢係咩人…難怪佢重返電視圈都無人肯撐佢, 撈極都撈唔起…同郭羨妮拍拖, 亦被視為女方人生一大污點, 成日俾人問佢點解會愛上溫兆倫 (雖然依家更多污點)…所以話, d明星你都係欣賞佢做戲算喇, 人品呢d o野, 好多時都係唔知好過知…

search到呢段: “第一套為人認識的電視劇是《城市故事》，當年因不滿梁思浩有機會拍《香港電視》封面，在化妝間拿書擲向「洗米華」。”

仲有梁思浩o係3周刊呢篇訪問都有提過…不過詳情就好似今次上“電視風雲”講得清楚d…3周刊呢篇訪問都值得睇o下o既, 因為以前都睇過洗米華o既訪問, 佢一生又係幾坎坷…同埋佢經歷o既, 真係比一般人多…睇完佢o既經歷, 應該都會覺得自己其實幾幸福!

********************************************


怪談 梁思浩

鬼神之說，古今中外，流傳已久！也許你我都不想撞鬼，但好奇之心人皆有之，不欲親眼見鬼，卻又忍不住探索鬼域奧秘。當上靈異節目主持的梁思浩，曾夜探台灣猛鬼地，拍下一團鬼影飄過，又在錄影廠布景板，遇過靈體現身背後。觀眾安坐家中，看他撞鬼，見他撞邪，不禁替他抹一把汗，又大呼過癮。

跟梁思浩做專訪，預了鬼話連篇，要他講恐怖經歷，他想也不想就說︰「恐怖過鬼！」有甚麼恐怖得過鬼？原來是醜惡的人性。

今天梁思浩不講鬼，大講人性醜惡一面，他口中的人，比鬼更猙獰。從小時候被雙親遺棄，寄養婆婆欲趕出家門，到娛樂圈的跟紅頂白，被朋輩藝人兜口兜面掟雜誌，甚至被無解除合約時，致電高層查問死因，對方回答︰「無原因！」，他都認為人比鬼更恐怖！

恨過父母，嬲過養母，怨過朋友，罵過樂易玲、陳志雲，他知道有怨有恨，一世也不會快樂，今天他選擇放低仇恨，還說︰「以前我驚人、唔驚鬼，家我人鬼都唔再驚。」「心善則到處天堂」，唔止劉德華咁講，梁思浩亦如此說。

靈異之事，無奇不有，還冥冥中有主宰。小時候的梁思浩，一天經過廟街，遇上一位高人，對方說︰「你冇父母，上天派你落，要你做一樣。」那時梁思浩不明所以，直到今天他有點領會，從他述說的經歷中，參透一切。

父母遺棄

梁思浩的父母，十來歲就結婚生子，由於二人年紀尚輕，當誕下思浩後，發現彼此性格不合，繼而斷絕夫妻關係。那時兩位年輕父母，不欲兒子阻礙前途，把他帶到寄養家庭，然後說︰「我有事，好快湊你走！」說完這句話，爸爸從此一去不返。之後梁媽媽從加拿大回港，要思浩跟新歡改姓，再把他帶回加拿大，怎料思浩一口拒絕，惹來媽媽狠心地拋棄，「我明明姓梁，點解要改姓，我死都唔肯，後來媽媽真係一去不返，丟低我畀無血緣婆婆照顧。」

父母沒有留下贍養費，令寄養婆婆十分生氣，「我好憎爸爸媽媽，點解佢唔負責任？一聲唔出一走了之，留低個包袱畀婆婆，時婆婆見我無錢，成日想趕我走，話我白食白住，好憎我。不過我無家可歸，如果佢趕我走，我一定要街。唔想做乞兒，我咪求佢囉，我話︰『我爭住你先啦！我唔會白食白住，第日我搵到錢，我會還畀你。』」

險做乞兒

十來歲，經歷過被父母遺棄，思浩見盡人性醜惡，但他還相信人間有情，相信父母不是狠心人。十五歲那年，有模特兒公司找他拍廣告，最後他決定當廣告明星，一來可以賺取生活費，二來又給父母贖罪空間，「我成日諗佢係咪唔認得我，所以佢搵唔番我呢？我諗我出鏡，佢就會認得我。我希望係我誤會佢，其實佢好想認番我。可惜到今時今日，佢都無出認我。」
思浩一直解不開這個結，甚至當他加入無後，有玄學家建議他改名，把梁思浩改成梁恩浩，就可以大紅大紫，但他寧願不紅，也不肯改名字，因為怕父母不認得他。

自幼讀天主教學校的思浩，仍然相信人間有情。80年代他正式加入無，在《城市故事》飾演洗米華，展開了銀色旅途，那時年紀尚輕的他，不懂世途險惡，縱使他懷有單純的心，也給別人誤作有機心，甚至給當紅藝人排斥，「娛樂圈係一個戰場，你一心當人係朋友，但當大家身處同一戰場，就會成為競爭對手，當大家有競爭性，你唔當人係敵人，人都視你為敵人。」

兄弟反目

要思浩找一個活生生的例子，他嘆了一口氣說︰「當年我有一個好朋友，大家感情好好，佢冇錢，我借佢，有錢兩分使，你話幾咁好。不過有次我分別去《TVB週刊》影相，後佢用我做封面，我重記得係第1036期，你知嗎？當年做到封面好犀利，代表你有一定位置，有得做封面喎，梗係好開心啦。點知我都未開心完，我朋友就衝入化妝間，將本《TVB週刊》掟落我塊面，然後好嬲咁話︰『你好！你使橫手呀，做封面啦！我唔信我唔夠你呢個口靚仔鬥。』嘩！冇利益衝突就係朋友，有利益衝突就係敵人，你話人性幾咁恐怖。」

翻查當年的娛樂版新聞，他與溫兆倫是難兄難弟，後來盛傳為了爭上位，導致兩人面和心不和，兄弟變仇人。追問梁思浩是否真有其事？是否他所說的兄弟變仇人？他卻不肯正面回應，只說︰「總之我視佢係好朋友！一直以來都無變過啦。」

無故被炒

遇上父母離棄、兄弟反目，還未見盡人性醜惡的一面。01年，傳出思浩得罪有勢力人士，需要被警方廿四小時保護，那段時間他居無定所，失去人身自由，甚至精神崩潰，除了行唔安食唔落，又失去了排尿功能，還差點中尿毒，需要插喉放尿。在極度恐慌之下，思浩找朋友傾訴，但人性可怕一面，又再令他膽怯，「段時間想搵朋友傾訴，咁咪打電話約朋友飲，點知對方一聽就話︰『嘩！你唔係靠害呀，你重叫我出，係咪想我死呀。』原來大難臨頭時，我約人飲，都叫做害人。」

03年，他走出可怖經歷的陰影後，隨即收到無的解僱信件，那時梁思浩有如晴天霹靂，「我無咁多年，一直都盡心盡力，佢要我做乜，我從來無推過。公司嫌我人工貴，我咪收少，共度時艱囉！咁多年，我自問無功都有勞，點解佢咁無情先？」

當年思浩對被炒摸不頭腦，為了解開心結，決定找出原因，「我唔想死得不明不白，咁咪打電話問陳志雲、樂易玲囉，只要佢畀一個原因我，我就走得甘心。當時我直接打電話畀樂易玲，但佢點都唔肯講炒我原因，於是我咪問︰『你係咪好憎我呀，如果你話好憎我，呢個都係一個原因。我只需要一個原因！』但佢只肯答我︰『冇原因！』」

無怨無恨

人比鬼更恐佈，思浩體會深刻。然而這幾年間，回頭再看往事，思浩有所領會，早就消清怨氣，放低仇恨。是甚麼點化思浩？他說得很玄妙，「重記得我講神算經歷嘛？佢話︰『你無父母，上天派你落，要你做一樣。』初頭我唔明，睇番以前經歷，漸漸有領會。父母遺棄我，令我同寄養婆婆生活，婆婆無兒無女，以前佢養大我，後來我養佢終老，佢臨終時曾經講︰『你係上天派天使！』呢句說話，即刻開竅，原來上天要我做孤兒，係要我照顧婆婆。另外，諗番成日逃亡段時間，如果我有父母，肯定嚇死佢，上天揀我去經歷，因為我經歷得起。又例如被無解約，佢唔迫我走，我唔會出去闖，家我得到，比無更多，講真！我真係要多謝樂易玲、陳志雲，我係真心咁講，唔係晦氣說話。」

以往他恨父母，怨沙煲兄弟，不滿樂易玲、陳志雲，現在他不對任何人心存憤恨，他希望做到天不怕地不怕，不怕人、不怕鬼。他說︰「上天有巧妙安排，唔到最後，唔知好壞。劉德華個手機廣告都有講啦，『心善則到處天堂』。」身處天堂，當然天不怕地不怕。

當思浩碰上志雲

我受過辦公室政治迫害，曾被八婆講是非中傷，對於害過我的人，我恨之入骨。思浩自稱已放低仇恨，原諒了他恨過的人，起初我不相信，因為我做不到。

訪問那天，思浩收到一個電話，然後躲在一旁密斟，其間隱約聽到《志雲上素》四字（陳志雲主持的訪談節目，請來有過節的藝人煮齋菜，以「上素」暗喻「上訴」！）問他是否被邀出席節目？他大方承認︰「佢係有搵過我！」記者一連串假設性問題，「你到時會唔會寸爆佢、質問佢？你咪可以趁機發洩怒氣囉？」怎料他心平氣和地說︰「如果我赴會，一定有火花，但唔係怒火，無晒仇恨啦。」心善則到處天堂，就算遇上恨過的人，同樣可以無怨無恨。

11-13(tues) 北漏洞拉

呢期最推介o既節目“新聞話事．人”一連四集話咁快就播晒...點解唔做多幾集? 不過見好就收到好o既, 反正愈唔夠喉先愈會懷念!

因為miss o左第三集, 所以想上網睇番, 好彩o係youtube搵到…原來袁志偉做o左無綫新聞部阿head…好耐無見, 真係老o左好多…不過個外型其實無咩變! 最記得係佢以前好似話係同“今生無悔”黎明個妹楊美儀 (即參選港姐時話係譚詠麟歌迷會會長o個個)拍拖?!

呢集內容都幾得意, 有講六四, 八/九十年代o既移民潮, 同埋曾經困擾香港人好多年o既越南難民問題…呢個topic連“今生無悔”都有花好大篇幅探討o下!



北漏洞拉…我們那一代香港人的集體回憶! 你未聽過? 恭喜你…咁即係你仲好細個!

北漏洞拉WIKIPEDIA…連“北漏洞拉”都有wiki, 都幾有趣! 其實wiki又係一項幾唔錯o既發明, 集思廣益…雖然偶然d資料係錯o既, 但大部份都幾準確, 仲係好detailed, 好有心:


“北漏洞拉（越南語：bắt đầu từ nay），有時亦作不漏洞拉，是1988年香港政府向越南船民播出的越南語宣傳聲帶頭四個音節，講述港府對越南船民已經實施甄別政策。廣播由公營的香港電台負責播出。廣播首尾兩端以粵語說明越南語內容，由香港播音藝員鍾偉明讀出。中段的越南語由一位當時即將被遣返回越南的船民讀出的。

由於該廣播的播放次數頻密（當時在該電台每小時整點新聞報道後播出），頭四個音節成為了不少香港人能背誦的越南語。在香港的電視節目推波助瀾之下，「北漏洞拉」有時會被用作對越南人的戲稱。

有記錄最早在電視節目出現以“北漏洞拉”作為對越南人的稱呼，始於1980年代晚間的合家歡節目《歡樂今宵》的一個環節。該環節由夏雨扮演立法局主席討論時弊。在環節接近完結時，經常都有一位演員在“旁聽席”內叫嚷，而這位演員則被“立法局主席”稱呼為“不樓豆拉”。後來有一次，兩批分別來自南、北越的船民在禁閉營內打鬥，電視台另外安排兩位演員，分別被稱為“不樓”及“豆拉”，在環節完結前“毆打”那一位經常搞事的演員。

這次事件之後，又有一次船民利用自製工具，把禁閉營的鐵絲網圍欄破壞，並透過破洞離開禁閉營。當時香港電台的電視節目《頭條新聞》把事發過程在電視上重播，並配以「不漏？（指禁閉營的保全）、洞！（鐵絲網被剪開了缺口）、拉！（警察拘捕逃走的船民）」等字幕。

之後《笑聲救地球》的環節《畢漏杜拉形象室》，以越南船民在香港經營髮型屋為題材，兩位角色亦稱為“畢漏”（胡大為飾演）與“杜拉”（廖偉雄飾演）。到後來香港政府實施強迫遣返措施，二人亦選擇回到越南生活。在笑聲救地球的最後一集，二人還合唱了一首講述船民如何投奔怒海的歌，名叫《請給我一天的光輝》。歌詞副歌亦加入了部份越南語(Xin Tra Dui)。

1990年代，正值香港移民潮的高峰期，不少香港人選擇離開香港到美、加等地移民或升學。由於過往媒體對這段錄音的抄作，使不少香港人在外國初次接觸越南裔移民時，第一句說話就是“北漏洞拉”，因為他們以為「北漏洞拉」在越南語的意思就像「sawadeeka」在泰語的意思近似，是一種打招呼的說話。初時，他們的奇怪見面語曾經使不少人感到一頭霧水，但隨著這片段的意思開始透過網絡流傳，不少越南人會覺得這樣對他們的稱呼具冒犯性。後來，當地的越南裔移民亦向比較相熟的香港移民解釋這段說話的意思，並著他們回到香港後向其他人解釋。所以，現時在香港已很少人再這樣說了。

2000年代初期，越南料理開始在香港流行，當時有一家越南餐館亦以“不漏洞拉，風味絕佳”這句口號作為食店的招徠。這個廣告亦曾在《宣傳易》中偶爾出現過。

2003年，香港受到沙士肆虐，搞笑組合軟硬天師的葛民輝便把該段廣播改成「越南政府已向香港疫民實施隔離政策」，並模仿越南語音調讀出，幽默一番。

2007年4月，大快活快餐店為宣傳餓冧(越南語：好食)生熟牛河，「北漏洞拉」口號再次出現於廣告中。

呢段“北漏洞拉”錄音當時hit到咩地步呢? 我本人就試過同我表姐錄起呢段錄音, 一齊逐句聽番然後以廣東話拼音筆錄落o黎…其間不停play不停pause, 都真係好落力o下…可惜依家份手稿唔知擺o左o係邊! 小朋友係咁無聊o架啦…不過其實我覺得幾好玩, 亦為我曾經咁有為過感到驕傲!

好彩…有人幫我完成o左呢個壯舉…雖然無譯晒, 但都唔錯啦…


(北漏洞拉 - 那劣執行大行動)

仲有葛民輝的“SARS搞笑版本”…又係抵死!

粵語廣播：一入就拉，疊起一堆，莫問到越南，驗疫執行大行動。唔理肥瘦，請勿進越南，遵守入境奉告，強闖者入境隨時係咁大，帶銀來入境照烹，藏匿者將公刊樣貌，發現會被控，兼大碌竹蹦，傳播者被監禁，之後照踢出越南！

中文廣播：進者即捕，再疊起來。莫問到越南，驗疫執行大行動。不論身材，請勿進越南，遵守入境奉告，強闖者入境隨時會死，將錢帶入境內照樣格殺勿論，藏匿者將被公諸於世，被發現者會被檢控，再施以軍棍之刑。疫症傳播者會被監禁，之後再照樣趕出越南！

11-10(sat) 歡樂今宵團圓夜

禮拜六晚EYT40年o個個“歡樂今宵團圓夜”咁先似番d樣o架嘛…好心一早搞o下呢d聚舊晚會, 睇呢d精彩片段, 見番老臣子咪好囉…搞埋d每晚“再會歡樂今宵”經典再重演環節, 真係搵o黎搞!


(聽番呢個版本o既“歡樂今宵”主題曲, 令人感觸良多, 諗起快樂的童年, 細個時要睇完“歡樂今宵”先肯做功課 [不過呢段日子唔係維持o左好耐!]…都係o個句: 回憶總是美好的!)

真係唔係想話咩都彈一餐, 亦唔係話唔俾你做番呢個咁經典o既節目, 畢竟大家都不得不承認, “歡樂今宵”絕對係香港電史上最經典節目之一, 亦都曾經有一段好光輝o既時刻…但係播o下舊片, 搵d舊人返o黎“歡歡樂樂, 笑笑談談”咪好囉…整咩要搵d新人重演經典片段, 吃力不討好, 有興趣睇“再會歡樂今宵”o既, 都一定係以前睇過“歡樂今宵”同埋愛懷舊o既人, 年青人一定唔會睇…咁大家睇得o既, 都係想睇番d舊片段, 懷o下舊, 見番d舊人…邊個會想睇你d新人阿李思欣, o靚妹, 張美妮etc重新演繹d經典環節先得o架?! d師奶連佢o地個名都未o翕得出啦…!

不過公平d講句, 呢個節目近兩個禮拜真係進步o左, 當然經典再重演環節依舊係悶, 但都偶有佳作…王祖藍扮pizza姐o個集“八卦法庭”幾好笑…佢先係新一代可造之材…好放, 好笑, 基本上係見到佢個樣已經想笑…同埋其實安德尊, 阮兆祥扮o野都唔差o既!

但點都係呢個“團圓夜”精彩d, 因為真係可以見番好多舊人…我就當然係對八十年代o個班特別深刻, 因為o個排睇得最多“歡樂今宵”, 七十年代o個d我真係唔多識…戚美珍, 陳敏兒, 狄波拉, 麥麗虹 (後來叫麥景婷), 吳麗珠, 大姐明, 盧david, money, 葉尚華, 劉雅麗, 江欣燕, english tang, 賈思樂, 吳君如, 曾華倩, 張兆輝, 黎海珊, 陳秀珠…見到好多細個睇開的青春少艾姐姐變成中年女士, 歲月係不留人, 不過大部份以佢o地o既年紀算keep得好好!

見到咁多EYT老臣子又的確係好感動…因為呢個節目總會陪伴過你或我, 甚至你我阿爸阿媽成長…除o左九十年代出生的一群 (八十年代出生但好遲先識睇電視o個批或者都無咩睇過呢個節目o既…), 好唔好彩, 佢o地只有機會睇到97年或者01年o個年翻生版騎呢“歡樂今宵”…又的確已經唔係o個回事!


(90年代的新歌詞版本“歡樂今宵”主題曲)

好簡單一個show, 其實已經可以好令人感動, 唔需要好似“奀星賀台慶”搞咁多花臣呀!

咁多個環節當中最精彩當然係money姐o既軟骨功…原來廿年前佢已經表演過一次, 我細個時又真係未睇過喎, 今次係第一次睇, 真係嘆為觀止…企o係電視機旁邊睇到目定口呆, 名副其實“O”晒咀!!! 廿年前做到已經係勁啦…廿年後你都做到先至超勁嘛! 日日練yoga都未必得啦! 嘩! 我真係有o係電視機前面為你喝采o架! 好勁…衷心覺得好勁!!!

秋官同欣宜兩父女合唱o個段都幾溫馨…同埋揀“天涯孤客”呢隻歌唔錯, 我鍾意! 欣宜個樣真係幾似肥姐…同埋點解佢翻肥番咁多?! 睇番佢同秋官合唱時後面播o既片段又係慘o既…咁多年o黎合照都咩無幾張, 一路都淨係播番欣宜o岩o岩出世佢o地一家三口上EYT o個段片, repeat又repeat…就係得咁多!



救命! 你話我偏見啦…但係阿叻的扮o野功力+唱功真係…哎! 點解每個禮拜都有佢表演一次? 佢扮林子祥真係…我諗你求其搵阮兆祥都扮得好過佢! 戚美珍扮徐小鳳就差好遠, 得喎…佢好似又好樣番d喇喎, 同埋至少唱都唱得好聽d! 點知後尾阿叻又就出o黎一齊唱…破壞晒! 戚美珍唱“風的季節”, 台下d舊同事拍和…好似去o左學校的40周年晚會, 見番d舊朋友好開心咁!

呢d先係精彩節目呀嘛…播呢個show咪有口碑囉…做咩每晚要做“再會歡樂今宵”整臭個朵?! 睇番呢個show感慨萬千, 你細個睇開o個d藝員, 依家個個都有番咁上下…搞到人好想即係去睇番晒八十年代d台慶或者大show, 同依家o個d真係好唔同, 無得比!

不如睇o下呢d經典片段好過啦…

“歡樂今宵”-盧海鵩扮白雪公主…呢個都幾好笑…淨係睇盧海鵩個樣已經笑死…有無人知係邊年o架?! 就算係扮七個小矮人o既都做得幾好…同依家d藝員比, 根本就唔係o個回事, 以前d EYT藝員o既喜劇感同臨場反應都差好遠, 仲有d幕後班底都強好多…依家真係亂咁o黎!



仲有呢段…翁美玲玩遊戲@歡樂今宵”

11-9(fri) 今期流行獨自去kowloon

近期雜誌d標題幾精彩, 尤以“情場老千千千嬅”呢個標題改得最好…勝在夠響嘛, 係咁“千千”聲! 娛樂新聞呢d o野, 最緊梗要娛樂性啦…有幾多成真又有幾多人關心呢?! 仲有, “楊古丁”呢個名又係改得唔錯! 另一單話蔡少芬戀上男裝版陳法蓉, 戴o左個黑框眼鏡就變o左“男人”?! 又係搞笑…有創意, 我鍾意…因為我都愛蔡一智!

前vrf o個位丁子高先生…當年已經覺得佢個英文名real超趣緻, 其實有幾real呢? 仲有佢個隊友個名仲趣緻, 叫raul…個名居然讀成“ra-ooo”, 又係得意! 真係咩名都有!

亦今人諗起佢阿哥丁子峻, 同埋“百份百感覺”裡面o既“1996年o既coca cola”…嘩哈哈哈哈哈! 有無人知我講咩?!

o個時好鍾意睇呢套戲, 係我唯一一套入戲院睇o左兩次o既戲, d演員我好鍾意, 成套戲感覺好young, 好fresh, 好型, d歌又好好聽 (尤其係sammi隻“不拖不欠”同“問我”), 套戲仲好好笑 (鄭伊健真係做戲好過唱歌好多), d對白超抵死 (又或者係好o岩我o地o個個age group啦! 依家d人睇番又可能覺得好老套!)…連sammi同gigi去傾偈o個個銅鑼灣pokka, 我咁多年來直到依家都成日去 (其實唔係太關佢o地事o既, 係我一路都覺得o個度感覺好舒服), 不過裝修o左幾十次之後已經無咁好…拍戲o個時個裝修好似舒服d!

今期流行楊古丁, 特登摷番當年好鍾意o係k跟住跳跟住笑o既“今期流行”o既舞步…係繼“獨自去kowloon”之後另一經典之作 (“獨自去kowloon”有炒餸同埋踩“甲由”[仲係唔識打!]動作, 而呢隻“追命林琴”就有頭痛時抹窗+用手發蛋+頭頂求簽的啜咳舞步…邊個編舞o既我要俾十個爆笑公仔佢!)…好鍾意, 超爆笑, 拍得住張如城小朋友o既“真愛是真”…每次都睇得人好開心!



噢…真係oh my god喇! 估唔到我會搵到“獨自去偷歡”o既片段…之前搵o左好多次都搵唔到, 近期終於有朋友upload o左…真偉大! 我想同大家分享呢d經典舞步好耐! 編舞o個個又係應記一功…至少過o左15年, 大家都一定記得呢d經典舞步! 睇番段片, 原來兩首歌的舞步其實幾相似, 又係有[手禁]實個頭抹窗同切菜等動作…不過呢首仲勁, 一連串舞步無停過…我推介呀! 同埋其實劉華都跳得不太差呀!

o個排真係好興咩都跳一餐…所以o個幾年叱吒軟硬成日扮四大天王o既舞步! 連歌神張學友d歌都要加入動作, 好似“愛火花”, 仲有leon o既“sayonara…啊!”, 城城當然就有最經典的…當時3歲小朋友都識得跳o既“對妳愛~愛~愛~不完”…仲有華仔另一隻“你震撼我的心靈”的動作都係令人“O”晒嘴!

(獨自去偷歡 @ 1992 勁歌金曲第四季季選) )

前兩日睇“勁歌金曲”, 點解仲係鄧健泓做主持o既?! 又話暫代amigo…佢都爬完雪山咁耐, 點解仲唔俾番佢做o既?! 係咪無得做啦?! oh…原來patrick做埋呢期o既“勁歌推介”添…真係好over!

仲有個樂壇新人萱寧, 上次我睇“翡翠歌星賀台慶”已經想講o架喇…佢好熟面口呀!!! 好似98年一隊曇花一現o既女子組合“sisters” o既其中一員...不過今次係個妹囉! 兩年前見到kellykackie個經理人, 覺得佢好似“sisters”o個個家姐, 今次係個妹! 有無人知道我講邊隊組合? 我o係網上係完全搵唔佢o地o既資料, 但真係有d似囉…呢…佢o地98年翻唱過溫拿隻“sha-la-la”, 同埋有首歌叫“設計圖片”都幾好聽! 有無人可以解開我呢個疑團呢?! 腥橋腥橋!

嘩! 原來今年台慶又有多個選舉, 係咩qq網“內地tvb最喜愛藝人選舉”, 好似仲係林峰領先添…整咩今年加o左咁多獎o架?!

仲有, 唔知大家有無睇過前兩日“娛樂直播”羅嘉良o既訪問?! 好搞笑…搞笑在葉翠翠o既表現, 我諗佢真係好仰慕撈家, 當佢神咁拜…佢講咩佢都雙眼發亮係咁“嘩! 嘩! 嘩!”…我衷心覺得佢真係好仰慕佢+好開心+好興奮而唔係擦鞋喎…所以好搞笑!

11-6(tues) eason’s moving on stage 1 concert

上個禮拜六去o左睇呢期好hit o既陳eason演唱會, 但中途hup o左兩o下眼瞓…絕對唔係佢個演唱會唔好睇, 而係我真係好眼瞓, 連坐o係餐廳都hup著o左一陣…真係sorry呀, eason!

事緣o個朝早晨咁早起身去撐朋友場, 但之前o個晚又瞓唔著, 所以只係瞓o左兩個幾鐘, 撐到下午已經好頂唔順! 不過有“意外收穫”…就係o係o個度見到大契司棋姐! 我初時仲諗係咪拍緊“溏心2”添…不過後來醒起都未開拍! 本來想去叫同佢影張合照, 但我驚佢話: “呢度係法庭, 要講證據, 你係人係鬼我都未分得清!”同埋其實去搵人影相呢家o野好唔係我個style, 仲要係人o地私人時間…無謂啦!

記得兩年前同一個情況下, 我都邀請o左一位身份比較特別的朋友o黎, 點知真係有人搵佢影相…超級odd, 雖然佢應該唔介意, 但我有d唔好意思! diaryland時期讀者又好記性的話, 應該知係我講緊咩事, 又或者會記得11月19號除o左係無綫台慶, 對我本人o黎講亦都係一個好特別的日子…所以我深信我同tvb係有d緣份o既!

點知之後一行落報攤, 就見到明周封面大契話如果今年拿唔到視后會有d尷尬, 搞到我有d後悔無去預祝佢拿今年視后添…可惜!



講番eason個演唱會, 都幾好睇, 又唔係話出奇勁好睇, 我諗最貼切o既comment應該係: as expected啦! 佢歌藝就唔洗講啦, 原來除o左唱歌得, 舞都跳得唔錯喎! 表演都算幾多元化, 不過正如報章所講, 換衫又真係換得耐o左d (其實我睇o個日已經快o左, 第一日應該真係幾慢), 其實唔洗換咁多啦, 都唔係睇佢d衫, 同埋間場d片段有d悶…不過都ok o既! 至於個台, 其實我個人覺得有d似梅姐最後個show個舞台, 尤其堂樓梯…不過我以為大部份三面台都係咁, 點知後來同個friend講起, 佢話原來有好多人都咁講…不過都幾grand!

當然一如其他演唱會, 我最鍾意都係佢唱舊歌o個part…都話人到o左某個年紀就最鍾意懷舊 (呢度d朋友叫我唔好再話自己老, 如果唔係會得罪好多人…所以我話到o左某個年紀啦~~), 不過其實我11,12歲已經愛懷舊, 成日都o係到諗前年今日我做緊d咩咩咩咁…我不嬲都係少年早熟!

eason唱番華星 (係, 又係華星! 原來我不知不覺間變左華星fan屎我自己都唔知添!) 年代的歌曲, 好似“我的快樂時代”, “與我常在”, even唔係主打o既“黃金時代”, “反高潮”都好熟悉, 正如佢所講, 唔知點解呢兩首歌都咩點無plug, 但係99年第一次演唱會 (即903同佢搞o個個…我都有特登走去睇! 當年叱吒好似搞o左個選舉, 話咁多個年青歌手你最想佢o地幫邊個o係紅館搞第一個演唱會, 最終係eason勝出…不過另外幾位包括楊千嬅, 謝霆鋒, 梁炳, 盧巧音同埋梁詠琪都有得搞, 只係唔係o係紅館o者! 跟住o係年尾o個陣仲有六個join埋一齊o既“六神合體演唱會”, o個時我都有去睇, 好支持呢d叱吒搞o既拉闊concert…不過o個次經歷o左“好勝gigi俾人噓到九彩事件”…係我去咁多次呢d concert最深刻o既!), 大部份人都識晒呢d歌! 可能因為佢o個隻“我的快樂時代”o既碟當時都幾hit, 同埋903係咁力谷佢, d年青人就最受903影響o架啦!

o個隻“我的快樂時代”大碟又係幾得o既, 但當中我最鍾意o既歌反而係第二plug“我甚麼都沒有”…好可惜今次無唱到! 佢咁多年o黎咁多隻hit歌, 唔知點解, 我都依然係最buy呢隻, 好係佢個style (我個人亦都係最鍾意華星年代的他), 又可能因為呢隻碟我真係聽o左好多次啦!


(我甚麼都沒有)

以前有傳聞話佢阿爸買落好多佢o既碟送俾人, 我可以證實…呢個傳聞係真o既, 因為我都收過一隻…就係呢隻“我的快樂時代”(當然唔係佢阿爸俾我, 係同學的爸爸的朋友o個隻啦…都要好多謝呢位同學送呢隻eason簽名cd俾我…我都好珍而重之o架, 依家睇番就更加巴閉啦)!!! 再之前佢第一/二隻大碟都有o架, 不過o個時無人肯要…真係可憐! 其實我都鍾意“時代曲”同埋“與我常在”…但唔知點解o個時又無話想要佢隻碟喎?! 到呢隻碟時佢開始多人留意o左 (當然我o個時係因為留意千嬅所以都留意埋佢, 因為佢兩個成日孖住出show+拍戲, 同埋我一向都好buy華星o既新人, 通常新秀出身o個d…都幾值得欣賞! 華星真係幾得o既, 尤其係捧新人…佢真係似一間學校多過唱片公司!), 仲有佢同千fa+梁炳+hocc都有份演出的“烈火青春”, 我都有特登走入戲院捧佢o地場! 同埋我比較鍾意佢o個時個形象, 好似乾淨企理d, 後來有d不修篇幅…!


(98年“我的快樂時代”eason親筆簽名cd…我覺好囂張囉!)

o個日去唱k睇到梁炳06年一個演唱會, 見番華星三寶重聚合唱“大激想”…真係好感動! 雖然成日覺得係無幾耐之前, 但原來都已經都9年! 當年三個我都幾buy o架! o個時好鍾意跟住佢o地o係度: “想唔想話想就想, 唔想無得想”…


(大激想@梁漢文2006我愛廚房演唱會)

8年前…


(1998大激想mv)

梁炳又係慘o既…o個時佢以大哥身份帶住千嬅同eason, 後尾都無人記得佢先係師兄, 比兩位後輩超越o左佢…佢兩個都先後拿過男女歌手獎, 但係梁炳反而無機會! 佢o地兩個o岩o岩出道時, 梁漢文已經拿金曲, 但咁多年浮浮沉沉…除o左03年“七友”o個期上o左一陣, 跟住又跌番落o黎…其實94年“纏綿遊戲”同埋96, 97“呼吸”, “好朋友”o個期都ok o既…但每次上完一陣又跌番落o黎, 其實以佢o既條件應該紅o左好耐…真係一命二運三風水!

(陳奕迅同楊千嬅對對方o既睇法…其實佢o地有無公開承認過佢o地o既關係? 我記得佢o地初出道時我好似o係雜誌睇過, 不過o個時佢o地未紅, 可能無人記得啦!)

摷番d舊cd, 原來我都曾經擁有唔少千嬅的cd, 以我後期好少買cd o黎講, 比例算好多…仲要有幾本佢d純影集添!

11-4(sun) 2007翡翠歌星賀台慶

嘩! 今年真係史上最弱卡士o既歌星賀台慶, 唔係話要好似91年第一次舉辦咁強, 但你真係唔好太弱呀, 直頭個個都唔俾面, 得小貓三四隻! 報紙話今年係“翡翠奀星賀台慶”…都算啜咳!以前爭到排第一行都笑三日啦, 依家根本就無人稀罕, o黎都唔肯o黎!

雖然有老一輩歌手阿lam, 杜麗莎, 細契, 阿倫, 仲有個唔知點解咁多年都咁鍾意出歌星show但又超級唔唱得o既阿叻, 但係現伇一線o既差不多個個都無o黎, 女歌手keep到個千fa同容祖兒都已經算好好, 不過連hocc都唔見埋, 本來咁多年來女歌手卡士一向弱男歌手幾班 (因為從來當紅男歌手都係多過女歌手, 可能因為世上女fan屎多d, 所以男歌手自然紅d, 同埋女歌手好多時紅一陣又寧願選擇結婚生仔, 所以香港樂壇一向都係紅男多於紅女), 但係今年女歌手卡士出奇地同男歌手唔係差太遠!

男歌手淨係得古巨基叫一線, 華仔, eason, 安仔, 梁炳全部唔見人…本來以為克勤都無o架喇, 點知佢個仔早o左出世, 佢又真係好識do喎, 果然係無綫契仔…咁識俾面, 抵tvb照佢o既! 畢竟娛樂圈都係一個俾面派對, 何況係tvb! 你唔俾面, 頒獎禮都唔洗玩啦! 卒之今年變o左新人歌手大對決! 二or even三線歌手都無咩邊個o黎…方力申, fiona, kary, 王菀之o個d都唔係叫紅o架喇, 但起碼o翕得出名o既都唔o黎…剩番全部都係差d o翕唔出名o既新人! 每個三,四線歌手都可以擔成兩part, 好忙囉…都咪話唔勁!


(都係再睇多次我最鍾意o既91年罷啦…oh, 原來有近期好紅o既”味分高下”哈林我都唔知點!)

其實每年都係男歌手表現好好多, 但又要懶係輪流贏! 今年俾男歌手冧庄, 可能都真係俾人話得太多, 內定就係人都知 (舊年我親耳聽佢o地rehearse埋添), 但係唔好太明顯都ok啦…畢竟大家都知道呢d比賽係一場遊戲o者!

一開場兩隊懶係唱歌互片o個度, 只可以用“一片混亂”o黎形容, 好似無練過咁!

o個個玩碌柱係咩項目o黎o架…咁都可以登大雅之堂o既?! 校長又幾應棍, 話佢o地一定係o係灣仔練o左好耐…係, 我相信正如關心妍所講, 佢o地係練得好辛苦, 但what’s the point? 邊個諗呢個項目出o黎o架? 吃力不討好, 練到周身瘀晒但感覺好cheap…求其跳o下舞打o下鼓o個d咪算囉!

好似細契同衛蘭鄭融唱o個part咪ok囉, 好睇過玩柱…不過衛蘭o既表現真係令人失望, 佢話晒被labelled為唱家班, 但頭兩隻歌真係唱得好差, 鄭融都好過佢! 不過佢同盧婉茵真係好似樣, 下年應該搵佢同衛詩加盧婉茵搞個母女孖女合唱團!

孫耀威又係慘, 要夾eo2跳舞, 咁佢梗係被比下去, 身型又矮一截, 跳舞又點都唔夠佢o地…但係每part都焗住要有一個紅d o既帶住其他幾個, 可惜佢又relatively最唔跳得! 真慘!

張敬軒同鄧健泓o個段雌雄莫辨都幾好睇…張敬軒扮女人真係幾得, 上年又係靠佢反串比較出位, patrick拍埋佢度無論唱功定扮相都被比下去!

打木琴o個part真係好雞, 尤其stephy玩最易o個part, 打個最簡單o既鼓都成個人硬+呆晒咁, 眼神唔知望o左去邊…我諗佢都係去番拍戲, 音樂o個方面佢真係毫無天份!

坦白講, 今次台慶楊千嬅o既唱功真係有顯著進步喎, 前幾年o既表現真係令我有d失望!

其實簡簡單單o既歌舞咪最好睇囉…eo2, 林峰, 鄭融, hotcha一齊跳o個段扮番80/90年代d已經消失了的歌手 (張立基, 葉玉卿, 張衛健, even echo都有) o既舞步咪幾好睇…簡單就是美! 不過個人認為真係唔好再要林峰做歌星show喇…上次同英皇歌手一齊做回歸show已經好格格不入, 今次又係…佢又唔識人, 好可憐咁…同佢o係平時台慶o既表現好唔同, 好孤獨咁, 我諗佢自己都唔想去!


(這個台風不太難)

阿叻同志偉唱歌o個part直頭唔洗講…搵o黎搞, 又係自暴其短的一大例子! 不過可能呢個係阿叻o黎做領隊定whatever (唔知佢個title)的條件o卦? 佢咁鍾意唱歌俾大家聽…但佢又唔諗o下大家真係幾咁怕聽佢唱歌! Do姐講得好o岩, 佢o地真係應該向我o地觀眾道歉, 因為呢一part真係好可怕! 同埋阿校長又真係太多人生攻擊喇, 以前o個d男女兩邊求其鬧o下咪算囉…今次over左…長期好似鬧交咁!

仲有, 要講多次, 無o左一字排開雞尾歌環節真係最可惜…呢part係最可以分辨到歌手o既高下, 連陳奕迅當年都甩過嘴, 要入o翕key又要入o翕拍子, 的確係好難o既…因為每一段歌都可能會轉o下key!

今年個show同埋卡士都真係好差呀…上年已經衰o架喇, 但都叫做有黎劉兩位天王聚首作為一個gimmick…今年真係咩都無! 仲有, o個d懶係巧立名目的環節名, 真係爛得很…什麼“熱情的三個”,“非一般赤裸”, “我愛一支pole”, “迷人兵lady”,“這個台風不太難”…好難受!

反而2005年停辦o左8年第一次做番o個屆幾ok, 好多歌星都俾面出席, 仲有四虎重聚, 都叫做有d gimmick呀! 今年又再次去番96,97年“食之無味, 棄之可惜”o既階段…cut佢又唔係, 做出o黎又俾人噓! 今年咁遲先宣傳呢個節目, 可能本來真係搵唔到人參加諗住cut o左佢, 後來先局住做!

停辦之前的最後一屆 (97年), 其實都係弱o架喇…不過依家睇番咪ok d囉, 畢竟十個新人裡面, 十年後總有一個半個紅o左o卦? 千嬅當年都仲係跟o係後面玩o下遊戲咁…重辦時已經做隊長喇…


(97翡翠歌星賀台慶)

翡翠歌星賀台慶回顧:


2006-11-17(fri) 2006翡翠歌星賀台慶+回顧


2006-11-15(wed) 2006翡翠歌星賀台慶前傳…


2006-2-7(tues)2005翡翠歌星賀台慶


(2005年呢段hocc x eason的tap dance都唔差呀!)


(又或者1994年呢段估人都幾好玩…)

11-3(sat) 苗僑偉@志雲飯局

前個禮拜去睇“兄弟”…當然主力係為o左睇四虎, eason同佢o地一齊, 無可否認係有d格格不入o既…同埋佢同苗僑偉o既年紀真係相差太遠…做“父子”適合d!

三哥依然係型, 但亦都無可否認, 佢真係唔細…本來講緊佢o地童年, 跟住轉眼間 (即係好似粵語長片裡面影一影d流水, 代表過o左18年o個隻)到o左現在…o個兩兄弟長大成人…但係, 居然係變o左三哥…sorry, 雖然我buy三哥, 但我感覺上係變o左50年後囉…感覺太怪! 但更怪o既係飾演佢細佬o既係eason…點解唔係劉華?! 同埋, 點解靖哥哥黃日華依家搞到要做人條“o靚”…真可憐!

呢排有好多人向我推介三哥o個集“志雲飯局”, 話好好睇! 尤其係講番佢當年o既好拍檔翁美玲o個part喎…終於o係youtube搵到, 又真係幾好睇, 三哥真係講到想喊咁! 亦都clarify左d o野, 幫佢個好兄弟湯鎮業平反o左少少!


(苗僑偉@志雲飯局- Part 5, 6, 7…講五虎的關係同埋佢o既最佳拍檔翁美玲)


(苗僑偉@志雲飯局Part 6)


(苗僑偉@志雲飯局Part 7)

兩年前因為寫
“八十年代的美麗傳說-TVB當家花旦”, 做資料搜集時睇o左好多關於翁美玲自殺o既資料…唔知道background o既朋友可以重溫番o下先…因為我相信細過我, 甚至同我差唔多年紀o既朋友都唔了解呢件事, 因為o個時真係太細…相信要七十年代初出生的朋友先會記得呢件事…雖然我都好深刻, 因為受我當時好喜歡的表姐 (而佢又好喜歡翁美玲) 影響! 不過我都要睇番先記得d前因後果:


2005-7-23(sat) "八十年代的美麗傳說-TVB當家花旦"之"你是八十年代"


2005-7-24(sun) "八十年代的美麗傳說-TVB當家花旦"之翁美玲


2005-7-26(tues) 翁美玲之死


2006-3-14(tues) 楚留香之蝙蝠傳奇


2006-3-22(wed) 八十年代的回憶…三哥+etv

睇完三哥段訪問, 更加confirm o左我之前o既諗法, 其實翁美玲o既死真係未必關湯鎮業事, 唔係話完全唔關, 但絕對唔可以話係湯累死翁, 可能翁真係只係一時睇唔開, 甚至好似三哥咁講係想激o下佢男朋友, 點知陰差陽錯卻鑄成大錯…其實湯o既傷心唔會比任何人少, 同埋佢之後背上o既罪名再加上廿年後都活o係“累死o左萬人迷”的陰影之下, 其實都幾慘!

三哥話佢同湯鎮業當時直頭失去理智, 想盡辦法想令翁美玲翻生, 又搵道士招翁o既靈魂上o黎…其實湯鎮業當時都好傷心, 同埋感覺都幾情深義重呀!

睇完三哥講番阿翁的死, 唔知點解令人諗起“天師執位”o既經典片段, 佢兩個輪流扮紙紥公仔…真係邪到爆 (佢死後d報章就當然係咁講有幾邪啦!)! 呢個scene細個時都覺得幾係驚o架! 依家睇仍然係有d寒! 不過呢套劇又真係好好睇…重播都睇過n次, 係百看不厭!


(天師執位經典一幕…仲有好好聽的主題曲 “誰可改變”…但係驚o既朋友請勿看!)


(仲有呢段“苗翁配”, 整得好有心! 阿翁真係好靚, 三哥亦都真係好有型 [不過依家老o左好似仲型d! 有成熟的魅力…男人同女人真係永遠無公平!], 佢o地真係好襯囉…雖然高度差成呎, 但又真係出奇地合襯…話佢o地係八十年代其中一對最經典o既螢幕情侶, 一定無人會反對!)

11-1(thurs) 超級電視迷goes to…

“超級電視迷大挑戰”答案揭曉喇…得到o既feedback係d問題太難, um…我都覺得係o既! 不過都有幾位電視迷答到, 仲要只係錯兩/三題…真係好勁! 不過第34題“《少年五虎》誰飾演健仔？”個個都答d) 鄭敬基, 我o地o既標準答案係b) 蘇永康…鄭敬基會唔會係演阿強呀? 搞到我都有d懷疑添…?!

其實三位都係名副其實的超級電視迷, 不過根據遊戲規則, 勝出o既係答o岩38題又先留言的“匿名”朋友!!! 勁! 你就是今屆電視迷中的電視迷喇! 恭喜晒! (請鼓掌!!!)

Question #1
在75年小品劇《相見好》中，主角小夫妻由哪一對演員飾演？
c) 于洋、李琳琳

Question #2
在《上海灘》一劇中，哪位飾演趙雅芝同學兼死黨?
d) 莊文清

Question #3
以下哪位沒有參演劇集《五虎將》？
a) 劉德華

Question #4
王菲在《壹號皇庭II》中的英文名是?
b) Mandy

Question #5
在《大時代》中，唐寧曾飾演誰人的童年角色?
d) 吳詠紅

Question #6
在《飛越十八層》結局中，苗僑偉和戚美珍最後憑哪句說話相認？
d) 高爭鞋跌落水

Question #7
《十月初五的月光》中，誰人飾演佘詩曼的同學?
b) 汪琳

Question #8
《香港八Ｘ》中，阿萍的第一個男朋友是由誰飾演？
c) 苗僑偉

Question #9
除了《溏心風暴》外，夏雨和李司棋還曾在哪套劇集中飾演夫妻？
c) 香港蛙人

Question #10
以下誰人沒有參與《淘氣雙子星》的演出?
d) 葉世榮

Question #11
《季節》中媽打總共生了幾個仔女？
b) 四個

Question #12
《義不容情》中溫兆倫用什麼方法殺死邵美琪？
d) 推落火車跌死

Question #13
在《楚留香之蝙蝠傳奇》中，誰飾演原隨雲女友?
b) 周秀蘭

Question #14
《新紮師兄》中誰人飾演『好姐』？
b) 關禮傑

Question #15
《他來自江湖》中，黃秋生的女朋友由誰飾演？
a) 梁芷珊

Question #16
《IQ成熟時》內莊靜而劇中的花名是什麼？
d) 花洒

Question #17
《楚河漢界》中誰飾演虞姬？
c) 陳玉蓮

Question #18
《火鳳凰》中鄭裕玲的職業是什麼？
c) 律師

Question #19
《香城浪子》中黃日華的口頭禪是什麼？
d) 吹乒乓

Question #20
溫兆倫在以下哪一套劇集中不是飾演奸角？
a) 我本善良

Question #21
在《播音人》一劇中，秦煌賣咩維生?
b) 飛機欖

Question #22
以下哪個女演員無參與《妙手仁心III》?
c) 鄧萃雯

Question #23
《馬場大亨》中黃日華的馬名字是什麼？
d) 發夢王

Question #24
劉華版《神鵰俠侶》中誰飾演郭襄？
c) 黃曼凝

Question #25
黎明沒有演出以下那套劇集?
d) 義不容情

Question #26
《楊家將》中，楊六郎由誰飾演？
b) 劉德華

Question #27
《山水有相逢》中黃錦燊有什麼壞習慣？
c) 爛賭

Question #28
《香港八Ｘ》中，覺悟恩居於哪裡？
b) 長洲

Question #29
關詠荷和歐陽震華在以下哪套劇中不是飾演情侶？
a) 金裝四大才子

Question #30
在《逐個捉》一劇中，林嘉華的職業是甚麼?
c) 武打演員

Question #31
以下哪位不是《天地豪情》中的死難者？
d) 雪妮

Question #32
宣萱曾參與以下哪一套劇集的演出?
d) 壹號皇庭IV

Question #33
以下哪位曾客串《衝上雲霄》?
b) 陳奕迅

Question #34
《少年五虎》誰飾演健仔？
b) 蘇永康

Question #35
在《婚前昏後》中，黃[金己]瑩的職業是?
a) 地產經紀

Question #36
《執到寶》中馮淬帆的職業是什麼？
c) 電車司機

Question #37
《流氓大亨》中，萬子為什麼要大叫：「So What？」
b) 鄭裕玲昏迷不醒

Question #38
在《O記實錄》中，黃日華與郭可盈的關係是?
a) 舊同學

Question #39
朱茵在《都市的童話》的結局是?
a) 化成泡沫

Question #40
以下哪位演員未曾飾演過黃蓉？
d ) 汪明荃



睇“東張西望”話原來tvb同56.com有個“tvb40年最經典男女藝人”選舉, 暫時排名top 5 o既男女藝人係:

男: 1. 古天樂, 2. 劉德華, 3. 周星馳, 4, 歐陽震華, 5. 羅嘉良
女: 1. 宣萱, 2. 佘詩曼, 3. 黎姿, 4. 趙雅芝, 5. 蔡少芬

我個人認為呢個賽果有d出人意表, 唔係話佢o地無代表性, 其實呢十位我大部份都好buy, 如果你話選近十年我都認同係佢o地, 但係題目係“40年最經典男女藝人”…又無可能係佢o地o卦? 點都係發哥, 阿姐, even萬子o個d啦…不過或者再年長d o既fan屎根本都唔會投票啦…! 但係如果最終都係呢個賽果, 又係有些少奇怪囉!

o個日睇“娛樂直播”, 原來加入o左陳芷菁, 都好呀…起碼佢壓到d台, 可以帶住班港姐妹妹仔!


(張如城 - 真愛是真)

oh, 仲有, 前幾日去唱k, 無啦啦搵番幾年前“紅極一時”的張如城小朋友d歌…佢又係經典, 都係一個“集體回憶”, 不過係無幾耐之前o者! 當年好鍾意唱佢o地歌, 真係笑爆嘴…仲要係自己填詞…佢真係好趣緻的一個小朋友! 仲有d mv拍攝手法同埋佢d台風動作…真係唔知想點?! 本來差d忘記o左呢位經典的小朋友, 好彩唱k搵番佢d歌…呢首“真愛是真”係得o既, o個句: “forever…sure forever”我就最鍾意! 好得呀!

另一首“愛意”又係過癮…好跳躍呀佢! 佢o個句“東方之珠”用國語, 但“真美麗”居然又變番廣東話…真係估佢唔到! 跟住o個句“令你令你”令人諗起“相逢何必曾相識”, 仲有“今天今天星閃閃…”添…hohoho! 笑死我!


(張如城 – 愛意)